11
1 ဒီးအံၣ်စရ့လးခဲလၢာ် အိၣ်ဖှိၣ်ရိဖှိၣ်ဆူ စီၤဒၤဝံးအ အိၣ်, ဆူဃ့ဘြိၣ်, ဒီးစံးဝဲဒၣ်, ကွၢ်ကွၢ်, ပမ့ၢ်နဃံ, ဒီးန ညၣ်လီၤ.
2 ဒီးလၢထံးလၢမကိာ်လၢစီၤစီလူးကဲစီၤပၤန့ၣ်, နမ့ၢ်ပှၤလၢအလဲၤဆှၢထီၣ်, ဒီးဟဲဆှၢနုာ် အံၣ်စရ့လး, ဒီးယွၤနကစၢ်စံးဘၣ်နၤ, နကအံးက့ၤကွၢ်က့ၤယပှၤဂီၢ် မုၢ်အံၣ်စရ့လး, ဒီးနကကဲထီၣ်အံၣ်စရ့လးအခိၣ်လီၤ.
3 ဒီးအံၣ်စရ့လး အပှၤသူၣ်က့သးပှၢ်ခဲလၢာ် ဟဲဆူစီၤ ပၤအအိၣ်လၢဃ့ဘြိၣ်အပူၤ, ဒီးစီၤပၤဒၤဝံးအၢၣ်လီၤအီ လီၤတၢ်ဒီးအီၤလၢဃ့ဘြိၣ်အပူၤ လၢယွၤအမဲာ်ညါ, ဒီး အဝဲသ့ၣ်ဖှူစီၤဒၤဝံးလၢစီၤပၤ လၢအံၣ်စရ့လးအဖီခိၣ်, ဒ် ယွၤအကလုၢ်ကထါလၢ စီၤၡမူၤအ့လးအစုပူၤအသိးန့ၣ် လီၤ.
4 ဒီးစီၤဒၤဝံး, ဒီးအံၣ်စရ့လးခဲလၢာ် လဲၤဝဲဆူယရူၤၡ လ့ၣ်, အဝဲန့ၣ်မ့ၢ်ယဘူၣ်, ဖဲပှၤယဘူၣ်ဖိ, ပှၤကီၢ်ဖိအိၣ်ဝဲ လီၤ.
5 ဒီးပှၤယဘူၣ်ဖိစံးလၢစီၤဒၤဝံး, နတဘၣ်ဟဲနုာ် ဖဲအံၤဘၣ်. ဘၣ်ဆၣ်ဒီးစီၤဒၤဝံးမၤန့ၢ်စံယိၣ်အတိာ်လီၤ. အဝဲန့ၣ်မ့ၢ်စီၤဒၤဝံးအဝ့ၢ်လီၤ.
6 ဒီးစီၤဒၤဝံးစံးဝဲဒၣ်, ဖဲဒၣ်ပှၤလၢအကျီကွံာ်ဆိ ပှၤယ ဘူၣ်ဖိ, ကကဲထီၣ်တၢ်အခိၣ်, ဒီးပဒိၣ်ဖးဒိၣ်လီၤ. ဒီး နီၢ်စရူယၤအဖိခွါစီၤယိၤအာ်လဲၤထီၣ်ဘးဆိ, ဒီးကဲထီၣ် တၢ်အခိၣ်လီၤ.
7 ဒီးစီၤဒၤဝံးအိၣ်ဝဲဆိးဝဲလၢ တိာ်ပူၤလီၤ. မၤသးဒ်န့ၣ် ဒီးပှၤယုၢ်အမံၤလၢ စီၤဒၤဝံးအဝ့ၢ်လီၤ.
8 ဒီးစီၤဒၤဝံးတ့ ဝ့ၢ်ဝးတရံးဝဲ, လၢမံးလိၤဝးတရံးဝဲ, ဒီးစီၤယိၤအာ်မၤက့ၤ တၢ်လၢအအိၣ်လီၤတဲာ်လၢဝ့ၢ်န့ၣ်လီၤ.
9 ဒီးစီၤဒၤဝံးလဲၤတၢ်, ဒီးဒိၣ်ထီၣ်, ဒီးတၢ်သုးမုၢ်အယွၤ အိၣ်ဝဲဒီးအီၤလီၤ.
10 အဝဲအံၤ မ့ၢ်ပှၤအဆူၣ်လၢ အအိၣ်ဒီးစီၤဒၤဝံးအခိၣ် တဖၣ်န့ၣ်လီၤ. ပှၤလၢအပာ်ဆူၣ်ထီၣ်အသးဒီးအီၤလၢ အဘီအမုၢ်အပူၤ, အိၣ်ဒီးအံၣ်စရ့လးခဲလၢာ်, ဒ်သိးအ ကပာ်အီၤလၢစီၤပၤ, ဒ်ယွၤအကလုၢ်ကထါလၢအံၣ်စရ့ လးအဂ့ၢ်အကျိၤအသိးန့ၣ်လီၤ.
