40
စီၤဒၤဝံးအထါလၢတၢ်အခိၣ်အဂီၢ်.
1 ယအိၣ်ခိးကွၢ်လၢ်ယွၤအကျဲလီၤ. ဒီးပာ်အသးဆူယ အိၣ်, ဒီးဒိကနၣ်ယဃ့ကညးတၢ်လီၤ.
2 ဒီးထုးထီၣ် ကွံာ်ယၤလၢတၢ်သီၣ်ဧူၢ်ဧူၢ်အတၢ်ပူၤ, ဒီးလၢကပံာ်ပှဲာ် အကျါ, ဒီးပာ်ယခီၣ်လၢလၢၢ်ဧိၤလ့ဧိၤအဖီခိၣ်, ဒီးဒုး ထွဲ ယခီၣ်ဂၢၢ်ဂၢၢ်ကျၢၤကျၢၤလီၤ.
3 ဒီးပာ်တၢ်သးဝံၣ် အသီလၢယထးခိၣ်, တၢ်စံးထီၣ်ပတြၢၤ ပကစၢ်လီၤ. ပှၤအါဂၤကထံၣ်ဘၣ်ဝဲ, ဒီးကပျံၤတၢ်, ဒီးကသန့ၤအ သးလၢယွၤလီၤ.
4 ပှၤလၢအပာ်ယွၤ လၢအတၢ်သန့ၤအသးန့ၣ်, ဒီးတ ကွၢ်မဲာ် ပှၤပာ်အသးထီၣ်ထီ, ဒီးပှၤလၢအတဃၣ်အ သးဆူတၢ်ကဘျံးကဘျၣ်ဘၣ်န့ၣ်ဘၣ်ဆိၣ်ဂ့ၤဝဲလီၤ.
5 ယွၤကစၢ်ဧၢ, နမၤလီၤလးတၢ်, ဒီးနဆိကမိၣ်တၢ်လၢ ပဂီၢ်အါမံၤလီၤ. ဘၣ်တၢ်ကျဲၤလီၤအီၤလၢနမဲာ်ညါတ သ့ဘၣ်, ယမ့ၢ်ကိးထီၣ်ဒီးဒုးနဲၣ်အဂ့ၢ်ဒီး, အါန့ၢ်ပဂံၢ် သ့တက့ၢ်လီၤ.
6 တၢ်လုၢ်, ဒီးတၢ်မၤဘူၣ်န့ၣ်တဘၣ်ဘၣ်နသးဘၣ်. နအူလီၤပျံာ်ယနၢ်ပူၤလီၤ, တၢ်လုၢ်မ့ၣ်အူ, ဒီးတၢ်လုၢ် တၢ်ဒဲးဘးန့ၣ်နတဃ့ဘၣ်.
7 တုၤနုၤတစုယစံး,ကွၢ်ကွၢ်, ယဟဲလီၤ, လၢလံာ်တထူအပူၤန့ၣ်တၢ်ကွဲးအသးလၢ ယဂ့ၢ်ယကျိၤလီၤ.
8 ဘၣ်ယသးလၢ ယကမၤဖဲဒၣ်န သးလီၤ, ယကစၢ်ဧၢ, ဒီးနတၢ်သိၣ်တၢ်သီန့ၣ်အိၣ်ဝဲ လၢယသးကံၢ်ပူၤလီၤ.
9 ယစံၣ်တဲၤတဲလီၤတၢ်တီတၢ်လိၤလၢ တၢ်အိၣ်ဖှိၣ်ဖး ဒိၣ်အပူၤလီၤ.ကွၢ်ကွၢ်,ယတကျၢၢ်တံာ်ဘၣ်ယပျုၤဘၣ်, ယွၤဧၢ,နသ့ၣ်ညါနဲလီၤ.
10 ယတပာ်ခူသူၣ်ဘၣ်နတၢ် တီတၢ်လိၤလၢယသးကံၢ်ပူၤဘၣ်.နမၤတီနကလုၢ်, ဒီး အုၣ်က့ၤခီၣ်က့ၤတၢ်န့ၣ် ယစံၣ်တဲၤတဲလီၤလီၤ. ယတ ပာ်ခူသူၣ်ကွံာ်နဘျုးနဖှိၣ်ဒီး နတၢ်မ့ၢ်တၢ်တီလၢတၢ် အိၣ်ဖှိၣ်ဖးဒိၣ်န့ၣ်ဘၣ်.
11 ယွၤဧၢ, မ်နသးအိၣ်ယၤတက့ၢ်. မ်နဘျုးနဖှိၣ်, ဒီး နတၢ်မ့ၢ်တၢ်တီန့ၣ်ပၢၤယၤတထံၣ်ဃီတက့ၢ်.
12 အဂ့ၢ် ဒ်အံၤတၢ်အၢတၢ်သီတဖၣ် အိၣ်ဝးတရံးယၤ တုၤတၢ် ဂံၢ်အီၤတသ့ဘၣ်. ယတၢ်ဒဲးဘးလူၤချုးန့ၢ်ယၤ, ယ ထံၣ်တၢ်တသ့ဘၣ်. အါန့ၢ်ယခိၣ်သူအဘိတက့ၢ်လီၤ. ဒီးယသးလဲၤသဒၣ်ယၤလီၤ.
13 ယွၤဧၢ, မ်တၢ်ဘၣ်နသး လၢနကမၤပူၤမၤဖျဲးယၤတက့ၢ်. ယွၤဧၢ, မၤချ့ချ့လၢ နကမၤစၢၤယၤတက့ၢ်.
14 ပှၤလၢအဃုယသးဒ်သိးအက မၤဟးဂီၤအီၤန့ၣ် မ်အမဲာ်ဆှး, ဒီးဘၣ်တၢ်ပာ်မဲာ်ဆှး အီၤတပူၤဃီတက့ၢ်. ပှၤလၢအဘၣ်အသး လၢယဘၣ် တၢ်အၢန့ၣ်မ်အဂုၤက့ၤအခံ, ဒီးဘၣ်တၢ်ပာ်မဲာ်ဆှးအီၤ န့ၣ်တက့ၢ်.
15 ပှၤလၢအစံးဘၣ်ယၤ, အၣ်,အၣ်န့ၣ် မ် အအိၣ်သယုၢ် လၢအတၢ်မဲာ်ဆှးအဘူးအလဲအဂီၢ်န့ၣ် တက့ၢ်.
16 ပှၤလၢအဃုနၤခဲလၢာ်န့ၣ် မ်အသူၣ်ဖှံသး ညီသူၣ်ခုသးခုလၢနပူၤတက့ၢ်, ပှၤလၢအအဲၣ်ဒိးနတၢ် အုၣ်က့ၤခီၣ်က့ၤန့ၣ် မ်အစံးတထံၣ်ဃီ, မ်ယွၤဘၣ် တၢ်ပာ်ဒိၣ်အီၤန့ၣ်တက့ၢ်.
17 ဒီးယဲဒၣ်အံၤ ယမ့ၢ်ပှၤဘၣ်နးဘၣ်ဖှီၣ်, ဒီးပှၤဖှီၣ်ဖိ ယာ်ဖိလီၤ. ယွၤဆိကမိၣ်တၢ်လၢယဂ့ၢ်လီၤ. နမ့ၢ်ယ တၢ်မၤစၢၤ, ဒီးယတၢ်မၤပူၤမၤဖျဲးတၢ်လီၤ, ကစၢ်ဧၢ, သုးနံၤသုးသီတဂ့ၤ.