4
1 ဒီးတုၤစီၤစၤနဘၤလးနၢ်ဟူဝဲလၢ ပမၤက့ၤတၢ်ခိၣ်ဒူ ဒီး, တၢ်မၤအသးလၢအသးထီၣ်ဒီးအသးဒိၣ်ထီၣ်ဖးဒိၣ်, ဒီးမၤတရီတပါပှၤယူဒၤဖိလီၤ.
2 ဒီးကတိၤတၢ်လၢအဒီပုၢ်ဝဲၢ်, ဒီးၡၤမရံအပှၤသုးမုၢ်အ မဲာ်ညါဒီးစံးဝဲဒၣ်, ပှၤအဂံၢ်စၢ်အဘါစၢ်ပှၤယူဒၤဖိတဖၣ် အံၤမၤဝဲဒ်လဲၣ်. ကပာ်ဂၢၢ်ပာ်ကျၢၤအသးဧါ. ကလုၢ် ထီၣ်တၢ်ဧါ. ကမၤဝံၤဝဲလၢတနံၤဃီဧါ. ကမၤမူထီၣ် လၢၢ်လၢတၢ်လီၤဃီၢ်လၢမ့ၣ်အူအီၣ်ဝဲအပူၤစ့ၢ်ကီးဧါ.
3 ဒီးပှၤဧၣ်မိၣ်ဖိစီၤတိၤဘံယၤ အိၣ်ဝဲလၢအဃၢၤ, ဒီးစံးဝဲဒၣ်, တၢ်လၢအမၤထီၣ်တၢ်န့ၣ် ထွံၣ်ဟီၣ်ခိၣ်တဒုမ့ၢ်လဲၤထီၣ်ဒီး, ကမၤလီၤပှီၢ်ကွံာ်အခိၣ်ဒူလၢၢ်လီၤ.
4 ပကစၢ်ဧၢ, ကနၣ်လၢ်တၢ်တက့ၢ်. အဂ့ၢ်ဒ်အံၤ, ပှၤမၤတရီတပါပှၤလီၤ. ဒီးဘိးဃၣ်ဘၣ်အတၢ်ဒုၣ်ဒွဲၣ်လၢ အခိၣ်ဒၣ်ဝဲ, ဒီးပာ်အီၤလၢတၢ်ဂုာ်န့ၢ်အလီၢ် လၢတၢ်မၢ ကဲကုၢ်အကီၢ်ပူၤတက့ၢ်.
5 ဒီးကျၢၢ်ဘၢအတၢ်အၢတဂ့ၤ. ဒီးမ်အတၢ်ဒဲးဘးသုတဘၣ်တၢ်တြူာ်အီၤ လၢနမဲာ်ညါ တဂ့ၤ. အဂ့ၢ်ဒ်အံၤ, ထိၣ်ဂဲၤနသးထီၣ်လၢပှၤမၤတၢ်ဖိ အမဲာ်ညါလီၤ.
6 ဒီးပမၤတၢ်အခိၣ်ဒူ, ဒီးတၢ်အခိၣ်ဒူန့ၣ် စဲဘူးလိာ်အ သးဒီဘိညါ တုၤလၢအတၢ်ဖးဖီလီၤ. အဂ့ၢ်ဒ်အံၤ, ပှၤ ဂီၢ်မုၢ်အသးအိၣ်လၢအကမၤတၢ်လီၤ.
7 ဒီးတုၤစီၤစၤနဘၤလး, ဒီးစီၤတိၤဘံယၤ, ဒီးပှၤဧ့ရ့း ဖိ, ဒီးပှၤဧၣ်မိၣ်ဖိ, ဒီးပှၤအၤစဒိးဖိသ့ၣ်တဖၣ်နၢ်ဟူဝဲလၢ ယရူၤၡလ့ၣ်အခိၣ်ဒူမၤက့ၤအသး, ဒီးအတၢ်ဘၢၣ်ဖျိအ လီၢ်တဖၣ်ဘၣ်ဘှီက့ၤသီအသးဒီး, တၢ်မၤအသးလၢအ သးထီၣ်ဒိၣ်ဒိၣ်ကလဲာ်,
8 ဒီးပှၤခဲလၢာ်န့ၣ်ကူၣ်ဃုာ်တၢ် တပူၤဃီလၢ အကဟဲဒုးသုးဒီးယရူၤၡလ့ၣ်, ဒီးမၤအီၤလၢတၢ်အၢလီၤ.
