108
တၢ်သးဝံၣ်စီၤဒၤဝံးအထါ.
1 ယွၤဧၢ,ယသးအိၣ်ဂၢၢ်ဆိးကျၢၤ,ယကစံးထီၣ်ပတြၢၤ တၢ်, ဒီးယကသးဝံၣ်တၢ်လၢယလၤကပီၤဒၣ်လဲာ်လီၤ.
2 ဖုသံနီၣ်ထီၣ်တက့ၢ်, သီတူၢ်ဒီးတနၢ်သ့ၣ်ဧၢ, ယက ထိၣ်ဂဲၤမုၢ်ဆ့ၣ်ဝါန့ၣ်လီၤ.
3 ယကစံးထီၣ်ပတြၢၤနၤလၢ ပှၤဂီၢ်မုၢ်အကျါ, ယွၤဧၢ, ယကသးဝံၣ်ထီၣ်နၤလၢပှၤ ကလုာ်တဖၣ်အကျါလီၤ.
4 အဂ့ၢ်ဒ်အံၤ, နဘျုးနဖှိၣ်ဒိၣ်ဝဲလၢမူခိၣ်အဖီခိၣ်, ဒီး နတၢ်မ့ၢ်တၢ်တီပၢၢ်လၢတၢ်အၢၣ်တဖၣ်န့ၣ်လီၤ.
5 မ်နဘၣ်တၢ်ပာ်ထီၣ်ထီနၤလၢမူခိၣ်အဖီခိၣ်, ယွၤဧၢ, မ်ပှၤမၤလၤကပီၤနၤလၢ ဟီၣ်ခိၣ်ဒီဘ့ၣ်ညါအဖီခိၣ်တ က့ၢ်.
6 ဒ်သိးပှၤလၢနအဲၣ်အီၤကပူၤကဖျဲးဒီး, အုၣ်က့ၤခီၣ်က့ၤ တၢ်လၢနစုထွဲ, ဒီးစံးဆၢပှၤတက့ၢ်.
7 ယွၤကတိၤလံတၢ်လၢ အတၢ်စီဆှံအပူၤလံ, ယက သူၣ်ဖှံသးညီလီၤ, ယကနီၤဖးၡက့ၣ်အဆၢ, ဒီးထိၣ် တၢ်ပျီပူၤစူးကိၤသးလီၤ.
8 ကံးလဧးမ့ၢ်ယတၢ်, ဒီးမနၤ ရှ့ၤမ့ၢ်ယတၢ်, ဒီးအ့ဖရဲၣ်မ့ၢ်တၢ်တဒီယခိၣ်, ယူဒၤမ့ၢ် ယပှၤဟ့ၣ်တၢ်သိၣ်တၢ်သီ,
9 မိၤအးမ့ၢ်ယသ့စီတၢ်အ သရာ်တဖျၢၣ်, ယကကွံာ်တ့ၢ်ယခီၣ်ဖံးလၢအဒိၣ်အဖီ ခိၣ်, ယကသူၣ်ဖှံသးညီလၢဖလ့ၡသးအဖီခိၣ်လီၤ.
10 မ့ၢ်မတၤကဒုးလဲၤနုာ်ယၤဆူ ဝ့ၢ်အိၣ်ဒီးအခိၣ်ဒူတဂၤ လဲၣ်. မ့ၢ်မတၤကဆှၢယၤဆူအဒိၣ်တဂၤလဲၣ်
11 နဲဒၣ်, ပှၤလၢအညိကွံာ်ပှၤတမ့ၢ်ဘၣ်ဧါ, ကစၢ်ဧၢ, ဒီးပှၤလၢ အတလဲၤထီၣ်ဘၣ်ဒီးပသုးမုၢ်, ယွၤဧၢ.
12 လၢတၢ်မၤကိၢ်မၤဂီၤအပူၤန့ၣ် မၤစၢၤပှၤတက့ၢ်. အ ဂ့ၢ်ဒ်အံၤ, ပှၤကညီအတၢ်အုၣ်က့ၤခီၣ်က့ၤန့ၣ် မ့ၢ်တၢ် ကလီကလီလီၤ.
13 ပကမၤတၢ်ဒီးတၢ်ဂံၢ်ဆူၣ်ဘါဆူၣ် လၢယွၤလီၤ. အဂ့ၢ်ဒ်အံၤ အဝဲဒၣ်န့ၣ်ကယီၢ်တံၢ်လီၤ ပဒုၣ်ပဒါလီၤ.