28
1 ဖဲပှၤတလူၤဘၣ်ဒီး, ပှၤတတီတလိၤဘၣ်ဃ့ၢ်ဝဲလီၤ. မ့မ့ၢ်ပှၤတီပှၤလိၤအသးခူတလ့ၢ်ဒ်ခ့ယုၢ်အသိးန့ၣ်လီၤ.
2 မ့ၢ်ပှၤကီၢ်ဖိအမၤကမၣ်တၢ်အဃိန့ၣ်ဒီး, ပဒိၣ်ဖးဒိၣ် အိၣ်ဝဲအါဂၤလီၤ. မ့မ့ၢ်ပှၤအကူၣ်အဆးဒီးပှၤသ့ၣ်ညါ အဃိန့ၣ်, အနံၣ်အလါကအါထီၣ်လီၤ.
3 ပှၤဖှီၣ်ဖိလၢအမၤအၢ ပှၤဘၣ်ဖှီၣ်ဘၣ်ယာ်န့ၣ်မ့ၢ်တၢ် ဟဲစူၤဒိၣ်လၢအတြူာ်ကွံာ်တၢ်, ဒီးတပာ်လီၤတဲာ်ဘၣ် တၢ်အီၣ်ဘၣ်.
4 ပှၤလၢအလဲၤသဒၣ် တၢ်သိၣ်တၢ်သီန့ၣ် စံးထီၣ်ပ တြၢၤပှၤအအၢလီၤ. မ့မ့ၢ်ပှၤလၢအတိၢ်န့ၢ်တၢ်သိၣ်တၢ် သီန့ၣ်ဂ့ၢ်လိာ်ဒီးအီၤလီၤ.
5 ပှၤအအၢန့ၣ်အနၢ်တပၢၢ်ဘၣ်တၢ်စံၣ်ညီၣ်ဘၣ်. မ့မ့ၢ် ပှၤလၢအဃုယွၤန့ၣ်နၢ်ပၢၢ်တၢ်ခဲလၢာ်လီၤ.
6 ပှၤဖှီၣ်ဖိလၢအလဲၤတၢ် လၢလၢပှဲၤပှဲၤန့ၣ်ဂ့ၤန့ၢ်ပှၤလၢ အထူးအတီၤ, လၢအကျဲက့ၣ်န့ၣ်တက့ၢ်လီၤ.
7 ပှၤလၢအတိၢ်န့ၢ်တၢ်သိၣ်တၢ်သီန့ၣ် မ့ၢ်ဖိခွါလၢအ သူၣ်ဆးအသးဆးလီၤ. မ့မ့ၢ်ပှၤလၢအဒီတံၤဒီသကိးဒီး ပှၤလၢအအီၣ်လုၣ်ကိတၢ်န့ၣ်ဒုးမဲာ်ဆှးအပၢ်လီၤ.
8 ပှၤလၢအမၤအါထီၣ် အစုလီၢ်အခီၣ်ခိၣ်လၢစ့အအ့ၣ် ထီၣ်ဒီးလၢတၢ်အါထီၣ်န့ၣ် ပာ်ဖှိၣ်ဝဲလၢပှၤသးကညီၤ ပှၤဖှီၣ်ဖိအဂီၢ်န့ၣ်လီၤ.
9 ပှၤလၢအဃၣ်ကွံာ်အနၢ်ဒ်သိး အသုတနၢ်ဟူတၢ်သိၣ် တၢ်သီတဂ့ၤန့ၣ်, အတၢ်ထုကဖၣ်ကကဲလၢ တၢ်သး ဘၣ်အၢလီၤ.
10 ပှၤလၢအဒုးဟးဖျိးပှၤ တီပှၤလိၤဆူကျဲအအၢန့ၣ်က လီၤတဲာ်လၢအပူၤဒၣ်ဝဲန့ၣ်လီၤ. မ့မ့ၢ်ပှၤတီပှၤလိၤက န့ၢ်ဘၣ်သါတၢ်ဂ့ၤတၢ်ဘၣ်လီၤ.
11 ပှၤထူးပှၤတီၤန့ၣ် ကူၣ်တၢ်သ့လၢအမဲာ်ဒၣ်ဝဲလီၤ. မ့ မ့ၢ်ပှၤဖှီၣ်ဖိယာ်ဖိအိၣ်ဒီး အတၢ်ကူၣ်တၢ်ဆးန့ၣ်ဃု ကွၢ်အီၤလီၤ.
12 ပှၤတီပှၤလိၤသူၣ်ဖှံသးညီဒီး တၢ်လၤကပီၤဖးဒိၣ်အိၣ် ဝဲလီၤ. မ့မ့ၢ်တုၤပှၤတတီတလိၤဘၣ်န့ၣ်ထီၣ်ထီဒီး, ပှၤ ပာ်ခူသူၣ်အသးလီၤ.
13 ပှၤလၢအကျၢၢ်ဘၢ အတၢ်သရူးကမၣ်န့ၣ် တဘီၣ် ထီၣ်တညီထီၣ်ဘၣ်ဘၣ်. မ့မ့ၢ်ပှၤလၢအတဲလီၤကျဲၤလီၤ ဒီးညိကွံာ်ဝဲန့ၣ်ကဒိးတၢ်သးကညီၤလီၤ.
