46
တၢ်အုၣ်တၢ်လၢတၢ်အခိၣ်အဂီၢ်, လၢစီၤကိးရးအဖိခွါဒ်ပမုၣ်ကနီၤအသိး.
1 ယွၤမ့ၢ်ပတၢ်ပူၤဖျဲးအလီၢ်,ဒီးပဂံၢ်ပဘါလီၤ. လၢတၢ် မၤကိၢ်မၤဂီၤန့ၣ် ပှၤထံၣ်န့ၢ်အီၤလၢ တၢ်မၤစၢၤလီၤဆီ ဒၣ်တၢ်လီၤ.
2 မၤသးဒ်န့ၣ်ဒီး ဟီၣ်ခိၣ်မ့ၢ်လဲလိာ်အလီၢ် ဘၣ်ဆၣ်, ကစၢၢ်ကလိမ့ၢ်ဘၣ်တၢ်စိာ်အီၤဆူပီၣ်လဲၣ် အသးကံၢ်ပူၤဘၣ်ဆၣ်,
3 အထံတဖၣ်မ့ၢ်သီၣ်ထီၣ်ရုၢ်ရုၢ် ဒီးသဘှဲထီၣ်ဘၣ်ဆၣ်, ကစၢၢ်ကလိဆှဲးဆှိးလၢအလ ပီဒိၣ်အဃိဘၣ်ဆၣ်ဒီး, ပတပျံၤဘၣ်တၢ်ဘၣ်. စ့လၤ.
4 ထံမိၢ်ပှၢ်အထံဖးဒ့တဖၣ်န့ၣ်ဒုးသးခုယွၤအဝ့ၢ်, တၢ် ထီၣ်ထီတဂၤအအိၣ်အဆိးအလီၢ်စီဆှံလီၤ.
5 ယွၤအိၣ် ဝဲလၢအသးကံၢ်ပူၤလီၤ. တဟူးတဝးဘၣ်. လၢမုၢ်ဆ့ၣ် ဝါထီၣ်န့ၣ်ယွၤကမၤစၢၤအီၤလီၤ.
6 ပှၤကလုာ်တဖၣ်အ သီၣ်ထီၣ်ရုၢ်ရုၢ်, ဘီမုၢ်တဖၣ်ဟူးဝးဝဲလီၤ. အဝဲဒၣ်ဒုး သီၣ်လီၤအကလုၢ်, ဒီးဟီၣ်ခိၣ်ပှံၢ်ဝဲလီၤ.
7 တၢ်သုးမုၢ်ဂီၢ်မုၢ်အယွၤအိၣ်ဒီးပှၤ, စီၤယၤကိာ်အက စၢ်မ့ၢ်ပတၢ်ပူၤဖျဲးအလီၢ်လီၤ. စ့လၤ.
8 ဟဲကွၢ်ယွၤအမၤတၢ်တဖၣ်, လၢအပာ်လီၤတၢ်အိၣ် သယုၢ်တဖၣ်လၢ ဟီၣ်ခိၣ်ချၢန့ၣ်တက့ၢ်.
9 ဒုးအိၣ်က တီၢ် တၢ်ဒုးတၢ်ယၤတဖၣ် တုၤလၢဟီၣ်ခိၣ်အကတၢၢ် လီၤ. မၤကၢ်ချံၣ်ဧိၤပျၢ်ဧိၤ, ဒီးဒီၣ်တဲာ်ကွံာ်ဘီဧိၤနးဧိၤ, ဒီးဆူးကွံာ်လ့ၣ်ကဟၣ်လၢမ့ၣ်အူလီၤ.
10 အိၣ်ဃိကလာ်, ဒီးသ့ၣ်ညါလၢယမ့ၢ်ယွၤတက့ၢ်. ယကအိၣ်ထီၣ်ထီလၢ ပှၤကလုာ်တဖၣ်အကျါ, ယကအိၣ်ထီၣ်ထီလၢဟီၣ်ခိၣ် ချၢလီၤ.
11 တၢ်သုးမုၢ်ဂီၢ်မုၢ်အယွၤအိၣ်ဒီးပှၤ, စီၤယၤကိာ်အက စၢ်မ့ၢ်ပတၢ်ပူၤဖျဲးအလီၢ်လီၤ. စ့လၤ.