22
1 ဒီးစီၤဒၤဝံးစံးဝဲဒၣ်, အဝဲအံၤမ့ၢ်ကစၢ်ယွၤအဟံၣ်, ဒီး အဝဲအံၤမ့ၢ်တၢ်လုၢ်လီၢ်မ့ၣ်အူလၢအံၣ်စရ့လးအဂီၢ်လီၤ.
2 ဒီးစီၤဒၤဝံးမၤလိာ်ဝဲဒ်သိး ပှၤကဒုးအိၣ်ဖှိၣ်ရိဖှိၣ်ပှၤတ ခီဘီမုၢ်ဖိလၢအအိၣ်ဝဲလၢကီၢ်အံၣ်စရ့လးအပူၤလီၤ. ဒီး ပာ်ပှၤမၤတၢ်ဖိလၢလၢၢ် ဒ်သိးအကစိးပျၤလၢၢ်လၢအက သူၣ်ယွၤအဟံၣ်အဂီၢ်လီၤ.
3 ဒီးစီၤဒၤဝံးကတဲာ်ကတီၤထးအါအါကလဲာ် လၢပဲတ ရီအတြဲၤအထးပနဲာ်တဖၣ်အဂီၢ်, ဒီးလၢတၢ်အဆၢတ ဖၣ်အဂီၢ်, ဒီးတိၢ်အါအါကလဲာ်လၢတၢ်လီၤတယၢၢ်တ အိၣ်ဘၣ်,
4 ဒီးသ့ၣ်ဆှိအ့ရ့းအါအါကလဲာ်လီၤ. အဂ့ၢ် ဒ်အံၤ, ပှၤစံဒိၣ်ဖိ, ဒီးပှၤအိၣ်ဝဲလၢစိၢ်ပူၤတဖၣ် ဟဲစိာ် သ့ၣ်ဆှိအ့ရ့းအါအါကလဲာ်ဆူစီၤဒၤဝံးအအိၣ်လီၤ.
5 ဒီးစီၤဒၤဝံးစံးဝဲဒၣ်, ယဖိခွါစီၤၡလိၤမိၤ မ့ၢ်ပှၤဖိၣ်သၣ် ခွါဒီးဘီၣ်စၢ်, ဒီးဟံၣ်လၢပဘၣ်သူၣ် လၢယွၤအဂီၢ်န့ၣ် ဘၣ်အိၣ်ဒီးအမံၤ, ဒီးအလၤအကပီၤအဒိၣ်အထီလၢက ယဲၢ်ထံကယဲၢ်ကီၢ်လီၤ. ယကကတဲာ်ကတီၤတၢ်ခဲက နံၣ်အံၤလၢအဂီၢ်လီၤ. ဒီးစီၤဒၤဝံး တချုးသံဒံးဘၣ်ဒီး, ကတဲာ်ကတီၤတၢ်အါအါကလဲာ်လီၤ.
6 ဒီးကိးန့ၢ်အဖိခွါစီၤၡလိၤမိၤ, ဒီးမၤလိာ်အီၤ, ဒ်သိးအ ကသူၣ်ဟံၣ်လၢယွၤအံၣ်စရ့လးအကစၢ်အဂီၢ်လီၤ.
7 ဒီးစီၤဒၤဝံးစံးဘၣ်စီၤၡလိၤမိၤ, ယဖိခွါဧၢ, ယဲဒၣ်အံၤ တၢ်အိၣ်ဝဲလၢယသးကံၢ်ပူၤ လၢယကသူၣ်ဟံၣ်တဖျၢၣ် လၢယွၤယကစၢ်အမံၤအဂီၢ်လီၤ.
8 ဘၣ်ဆၣ်ဒီးယွၤအက လုၢ်ဘၣ်ယၤ, ဒီးစံးဝဲဒၣ်, နလူလီၤတၢ်သွံၣ်အါအါက လဲာ်, ဒီးဒုးသုးတၢ်ဖးဒိၣ်တဖၣ်လီၤ. နတဘၣ်သူၣ်ဟံၣ် တဖျၢၣ်လၢယမံၤအဂီၢ်ဘၣ်. အဂ့ၢ်ဒ်အံၤ, နလူလီၤတၢ် သွံၣ်အါအါကလဲာ် လၢဟီၣ်ခိၣ်အဖီခိၣ်လၢယမဲာ်ညါ လီၤ.
9 ကွၢ်ကွၢ်, နဖိခွါကအိၣ်ဖျဲၣ်လၢနဂီၢ်တဂၤလၢအ ကကဲထီၣ်ပှၤအိၣ်ဘှံးဖိ, ဒီးယကဒုးအိၣ်ဘှံးအီၤလၢအ ဒုၣ်အဒါအိၣ်ဝးတရံးအီၤခဲလၢာ်လီၤ. အဂ့ၢ်ဒ်အံၤ, အမံၤ ကမ့ၢ်စီၤၡလိၤမိၤ, ဒီးယကဟ့ၣ်လီၤတၢ်ဃူတၢ်ဖိး, ဒီး တၢ်အိၣ်ဘှံးလၢ အံၣ်စရ့လးလၢ အမုၢ်နံၤတဖၣ်အပူၤ လီၤ.
10 အဝဲဒၣ်ကသူၣ်ဟံၣ်တဖျၢၣ်လၢယမံၤအဂီၢ်, ဒီး ကကဲထီၣ်ယဖိခွါ, ဒီးယဲဒၣ်ယကကဲထီၣ်အပၢ်, ဒီးယ ကဒုးအိၣ်ဂၢၢ်ဆိးကျၢၤအဘီမုၢ်အလီၢ်ပစိာ် လၢအံၣ်စရ့ လးအဖီခိၣ်လီၤထူလီၤယိာ်လီၤ.
