6
စီၤဒၤဝံးအထါလၢတၢ်အခိၣ်အဂီၢ်လၢနီၢ်ဒ့တၢ်အဂီၢ်လၢတၢ်ဃိး
1 ယွၤဧၢ, သိၣ်ဃီၣ်ယၤလၢနသးထီၣ်တဂ့ၤ, ဒီး သိၣ်က့ၤသီက့ၤယၤ လၢနသးကဲၤထီၣ်န့ၣ်တဂ့ၤ.
2 သူၣ်ကညီၤသးကညီၤယၤတက့ၢ်, ယွၤဧၢ. အဂ့ၢ် ဒ်အံၤ,ယလီၤဘှါလီၤ. ယွၤဧၢ, မၤဘျါက့ၤယၤတ က့ၢ်.
3 အဂ့ၢ်ဒ်အံၤ, ယဃံကနိးလီၤ. ယသးကိၢ်နး မးလီၤ. ဒီးနဲဒၣ်ယွၤဧၢ, ဆံးယံာ်လဲၣ်.
4 ဟဲက့ၤ ယွၤဧၢ, မၤပူၤမၤဖျဲးယသးတက့ၢ်. အုၣ်က့ၤခီၣ်က့ၤ
5 ယၤလၢနဘျုးနဖှိၣ်အဃိတက့ၢ်. အဂ့ၢ်ဒ်အံၤ, တၢ် သ့ၣ်နီၣ်ထီၣ်က့ၤနၤ တအိၣ်ဘၣ် လၢတၢ်သံအပူၤ ဘၣ်. လၢပျုၤပူၤန့ၣ် မ့ၢ်မတၤကစံးထီၣ်ပတြၢၤ န ဘျုးတဂၤလဲၣ်.
6 တၢ်ဘှံးယသးလၢယကအုကစွါ အဃိ, ယမၤထီၣ်ဖီယလီၢ်မံကိးမုၢ်နၤဒဲး, ဒီးယမၤ ပှံၢ်လီၤယလီၢ်မံလၢယမဲာ်ထံန့ၣ်လီၤ.
7 ယမဲာ်ယုာ် လၢတၢ်ကိၢ်တၢ်ဂီၤအဃိ, လီၤသပှၢ်ဝဲလၢယဒုၣ်ယ ဒါခဲလၢာ်အဃိလီၤ.
8 ကယဲၢ် ပှၤမၤတၢ်အၢတၢ်သီခဲလၢာ်သ့ၣ်ဧၢ, ဟး ထီၣ်ကွံာ်လၢယအိၣ်တက့ၢ်. အဂ့ၢ်ဒ်အံၤ, ယွၤနၢ် ဟူလံယဟီၣ်တၢ်အသီၣ်လံ.
9 ယွၤနၢ်ဟူလံယဃ့ ကညးတၢ်လံ, ယွၤကတူၢ်လိာ်ယတၢ်ထုကဖၣ်လီၤ.
10 ယဒုၣ်ယဒါခဲလၢာ်န့ၣ် အမဲာ်ကဆှး, ဒီးပျံၤတၢ် ဖုးတၢ်လီၤ.ကက့ၤက့ၤ,ဒီးမဲာ်ဆှးသတူၢ်ကလာ်လီၤ.