4
1 မၤသးဒ်န့ၣ်ဒီး, ပှၤလၢယအဲၣ်အီၤ, ဒီးလၢယသးသ ယုၢ်အီၤ, ယတၢ်သးခု,ဒီးယခိၣ်သလုး,ပုၢ်သ့ၣ်ဝဲၢ်သ့ၣ် ဧၢ,အိၣ်ဂၢၢ်ဆိးကျၢၤလၢကစၢ်အပူၤဒ်န့ၣ်အသိးတက့ၢ်, ပှၤလၢတၢ်အဲၣ်အီၤသ့ၣ်ဧၢ.
2 ယဃ့ကညးနီၢ်အူၤအိဒံၤ, ဒီးယဃ့ကညးနီၢ်စူၣ်တူ ဃ့ၤ, ဒ်သိးအကသးအိၣ်တဖျၢၣ်ဃီလၢ ကစၢ်အပူၤ လီၤ.
3 ဒီးပှၤလၢအယိးဃုာ်တၢ်ဒီးယၤနီၢ်နီၢ်တဂၤဧၢ,ယ ဃ့ကညးနၤစ့ၢ်ကီး မၤစၢၤပှၤပိာ်မုၣ်တဖၣ်န့ၣ်လၢအမၤ ဃုာ်ဒီးယၤလၢတၢ်သးခုအကစီၣ်, ဒီးစီၤကျ့မ့ၤစ့ၢ်ကီး,ဒီး ပှၤမၤဃုာ်တၢ်ဒီးယၤ အဂုၤအဂၤတဖၣ်လၢအမံၤအိၣ် လၢလံာ်မူအပူၤန့ၣ်တက့ၢ်.
4 သးခုလၢကစၢ်အပူၤတဘိယူၢ်ဃီတက့ၢ်. ယစံးကဒီး, သးခုတက့ၢ်.
5 သုသူၣ်စူၤသးစူၤအံၤ,မ်အအိၣ်ဖျါလၢပှၤ ခဲလၢာ်အမဲာ်ညါတက့ၢ်. ကစၢ်အိၣ်ဘူးတ့ၢ်လီၤ.
6 သုတ ဘၣ်ယိၣ်တၢ်နီတမံၤတဂ့ၤ. မ့မ့ၢ်လၢတၢ်ကိးမံၤဒဲးန့ၣ် လၢတၢ်ထုကဖၣ်, ဒီးလၢတၢ်ဃ့ကညးအိၣ်ဒီးတၢ်စံး ထီၣ်ပတြၢၤတၢ်အဘျုးအဖှိၣ်အပူၤန့ၣ်, ဘိးဘၣ်သ့ၣ်ညါ ယွၤလၢသုတၢ်အဲၣ်ဒိးတဖၣ်န့ၣ်တက့ၢ်.
7 ဒီးယွၤအတၢ် ဃူတၢ်ဖိးလၢအဒိၣ်န့ၢ်ယိာ်န့ၢ် ကယဲၢ်ပသ့ၣ်ညါနၢ်ပၢၢ် တၢ်န့ၣ် ကပၢၤသုသူၣ်သုသးဒီး သုဆိကမိၣ်တၢ်လၢ ယ့ၣ်ရှူးခရံာ်အပူၤလီၤ.
8 တၢ်ကတိၤလၢခံကတၢၢ်အံၤ, ပုၢ်သ့ၣ်ဝဲၢ်သ့ၣ်ဧၢ,ဖဲဒၣ် တၢ်မ့ၢ်တၢ်တီ, ဖဲဒၣ်တၢ်လၤတၢ်ကပီၤ,ဖဲဒၣ်တၢ်တီတၢ် လိၤ, ဖဲဒၣ်တၢ်စီတၢ်ဆှံ,ဖဲဒၣ်တၢ်လၢတၢ်အဲၣ်အီၤ,ဖဲဒၣ် တၢ်ဟူထီသါလီၤလၢအဂ့ၤသ့ၣ်တဖၣ်, တၢ်ဂ့ၤဝါလၤက ပီၤမ့ၢ်အိၣ်, ဒီးတၢ်စံးထီၣ်ပတြၢၤမ့ၢ်အိၣ်ဒီးဆိကမိၣ်လၢ တၢ်တဖၣ်န့ၣ်အဂ့ၢ်အကျိၤတက့ၢ်.
9 ဒီးတၢ်လၢသုမၤ လိ, ဒီးသုဒိးန့ၢ်, ဒီးသုနၢ်ဟူ,ဒီးသုထံၣ်ဘၣ်လၢယၤတ ဖၣ်န့ၣ်မၤသုဝဲတက့ၢ်. ဒီးတၢ်ဃူတၢ်ဖိးအကစၢ်န့ၣ်,က အိၣ်ဒီးသုလီၤ.
10 ဒီးယသူၣ်ခုသးခုလၢကစၢ်အပူၤဒိၣ်မးလီၤ. အဂ့ၢ်ဒ် အံၤ, ခဲကနံၣ်အံၤ, သုတၢ်အံးက့ၤကွၢ်က့ၤယၤန့ၣ်အိၣ် ထီၣ်ကဒီးလီၤ. သုသးအိၣ်တ့ၢ်ဝဲန့ၣ်ဘၣ်ဆၣ်ဒီး,သုတ ထံၣ်ဘၣ်အလီၢ်အကျဲဘၣ်.
