73
စီၤအၤစာ်အထါ.
1 ယွၤမ့ၢ်ထဲတၢ်ဂ့ၤလၢအံၣ်စရ့လးအဂီၢ်, လၢပှၤအသး ကဆှီအဂီၢ်လီၤ.
2 ဘၣ်ဆၣ်ဒီးယဲဒၣ်အံၤ တစဲးဖိဒီးယခီၣ်ကဘၣ်တိၢ်, ဒီးဘူးဒီးယခီၣ်ကလီၤတလံာ်လီၤ.
3 အဂ့ၢ်ဒ်အံၤ,ယသး က့ၣ်ပှၤပာ်ကဖိအသးဖဲယထံၣ်ဘၣ် ပှၤတတီတလိၤ အတၢ်ဃူတၢ်ဖိးလီၤ.
4 အဂ့ၢ်ဒ်အံၤ, အတၢ်ဆိးကဲးဘၣ် ဃးဒီးတၢ်သံန့ၣ်တအိၣ်ဘၣ်. အဂံၢ်ဆူၣ်အဘါဆူၣ် လီၤ.
5 တဘၣ်ဘၣ်တၢ်ကိၢ်တၢ်ဂီၤ ဒ်ပှၤကညီအသိး ဘၣ်. ဒီးတဘၣ်တၢ်တံာ်တာ်ဒ်ပှၤကညီအသိးဘၣ်. .
6 မၤသးဒ်န့ၣ်ဒီး တၢ်ပာ်ထီၣ်ထီအသး အိၣ်တရံးအ ကိာ်ဖဲတဝီအသိး, ကူသိးဝဲလၢတၢ်မၤအၢမၤသီလီၤ.
7 အမဲာ်ဖျိးထီၣ်လၢအတၢ်ဘီၣ်ထီၣ်အဃိ, အသးအဆိ ကမိၣ်တၢ်ပှဲၤလုၣ်ကွံာ်လီၤ.
8 ဒုၣ်ဒွဲၣ်တၢ်, ဒီးကတိၤ တၢ်မၤအၢလီၤ. လၢတၢ်ထီၣ်ထီန့ၣ်ကတိၤတၢ်လီၤ.-
9 ပာ်အထးခိၣ်ထီဒါမူခိၣ်, ဒီးအပျ့ၤကတိၤတၢ်လၢဟီၣ် ခိၣ်ချၢလီၤ.
10 မၤသးဒ်န့ၣ်ဒီး အပှၤဂီၢ်မုၢ်ဃၣ်က့ၤအသးဖဲအံၤ, ဒီး အီဘၣ်လီခီပှဲၤအထံတုၤအလၢာ်လီၤ.
11 ဒီးစံးဝဲ, ယွၤ ကသ့ၣ်ညါဒ်လဲၣ်, တၢ်သ့ၣ်ညါအိၣ်ဒီး တၢ်ထီက တၢၢ်တဂၤစ့ၢ်ကီးဧါ.
12 ကွၢ်ကွၢ်, ပှၤတဖၣ်န့ၣ်မ့ၢ်ပှၤအအၢအသီလီၤ. ဒီးပှၤ လၢအဘီၣ်ထီၣ်ညီထီၣ်တဖၣ်လၢအအံၤတဃၣ်, အစု လီၢ်အခီၣ်ခိၣ်အါထီၣ်လီၤ.
13 ယမၤကဆှီယသး, ဒီးသ့စီကွံာ်ယစုလၢတၢ်ဒဲးဘး တအိၣ်ဘၣ်အပူၤန့ၣ် ထဲလၢတၢ်ကလီကလီ အဂီၢ် လီၤ.
14 အဂ့ၢ်ဒ်အံၤ, ယဘၣ်တၢ်တီၢ်ကိးမုၢ်နံၤဒဲး, ဒီး ယဘၣ်တၢ်သိၣ်ဃီၣ်ကိးဂီၤဒဲးလီၤ.
15 ယမ့ၢ်စံး, ယက စံးဒ်န့ၣ်ဒီး, ကွၢ်ကွၢ်, ယကမၤကမၣ်ဘၣ်နဖိတစိၤ လီၤ.
