20
1 စပံးထံန့ၣ် မ့ၢ်တၢ်မၤတရီတပါတၢ်, ဒီးသံးဧိၤဂာ်ဧိၤ န့ၣ်မ့ၢ်တၢ်မၤတၢထီၣ်တၢလီၤတၢ်လီၤ. ဒီးကယဲၢ်ပှၤ လၢအလဲၤကနူၤကပၤလၢအဃိန့ၣ်ကူၣ်တၢ်တသ့ဘၣ်.
2 စီၤပၤမၤပျံၤတၢ်န့ၣ် မၤသးဒ် ခ့ယုၢ်သီၣ်ရုၢ်ရုၢ်အသိး န့ၣ်, ဒီးပှၤလၢအထိၣ်ဂဲၤအသးထီၣ်အီၤန့ၣ်မၤကမၣ် ဘၣ်အသးဒၣ်ဝဲန့ၣ်လီၤ.
3 ပှၤအိၣ်လီၤဖးအသး ဒီးတၢ်အ့ၣ်လိာ်ဆိးက့လိာ်န့ၣ် မ့ၢ်အလၤကပီၤလီၤ. မ့မ့ၢ်ကယဲၢ်ပှၤဟးဂီၤဖိန့ၣ်ကအ့ၣ် လိာ်အသးလီၤ.
4 ပှၤအကၢၣ်န့ၣ်တထဲၣ်ဘၣ်တၢ်လၢ တၢ်ဂိၢ်အဃိလီၤ. မၤသးဒ်န့ၣ် ဒီးကဃ့တၢ်လၢကူးဘုအခါ, ဒီးအတၢ် တအိၣ်ဘၣ်.
5 တၢ်ကူၣ်ထီၣ်ဖးလီၤလၢ ပှၤကညီအသးကံၢ်ပူၤန့ၣ်မ့ၢ် ထံယိာ်လီၤ. ဘၣ်ဆၣ်ဒီးပှၤအသူၣ်ဆးအသးဆးန့ၣ် ထုးထီၣ်ဝဲလီၤ.
6 ပှၤအါဂၤကိးထီၣ် တဂၤအတၢ်ဘျုးဒၣ်ဝဲ, တဂၤအ တၢ်ဘျုးဒၣ်ဝဲလီၤ. မ့မ့ၢ်ပှၤလၢအကလုၢ်တီန့ၣ်မ့ၢ်မတၤ ထံၣ်န့ၢ်အီၤသ့တဂၤလဲၣ်.
7 ပှၤတီပှၤလိၤန့ၣ် လဲၤတၢ်လၢအတၢ်လၢတၢ်ပှဲၤအပူၤ လီၤ. အဖိအလံၤဘၣ်တၢ်ဆိၣ်ဂ့ၤလၢအလီၢ်ခံန့ၣ်လီၤ.
8 စီၤပၤဆ့ၣ်နီၤဝဲလၢ လီၢ်ပစိာ်စံၣ်ညီၣ်တၢ်န့ၣ် ဂုၤက ယဲၢ်တၢ်အၢလၢအမဲာ်လီၤ.
9 ယသ့စီလံယသးလံ, ယတၢ်ဒဲးဘးတအိၣ်ဘၣ်န့ၣ် မ့ၢ်မတၤစံးသ့တဂၤလဲၣ်.
10 စီၤပီၢ်သၣ်ခံမံၤ, ဒီးနီၣ်ဃီၣ်တၢ်ခံမံၤန့ၣ် မ့ၢ်တၢ်သး ဘၣ်အၢခံမံၤလၢာ်လၢယွၤအမဲာ်ညါလီၤ.
11 ဖိသၣ်ဒၣ်လဲာ်န့ၣ် အမၤတၢ်ကဆှီဧါ. အမၤတၢ်လိၤ ဧါန့ၣ်ပှၤသ့ၣ်ညါအီၤလၢအမၤတၢ်လီၤ.
12 နၢ်လၢအနၢ်ဟူတၢ်, မဲာ်လၢအထံၣ်တၢ်န့ၣ် ယွၤတ့ လီၤအီၤခံမံၤလၢာ်လီၤ.
13 အဲၣ်ဒိးမံန့ၣ်တဂ့ၤ. နကဖှီၣ်လီၤယာ်လီၤဘၣ်ဖုးလီၤ. အိးထီၣ်နမဲာ်တက့ၢ်.ဒီးနကဘျဲးအီၣ်ဒီးကိၣ်လီၤ.
14 တၢ်နီတမံၤ, တၢ်နီတမံၤန့ၣ်ပှၤပှ့ၤတၢ်စံးဝဲဒၣ်လီၤ.ဒီး ဟးထီၣ်ကွံာ်အလီၢ်ခံန့ၣ်, ပာ်ကဖိအသးလီၤ.
15 ထူဒီးတၢ်မျၢ်ပလဲဂီၢ်မုၢ်အိၣ်ဝဲလီၤ. မ့မ့ၢ်တၢ်သ့ၣ်ညါ အပျုၤန့ၣ်မ့ၢ်တၢ်လုၢ်ဒိၣ်ပှ့ၤဒိၣ်အလီခီလီၤ.