11 ဒီးအအံၤမ့ၢ်ပှၤအဆူၣ် လၢအအိၣ်ဒီးစီၤဒၤဝံးအတၢ်ဂံၢ်, ပှၤဃၤကမိၣ်ဖိစီၤယၤ ၡဘၣ်, ပှၤသၢဖုအခိၣ်တဂၤလီၤ. အဝဲဒၣ်န့ၣ်ယူာ်ထီၣ် အဘီထီဒါပှၤသၢကယၤ, ဒီးမၤသံအီၤတဘျီဃီလီၤ.
12 ဒီးလၢအလီၢ်ခံန့ၣ်ပှၤအဃိဃးဖိ, စီၤဒိဒိၤအဖိခွါ စီၤအလၤဧစၢ်တဂၤ အိၣ်ဝဲလၢပှၤဆူၣ်သၢဂၤအကျါလီၤ.-
13 အဝဲဒၣ်အိၣ်ဒီးစီၤဒၤဝံးဖဲ ပၤစဒၤမံၣ်, ဒီးပှၤဖလ့ၡသးဖိ အိၣ်ဖှိၣ်ရိဖှိၣ်ဖဲန့ၣ် ဒ်သိးအကဒုးတၢ်ဖဲဟီၣ်ခိၣ်အကဝီၤ အိၣ်ပှဲၤဝဲဒီးဘုမုယီၤ, ဒီးပှၤဂီၢ်မုၢ်ဃ့ၢ်ဝဲလၢပှၤဖလ့ၡသး ဖိအမဲာ်ညါလီၤ.
14 ဒီးအဝဲသ့ၣ်န့ၣ် ပာ်ဆၢထၢၣ်အသး လၢတၢ်အကဝီၤအသးကံၢ်ပူၤ, ဒီးမၤပူၤဖျဲးတၢ်, ဒီးကျီ ကွံာ်ပှၤဖလ့ၡသးဖိ, ဒီးယွၤအုၣ်က့ၤခီၣ်က့ၤတၢ်လၢတၢ် အုၣ်က့ၤခီၣ်က့ၤဖးဒိၣ်လီၤ.
15 ဒီးပှၤသၢဂၤလၢ ပှၤအခိၣ်သၢဆံအကျါန့ၣ်လဲၤလီၤဝဲ ဆူလၢၢ်ဧိၤလ့ဧိၤ, ဆူစီၤဒၤဝံးအအိၣ်လၢတၢ်အိပူၤဧၤဒူး လၣ်အပူၤ, ဒီးပှၤဖလ့ၡသးဖိအပှၤသုးမုၢ် သူၣ်ဒဲလၢက စၢၢ်ကဆူးရၤဖၤအပူၤလီၤ.
16 ဒီးအကတီၢ်ဖဲန့ၣ် စီၤဒၤဝံးအိၣ်ဝဲလၢတိာ်ပူၤ, ဒီးပှၤဖ လ့ၡသးဖိ အပှၤပၢၤတၢ်ဖိတတီၤအိၣ်ဝဲလၢ ဘ့ၤသလ့ ဃ့ၣ်အပူၤလီၤ.
17 ဒီးစီၤဒၤဝံးဆၢတၢ်, ဒီးစံးဝဲဒၣ်, မ့ၢ်မ တၤကဒုးအီယၤလၢ ဘ့ၤသလ့ဃ့ၣ်အထံပူၤအထံ, လၢ အအိၣ်ဝဲလၢပဲတရီအဃၢၤန့ၣ်တဂၤလဲၣ်.
18 ဒီးပှၤသၢဂၤန့ၣ်ဃ့ၢ်ဖျိ ပှၤဖလ့ၡသးဖိအပှၤသုးမုၢ်, ဒီး ဒၢၣ်ထံလၢဘ့ၤသလ့ဃ့ၣ်အထံပူၤ လၢအအိၣ်လၢပဲတ ရီအဃၢၤ, ဒီးဟံးန့ၢ်ဝဲ, ဒီးစိာ်ဝဲဆူစီၤဒၤဝံးအအိၣ်လီၤ. ဘၣ်ဆၣ်ဒီးစီၤဒၤဝံးတအီဘၣ်. ဒီးလူလီၤဝဲလၢယွၤအဂီၢ် လီၤ.
