3
1 ပှၤလၢတၢ်အဲၣ်အီၤသ့ၣ်ဧၢ, ခဲကနံၣ်အံၤ,လံာ်ဟ့ၣ်ယုၢ် ပှဲၤထီၣ်ခံဘ့ၣ်တဘ့ၣ်အံၤ, ယကွဲးန့ၢ်သုလီၤ. လၢခံဘ့ၣ် လိာ်အပူၤန့ၣ်, ယထိၣ်ဂဲၤသုသးစီဆှံလၢ တၢ်သ့ၣ်နီၣ် ထီၣ်က့ၤတၢ်အဂီၢ်,
2 ဒ်သိးသုကသ့ၣ်နီၣ်ထီၣ်က့ၤဝံစီဆှံအတၢ်ကတိၤလၢအကတိၤပာ်ဝဲ, ဒီးပှၤအုၣ်က့ၤခီၣ်က့ၤ တၢ်ပကစၢ်အတၢ်မၤလိာ်လၢ ပှၤတၢ်မၢဖိတဖၣ်အစုပူၤ လီၤ.
3 သ့ၣ်ညါဆိတၢ်အံၤတက့ၢ်,လၢမုၢ်နံၤတဖၣ်အက တၢၢ်န့ၣ်, ပှၤဒုၣ်ဒွဲၣ်တၢ်ကဟဲလၢတၢ်ဒုၣ်ဒွဲၣ်အပူၤ, ဒီး ကလဲၤဖဲအတၢ်ကလုာ်ကလိၤဒၣ်ဝဲအသိး,
4 ဒီးကစံး, တၢ်စံးပာ်လၢအဝဲဒၣ်ကဟဲန့ၣ်မ့ၢ်အအိၣ်ဖဲလဲၣ်. အဂ့ၢ် ဒ်အံၤ,ပၢ်တဖၣ်မံသပ့ၤအလီၢ်ခံန့ၣ်, တၢ်ခဲလၢာ်အိၣ်ဒၣ် တၢ်ဒ်တၢ်တ့လၢအခီၣ်ထံးလံၤလံၤအသိးန့ၣ်လီၤ.
5 အ ဂ့ၢ်ဒ်အံၤ, မူခိၣ်အိၣ်ဝဲဆိးဝဲလၢပျၢၤလၢသီ, ဒီးဟီၣ်ခိၣ် အိၣ်ထီၣ်လၢထံကျါ, ဒီးလၢထံအဃိ,လၢယွၤအကလုၢ် န့ၣ်, အဝဲသ့ၣ်ဘၣ်အသးလၢအတသ့ၣ်ညါဘၣ်တကူၢ် သ့ၣ်လီၤ.
6 လၢအဃိ,ဟီၣ်ခိၣ်လၢအအိၣ်ဝဲလၢအကတီၢ် ဖဲန့ၣ်, တၢ်လုၣ်ဘၢအီၤလၢထံသတးဒီး, ဟးဂီၤဝဲလီၤ.-
7 မ့မ့ၢ်မူခိၣ်ဒီးဟီၣ်ခိၣ်ခဲကနံၣ်အံၤ, အဝဲဒၣ်အကလုၢ်ပာ် အီၤလၢမ့ၣ်အူအဂီၢ်, ဖဲမုၢ်စံၣ်ညီၣ်အနံၤ,ဒီးပှၤတယူးယီၣ် ဘၣ်ယွၤဘၣ်ကတုၤတၢ်ဟးဂီၤအကတီၢ်န့ၣ်လီၤ.
8 ဘၣ်ဆၣ်ဒီးပှၤလၢတၢ်အဲၣ်အီၤသ့ၣ်ဧၢ, တၢ်အံၤတမံၤ န့ၣ်သးပ့ၤနီၣ်သုဝဲတဂ့ၤ, လၢကစၢ်အမဲာ်ညါန့ၣ်,မုၢ်တ နံၤမၤအသးဒ်နံၣ်တကထိအသိး, ဒီးနံၣ်တကထိမၤအ သးဒ်မုၢ်တနံၤအသိးန့ၣ်လီၤ.
9 ကစၢ်တမၤယံာ်မၤနီၢ် တၢ်လၢအတၢ်စံးပာ်အဂ့ၢ်အကျိၤ, ဒ်ပှၤကညီတနီၤနီၤ ပာ်တၢ်မၤယံာ်မၤနီၢ်အသိးန့ၣ်ဘၣ်. မ့မ့ၢ်မ့ၢ်အဝံသးစူၤ သုဃဲးဃဲးလီၤ.အဂ့ၢ်ဒ်အံၤ, တဘၣ်ဘၣ်အသးလၢပှၤက တုၤလၢတၢ်ဟးဂူာ်ဟးဂီၤနီတဂၤဘၣ်. မ့ၢ်လၢပှၤခဲလၢာ် ကန့ၢ်ဘၣ်တၢ်ပီၢ်ယၢ်လီၤက့ၤအသးလီၤ.
