24
1 ဒီးတၢ်နီၤဖးစီၤအၤဟရိၣ်အဖိခွါတဖၣ်န့ၣ်, စီၤအၤဟ ရိၣ်အဖိခွါမ့ၢ်စီၤနၤဒာ်, စီၤအဘံဟူၤ, ဒီးစီၤအလၤဧစၢ်, ဒီးစီၤအံသမၢ်လီၤ.
2 ဒီးစီၤနၤဒာ်, ဒီးစီၤအဘံဟူၤသံဝဲလၢအပၢ်အမဲာ်ညါ, ဒီးအဖိတအိၣ်ဘၣ်. ဒီးစီၤအလၤဧစၢ်, ဒီးစီၤအံသမၢ်န့ၣ် မၤပှၤလုၢ်တၢ်အဒိၣ်အတၢ်လီၤ.
3 ဒီးစီၤစၤဒိးလၢ စီၤအလၤဧစၢ်အဖိခွါအကျါဒီး စီၤအ ဃံၤမ့လ့းလၢစီၤအံသမၢ်အဖိခွါအကျါန့ၣ် စီၤဒၤဝံးနီၤဖး အီၤဒ်အတၢ်မၤအလီၢ်အသိးန့ၣ်လီၤ.
4 ဒီးပှၤအခိၣ်လၢ စီၤအလၤဧစၢ်အဖိခွါအကျါန့ၣ် အါ န့ၢ်ပှၤလၢစီၤအံသမၢ်အဖိခွါအကျါတက့ၢ်လီၤ. ဒီးတၢ် နီၤဖးအီၤလၢ စီၤအလၤဧစၢ်အဖိခွါအကျါန့ၣ်ပှၤအပၢ်အ ဟံၣ်ခိၣ်တဆံဃုဂၤ, ဒီးလၢစီၤအံသမၢ်အဖိခွါ အကျါ ဃိးဂၤ, ဒ်အပၢ်အဟံၣ်အသိးန့ၣ်လီၤ.
5 ဖးတၢ်သတးဒီး, တၢ်နီၤဖးအဝဲသ့ၣ်တတီၤဒီးတတီၤ လီၤ. အဂ့ၢ်ဒ်အံၤ, တၢ်အလီၢ်စီဆှံအပဒိၣ်, ဒီးယွၤအပ ဒိၣ်န့ၣ်မ့ၢ်ပှၤလၢ စီၤအလၤဧစၢ်အဖိခွါအကျါ, ဒီးလၢ စီၤအံသမၢ်အဖိခွါအကျါလီၤ.
6 ဒီးပှၤကွဲးလံာ်စီၤနၤသန့လးအဖိခွါ စီၤၡမါယၤလၢပှၤ လ့ၤဝံဖိအကျါတဂၤ ကွဲးဝဲလၢစီၤပၤ, ဒီးပဒိၣ်ဖးဒိၣ်တ ဖၣ်, ဒီးပှၤလုၢ်တၢ်အဒိၣ်စီၤစၤဒိး, ဒီးစီၤအ့ဘယၤသၢ်အ ဖိခွါစီၤအဃံၤမ့လ့း, ဒီးလၢပှၤလုၢ်တၢ်အဒိၣ်, ဒီးပှၤလ့ၤ ဝံဖိအပၢ်တဖၣ်အခိၣ်သ့ၣ်တဖၣ်အမဲာ်ညါလီၤ. တၢ်ဟံး န့ၢ်ပှၤအပၢ်အပှၤဟံၣ်ဖိလၢ စီၤအလၤဧစၢ်အဂီၢ်, ဒီးဟံး န့ၢ်လၢစီၤအံသမၢ်အဂီၢ်လီၤ.
7 တၢ်ဖးအခီၣ်ထံးဟဲထီၣ်လၢ စီၤယဟိယၤရံာ်အဂီၢ်, ခံမံၤတမံၤလၢစီၤယဒါယၤအဂီၢ်,
8 သၢမံၤတမံၤလၢစီၤ ဃၤရံၣ်အဂီၢ်, လွံၢ်မံၤတမံၤလၢစီၤစဧိရံၣ်အဂီၢ်,
9 ယဲၢ်မံၤ တမံၤလၢစီၤမၤလကံယၤအဂီၢ်, ဃုမံၤတမံၤလၢစီၤမံယ မံၣ်အဂီၢ်,
10 နွံမံၤတမံၤလၢစီၤဟးကိးအဂီၢ်, ဃိးမံၤတမံၤ လၢစီၤအဘံယၤအဂီၢ်,
11 ခွံမံၤတမံၤလၢစီၤယ့ၤရှူအဂီၢ်, ဆံ ဆဲၣ်မံၤတမံၤလၢစီၤၡကါနယၤအဂီၢ်,
12 တဆံတၢမံၤတ မံၤလၢစီၤအ့လယၤၡံာ်အဂီၢ်, တဆံခံမံၤတမံၤလၢစီၤယၤ ကံၣ်အဂီၢ်,
13 တဆံသၢမံၤတမံၤလၢစီၤဃူးပၤအဂီၢ်, တဆံ လွံၢ်မံၤတမံၤလၢစီၤယ့ၤရှ့ၤဘအာ်အဂီၢ်,
14 တဆံယဲၢ်မံၤ တမံၤလၢစီၤဘံလကၤအဂီၢ်, တဆံဃုမံၤတမံၤလၢစီၤအံး မ့ၢ်အဂီၢ်,
15 တဆံနွံမံၤတမံၤလၢစီၤဃ့စံၢ်အဂီၢ်, တဆံဃိး မံၤတမံၤလၢစီၤဟဖံးစ့းအဂီၢ်,
16 တဆံခွံမံၤတမံၤလၢစီၤပ သၤဃယၤအဂီၢ်, ခံဆံမံၤတမံၤလၢစီၤယဃ့းစက့လးအ ဂီၢ်,
17 ခံဆံတၢမံၤတမံၤလၢစီၤယၤကံၣ်အဂီၢ်, ခံဆံခံမံၤတ မံၤလၢစီၤကမူလးအဂီၢ်,
18 ခံဆံသၢမံၤတမံၤလၢစီၤဒလါ ယၤအဂီၢ်, ခံဆံလွံၢ်မံၤတမံၤလၢစီၤမၤဧါစယၤအဂီၢ်လီၤ.