16 ပှၤလၢအအုၣ်ခီၣ်အသးလၢ ပှၤလၢအတသ့ၣ်ညါ ဘၣ်ဝဲအဂီၢ်န့ၣ် ဟံးန့ၢ်အယၣ်တက့ၢ်. ဒီးဟံးကီၤလၢ ပှၤလၢအအုၣ်ကီၤအသးလၢပှၤလၢအတသ့ၣ်ညါဘၣ်ဝဲ တဖၣ်အဂီၢ်တက့ၢ်.
17 ကိၣ်ကဘျံးကဘျၣ်န့ၣ် ဆၢဝဲလၢပှၤကညီအဂီၢ်လီၤ. ဘၣ်ဆၣ် ဒီးလၢအလီၢ်ခံန့ၣ်အထးခိၣ်ကပှဲၤဒီးလၢၢ်ပြံ ဧိၤလီၤ.
18 တၢ်ကူၣ်ထီၣ်ဖးလီၤန့ၣ် အိၣ်ဂၢၢ်ဆိးကျၢၤလၢတၢ် ကူၣ်လိာ်အသးလီၤ. မၤတၢ်ဒုးသုးအိၣ်ဒီး တၢ်ဒုးကူၣ် တၢ်အဂ့ၤအဘၣ်န့ၣ်တက့ၢ်.
19 ပှၤလၢအလဲၤခဲၣ်တၢ်န့ၣ် လီၣ်ဖျါထီၣ်တၢ်အိၣ်ခူသူၣ် လီၤ. မၤသးဒ်န့ၣ်ဒီး, ဒီတံၤဒီသကိးဒီး ပှၤအဲးထီၣ်ဖး လဲၢ်အပျုၤတဂ့ၤ.
20 ပှၤလၢအဆိၣ်အၢအမိၢ်အပၢ်န့ၣ် အမ့ၣ်အူဒၢကလီၤ ပံာ်လၢတၢ်ခံးသူလီၤ.
21 ပှၤန့ၢ်ဘၣ် တၢ်အစုလီၢ်အခီၣ်ခိၣ်ချ့ချ့ လၢအခီၣ်ထံး ဘၣ်ဆၣ်ဒီး, အကတၢၢ်န့ၣ်တဘၣ်ဘၣ်တၢ်ဆိၣ်ဂ့ၤဘၣ်.
22 ယကဟ့ၣ်ကၣ် တၢ်အၢန့ၣ်စံးတဂ့ၤ. အိၣ်ခိးယွၤတ က့ၢ်. ဒီးအဝဲဒၣ်ကမၤစၢၤနၤလီၤ.
23 စီၤပီၢ်သၣ်ခံမံၤန့ၣ် မ့ၢ်တၢ်သးဘၣ်အၢလၢ ယွၤအ မဲာ်ညါလီၤ. ဒီးစီၤပီၢ်သၣ်လၢအလီတၢ်န့ၣ်တဂ့ၤဘၣ်.
24 ပှၤအထွဲတၢ်န့ၣ်ဘၣ်ဃးဒီးယွၤလီၤ. ဒီးပှၤကညီအ နၢ်ကပၢၢ်အကျဲဒ်လဲၣ်.
25 ပှၤလၢအဆိၣ်လီၤအသးချ့ဒီးသံကွၢ်က့ၤ တၢ်လၢအ ဆိၣ်တၢ်အလီၢ်ခံန့ၣ် ကဲထီၣ်ဝဲလၢတၢ်ပျံၤသကွီၤလၢ အဂီၢ်လီၤ.
26 စီၤပၤလၢအကူၣ်တၢ်သ့န့ၣ် ဂုၤပှၤတတီတလိၤ, ဒီးဒုး လဲၤထးကြၢ်လၢအဖီခိၣ်လီၤ.
27 ပှၤကညီအသးန့ၣ်မ့ၢ်ယွၤအမ့ၣ်အူဒၢလီၤ. ဃုတၢ်တ ဒၢလၢပနီၢ်ခိအပူၤခဲလၢာ်လီၤ.
28 တၢ်ဘျုးတၢ်ဖှိၣ်ဒီးတၢ်မ့ၢ်တၢ်တီပၢၤဃာ်စီၤပၤ, ဒီးက မၤကျၢၤအလီၢ်ပစိာ်လၢတၢ်သးကညီၤလီၤ.
29 ပှၤဖိၣ်သၣ်ခွါအလၤကပီၤန့ၣ် မ့ၢ်အဂံၢ်အဘါ, ဒီးပှၤ သးပှၢ်အဃံအလၤန့ၣ်မ့ၢ်အခိၣ်ဝါလီၤ.
30 တၢ်တီၢ်အပူၤလီၢ်န့ၣ်မၤကဆှီကွံာ်တၢ်အၢ, တၢ်တီၢ် အလီၢ်လၢအပၢၢ်လၢပဟၢဖၢအသးကံၢ်ပူၤလီၤ.