15
1 စံးဆၢတၢ်မုာ်မုာ်န့ၣ် ဘိးဃၣ်ကွံာ်တၢ်သးထီၣ်လီၤ. မ့မ့ၢ်တၢ်ကတိၤဆါန့ၣ်ထိၣ်ဂဲၤတၢ်သးထီၣ်လီၤ.
2 ပှၤကူၣ်တၢ်သ့အပျ့ၤန့ၣ် ဒုးဖျါထီၣ်တၢ်သ့ၣ်ညါအဂ့ၤ အဘၣ်လီၤ. မ့မ့ၢ်ပှၤဟးဂီၤဖိအထးခိၣ်ဂၢ်လီၤပှၤဟးဂီၤ ဖိအတၢ်လီၤ.
3 ယွၤအမဲာ်အိၣ်ဝဲလၢတၢ်ကိးပူၤဒဲး, ဒီးကွၢ်တၢ်အၢဒီး တၢ်ဂ့ၤလီၤ.
4 ပှၤအပျ့ၤလၢ အမၤမုာ်ထီၣ်က့ၤတၢ်န့ၣ် မ့ၢ်တၢ်မူအ သ့ၣ်လီၤ.မ့မ့ၢ်လီတၢ်လၢအီၤန့ၣ်မၤကၢ်ပှၤအသးလီၤ.
5 ပှၤဟးဂီၤဖိတပးကဲဘၣ် အပၢ်အတၢ်သိၣ်က့ၤသီက့ၤ ဘၣ်. မ့မ့ၢ်ပှၤလၢအတိၢ်န့ၢ်တၢ်သိၣ်ဃီၣ်န့ၣ်ကူၣ်တၢ် ဘၣ်လီၤ.
6 တၢ်အစုလီၢ်အခီၣ်ခိၣ် အိၣ်ဝဲလၢပှၤတီပှၤလိၤအဟံၣ် အါမးလီၤ. မ့မ့ၢ်တၢ်မၤကိၢ်မၤဂီၤ အိၣ်ဝဲလၢပှၤတတီ တလိၤအတၢ်အါထီၣ်အပူၤလီၤ.
7 ပှၤကူၣ်တၢ်သ့အပျုၤန့ၣ်ဖှံလီၤတၢ်သ့ၣ်ညါလီၤ. မ့မ့ၢ် ပှၤဟးဂီၤဖိအသးန့ၣ်တဒ်န့ၣ်ဘၣ်.
8 ပှၤတတီတလိၤဘၣ်အတၢ်လုၢ်တၢ်ပာ်န့ၣ် ယွၤသး ဘၣ်အၢအီၤလီၤ. မ့မ့ၢ်ပှၤတီပှၤလိၤအတၢ်ထုကဖၣ်န့ၣ် ဘၣ်အသးလီၤ.
9 ယွၤသးဘၣ်အၢပှၤတတီတလိၤဘၣ်အကျဲလီၤ. မ့မ့ၢ် အဲၣ်ပှၤလၢအလူၤတၢ်တီတၢ်လိၤလီၤ.
10 ပှၤလၢအလဲၤသဒၣ် ကျဲဧိၤကပူၤဧိၤန့ၣ် ကဘၣ်တၢ် သိၣ်ဃီၣ်အီၤနးမးလီၤ. ပှၤလၢအသးဟ့တၢ်သိၣ်ဃီၣ် န့ၣ်ကသံဝဲလီၤ.
11 တၢ်ပျုၤပူၤဒီးလရာ်န့ၣ် အိၣ်ဝဲလၢယွၤအမဲာ်ညါလီၤ. ပှၤကညီဖိအသးန့ၣ်အါန့ၢ်တက့ၢ်ဆံးဒိၣ်လဲၣ်.