14 ပှၤလၢအပျံၤတၢ်တထံၣ်ဃီန့ၣ် ဘၣ်ဆိၣ်ဂ့ၤဝဲလီၤ. မ့မ့ၢ်ပှၤလၢအပာ်ကိၤအသးန့ၣ် ကလီၤဘၣ်လၢတၢ်အၢ အပူၤလီၤ.
15 ပှၤတတီတလိၤလၢ အပၢပှၤဘၣ်ဖှီၣ်ဘၣ်ယာ်န့ၣ်မၤ သးဒ်ခ့ယုၢ်လၢအသီၣ်ထီၣ်ရုၢ်ရုၢ်, ဒီးတၤသူလၢအလဲၤ ဝ့ၤဝီၤတၢ်အသိးန့ၣ်လီၤ.
16 ပဒိၣ်ဖးဒိၣ်လၢအကူၣ် အဆးတအိၣ်ဘၣ်န့ၣ်မၤအၢ တၢ်ဖးဒိၣ်လီၤ. မ့မ့ၢ်ပှၤလၢအသးဟ့တၢ်သးကွံန့ၣ်က မၤအါထီၣ်အနံၤအသီလီၤ.
17 ပှၤလၢပှၤကညီအသွံၣ်အိၣ်လၢအလိၤန့ၣ် ကဃ့ၢ်တၢ် ဆူတၢ်ပူၤလီၤ. မ်ပှၤအသုတတြီအီၤတဂ့ၤ.
18 ပှၤလၢအလဲၤတၢ်လၢလၢပှဲၤပှဲၤန့ၣ် ကတုၤလၢတၢ် အုၣ်က့ၤခီၣ်က့ၤလီၤ. မ့မ့ၢ်ပှၤလၢအကျဲက့ၣ်န့ၣ်ကလီၤ ဃံၤတကီၢ်ခါလီၤ.
19 ပှၤလၢအမၤအဟီၣ်ခိၣ်န့ၣ်ကဘျဲးအီၣ်ကိၣ်လီၤ. မ့မ့ၢ် ပှၤလၢအလူၤတၢ်ကလီကလီန့ၣ် ကပှဲၤဒီးတၢ်ဖှီၣ်တၢ် ယာ်လီၤ.
20 ပှၤအမ့ၢ်အတီန့ၣ် ကဘၣ်တၢ်ဆိၣ်ဂ့ၤလၢအအါလီၤ. မ့မ့ၢ်ပှၤလၢအမၤချ့ချ့ ဒ်သိးအကထူးထီၣ်တီၤထီၣ်ဒီး, ကတူၢ်တၢ်ဒဲးဘးလီၤ.
21 တၢ်ကွၢ်မဲာ်ပှၤကညီန့ၣ်တဂ့ၤဘၣ်.အဂ့ၢ်ဒ်အံၤ, ပှၤက ကမၣ်တၢ်လၢကိၣ်တလိၣ်အဂီၢ်လီၤ.
22 ပှၤလၢအသးအၢန့ၣ် မၤချ့ချ့ဒ်သိးအကထူးထီၣ်တီၤ ထီၣ်, ဒီးတဆိကမိၣ်ဘၣ်လၢ အကဘၣ်တၢ်နးတၢ် ဖှီၣ်ဘၣ်.
23 ပှၤလၢအသိၣ်ဃီၣ်ပှၤကညီတဂၤန့ၣ် ကဘၣ်ဘျုးဘၣ် ဖှိၣ်လၢခံအါန့ၢ် ပှၤလၢအလွဲတၢ်လၢအပျ့ၤတက့ၢ်လီၤ.
24 ပှၤလၢအဟုၣ်အမိၢ်အပၢ်အတၢ်, ဒီးစံးတမ့ၢ်ဘၣ်တၢ် ကမၣ်န့ၣ်မ့ၢ်အဒီတံၤဒီသကိးဒီးပှၤမၤဟးဂီၤတၢ်လီၤ.
25 ပှၤလၢအသးကွံတၢ်န့ၣ် ထိၣ်ဂဲၤတၢ်အ့ၣ်လိာ်ဆိးက့ လိာ်လီၤ. မ့မ့ၢ် ပှၤလၢအသန့ၤအသးလၢယွၤန့ၣ်က ဘီၣ်ထီၣ်ညီထီၣ်လီၤ.
26 ပှၤလၢအသန့ၤလီၤအသးလၢအသးဒၣ်ဝဲန့ၣ် မ့ၢ်ပှၤ ဟးဂီၤဖိလီၤ. မ့မ့ၢ်ပှၤလၢအလဲၤတၢ်ဒီးတၢ်ကူၣ်သ့န့ၣ် ကပူၤကဖျဲးတၢ်လီၤ.
27 ပှၤလၢအဟ့ၣ်တၢ်လၢ ပှၤဖှီၣ်ဖိယာ်ဖိန့ၣ်အတၢ်က အါလီၤ. မ့မ့ၢ်ပှၤလၢအပာ်တဒၢအမဲာ်န့ၣ်ကဘၣ်တၢ် ဆိၣ်အၢအါမးလီၤ.
28 တုၤပှၤတတီတလိၤထီၣ်ထီဒီး, ပှၤကညီ ပာ်ခူသူၣ် အသးလီၤ. မ့မ့ၢ်တုၤအဟးဂီၤဒီး, ပှၤတီပှၤလိၤအါထီၣ် ဝဲလီၤ.