10 မ့မ့ၢ်ကစၢ်အ မုၢ်နံၤတနံၤန့ၣ်, ကဟဲဒ်တၢ်ဘျၣ်အသိးလီၤ.ဒီးလၢအပူၤ န့ၣ်,မူခိၣ်တဖၣ်ကဒံကွံာ်ဒံဖျိးလၢတၢ်သီၣ်ဖးဒိၣ်,ဒီးတၢ် အမိၢ်ပှၢ်တဖၣ်ကကဲၤထီၣ်, ဒီးကဒံကွံာ်ဝဲ,ဒီးဟီၣ်ခိၣ်ဒီး တၢ်မၤတဖၣ်လၢအပူၤန့ၣ်,မ့ၣ်အူကအီၣ်ကွံာ်ဝဲလီၤ.
11 မၤသးဒ်န့ၣ်ဒီး, တၢ်တဖၣ်န့ၣ်ကဒံကွံာ်ခဲလၢာ်သတး ဒီး,
12 လၢတၢ်ကွၢ်လၢ်ဒီးတၢ်ဆၢသပှၢ်ပှၢ်ယွၤအမုၢ်နံၤက ဟဲဝဲ, ဖဲမူခိၣ်ကကဲၤထီၣ်ဒီးပူၤကွံာ်,ဒီးတၢ်အမိၢ်ပှၢ်တဖၣ် ကပှံၢ်လီၤလၢတၢ်ကိၢ်န့ၣ်,
13 လၢတၢ်ဖံးတၢ်မၤစီဆှံအပူၤ ဒီးလၢတၢ်ယူးယီၣ်ယွၤအပူၤ သုဂ့ၤကဲထီၣ်လၢပှၤဒ်လဲၣ် တကလုာ်လဲၣ်. ဘၣ်ဆၣ်ဒီး,ဒ်အတၢ်စံးပာ်အသိးန့ၣ်, ပကွၢ်လၢ်မူခိၣ်အသီ, ဒီးဟီၣ်ခိၣ်အသီ,ဖဲတၢ်တီတၢ်လိၤ အိၣ်ဝဲဆိးဝဲလၢအပူၤန့ၣ်လီၤ.
14 မၤသးဒ်န့ၣ်ဒီး, ပှၤလၢတၢ်အဲၣ်အီၤသ့ၣ်ဧၢ,မ့ၢ်သုကွၢ် လၢ်တၢ်တဖၣ်န့ၣ်အကျဲဒီး, ကျဲးစၢးလၢအကထံၣ်န့ၢ်သု လၢသုတမဲၣ်သူတမဲၣ်ဂီၤဘၣ်, ဒီးတသံၣ်သူတမီၢ်ကျာ် ဘၣ်လၢတၢ်ဃူတၢ်ဖိးအပူၤတက့ၢ်.
15 ဒီးပာ်ပကစၢ်အ တၢ်ဝံသးစူၤလၢတၢ်အုၣ်က့ၤခီၣ်က့ၤတက့ၢ်. ဒ်ပဒီပုၢ်ဝဲၢ် သးဘိစီၤပီလူးကွဲးန့ၢ်စ့ၢ်ကီးသု ဒ်တၢ်ကူၣ်သ့ကူၣ်ဘၣ် လၢတၢ်ဟ့ၣ်လီၤအီၤအသိးန့ၣ်လီၤ.
16 ဒ်အကတိၤတၢ် လၢအလံာ်ကွဲးခဲလၢာ်လၢ အကတိၤတၢ်လၢအပူၤလၢ တၢ်တဖၣ်အံၤအဂ့ၢ်စ့ၢ်ကီးအသိးလီၤ. လၢအဝဲန့ၣ်အပူၤ တၢ်တနီၤနီၤပှၤနၢ်ပၢၢ်ကီ, ဒီးပှၤတသ့ဘၣ်လံာ်ဒီးပှၤတ ဂၢၢ်တကျၢၤဘၣ်တဖၣ်န့ၣ်, ဘိးကဒါဝဲ,ဒ်တၢ်ကွဲးအသး အဂၤတဖၣ်အသိးစ့ၢ်ကီး, လၢအကစၢ်ဒၣ်ဝဲအတၢ်ဟး ဂီၤအဂီၢ်လီၤ.
17 မၤသးဒ်န့ၣ်ဒီး, ပှၤလၢတၢ်အဲၣ်အီၤသုဝဲသ့ၣ်ဧၢ,မ့ၢ်သု သ့ၣ်ညါပာ်သတးဒီး, ပလီၢ်သုသးဒ်သိးတၢ်သုတက လံာ်န့ၢ်သုလၢပှၤတတီတလိၤဘၣ် အတၢ်လီတၢ်ဝ့ၤတ ဂ့ၤ,ဒ်သိးသုသုတလီၤတဲာ်ကွံာ်လၢသုတၢ်ဂၢၢ်တၢ်ကျၢၤ ဒၣ်သုဝဲန့ၣ်တဂ့ၤ.
18 မ့မ့ၢ်ဒိၣ်ထီၣ်သုဝဲလၢတၢ်ဘျုးတၢ် ဖှိၣ်, ဒီးလၢတၢ်သ့ၣ်ညါတၢ်အုၣ်က့ၤခီၣ်က့ၤပှၤပကစၢ် ယ့ၣ်ရှူးခရံာ်အပူၤန့ၣ်တက့ၢ်. တုၤအံၤဆူညါ,မ်တၢ်လၤ ကပီၤအိၣ်ဒီးအီၤလီၤစိၤလီၤထီတက့ၢ်. အၤမ့ၣ်.