12 ပှၤမၤတၢ်တရီတပါန့ၣ် တအဲၣ်ဘၣ်ပှၤလၢအသိၣ် ဃီၣ်အီၤဘၣ်, ဒီးတလဲၤဘၣ်ဝဲဆူပှၤလၢအကူၣ်တၢ်သ့ အအိၣ်ဘၣ်.
13 တၢ်သးခုန့ၣ်မၤဂ့ၤထီၣ်ပှၤအမဲာ်လီၤ. မ့မ့ၢ်တၢ်သူၣ် ကိၢ်သးဂီၤန့ၣ်မၤသူၣ်ကၢ်သးလီၤတၢ်လီၤ.
14 ပှၤအကူၣ်အဆးအသးန့ၣ်ဃုတၢ်သ့ၣ်ညါလီၤ. မ့မ့ၢ် ပှၤဟးဂီၤဖိအထးခိၣ်န့ၣ် အီၣ်ဝဲလၢပှၤဟးဂီၤဖိအတၢ် လီၤ.
15 ပှၤလၢအဘၣ်နးဘၣ်ဖှီၣ်အမုၢ်နံၤန့ၣ် မ့ၢ်အအၢကိးနံၤ ဒဲးလီၤ. မ့မ့ၢ်ပှၤလၢအသးမုာ်န့ၣ်အိၣ်ဝဲဒီးအပွဲဧိၤလီဧိၤ တထံၣ်ဃီလီၤ.
16 တၢ်တစဲးဖိအိၣ်ဒီးတၢ်ပျံၤယွၤန့ၣ်ဂ့ၤန့ၢ် တၢ်လုၢ်ဒိၣ် ပှ့ၤဒိၣ်အိၣ်ဝဲဒီးတၢ်မၤကိၢ်မၤဂီၤလီၤ.
17 အီၣ်တၢ်ဒိးတၢ်လၣ် အိၣ်ဒီးတၢ်အဲၣ်န့ၣ်ဂ့ၤန့ၢ်ဂီၤဖံး ဘီၣ်တဒုအိၣ်ဒီးတၢ်သးဟ့တက့ၢ်လီၤ.
18 ပှၤလၢအသးထီၣ်န့ၣ် ထိၣ်ဂဲၤတၢ်အ့ၣ်လိာ်ဆိးက့ လိာ်န့ၣ်လီၤ. မ့မ့ၢ်ပှၤလၢအသးဒိၣ်ထီၣ်ကီန့ၣ် မၤမုာ် ထီၣ်က့ၤတၢ်အ့ၣ်လိာ်ဆိးက့လိာ်န့ၣ်လီၤ.
19 ပှၤကၢၣ်အကျဲန့ၣ်မၤသး ဒ်ကရၢတၤဆှုၣ်အသိးန့ၣ် လီၤ.မ့မ့ၢ်ပှၤတီပှၤလိၤအကျဲန့ၣ်မ့ၢ်ကျဲမုၢ်လီၤ.
20 ဖိခွါလၢအကူၣ်တၢ်သ့န့ၣ် ဒုးသးခုအပၢ်အသးလီၤ. မ့မ့ၢ်ပှၤဟးဂီၤဖိန့ၣ်တပးကဲဘၣ်အမိၢ်ဘၣ်.
21 ပှၤဟးဂီၤဖိအတၢ်န့ၣ် မ့ၢ်တၢ်သးခုလၢပှၤလၢအသး ဆးတအိၣ်ဘၣ်အဂီၢ်လီၤ. မ့မ့ၢ်ပှၤအကူၣ်အဆးန့ၣ်က လဲၤတၢ်စၢၢ်ဆၢပံၢ်ကလာ်လီၤ.
22 တၢ်ကူၣ်လိာ်အသးတအိၣ်ဘၣ်ဒီး, တၢ်ကူၣ်ထီၣ်ဖး လီၤန့ၣ်တကဲထီၣ်ဘၣ်. မ့မ့ၢ်လၢပှၤဒုးကူၣ်တၢ်အိၣ်အါ ဂၤန့ၣ်ဂၢၢ်ဝဲကျၢၤဝဲလီၤ.