9 ဒီးပဘါထုကဖၣ်ပကစၢ်, ဒီးပပာ်ပှၤပၢၤတၢ်တဖုလၢ အဃိ, လၢမုၢ်ဆါဆဲးလၢမုၢ်နၤထီဒါအီၤလီၤ.
10 ဒီးယူဒၤစံးဝဲဒၣ်, ပှၤဝံတၢ်ယိးတၢ်အဂံၢ်အဘါလီၤစၢ် လံ, ဒီးတၢ်လီၤဃီၢ်အိၣ်အါအါကလဲာ်, ဒီးပမၤက့ၤတၢ် ခိၣ်ဒူတသ့ဘၣ်.
11 ဒီးပဒုၣ်ပဒါစံးဝဲဒၣ်, ပတချုးလဲၤနုာ်ဒံးဘၣ်လၢ အ ကျါ, ဒီးမၤသံအီၤ, ဒီးဒုးတုာ်အတၢ်မၤန့ၣ်ဒီး, တသ့ၣ် ညါဘၣ်ဝဲဘၣ်, ဒီးတထံၣ်ဘၣ်ဝဲဘၣ်လီၤ.
12 ဒီးတုၤပှၤယူဒၤဖိ လၢအအိၣ်ဝဲဆိးဝဲလၢအဝဲသ့ၣ်အဃၢၤဟဲဝဲဒီး, တၢ်မၤအသးလၢအစံးဘၣ် ပှၤဆံဆဲၣ်ဘျီ လၢကယဲၢ်တၢ်အလီၢ်လၢအဟဲဝဲန့ၣ်, သုဘၣ်ဟဲက့ၤ ဆူပအိၣ်လီၤ.
13 ဒီးယပာ်လီၤပှၤလၢအလီၢ်ဖုၣ်လၢ ဝ့ၢ်ခိၣ်ဒူအချၢလၢ အလီၢ်ပျီတဖၣ်, ယပာ်လီၤပှၤဒ်အဒူၣ်တဖၣ်အသိးအိၣ် ဒီးအနး, ဒီးအဘီ, ဒီးအချံၣ်လီၤ.
14 ဒီးယကွၢ်တၢ်, ဒီးယဂဲၤဆၢထၢၣ်, ဒီးယစံးဘၣ်ပှၤအိၣ် ဖျဲၣ်ပဒိၣ်တဖၣ်, ဒီးပဒိၣ်တဖၣ်, ဒီးပှၤဂီၢ်မုၢ်လၢအအိၣ် လီၤတဲာ်သ့ၣ်တဖၣ်န့ၣ်, ပျံၤအီၤတဂ့ၤ. တၢ်ဒိၣ်, တၢ် ပျံၤတၢ်အလီၢ်, ယွၤတဂၤန့ၣ်သ့ၣ်နီၣ်ထီၣ်က့ၤအီၤ, ဒီးဒုး တၢ်လၢသုဒီပုၢ်ဝဲၢ်, သုဖိခွါဒီးသုဖိမုၣ်, သုဖိသုမါဒီးသု ဟံၣ်သုဃီအဂီၢ်န့ၣ်တက့ၢ်.
15 ဒီးတုၤပဒုၣ်ပဒါတဖၣ် နၢ်ဟူဝဲလၢပသ့ၣ်ညါတၢ်န့ၣ် ဒီးလၢယွၤပာ်အဝဲသ့ၣ်အတၢ်ကူၣ်လိာ်အသးလၢတၢ်က လီကလီဒီး, တၢ်မၤအသးလၢပဟဲက့ၤပဝဲခဲလၢာ်ဆူတၢ် ခိၣ်ဒူအအိၣ်, တဂၤဆူအတၢ်မၤဒၣ်ဝဲ, တဂၤဆူအတၢ် မၤဒၣ်ဝဲန့ၣ်လီၤ.