11 တမ့ၢ်ဘၣ်ယကတိၤတၢ် လၢတၢ်ဖှီၣ်တၢ်ယာ်အဂ့ၢ်ဘၣ်. အဂ့ၢ်ဒ်အံၤ,ဖဲဒၣ်တၢ်မၤ အသးလၢယၤန့ၣ်, ဒ်သိးယကသူၣ်မံသးမံဒီးယမၤလိ လံတၢ်လံ.
12 ယဘၣ်တၢ်ဆီၣ်လီၤယၤ,ယသ့ၣ်ညါဒီးယ ဒိးတၢ်အါယသ့ၣ်ညါလီၤ. လၢတၢ်ကိးမံၤဒဲးဒီးလၢတၢ် ခဲလၢာ်အပူၤန့ၣ်, တၢ်သိၣ်လိယၤလၢတၢ်အီၣ်ဘျဲးအီၣ်, ဒီးတၢ်အိၣ်ဝံၤအိၣ်စ့ၤ, လၢတၢ်လၢတၢ်ပှဲၤ,ဒီးလၢတၢ်ဖှီၣ် တၢ်ယာ်န့ၣ်လီၤ.
13 ယမၤတၢ်ခဲလၢာ်သ့လၢပှၤလၢအဒုး ဆူၣ်ထီၣ်ယဂံၢ်ယဘါတဂၤအပူၤလီၤ.
14 ဘၣ်ဆၣ်ဒီးသုမၤစၢၤယၤလၢ ယတၢ်နးတၢ်ဖှီၣ်အပူၤ ဒီးသုမၤတၢ်ဂ့ၤလီၤ.
15 ပှၤဖံလံးပံၤဖိသ့ၣ်ဧၢ,သုသ့ၣ်ညါ သုဝဲ, လၢယဟးထီၣ်လၢမၤက့းဒနံလၢတၢ်သးခုအက စီၣ်အခီၣ်ထံးန့ၣ်, လၢသုဝဲဒၣ်အမဲာ်ညါတၢ်အိၣ်ဖှိၣ်တ မၤတၢ်ဘၣ်ဃးဒီးယၤလၢတၢ်ဟ့ၣ်ဒီးတၢ်ဒိးန့ၢ်န့ၣ်, နီ တပူၤဘၣ်လီၤ.
16 အဂ့ၢ်ဒ်အံၤ, လၢယအိၣ်လၢသ့းစၤလနံ ဒၣ်လဲာ်, လၢယန့ၢ်ဘၣ်တၢ်အလီၢ်အိၣ်န့ၣ်,သုဟ့ၣ်ယုၢ် တၢ်လၢယၤ,တစုဒီးခံစုလီၤ.
17 တမ့ၢ်ဘၣ်ယဃုတၢ်ဟ့ၣ် န့ၣ်ဘၣ်. မ့ၢ်ယဃုတၤသၣ်လၢအကဒုးအါထီၣ်တၢ်လၢ သုဂီၢ်လီၤ.
18 ဘၣ်ဆၣ်ဒီးယအိၣ်ဒီးတၢ်ခဲလၢာ်ဒီး ပှဲၤလုၣ်ကွံာ်လံ. ယဒိးန့ၢ်တၢ်လၢသုအိၣ်လၢ စီၤအ့းပၤဖရီးဒံတူးအစုပူၤ, တၢ်နၢမူတၢ်လုၢ်လၢအဘၣ်ယွၤအသးန့ၣ်, ဒီးယတၢ် လၢထီၣ်ပှဲၤထီၣ်လီၤ.
19 ဒီးကယဲၢ်တၢ်လၢသုန့ၢ်ဘၣ်အီၤ အလီၢ်အိၣ်တဖၣ်, ဒ်အလၤကပီၤအတၢ်ထူးတၢ်တီၤအ သိးယကစၢ်ကဟ့ၣ်လီၤသုလၢယ့ၣ်ရှူးခရံာ်အပူၤလီၤ.
20 မ်တၢ်လၤကပီၤအိၣ်ဒီး ပပၢ်ယွၤအစိၤစိၤအဃၣ်ဃၣ် တက့ၢ်. အၤမ့ၣ်.
21 ကတိၤဒိၣ်ပှၤစီဆှံလၢ ယ့ၣ်ရှူးခရံာ်အပူၤကိးဒံကိးဂၤ တက့ၢ်.ပှၤဒီပုၢ်ဝဲၢ်အိၣ်ဒီးယၤကတိၤဒိၣ်သုလီၤ.
22 ပှၤစီဆှံခဲလၢာ်ကတိၤဒိၣ်သု, ဒီးကဲစၢ်အဟံၣ်ဖိတဖၣ် အါဒၣ်တၢ်တက့ၢ်လီၤ.
23 မ်ပကစၢ်ယ့ၣ်ရှူးခရံာ်အဘျုးအဖှိၣ် အိၣ်ဒီးသုခဲလၢာ် တက့ၢ်. အၤမ့ၣ်.