128
ပှၤတမှံၤအတၢ်သးဝံၣ်.
1 ကယဲၢ်ပှၤလၢအပျံၤယွၤ, ဒီးပိာ်အကျဲတဖၣ်န့ၣ်ဘၣ် ဆိၣ်ဂ့ၤဝဲလီၤ.
2 အဂ့ၢ်ဒ်အံၤ, နကအီၣ်တၢ်လၢနမၤ တၢ်လၢနစုလီၤ. နကအိၣ်မုာ်, ဒီးနကဘၣ်တၢ်ဂ့ၤတၢ် ဝါလီၤ.
3 နမါကမၤသးဒ်စပံးမုၢ်လၢအသၣ်ထီၣ်တမုၢ် အိၣ်လၢနဟံၣ်ဃၢၤအသိးန့ၣ်, ဒီးနဖိနလံၤကမၤသးဒ် သ့ၣ်စၤယံးအထံးသ့ၣ်တဖၣ် အိၣ်ဝးတရံးနစီၢ်နီၤခိၣ် အသိးန့ၣ်လီၤ.
4 ကွၢ်ကွၢ်, ပှၤလၢအပျံၤယွၤန့ၣ် ကဘၣ်တၢ်ဆိၣ်ဂ့ၤ ဒ်န့ၣ်အသိးလီၤ.
5 ယွၤကဆိၣ်ဂ့ၤနၤလၢစံယိၣ်,ဒီးနက ထံၣ်ဘၣ်ယရူၤၡလ့ၣ်အတၢ်ဂ့ၤန့ၣ်တစိၤဒၣ်နၤလီၤ.
6 ဒီး နကထံၣ်ဘၣ်နဖိတဖၣ်အဖိလီၤ. မ်တၢ်ဃူတၢ်ဖိးအိၣ် ဒီးအံၣ်စရ့လးတက့ၢ်.