16 ဒီးတၢ်မၤအသးလၢမုၢ်တနံၤန့ၣ်လံၤလံၤ ယခ့ယပှၤတ ဝာ်မၤတၢ်လၢတၢ်မၤအပူၤ, ဒီးတဝာ်ဟံးန့ၢ်ဘီဒီးကတီၤ, ဒီးချံၣ်, ဒီးသဃိးလီၤ. ဒီးပဒိၣ်ဖးဒိၣ်တဖၣ် အိၣ်ဝဲလၢ ယူဒၤအပှၤဟံၣ်ဖိအချၢဃံလီၤ.
17 ဒီးပှၤလၢအမၤတၢ်လၢ ခိၣ်ဒူအဖီခိၣ်, ဒီးပှၤလၢအဝံ တၢ်ယိးတၢ်, ဒီးပှၤလၢအကတဲာ်ကတီၤတၢ်ဝံတၢ်ယိး တဖၣ်န့ၣ်မၤတၢ်လၢအစုတခီ, ဒီးဟံးဃာ်အစုကဝဲၤလၢ အစုတခီဒၣ်လီၤ.
18 ဒီးပှၤမၤတၢ်ဖိအိၣ်ဝဲဒီးအနးကံၢ်တူာ် အသးလၢအကပၤစုာ်စုာ်, ဒီးမၤဝဲလီၤ. ဒီးပှၤလၢအအူ ကွဲၤတဂၤအိၣ်ဝဲလၢယဃၢၤလီၤ.
19 ဒီးယစံးဘၣ် ပှၤအိၣ်ဖျဲၣ်ပဒိၣ်တဖၣ်, ဒီးပဒိၣ်တဖၣ်, ဒီးပှၤဂီၢ်မုၢ်လၢအအိၣ်လီၤတဲာ်တဖၣ်, တၢ်မၤအံၤမ့ၢ်အ ဒိၣ်, ဒီးအလဲၢ်, ဒီးပလီၤဖးလိာ်ပသးလၢတၢ်ခိၣ်ဒူအလိၤ တဂၤယံၤဒီးတဂၤ, တဂၤယံၤဒီးတဂၤလီၤ.
20 ဖဲဒၣ်အ လီၢ်လၢ သုနၢ်ဟူကွဲၤအသီၣ်န့ၣ် ဟဲအိၣ်ဖှိၣ်ရိဖှိၣ်ဆူပ အိၣ်ဖဲန့ၣ်တက့ၢ်. ပကစၢ်ကဒုးတၢ်လၢပဂီၢ်လီၤ.
21 ဒီးဒ်န့ၣ်အသိးပမၤတၢ်မၤ, ဒီးတဝာ်ဟံးဃာ်ဘီဧိၤနး ဧိၤလၢမုၢ်ဆ့ၣ်ထီၣ်တုၤလီၤလၢဆၣ်ဧိၤဖီဧိၤထီၣ်ဝဲလီၤ.
22 လၢအကတီၢ်ဖဲန့ၣ်ယစံးဘၣ်စ့ၢ်ကီးပှၤဂီၢ်မုၢ်, မ်ပှၤမံ ဒီးအခ့အပှၤလၢယရူၤၡလ့ၣ်အပူၤ ဒ်သိးအကပၢၤပှၤလၢ မုၢ်နၤ, ဒီးမၤတၢ်လၢမုၢ်ဆါခီကိးဂၤဒဲးတက့ၢ်.
23 ဒီးယၤမ့ၢ်ဂ့ၤ, ယဒီပုၢ်ဝဲၢ်မ့ၢ်ဂ့ၤ, ယခ့ယပှၤမ့ၢ်ဂ့ၤ, ပှၤပၢၤတၢ်ဖိလၢအပိာ်ယခံမ့ၢ်ဂ့ၤ, တဘ့ၣ်ကွံာ်ပကူပသိးနီ တဂၤဘၣ်. ပဘ့ၣ်ကွံာ်ထဲလၢထံအဂီၢ်ဧိၤလီၤ.