94
1 ယွၤလၢအမၤဆၢတၢ်အၢ, ကစၢ်ဧၢ, ယွၤလၢအမၤ ဆၢတၢ်အၢ, ကစၢ်ဧၢ, ကပီၤထီၣ်တက့ၢ်.
2 စိာ်ထီၣ် နသး, ပှၤလၢအစံၣ်ညီၣ်ဟီၣ်ခိၣ်ဧၢ, ဟ့ၣ်ကၣ်ပှၤပာ် အသးထီၣ်ထီန့ၣ်အတၢ်တက့ၢ်.
3 ယွၤဧၢ, ပှၤတတီတလိၤန့ၣ်ဆံးယံာ်လဲၣ်, ပှၤတတီတလိၤ ကသူၣ်ဖှံသးညီလၢတၢ်အဖီခိၣ်ဆံးယံာ်လဲၣ်.-
4 ဒုးထီၣ်ဖျဲးတၢ်ကလီကလီလၢအထးခိၣ်, ဒီးကတိၤတၢ် ကြီကြီဒၣ်တၢ်, ပှၤမၤတၢ်အၢတဖၣ်န့ၣ် ပာ်ကဖိအ သးခဲလၢာ်လီၤ.
5 မၤအၢမၤသီနပှၤဂီၢ်မုၢ်, ယွၤဧၢ, ဒီး မၤနးမၤဖှီၣ်နတၢ်န့ၢ်သါတၢ်လီၤ.
6 ကျီသံကွံာ်ပှၤမုၣ်က မဲ, ဒီးပှၤတမှံၤ, ဒီးမၤသံပှၤဖိၣ်ဃဲလီၤ.
7 ဒီးစံးဝဲ,ယွၤ တထံၣ်ဘၣ်, ဒီးယၤကိာ်အကစၢ်တကွၢ်ဘၣ်ဝဲဘၣ်.
8 ပှၤအိၣ်ဒီးဆၣ်ဖိကီၢ်ဖိအသးသ့ၣ်ဧၢ, နၢ်ပၢၢ်တၢ်တ က့ၢ်. ဒီးပှၤဟးဂီၤဖိသ့ၣ်ဧၢ, သုကအိၣ်ဒီးတၢ်ကူၣ်သ့ အဆၢအကတီၢ်ဖဲလဲၣ်.
9 ပှၤလၢအပာ်လီၤပနၢ်တဂၤန့ၣ် တနၢ်ဟူတၢ်ဘၣ်ဧါ. ပှၤလၢအတ့လီၤပမဲာ်တဂၤန့ၣ် တထံၣ်တၢ်ဘၣ်ဧါ.
10 ပှၤလၢအသိၣ်ဃီၣ်ပှၤကလုာ်တဖၣ်, လၢအသိၣ်လိပှၤ ကညီလၢတၢ်သ့ၣ်ညါတဂၤန့ၣ် တဟ့ၣ်ပတၢ်ဒဲးဘး ဘၣ်ဧါ.
11 ယွၤသ့ၣ်ညါလၢပှၤကညီအတၢ်ကူၣ်ထီၣ်ဖး လီၤန့ၣ်မ့ၢ်တၢ်ကလီကလီလီၤ.
12 ပှၤလၢနသိၣ်ဃီၣ်အီၤ, ယွၤဧၢ, ဒီးသိၣ်လိအီၤလၢ နတၢ်သိၣ်တၢ်သီအပူၤန့ၣ် ဘၣ်ဆိၣ်ဂ့ၤဝဲ,
13 ဒ်သိးနက ဒုးအိၣ်ဘှံးအီၤလၢတၢ်အၢအမုၢ်နံၤတဖၣ်, တုၤတၢ်ခူၣ် လီၤ ပှၤတတီတလိၤအတၢ်ပူၤန့ၣ်လီၤ.
14 အဂ့ၢ်ဒ်အံၤ, ယွၤတညိကွံာ်ဘၣ်အပှၤဂီၢ်မုၢ်ဘၣ်, ဒီးတလဲၤသဒၣ် ဘၣ်အတၢ်န့ၢ်သါဘၣ်.
15 အဂ့ၢ်ဒ်အံၤ, တၢ်စံၣ်ညီၣ်ကဟဲက့ၤဆူ တၢ်တီတၢ် လိၤ, ဒီးကယဲၢ်ပှၤလၢအသးစၢၢ်ဆၢတဖၣ်ကပိာ်ဝဲအခံ လီၤ.
16 မ့ၢ်မတၤကဂဲၤဆၢထၢၣ်လၢယဂီၢ် ထီဒါပှၤမၤတၢ်အၢ ဖိတဖၣ်န့ၣ်လဲၣ်. မ့ၢ်မတၤကပာ်ဆၢထၢၣ်အသးလၢ ယဂီၢ်ထီဒါပှၤမၤတၢ်အၢတၢ်သီတဖၣ်လဲၣ်.
17 မ့တမ့ၢ်ဘၣ်ယွၤမၤစၢၤယၤဘၣ်ဒီး, ယသးကအိၣ် တ့ၢ်ချ့သဒံးလၢတၢ်အိၣ်ဘှီၣ်ကလာ်အပူၤလီၤ.
18 ဖဲယ စံး, ယခီၣ်လီၤတလံာ်မးလဲၣ်န့ၣ်, ယွၤဧၢ, နဘျုးန ဖှိၣ်မၤဂၢၢ်မၤကျၢၤယၤလီၤ.
19 လၢယဆိကမိၣ်တၢ်အါ မံၤအကျါန့ၣ် နမၤမုာ်ထီၣ်က့ၤတၢ်တဖၣ် ဒုးသူၣ်ဖှံ သးညီယသးလီၤ.
20 တၢ်အၢအလီၢ်ပစိာ်လၢအမၤတၢ်အၢ ဒ်အတၢ်သိၣ် တၢ်သီအိၣ်ဝဲအသိးန့ၣ်, ကရ့လိာ်အသးဒီးနၤစ့ၢ်ကီး ဧါ.
21 အိၣ်ဖှိၣ်ရိဖှိၣ်ထီဒါပှၤတီအသး, ဒီးစံၣ်ညီၣ်ဃၣ် တၢ်သွံၣ်လၢအတၢ်ဒဲးဘးတအိၣ်ဘၣ်.
22 ဘၣ်ဆၣ်ဒီးယလ့တဖျၢၣ်န့ၣ်မ့ၢ်ယွၤလီၤ. ဒီးတၢ်ပူၤ ဖျဲးအလၢၢ်တဖျၢၣ်န့ၣ်မ့ၢ်ယကစၢ်လီၤ.
23 ဒီးယွၤဒုးဘၣ်အီၤလၢ အတၢ်အၢဒၣ်ဝဲ, ဒီးဒီၣ်တဲာ် ကွံာ်အီၤလၢအတၢ်အၢဒၣ်ဝဲအဃိလီၤ. ယွၤပကစၢ်က ဒီၣ်တဲာ်ကွံာ်အီၤလီၤ.