13
1 ဖိခွါလၢအကူၣ်တၢ်သ့န့ၣ် ဒိးသိၣ်က့ၤတၢ်လၢအပၢ် လီၤ. မ့မ့ၢ်ပှၤလၢအမၤတရီတပါတၢ်န့ၣ် တကနၣ်ဘၣ် တၢ်သိၣ်ဃီၣ်ဘၣ်.
2 ပှၤကအီၣ်တၢ်ဂ့ၤလၢအထးခိၣ် အတၤသၣ်န့ၣ်လီၤ. မ့မ့ၢ်ပှၤလီတၢ်ဖိအသးန့ၣ်ကအီၣ်တၢ်မၤဆူၣ်မၤစိးလီၤ.
3 ပှၤလၢအပၢၤအထးခိၣ်န့ၣ် ကွၢ်က့ၤအသးသမူလီၤ. မ့မ့ၢ်ပှၤလၢအအဲးလဲၢ်ထီၣ်အထးခိၣ်န့ၣ် ကတုၤလၢတၢ် ဟးဂီၤလီၤ.
4 ပှၤအကၢၣ်န့ၣ်အသးဆၢတၢ်, ဒီးအတၢ်တအိၣ်ဘၣ်. မ့မ့ၢ်ပှၤအခုန့ၣ်အသးကဘီၣ်ထီၣ်လီၤ.
5 ပှၤတီပှၤလိၤန့ၣ် သးဟ့တၢ်ကတိၤ ကဘျံးကဘျၣ် လီၤ. မ့မ့ၢ်ပှၤတတီတလိၤအမၤတၢ်န့ၣ် မ့ၢ်တၢ်သးဘၣ် အၢဒီးတၢ်မဲာ်ဆှးလီၤ.
6 တၢ်တီတၢ်လိၤပၢၤ ပှၤအလၢအပှဲၤအကျဲပူၤန့ၣ်လီၤ. မ့မ့ၢ်တၢ်တတီတလိၤဘၣ်န့ၣ် ဒုးလီၤဃံၤပှၤတၢ်ဒဲးဘး ဖိလီၤ.
7 ပှၤလၢအပာ်ထူးပာ်တီၤအသး, ဒီးအတၢ်တအိၣ်ဘၣ် န့ၣ်အိၣ်ဝဲလီၤ. ပှၤလၢအပာ်ဖှီၣ်ပာ်ယာ်အသး, ဒီးထူး ဒိၣ်တီၤအါန့ၣ်အိၣ်ဝဲလီၤ.
8 တၢ်ပှ့ၤက့ၤပှၤကညီအသးန့ၣ် မ့ၢ်အတၢ်ထူးတၢ်တီၤ လီၤ. မ့မ့ၢ်ပှၤဖှီၣ်ဖိယာ်ဖိန့ၣ် တနၢ်ဟူဘၣ်တၢ်ကတိၤ မၤပျံၤအီၤဘၣ်.
9 ပှၤတီပှၤလိၤအတၢ်ကပီၤန့ၣ်သးခုဝဲလီၤ. မ့မ့ၢ်ပှၤတ တီတလိၤဘၣ်အမ့ၣ်အူဒၢန့ၣ်ကလီၤပံာ်ကွံာ်လီၤ.
10 လၢတၢ်ပာ်ထီၣ်ထီအသးန့ၣ် ထဲတၢ်အ့ၣ်လိာ်ဆိးက့ လိာ်န့ၣ်ကဲထီၣ်ဝဲလီၤ. မ့မ့ၢ်တၢ်ကူၣ်သ့အိၣ်ဝဲဒီးပှၤလၢ အဒိးန့ၢ်တၢ်ဒုးကူၣ်တၢ်န့ၣ်လီၤ.
11 တၢ်စုလီၢ်ခီၣ်ခိၣ်လၢ ပှၤမၤန့ၢ်ညီန့ၣ် စှၤလီၤကွံာ်ဝဲ လီၤ. မ့မ့ၢ်ပှၤလၢအပာ်ဖှိၣ်တၢ်လၢအစုမၤတၢ်န့ၣ် အ တၢ်ကအါထီၣ်ဝဲလီၤ.
12 တၢ်မုၢ်လၢ်လၢ အသုးနံၤသုးသီန့ၣ် မၤဆါပှၤအသး လီၤ. မ့မ့ၢ်တၢ်လၢပှၤမိၣ်န့ၢ်ဘၣ်အသးန့ၣ် တုၤအန့ၢ် ဘၣ်ဒီး, မ့ၢ်တၢ်မူအသ့ၣ်တထံးလီၤ.
13 ပှၤလၢအတပးကဲဘၣ် တၢ်အကလုၢ်န့ၣ်ကတုၤလၢ တၢ်ဟးဂီၤလီၤ. မ့မ့ၢ်ပှၤလၢအပျံၤတၢ်မၤလိာ်န့ၣ်က အိၣ်ဃူအိၣ်ဖိးလီၤ.
