38
စီၤဒၤဝံးအထါလၢတၢ်သ့ၣ်နီၣ်ထီၣ်က့ၤအဂီၢ်.
1 ယွၤဧၢ, သိၣ်ဃီၣ်ယၤလၢနသးထီၣ်တဂ့ၤ, ဒီးသိၣ် က့ၤသီက့ၤယၤ လၢနသးကဲၤထီၣ်တဂ့ၤ.
2 အဂ့ၢ်ဒ်အံၤ, နပျၢ်တဖၣ်ဆဲးဘၣ်ယၤ, ဒီးနစုဟဲလီၤ ဘၣ်ယလိၤလီၤ.
3 တၢ်အဆးတအိၣ်ဘၣ်လၢယညၣ်အ ကျါလၢနသးထီၣ်အဃိ, တၢ်အမုာ်တအိၣ်ဘၣ်လၢယ ဃံအပူၤလၢယတၢ်ဒဲးဘးအဃိလီၤ.
4 အဂ့ၢ်ဒ်အံၤ, ယ တၢ်ကမၣ်လုၣ်ဘၢယခိၣ်, ဒ်တၢ်ဝံအဃၢအသိးန့ၣ်ဃၢ န့ၢ်ယတူၢ်ကဲတက့ၢ်လီၤ.
5 ယပူၤလီၢ်တဖၣ်နၢဝဲ, ဒီးအုၣ် သံလၢ ယတၢ်ကမၣ်အဃိလီၤ.
6 ယအိၣ်တကဲဘၣ်, ယအိၣ်သကူးနးမးလီၤ. ယလဲၤသူၣ်အုးသးအုးသ့သ့ တနံၤလီၤ.
7 အဂ့ၢ်ဒ်အံၤ, ယယီၢ်ဒ့ပှဲၤဒီးတၢ်ဆါကိၢ်အူ, ဒီးတၢ်အဆးတအိၣ်ဘၣ်လၢယညၣ်အကျါဘၣ်.
8 ယ ဂံၢ်စၢ်ယဘါစၢ်, ဒီးယဘၣ်တၢ်လီၤကလဲနးမးလီၤ. ယ ကိးပသူထီၣ်လၢယသူၣ်ကိၢ်ယသးဂီၤအဃိန့ၣ်လီၤ.
9 ကစၢ်ဧၢ, ကယဲၢ်အဆၢတၢ်ခဲလၢာ် အိၣ်ဝဲလၢနမဲာ် ညါ, ဒီးယကအုကစွါ တအိၣ်တဒၢဘၣ်ဒီးနၤဘၣ်.ဘၣ်.
10 ယသူၣ်ဝးယသးဝး, ယဂံၢ်ယဘါ လဲၤသဒၣ်ယၤလီၤ. ယမဲာ်အတၢ်ကပီၤ တအိၣ်လၢၤစ့ၢ်ကီးဒီး ယၤဘၣ်.
11 ပှၤလၢအအဲၣ်ယၤ, ဒီးယတံၤယသကိးတဖၣ်န့ၣ် ဆၢ ထၢၣ်စီၤစုၤဒီးယပူၤလီၢ်, ဒီးယဘူးယတံၢ်တဖၣ်န့ၣ်ဆၢ ထၢၣ်လၢအယံၤလီၤ.
12 ဒီးပှၤလၢအဃုယသးန့ၣ် ဆဲ ဝၣ်ခီ, ဒီးပှၤလၢအဃုယဘၣ်တၢ်အၢန့ၣ် ကတိၤတၢ် အၢ, ဒီးကူၣ်လီတၢ်သ့သ့တနံၤလီၤ.
13 ဒီးယဲဒၣ်အံၤ, ဒ်ပှၤလၢအနၢ်တအၢအသိးန့ၣ်ယတ နၢ်ဟူဘၣ်, ဒီးဒ်ပှၤတအုၣ်အသိးန့ၣ်ယတအဲးထီၣ်ဘၣ် ယထးခိၣ်ဘၣ်.
14 ဒီးယမၤသးဒ်ပှၤလၢအတနၢ်ဟူဘၣ်, ဒီးတၢ်ကတိၤဆၢ တအိၣ်ဘၣ်လၢ အထးခိၣ်ဘၣ်.-
15 အဂ့ၢ်ဒ်အံၤ, ယွၤဧၢ, ယမုၢ်လၢ်တၢ်လၢနၤလီၤ. နက စံးဆၢတၢ်, ကစၢ်, ယကစၢ်ဧၢ.
16 အဂ့ၢ်ဒ်အံၤ, ယစံး, ကသးခုဘၣ်ဖုးဝဲလၢယဖီခိၣ် လီၤ. တုၤယခီၣ်လီၤတလံာ်ဒီး, ပာ်ဒိၣ်အသးလၢယဖီ ခိၣ်လီၤ.
17 အဂ့ၢ်ဒ်အံၤ, ဘူးဒီးယကလီၤဃံၤ, ဒီးယတၢ် သးအုးန့ၣ်အိၣ်ဝဲလၢယမဲာ်ညါတထံၣ်ဃီလီၤ.
18 အဂ့ၢ် ဒ်အံၤ ယကတဲလီၤကျဲၤလီၤယတၢ်အၢ, ယကသးအုး လၢယတၢ်ဒဲးဘးအဃိလီၤ.
19 ဘၣ်ဆၣ်ဒီး ယဒုၣ်ယဒါ န့ၣ်ဂဲၤလိာ်ဝဲ, အဂံၢ်ဆူၣ်အဘါဆူၣ်, ဒီးပှၤလၢအလီၢ် တအိၣ်ဘၣ်ဒီး, သးဟ့ယၤန့ၣ်အိၣ်အါဂၤလီၤ.
20 ဒီးပှၤ လၢအဟ့ၣ်ကၣ်တၢ်အၢလၢတၢ်ဂ့ၤအဂီၢ်န့ၣ် ထီဒါယၤ လၢယလူၤတၢ်ဂ့ၤအဃိလီၤ.
21 လဲၤသဒၣ်ယၤတဂ့ၤ, ယွၤ,ယကစၢ်ဧၢ. အိၣ်ယံၤဒီး ယၤတဂ့ၤ,
22 မၤချ့ချ့ဒ်သိးနကမၤစၢၤယၤတက့ၢ်, တၢ် အုၣ်က့ၤခီၣ်က့ၤယၤ, ကစၢ်ဧၢ.