19 ဒီးစံးဝဲဒၣ်, မ်ယသုတမၤဒ်အံၤတဂ့ၤ. ပှၤလၢအမၤ ဝဲလၢအသးသမူတဖၣ်အသွံၣ်န့ၣ်ယကအီစ့ၢ်ကီးဧါ. အ ဂ့ၢ်ဒ်အံၤ, စိာ်ဝဲလၢအသးသမူလီၤ. ဒီးအီဝဲအသးတ အိၣ်ဘၣ်. ပှၤအဆူၣ်သၢဂၤန့ၣ်မၤတၢ်န့ၣ်တဖၣ်လီၤ.
20 ဒီးစီၤယိၤအာ်အဒီပုၢ်ဝဲၢ်စီၤအဘံၡဲၤ မ့ၢ်တၢ်အခိၣ်လၢ သၢဂၤအကျါ, ဒီးယူာ်ထီၣ်အစုထီဒါပှၤသၢကယၤ, ဒီး မၤသံအီၤ, ဒီးအမံၤအိၣ်ဝဲလၢပှၤသၢဂၤအကျါလီၤ.
21 လၢ ပှၤသၢဂၤအကျါန့ၣ် အလၤကပီၤဒိၣ်န့ၢ်ပှၤခံဂၤတက့ၢ်, ဒီးကဲထီၣ်ဝဲလၢအခိၣ်လီၤ. ဒီးတဟဲနုာ်ဘၣ် လၢအဝဲ သ့ၣ်သၢဂၤန့ၣ်အကျါဘၣ်.
22 ဒီးပှၤအဆူၣ်ပှၤကၤဘစ့လးဖိ, ပှၤအဒိၣ်အဆူၣ်အဖိ ခွါ, စီၤယဟိၤယဒါအဖိခွါစီၤဘနါယၤန့ၣ်, မၤတ့ၢ်တၢ် ဖးဒိၣ်အါမံၤ, မၤသံပှၤမိၤအးဖိခံဂၤလၢအလီၤဂာ်ဒီး ခ့ ယုၢ်လီၤ. အဝဲဒၣ်လဲၤလီၤစ့ၢ်ကီး, ဒီးကျီကွံာ်ခ့ယုၢ်တဒု လၢတၢ်ပူၤအသးကံၢ်ပူၤ, ဖဲတၢ်ဟဲစူၤ မူခိၣ်ဖီအခါန့ၣ် လီၤ.
23 ဒီးအဝဲဒၣ်န့ၣ်ကျီကွံာ် ပှၤအဲၤကူပတူးဖိ လၢအနီၢ်ထီ ယဲၢ်ပျၢ်, ဒီးဘီအိၣ်ဝဲလၢပှၤအဲၤကူပတူးဖိအစုပူၤတဘ့ၣ် မၤသးဒ်ပှၤထါထၣ်ဖိအနီၣ်ဘိအသိးန့ၣ်, ဒီးလဲၤလီၤဝဲ ဆူအအိၣ်, အိၣ်ဒီးအနီၣ်ထိးဘိလၢအစုပူၤ, ဒီးထုးထီၣ် ဘီတဘ့ၣ်လၢပှၤအဲၤကူပတူးဖိအစုပူၤ, ဒီးမၤသံအီၤလၢ အဘီဒၣ်ဝဲန့ၣ်လီၤ.
24 စီၤယဟိၤယဒါအဖိခွါ စီၤဘနါယၤတဂၤ မၤတၢ်န့ၣ်တဖၣ်, ဒီးအမံၤအိၣ်ဝဲလၢပှၤအဆူၣ်သၢဂၤအကျါလီၤ.-
25 ကွၢ်ကွၢ်, အလၤကပီၤဒိၣ်န့ၢ်ပှၤသၢဆံတက့ၢ် ဘၣ်ဆၣ် ဒီး, တဟဲနုာ်ဘၣ်လၢသၢဂၤန့ၣ်အကျါဘၣ်. ဒီးစီၤဒၤဝံး ပာ်အီၤလၢပှၤပၢၤတၢ်ဖိအဖီခိၣ်လီၤ.