14 ပှၤကူၣ်တၢ်သ့အတၢ်သိၣ်တၢ်သီန့ၣ် မ့ၢ်တၢ်မူအထံ ထီၣ်ပၢၢ်, ဒ်သိးပှၤကဟးထီၣ်ကွံာ်လၢ တၢ်သံအပျံၤသ ကွီၤန့ၣ်လီၤ.
15 တၢ်ကူၣ်တၢ်ဆးန့ၣ် န့ၢ်ဘၣ်တၢ်ဘျုးတၢ်ဖှိၣ်လီၤ. မ့ မ့ၢ်ပှၤလီတၢ်အကျဲန့ၣ်မ့ၢ်အကီလီၤ.
16 ကယဲၢ် ပှၤလၢအကူၣ်တၢ်ဘၣ်န့ၣ် မၤဝဲဒီးတၢ်သ့ၣ် ညါလီၤ. မ့မ့ၢ်ပှၤဟးဂီၤဖိန့ၣ်သလၣ်ထီၣ် ပှၤဟးဂီၤဖိ အတၢ်န့ၣ်လီၤ.
17 ကလူးလၢ အတတီတလိၤဘၣ်န့ၣ်လီၤဘၣ်လၢတၢ် အၢအပူၤလီၤ. မ့မ့ၢ်ပှၤတၢ်မၢဖိလၢအမ့ၢ်အတီန့ၣ် မ့ၢ် တၢ်မၤဘျါက့ၤတၢ်လီၤ.
18 ပှၤလၢအညိကွံာ်တၢ်သိၣ်လိန့ၣ် ကအိၣ်ဒီးတၢ်ဖှီၣ် တၢ်ယာ်, ဒီးတၢ်မဲာ်ဆှးလီၤ. မ့မ့ၢ်ပှၤလၢအတိၢ်န့ၢ်တၢ် သိၣ်က့ၤသီက့ၤန့ၣ်ကဒိးတၢ်လၤကပီၤလီၤ.
19 တၢ်လၢပှၤမိၣ်န့ၢ်ဘၣ်အသးန့ၣ်တုၤအန့ၢ်ဒီး, မၤမုာ် အသးလီၤ. မ့မ့ၢ်ပှၤဟးဂီၤဖိဟးသဒၣ်တၢ်အၢန့ၣ်မ့ၢ် တၢ်သးဘၣ်အၢလၢအမဲာ်ညါလီၤ.
20 ပှၤလၢအလဲၤတၢ်ဒီးပှၤကူၣ်တၢ်သ့န့ၣ် ကကဲထီၣ်ပှၤ ကူၣ်တၢ်သ့လီၤ. မ့မ့ၢ်ပှၤဒီတံၤဒီသကိးဒီးပှၤဟးဂီၤဖိန့ၣ် ကတုၤလၢတၢ်ဟးဂီၤလီၤ.
21 တၢ်အၢကလူၤပိာ်ပှၤတၢ်ဒဲးဘးဖိအခံလီၤ. မ့မ့ၢ်တၢ် ကဟ့ၣ်ကၣ်တၢ်ဂ့ၤလၢပှၤတီပှၤလိၤလီၤ.
22 ပှၤအဂ့ၤဟ့ၣ်သါတၢ်လၢ အဖိတဖၣ်အဖိတဖၣ်လီၤ. မ့မ့ၢ်ပှၤတၢ်ဒဲးဖိအစုလီၢ်အခီၣ်ခိၣ် အိၣ်ပာ်စၢၤဝဲလၢပှၤ တီပှၤလိၤအဂီၢ်လီၤ.
23 တၢ်အီၣ်အါမးဟဲလၢ ပှၤဖှီၣ်ဖိယာ်ဖိအဟီၣ်ခိၣ်ထဲၣ် အသးလီၤ. မ့မ့ၢ်ပှၤလၢအတုၤလၢတၢ်ဟးဂီၤလၢတၢ် တတီတလိၤအဃိန့ၣ်အိၣ်ဝဲလီၤ.
24 ပှၤလၢအတမၤဘၣ်ဒီးနီၣ်တီၢ်န့ၣ် သးဟ့အဖိခွါလီၤ. မ့မ့ၢ်ပှၤလၢအအဲၣ်အီၤန့ၣ်သိၣ်ဃီၣ်အီၤသပှၢ်တၢၢ်လီၤ.
25 ပှၤတီပှၤလိၤအီၣ်ဝဲတုၤအသးဘျဲးအီၣ်လီၤ. မ့မ့ၢ်ပှၤ တတီတလိၤဘၣ်အဟၢဖၢန့ၣ်ကလီၤကအိလီၤ.