23 ပှၤစံးဆၢတၢ်လၢအထးခိၣ်သတးဒီး, အိၣ်ဝဲဒီးတၢ် သးခု, ဒီးတၢ်ကတိၤတထံၣ်လၢပှၤ ကတိၤဝဲဖဲအဆၢ အကတီၢ်ဒၣ်ဝဲန့ၣ်ဂ့ၤဆံးဒိၣ်လဲၣ်.
24 တၢ်မူအကျဲလဲၤထီၣ်ဆူထးခီလၢ ပှၤအကူၣ်တၢ်ဘၣ် အဂီၢ်, ဒ်သိးအကဟးဖးဒီးပျုၤပူၤလၢလာ်ခီလီၤ.
25 ယွၤကမၤဟးဂီၤပှၤပာ်ထီၣ်ထီအသးအဟံၣ်လီၤ. မ့ မ့ၢ်ပှၤမုၣ်ကမဲအဟီၣ်ခိၣ်အဆၢန့ၣ် ကဒုးအိၣ်ဂၢၢ်ဆိး ကျၢၤဝဲလီၤ.
26 ယွၤသးဘၣ်အၢပှၤအၢအကူၣ်တၢ်ဖးတၢ်လီၤ. မ့မ့ၢ် တၢ်ကတိၤမုာ်န့ၣ်မ့ၢ်တၢ်အကဆှီလီၤ.
27 ပှၤလၢအသးကွံလုၣ်ကိ တၢ်စုလီၢ်ခီၣ်ခိၣ်န့ၣ်မၤကိၢ် မၤဂီၤအပှၤဟံၣ်ဖိဒၣ်ဝဲလီၤ. မ့မ့ၢ်ပှၤလၢအသးဟ့ခိၣ်ဖး တဖၣ်န့ၣ်ကမူဝဲလီၤ.
28 ပှၤတီပှၤလိၤဆိကမိၣ်တၢ် ဒ်သိးအကစံးဆၢတၢ်လီၤ. မ့မ့ၢ်ပှၤအအၢတဖၣ်န့ၣ်အထးခိၣ်ဂၢ်လီၤတၢ်အၢလီၤ.
29 ယွၤအိၣ်ယံၤဒီးပှၤတတီတလိၤဘၣ်န့ၣ်လီၤ. မ့မ့ၢ်ပှၤ တီပှၤလိၤအတၢ်ထုကဖၣ်န့ၣ်ကကနၣ်ဝဲလီၤ.
30 ပမဲာ်အတၢ်ကပီၤဒုးသးခုပသးလီၤ. တၢ်အကစီၣ် လၢအဂ့ၤမၤဘီၣ်ထီၣ်ပဃံလီၤ.
31 ပှၤအနၢ်လၢအဒိကနၣ် တၢ်မူအတၢ်သိၣ်ဃီၣ်န့ၣ်က အိၣ်ဝဲဆိးဝဲလၢပှၤကူၣ်တၢ်သ့အကျါလီၤ.
32 ပှၤလၢအညိကွံာ်တၢ်သိၣ်က့ၤသီက့ၤန့ၣ် တပးကဲဘၣ် အသးဒၣ်ဝဲဘၣ်လီၤ. မ့မ့ၢ်ပှၤလၢအဒိကနၣ်တၢ်သိၣ် ဃီၣ်န့ၣ်န့ၢ်ဘၣ်အသးလီၤ.
33 တၢ်ပျံၤယွၤန့ၣ် မ့ၢ်တၢ်ကူၣ်သ့အတၢ်သိၣ်က့ၤသီက့ၤဒီး တၢ်ဆီၣ်လီၤအသးန့ၣ်အိၣ်ဆိန့ၢ်တၢ်လၤကပီၤတက့ၢ်လီၤ.