16 တုၤယဆိကမိၣ်ဒ်သိး ယကသ့ၣ်ညါတၢ်န့ၣ် ဒီး, တၢ်ကိၢ်တၢ်ဂီၤအိၣ်ဝဲလၢယမဲာ်ညါလီၤ.
17 တုၤယလဲၤနုာ်လၢယွၤအလီၢ်စီဆှံအပူၤ ဒီးယတိၢ် နီၣ်အကတၢၢ်လီၤ.
18 မ့ၢ်မးနပာ်အီၤထဲလၢတၢ်လီၤတ လံာ်အလီၢ်, နတ့ၢ်လီၤကွံာ်အီၤလၢတၢ်ဟးဂီၤအပူၤ လီၤ.
19 တၢ်ဒုးလဲၤအီၤဆူတၢ်သယုၢ်အပူၤလၢ တစိၢ် ဖိအတီၢ်ပူၤန့ၣ်လီၤ. လၢာ်ဝဲစီဖ့ကလ့ၤလၢ တၢ်ပျံၤ တၢ်ဖုးလီၤ.
20 ဒ်တၢ်မံမီၢ်တုၤပှၤဖုသံနီၣ်ထီၣ်အသိးန့ၣ်, ယွၤဧၢ, တုၤနဖုသံနီၣ်ဒီး နကမၤတရီတပါအက့ၢ် အဂီၤဒ်န့ၣ်လီၤ. အဂ့ၢ်ဒ်အံၤ, ယသးဆါ, ဒီးယကလ့ၢ်ဘၣ်ဆဲးလီၤ.
21 ဒီးယမ့ၢ်ပှၤလၢအသးဆိကမိၣ်တအိၣ်ဘၣ်, ဒီးယတ သ့ၣ်ညါဘၣ်တၢ်ဘၣ်.
22 ယမၤသးဒ် ဆၣ်ဖိကီၢ်ဖိအ သိးလၢနမဲာ်ညါလီၤ.
23 ဘၣ်ဆၣ်ဒီး ယအိၣ်ဒီးနၤတ ထံၣ်ဃီ, နဟံးန့ၢ်ယၤလၢယစုထွဲလီၤ.
24 နကဆှၢယၤ လၢနကူၣ်ထီၣ်ဖးလီၤတၢ်လီၤ. လၢခံက့ၤဒီးနကဟံး ထီၣ်က့ၤယၤဆူတၢ်လၤကပီၤအပူၤလီၤ.
25 မ့ၢ်မတၤအိၣ်ဝဲလၢယဂီၢ် လၢမူခိၣ်တဂၤလဲၣ်. ဒီး လၢနၤအမဲာ်ညါန့ၣ် တဘၣ်ယသးလၢ ပှၤအိၣ်လၢ ဟီၣ်ခိၣ်ချၢနီတဂၤဘၣ်.
26 ယညၣ်, ဒီးယသးလၢာ်ဝဲလီၤ. ယွၤမ့ၢ်ယသးအ လၢၢ်, ဒီးယဂီၢ်န့ၣ်လီၤထူလီၤယိာ်လီၤ.
27 အဂ့ၢ်ဒ်အံၤ, ကွၢ်ကွၢ်, ပှၤလၢအအိၣ်ယံၤဒီးနၤတုၤ ဝဲလၢတၢ်ဟးဂီၤလီၤ. နမၤဟးဂီၤကယဲၢ်ပှၤလၢအလဲၤ သဒၣ်နၤ, လၢတၢ်အဲၣ်ဘၢအပူၤန့ၣ်လီၤ.
28 မ့မ့ၢ်ယဲဒၣ်အံၤ ယသုးဘူးယသးဆူယွၤအအိၣ်န့ၣ် ဂ့ၤလၢယဂီၢ်လီၤ. ယပာ်သန့ၤယသးအလီၢ်လၢကစၢ် ယွၤအပူၤ,ဒ်သိးကစံၣ်တဲၤတဲလီၤနမၤတၢ်ခဲလၢာ်လီၤ.