11 ခဲကနံၣ်အံၤယဖိခွါဧၢ, မ်ယွၤအိၣ်ဒီးနၤ, ဒီးဒုးဘီၣ် ထီၣ်နၤတက့ၢ်. ဒီးသူၣ်ယွၤနကစၢ်အဟံၣ်, ဒ်အကတိၤ တၢ်ဒီးနၤအသိးန့ၣ်တက့ၢ်.
12 ထဲယွၤဟ့ၣ်လီၤနၤလၢတၢ် ကူၣ်သ့, ဒီးနသူၣ်ဆးနသးဆး, ဒီးမၤလိာ်နၤလၢအံၣ် စရ့လးအဂ့ၢ်အကျိၤ ဒ်သိးနကတိၢ်န့ၢ်ယွၤနကစၢ်အတၢ် သိၣ်တၢ်သီန့ၣ်တက့ၢ်.
13 တုၤနုၤတစုနမ့ၢ်ပလီၢ်နသးဒ် သိးနကတိၢ်န့ၢ်တၢ်သိၣ်တၢ်သီ, ဒီးတၢ်စံၣ်ညီၣ်လၢယွၤ မၤလိာ်စီၤမိၤရှ့ လၢအံၣ်စရ့လးအဂ့ၢ်အကျိၤဒီး, နက ဘီၣ်ထီၣ်ညီထီၣ်လီၤ. တံးတဟီၣ်ဒီး ပာ်ဆူၣ်နသးတ က့ၢ်. ပျံၤတၢ်တဂ့ၤ, ဘၣ်ယိၣ်တၢ်တဂ့ၤ.
14 ဒီးကွၢ်ကွၢ်, လၢယတၢ်ကိၢ်တၢ်ဂီၤအပူၤန့ၣ်ယကတဲာ် ကတီၤလံလၢယွၤအဟံၣ်အဂီၢ်, လၢထူအကံကၢ်တက လီၤ, ဒီးစ့အကံကၢ်တကကွဲၢ်, ဒီးတိၢ်, ဒီးထးန့ၣ်တၢ် လီၤတယၢၢ်တအိၣ်ဘၣ်. အဂ့ၢ်ဒ်အံၤ, အိၣ်ဝဲအါအါက လဲာ်လီၤ. ဒီးယကတဲာ်ကတီၤလံသ့ၣ်ဒီးလၢၢ်, ဒီးနက ပာ်ဖှိၣ်အါထီၣ်ဒီးအီၤလီၤ.
15 ဒီးပှၤမၤတၢ်သ့ အိၣ်ဝဲဒီးနၤအါဂၤ, ပှၤစိးပျၤတၢ်ဖိ, ဒီးပှၤမၤတၢ်လၢလၢၢ်သ့, ဒီးလၢသ့ၣ်သ့, ဒီးပှၤကူၣ်တၢ် သ့အကလုာ်ကလုာ်လၢတၢ်မၤကိးမံၤဒဲးအဂီၢ်လီၤ.
16 ထူဧိၤလွဲဧိၤ, ဒီးကျိၣ်ဧိၤစ့ဧိၤ, ဒီးတိၢ်ဧိၤပှာ်ဧိၤ, ဒီးထး ဧိၤတြၤဧိၤန့ၣ်အတၢ်ဂံၢ်တအိၣ်ဘၣ်, ဂဲၤဆၢထၢၣ်ဒီးမၤ တၢ်တက့ၢ်. ဒီးမ်ယွၤအိၣ်ဒီးနၤတက့ၢ်.
17 ဒီးစီၤဒၤဝံးမၤလိာ် ကယဲၢ်ပှၤအံၣ်စရ့လး အပဒိၣ်ဖး ဒိၣ်တဖၣ်ဒ်သိးအကမၤစၢၤ အဖိခွါစီၤၡလိၤမိၤ, ဒီးစံးဝဲ ဒၣ်,
18 ယွၤသုကစၢ်အိၣ်ဒီးသုတမ့ၢ်ဘၣ်ဧါ. ဒီးဒုးအိၣ် ဘှံးသုဝးတရံးတမ့ၢ်ဘၣ်ဧါ. အဂ့ၢ်ဒ်အံၤ, ဟ့ၣ်လီၤပှၤ ကီၢ်ဖိလၢယစုပူၤ, ဒီးပှၤကီၢ်ဖိဃၣ်ဝဲလၢယွၤအမဲာ်ညါ, ဒီးလၢအပှၤဂီၢ်မုၢ်အမဲာ်ညါလီၤ.
19 ခဲကနံၣ်အံၤ, ပာ်သုသးဒီးသုသးသမူဒ်သိး သုကဃု ယွၤသုကစၢ်တက့ၢ်. ဒီးဂဲၤဆၢထၢၣ်, ဒီးသူၣ်ကစၢ်ယွၤ အလီၢ်စီဆှံဒ်သိးသုကဟဲစိာ် ယွၤအတၢ်အၢၣ်လီၤအီလီၤ အတလါ, ဒီးယွၤအဃၢၤအဃိၢ်စီဆှံ ဆူဟံၣ်ပူၤလၢပှၤ ကသူၣ်ဝဲလၢယွၤအမံၤအဂီၢ်တက့ၢ်.