77
စီၤအၤစာ်အထါလၢတၢ်အခိၣ်စီၤယဒူသူၣ်အဂီၢ်.
1 ယကကိးထီၣ်ယွၤဒီး ယကကိးပသူထီၣ်ဆူယွၤအ အိၣ်လၢယကလုၢ်, ဒီးကဒိကနၣ်ယကလုၢ်လီၤ.
2 လၢ တၢ်ကိၢ်တၢ်ဂီၤအမုၢ်နံၤန့ၣ်ယဃုယွၤ, ယစုအိၣ်ယူာ် ထီၣ်အသးလၢမုၢ်နၤ, ဒီးတလီၤဘှါဘၣ်. ယသးညိ ကွံာ်တၢ်မၤမုာ်ထီၣ်က့ၤအီၤလီၤ.
3 ယသ့ၣ်နီၣ်ထီၣ်က့ၤ ယွၤ, ဒီးယသူၣ်ကိၢ်သးဂီၤလီၤ. ယဆိကမိၣ်တၢ်, ဒီး ယသးလီၤဘှါဝဲလီၤ. စ့လၤ.
4 နဟံးဃာ်ယမဲာ်လၢ တၢ်ဆိးသီအပူၤလီၤ. ယသူၣ် ကနိးယသးကနိး, ဒီးယကတိၤတၢ်တသ့ဘၣ်.
5 ယ ဆိကမိၣ်တၢ်လၢ မုၢ်နံၤလၢပျၢၤအဂ့ၢ်အကျိၤ, နံၣ်ဧိၤ လါဧိၤလၢကစၢၤကစၢၤန့ၣ်လီၤ.
6 ယသ့ၣ်နီၣ်ထီၣ်က့ၤ ယတၢ်သးဝံၣ်လၢမုၢ်နၤ, ယဆိကမိၣ်တၢ်လၢယသး, ဒီးယသးဃုတၢ်သပှၢ်ပှၢ်လီၤ.
7 ယွၤကညိကွံာ်တၢ်လီၤထူလီၤယိာ်ဧါ. အသးတအိၣ် လၢၤဘၣ်တၢ်နီတစုဘၣ်ဧါ.
8 အဘျုးအဖှိၣ်လၢာ်စီဖ့ ကလ့ၤလီၤထူလီၤယိာ်လံဧါ. အတၢ်စံးပာ်ဟးဂီၤလံ အစိၤစိၤအဃၣ်ဃၣ်လံဧါ.
9 ယွၤသးပ့ၤနီၣ်သးကညီၤ တၢ်န့ၣ်စ့ၢ်ကီးဧါ. လၢအသးထီၣ်အဃိန့ၣ် ကးတံာ် ဃာ်အတၢ်သးကညီၤစ့ၢ်ကီးဧါ. စ့လၤ.
10 ဒီးယစံး, အအံၤမ့ၢ်ယဂံၢ်စၢ်ဘါစၢ်လီၤ. ယကသ့ၣ် နီၣ်ထီၣ်က့ၤ တၢ်ထီကတၢၢ်တဂၤအစုထွဲအနံၣ်အလါ လီၤ.
11 ယကဘိးဘၣ်သ့ၣ်ညါပှၤလၢယွၤအမၤတၢ်တ ဖၣ်လီၤ. အဂ့ၢ်ဒ်အံၤ, ယကသ့ၣ်နီၣ်ထီၣ်က့ၤနမၤလီၤ လးတၢ်လၢပျၢၤလီၤ.
12 ဒီးယကဆိကမိၣ်လၢ နတၢ် မၤခဲလၢာ်အဂ့ၢ်, ဒီးလၢနမၤတၢ်ဖံးတၢ်တဖၣ် အဂ့ၢ် အကျိၤန့ၣ်ယကဆိကမိၣ်လီၤ.
13 ယွၤဧၢ, နကျဲအိၣ်ဝဲလၢတၢ်စီဆှံအပူၤလီၤ. မ့ၢ်မတၤ မ့ၢ်ကစၢ်ဒိၣ်ဝဲဒ်ပကစၢ်အသိးန့ၣ်တဂၤလဲၣ်.
14 နမ့ၢ်က စၢ်တဂၤလၢအမၤတၢ်လီၤလးလီၤ. နဒုးသ့ၣ်ညါနစိန ကမီၤလၢပှၤဂီၢ်မုၢ်အကျါလီၤ.
15 နပှ့ၤက့ၤနပှၤဂီၢ်မုၢ်လၢ နစု, စီၤယၤကိာ်ဒီးစီၤယိၤသးအဖိခွါတဖၣ်န့ၣ်လီၤ.စ့လၤ.
16 ထံတဖၣ်ထံၣ်ဘၣ်နၤ, ယွၤဧၢ, ထံတဖၣ်ထံၣ်ဘၣ် နၤ, ပျံၤဝဲဖုးဝဲ, ထံယိာ်တဖၣ်န့ၣ်ဟူးဝးဝဲစ့ၢ်ကီးလီၤ.
17 တၢ်အၢၣ်တဖၣ်လူလီၤထံ, မူကပိာ်လိၤဒုးသီၣ်လီ, န ပျၢ်တဖၣ်ဖျိးဝဲစ့ၢ်ကီးလီၤ.
18 နလီအသီၣ်အိၣ်ဝဲလၢက လံၤသဝံးအပူၤ, လီဝၢ်အဒံးန့ၣ်မၤကပီၤထီၣ်ဟီၣ်ခိၣ်, ဟီၣ်ခိၣ်ဆှဲးဆှိးဒီးဟူးဝးဝဲလီၤ.
19 နကျဲအိၣ်ဝဲလၢပီၣ်လဲၣ်ပူၤ, ဒီးနကျဲဧိၤကပူၤဧိၤလၢ ထံဖးဒိၣ်တဖၣ်, ဒီးနခီၣ်အလီၢ်တဖၣ်န့ၣ် ပှၤတသ့ၣ် ညါဘၣ်အီၤဘၣ်.
20 နဆှၢနပှၤဂီၢ်မုၢ် ဒ်သိတဖုအသိး လၢစီၤမိၤရှ့, ဒီးစီၤအၤဟရိၣ်အစုန့ၣ်လီၤ.