26 ဒီးပှၤသုးဖိအပှၤဆူၣ်စီၤယိၤအာ်အဒီပုၢ်ဝဲၢ် စီၤဧစၤအ့ လးတဂၤ, ဒီးစီၤဒိဒိၤအဖိခွါစီၤအ့လဃၤနၤဘၣ်ဃးဒီး ဘ့ၤသလ့ဃ့ၣ်တဂၤ,
27 ပှၤဃရိးဖိစီၤၡးမၤတဂၤ, ပှၤပ လိၣ်ဖိစီၤဃ့လ့းတဂၤ,
28 ပှၤတကိၤဖိစီၤဧံးက့ၣ်အဖိခွါစီၤ ဧံရၤတဂၤ, ပှၤဧၤနသိးဖိစီၤအဘံၤဧ့စၢ်တဂၤ,
29 ပှၤဃူၡ သးဖိစီၤစံးဘကဲတဂၤ, ပှၤအဃိဃးဖိ စီၤဧံလဲၤတဂၤ,-
30 ပှၤနတိဖၤဖိစီၤမၤဟရဲတဂၤ, ပှၤနတိဖၤဖိစီၤဘၤနါအဖိ ခွါစီၤဃ့လ့ာ်တဂၤ,
31 စီၤရံဘဲအဖိခွါစီၤအံသဲၤလၢကံဘ ဧၤဘၣ်ဃးဒီး ပှၤဘံၣ်ယၤမံၣ်ဖိတဂၤ, ပှၤပံးရသိၣ်ဖိစီၤ ဘနါယၤတဂၤ,
32 စီၤဃူရဲၤဘၣ်ဃးဒီး ကၤဧၣ်အထံကျိ တဖၣ်တဂၤ, ပှၤဧၤရဘၤဖိစီၤအဘံၤအ့လးတဂၤ,
33 ပှၤ ဘၢ်ဃူၣ်ဖိ စီၤဧၤစမၤဝ့းတဂၤ, ပှၤၡၤလဘိၣ်ဖိစီၤအ့လံ ယဘၤတဂၤ,
34 ပှၤကံးစိာ်ဖိစီၤယၤရှ့ၣ်အဖိခွါတဖၣ်, ပှၤ ဟရၣ်ဖိစီၤၡၤက့အဖိခွါစီၤယိနၤသၣ်တဂၤ,
35 ပှၤဟရၢ် ဖိစီၤစၤကၢ်အဖိခွါစီၤအဃံအၣ်တဂၤ, စီၤအူၢ်အဖိခွါစီၤ အလံဖၤလဲးတဂၤ,
36 ပှၤမက့ၤသးဖိစီၤဃ့ဖ့ၢ်တဂၤ, ပှၤပ လိၣ်ဖိစီၤအဃံယၤတဂၤ,
37 ပှၤကၢ်မ့ၤလးဖိစီၤဃ့စရိၤတ ဂၤ, စီၤအ့စဘၤအဖိခွါစီၤနၤရဲတဂၤ,
38 စီၤနၤသၣ်အဒီ ပုၢ်ဝဲၢ်စီၤယိအ့လး, စီၤဟကရံအဖိခွါ စီၤမံးဘဃၢ်တ ဂၤ,
39 ပှၤဧၣ်မိၣ်ဖိစီၤစ့လ့းတဂၤ, နီၢ်စရူယၤအဖိခွါစီၤ ယိၤအာ်အပှၤစိာ်အစုကဝဲၤ ပှၤဘအ့ရိးဖိစီၤနၤဃရဲတ ဂၤ,
40 ပှၤယံသၢ်ဖိစီၤဧံရၤတဂၤ, ပှၤယံသၢ်ဖိ စီၤကၢ်ရ့း တဂၤ,
41 ပှၤဃ့ၤသးဖိစီၤအူၤရံယၤတဂၤ, စီၤအဃၤလဲ အဖိခွါစီၤစၤဘးတဂၤ,
42 ပှၤရူၤဘ့ၣ်ဖိစီၤၡံစၤအဖိခွါစီၤ ဧဒံနၤ, ပှၤရူၤဘ့ၣ်ဖိအခိၣ်တဂၤ, ဒီးပှၤသၢဆံအိၣ်ဒီးအီၤ လီၤ.
43 စီၤမၤကၤအဖိခွါစီၤဃၤနၣ်တဂၤ, ဒီးပှၤမံၤသၣ် ဖိစီၤယဟိၡၤဖးတဂၤ,
44 ပှၤဧၤၡတြိးဖိစီၤဧူးစံယၤတဂၤ, ပှၤဧရိၤဧ့ၢ်ဖိ စီၤဃိသၣ်အဖိခွါစီၤၡးမၤ, ဒီးစီၤယဧံၤအ့ လးခံဂၤ,
45 စီၤၡံးမရံၤအဖိခွါစီၤယဒံးဧ့လး, ဒီးအဒီပုၢ် ဝဲၢ်ပှၤတံစံၤဖိစီၤယိဃၤခံဂၤ,
46 ပှၤမၤဃဝးဖိစီၤအလံၤအ့ လး, ဒီးစီၤအ့လနၣ်အဖိခွါတဖၣ်စီၤယရံဘဲဒီးစီၤယိၡဝ ယၤ, ဒီးပှၤမိၤအးဖိစီၤယံးသမၤတဂၤ,
47 စီၤအလံၤအ့လး တဂၤဒီးစီၤဧိဘ့းတဂၤ, ဒီးပှၤမစိဘယၤဖိစီၤယၤစံအ့လး တဂၤလီၤ.