19 အန့ၣ်မ့ၢ်တၢ်နီၤဖးလၢအတၢ်မၤအကျါ ဒ်သိးအကဟဲ နုာ်လၢယွၤအဟံၣ်ဒ်တၢ်စံၣ်ညီၣ်အသိးန့ၣ် လၢအပၢ်စီၤ အၤဟရိၣ်အစုဖီလာ်, ဒ်ယွၤအံၣ်စရ့လးအကစၢ်မၤလိာ် အီၤအသိးန့ၣ်လီၤ.
20 ဒီးလၢတၢ်အိၣ်လီၤတဲာ်လၢ စီၤလ့ၤဝံအဖိခွါအဂ့ၢ်အ ကျိၤန့ၣ်, လၢစီၤဧၤမရၣ်အဖိခွါအကျါ, စီၤရှူဘအ့လး, လၢစီၤရှူဘအ့လးအဖိခွါအကျါစီၤယ့ဒယၤလီၤ.
21 လၢစီၤရဃါဘယၤ အဂ့ၢ်အကျိၤန့ၣ် လၢစီၤရဃါဘ ယၤအဖိခွါအကျါအခီၣ်ထံးမ့ၢ်စီၤယံးၡံယၤလီၤ.
22 လၢပှၤယံးစဟၢ်ဖိအကျါန့ၣ် စီၤၡလိမိး, လၢစီၤၡလိ မိးအဖိခွါအကျါန့ၣ်စီၤယၤဃးလီၤ.
23 ဒီးစီၤဃ့ဘြိၣ်အဖိခွါမ့ၢ်စီၤယရံယၤ, စီၤအမၤရယၤခံ ဂၤတဂၤ, စီၤယၤဃစအ့လးသၢဂၤတဂၤ, ဒီးစီၤယကၤ မၣ်လွံၢ်ဂၤတဂၤလီၤ.
24 စီၤဧူးစံအ့လးအဖိခွါမ့ၢ်စီၤမံၤကါ, လၢစီၤမံၤကါအဖိ ခွါအကျါန့ၣ်စီၤၡၤမံၢ်လီၤ.
25 စီၤမံၤကါအဒီပုၢ်ဝဲၢ်မ့ၢ်စီၤယံးၡံယၤ, လၢစီၤယံးၡံယၤ အဖိခွါအကျါန့ၣ် စီၤစကၤရယါလီၤ.
26 စီၤမရၤရံၤအဖိခွါမ့ၢ် စီၤမးဃလံဒီးစီၤမူၡံၤလီၤ. စီၤ ယဧၤစံယၤအဖိခွါမ့ၢ်စီၤဘနိၤလီၤ.
27 စီၤမရၤရံၤအဖိခွါလီၤစၢၤလၢ စီၤယဧၤစံယၤမ့ၢ်စီၤဘ နိၤ, ဒီးစီၤၡိဟၣ်, ဒီးစီၤစးကူၢ်, ဒီးစီၤဧံဘြံၤလီၤ.
28 ဒီးစီၤအလၤဧစၢ် လၢအလီၤစၢၤလၢ စီၤမးဃလံန့ၣ် အဖိခွါတအိၣ်ဘၣ်.
29 လၢစီၤကံၣ်အဂ့ၢ်အကျိၤန့ၣ် စီၤကံၣ်အဖိခွါမ့ၢ် စီၤယ ရၤဃမအ့လးလီၤ.
30 ဒီးစီၤမူၡံၤအဖိခွါမ့ၢ် စီၤမးဃလံ, ဒီးစီၤဧ့ဒ့ၢ်, ဒီးစီၤ ယရံမိးလီၤ. အဝဲသ့ၣ်တဖၣ်န့ၣ်မ့ၢ်ပှၤလ့ၤဝံဖိအဖိခွါတ ဖၣ်ဒ်အပၢ်တဖၣ်အဟံၣ်အသိးန့ၣ်လီၤ.
31 အဝဲသ့ၣ်တဖၣ်န့ၣ် ဖးတၢ်ဒ်သိးသိးဒီး အဒီပုၢ်ဝဲၢ်စီၤ အၤဟရိၣ်အဖိခွါတဖၣ် လၢစီၤပၤဒၤဝံး, ဒီးစီၤစၤဒိး, ဒီး စီၤအဃံၤမ့လ့း, ဒီးပှၤလုၢ်တၢ်အဒိၣ်, ဒီးပှၤလ့ၤဝံဖိအပၢ် တဖၣ်အခိၣ်အမဲာ်ညါ, ပှၤအပၢ်တဖၣ်အခိၣ်ဒ်သိးသိး ဒီးအပုၢ်တဖၣ်န့ၣ်လီၤ.