57
လၢတၢ်အခိၣ်အဂီၢ်လၢမၤဟးဂီၤတဂ့ၤန့ၣ်, လၢစီၤဒၤဝံးဃ့ၢ်ကွံာ်လၢစီၤစီလူးလၢတၢ်အိပူၤန့ၣ် စီၤဒၤဝံးအတၢ်ကွဲးယိာ်.
1 သူၣ်ကညီၤသးကညီၤယၤ, ယွၤဧၢ, သူၣ်ကညီၤသး ကညီၤယၤတက့ၢ်. အဂ့ၢ်ဒ်အံၤ, ယသးသန့ၤအသး လၢနၤလီၤ. ဒီးယဃ့ၢ်ဆူနဒံးဆ့အကဒုပူၤတုၤတၢ်နး တၢ်ဖှီၣ်အံၤလဲၤပူၤကွံာ်လီၤ.
2 ယကိးထီၣ်ဆူတၢ်ထီၣ် ထီကစၢ်တဂၤ, ဆူကစၢ်လၢအမၤတၢ်လၢလၢပှဲၤပှဲၤ လၢယဂီၢ်လီၤ.
3 ကမၢလီၤဝဲလၢမူခိၣ်, ဒီးအုၣ်က့ၤခီၣ် က့ၤယၤလၢ ပှၤလၢအသါကယူၢ်လီၤကွံာ်ယၤအတၢ် ဒုၣ်ဒွဲၣ်န့ၣ်လီၤ. စ့လၤ. ယွၤကမၢလီၤအဘျုးအဖှိၣ်ဒီး အတၢ်မ့ၢ်တၢ်တီလီၤ.
4 ယသးအိၣ်လၢခ့ယုၢ်အကျါ, ယမံလီၤလၢပှၤကညီ အကျါလၢအမၤသးဒ် မ့ၣ်အူလၣ်အသိး, အမဲမ့ၢ်ဘီ ဒီးပျၢ်, ဒီးအပျ့ၤမ့ၢ်နးလၢအကနၣ်အ့ၣ်ဝဲလီၤ.
5 မ်နဘၣ်တၢ်ပာ်ထီၣ်ထီနၤလၢမူခိၣ်, မ်ပှၤမၤလၤက ပီၤနၤလၢဟီၣ်ခိၣ်ဒီဘ့ၣ်ညါတက့ၢ်.
6 အဝဲသ့ၣ်တဖၣ် န့ၣ်ကတဲာ်ကတီၤပှာ်ဧိၤစၤဧိၤလၢယခီၣ်အဂီၢ်လီၤ, ယ သးသကူးလီၤအသးလီၤ. အဝဲသ့ၣ်ခူၣ်လီၤတၢ်ပူၤလၢ ယမဲာ်ညါလီၤ. အကစၢ်ဒၣ်ဝဲန့ၣ် လီၤတဲာ်ဝဲလၢတၢ် ပူၤန့ၣ်လီၤ. စ့လၤ.
7 ယသးအိၣ်ဂၢၢ်ဆိးကျၢၤ, ကစၢ်ဧၢ, ယသးအိၣ်ဂၢၢ် ဆိးကျၢၤလီၤ. ယကအုၣ်တၢ်, ဒီးသးဝံၣ်ထီၣ်တၢ် လီၤ.
8 ဖုသံနီၣ်ထီၣ်, ယလၤကပီၤဧၢ. ဖုသံနီၣ်ထီၣ် တက့ၢ်, သီတူၢ်ဒီးတနၢ်သ့ၣ်ဧၢ, ယကထိၣ်ဂဲၤမုၢ် ဆ့ၣ်ဝါန့ၣ်လီၤ.
9 ယကစံးထီၣ်ပတြၢၤနၤ, ယွၤဧၢ, လၢပှၤဂီၢ်မုၢ်အ ကျါ, ယကသးဝံၣ်ထီၣ်နၤလၢ ပှၤကလုာ်တဖၣ်အ ကျါလီၤ
10 အဂ့ၢ်ဒ်အံၤ, နဘျုးနဖှိၣ်ဒိၣ်ဝဲ ပၢၢ်လၢမူ ခိၣ်, ဒီးနမ့ၢ်နတီပၢၢ်လၢတၢ်အၢၣ်တဖၣ်လီၤ.
11 မ်နဘၣ်တၢ်ပာ်ထီၣ်ထီနၤလၢမူခိၣ်, မ်ပှၤမၤလၤက ပီၤနၤလၢဟီၣ်ခိၣ်ဒီဘ့ၣ်ညါန့ၣ်တက့ၢ်.