9
1 ဒီးစံးဘၣ်အီၤ, ယစံးဘၣ်တဲဘၣ်သုတီတီအံၤ, ပှၤတ နီၤနီၤအိၣ်ဝဲလၢ ပှၤဆၢထၢၣ်ဖဲအံၤ အကျါလၢအတချုး ထံၣ်ဒံးဘၣ် ယွၤအဘီအမုၢ်ဟဲဒီးအစိကမီၤန့ၣ်ဒီး, တ လ့ၣ်ကွၢ်ဘၣ်တၢ်သံဘၣ်.
2 လၢန့ၣ်အလီၢ်ထံဃုနံၤဒိး, ယ့ၣ်ရှူးဟံးန့ၢ်စီၤပ့း တရူး, ဒီးစီၤယၤကိာ်, ဒီးစီၤယိၤဟၣ်, ဒီးလဲၤဆှၢ ထီၣ်အီၤဆူကစၢၢ်ဖးထီတဖျၢၣ်အလိၤ,ထဲအကစၢ် ဒၣ်ဝဲတဖၣ်လီၤ. ဒီးအက့ၢ်အဂီၤလဲလိာ်အသးလၢ အဝဲသ့ၣ်အမဲာ်ညါ,
3 ဒီးအကူအသိးကယဲၢ်ကယူာ် ဒီးဝါဒိၣ်မးဒ် မူခိၣ်ဖိအ သိးလီၤ. ပှၤဆှုၣ်တၢ်ဖိလၢဟီၣ်ခိၣ်ချၢမၤဝါထီၣ်တၢ် ဒ် န့ၣ်အသိးတသ့ဘၣ်လီၤ.
4 ဒီးစီၤအ့ၤလံၤယၤ, ဒီးစီၤမိၤ ရှ့အိၣ်ဖျါထီၣ်လၢအဝဲသ့ၣ်အမဲာ်ညါ, ဒီးကတိၤလိာ်အ သးဒီးယ့ၣ်ရှူးလီၤ.
5 ဒီးစီၤပ့းတရူးကတိၤတၢ်ဒီးစံးဘၣ် ယ့ၣ်ရှူး, ရၤဘံဧၢ, ပအိၣ်ဖဲအံၤဂ့ၤမးလီၤ. ဒီးမ်ပမၤဒဲသၢ ဖျၢၣ်,လၢနဂီၢ်တဖျၢၣ်, ဒီးလၢစီၤမိၤရှ့အဂီၢ်တဖျၢၣ်, ဒီး လၢစီၤအ့ၤလံယၤအဂီၢ်တဖျၢၣ် န့ၣ်တက့ၢ်.
6 အဂ့ၢ်ဒ် အံၤ, ကစံးတၢ်ဒ်လဲၣ်ဒ်လဲၣ်န့ၣ်, တသ့ၣ်ညါဝဲဘၣ်. အ ဂ့ၢ်ဒ်အံၤ, အဝဲသ့ၣ်ပျံၤတၢ်ဒိၣ်မးလီၤ.-
7 ဒီးတၢ်အၢၣ်တ လိၣ်ကဒုဘၣ်အီၤ, ဒီးတၢ်အကလုၢ်သီၣ်လီၤ လၢတၢ် အၢၣ်အပူၤစံးဝဲဒၣ်, အဝဲတဂၤအံၤမ့ၢ်ယဖိခွါလၢယအဲၣ် အီၤ, ကနၣ်အကလုၢ်တက့ၢ်.-
8 ဒီးကွၢ်တရံးတၢ်သတူၢ် ကလာ်, ဒီးတထံၣ်ဘၣ်ပှၤနီတဂၤဘၣ်. ထံၣ်ထဲယ့ၣ် ရှူးဒီးအကစၢ်ပှၢ်ဒၣ်ဝဲသ့ၣ်တဖၣ်န့ၣ်ဧိၤလီၤ.
9 ဒီးအဝဲသ့ၣ်ဟဲက့ၤလီၤလၢ ကစၢၢ်လိၤအဖၢမုၢ်ဒီး, အဝဲဒၣ်မၤလိာ်အီၤဒ်သိး တၢ်လၢအထံၣ်ဝဲတဖၣ်န့ၣ်, မ့တမ့ၢ်ဘၣ်လၢပှၤကညီဖိခွါဂဲၤဆၢထၢၣ်က့ၤလၢ တၢ် သံအလီၢ်ခံဒီး, အသုတစံးဘၣ်တဲဘၣ် ပှၤနီတဂၤတ ဂ့ၤ.
10 ဒီးတၢ်ကတိၤတဘီန့ၣ်, အဝဲသ့ၣ်ဟံးဃာ်လၢအ ကျါဒၣ်ဝဲ, ဒီးသံကွၢ်လိာ်အသး, တၢ်ဂဲၤဆၢထၢၣ်က့ၤ လၢတၢ်သံန့ၣ်, မ့ၢ်အမ့ၢ်မနုၤလဲၣ်.
11 ဒီးအဝဲသ့ၣ်သံကွၢ်အီၤဒီးစံးဝဲဒၣ်, ဘၣ်မနုၤလၢ ပှၤ ကွဲးလံာ်စံးဝဲလၢစီၤအ့ၤလံယၤဘၣ်ဟဲဆိလဲၣ်.-
12 ဒီးအဝဲ ဒၣ်စံးဆၢတၢ်ဒီးစံးဘၣ်အီၤ, စီၤအ့ၤလံယၤဟဲဆိဝဲသပှၢ် တၢၢ်ဒီးမၤက့ၤတၢ်ခဲလၢာ်လီၤ. ဒီးတၢ်ကွဲးအသးလၢပှၤ ကညီဖိခွါအံၤအဂ့ၢ်, လၢအကဘၣ်တၢ်အါမံၤ, ဒီးပှၤ ကမၤအီၤတရီတပါန့ၣ်ဒ်လဲၣ်.
13 မ့မ့ၢ်ယစံးဘၣ်တဲဘၣ် သုလၢစီၤအ့ၤလံယၤဟဲတုၤဝံၤလံဝဲလံ. ဒီးဒ်တၢ်ကွဲးအ သးလၢအဂ့ၢ်အသိးန့ၣ်,အဝဲသ့ၣ်မၤအီၤဖဲဒၣ်အသးလီၤ.
14 ဒီးတုၤအဟဲတုၤဝဲလၢ အပျဲၢ်အဘီၣ်အအိၣ်ဒီး, ထံၣ် လၢပှၤဂီၢ်မုၢ်ဖးဒိၣ်အိၣ်ဝးတရံးအီၤ, ဒီးပှၤကွဲးလံာ်သ့ၣ် တဖၣ်သံကွၢ်လိာ်အသးဒီး အဝဲသ့ၣ်လီၤ.
15 ဒီးပှၤဂီၢ်မုၢ် ခဲလၢာ်တုၤအထံၣ်အီၤဒီး, ကမၢကမၣ်တကီၢ်ခါဒိၣ်မး, ဒီးဃ့ၢ်ဃီၤဆူအအိၣ်, ဒီးကတိၤဒိၣ်အီၤလီၤ.
16 ဒီးအဝဲ ဒၣ်သံကွၢ်အီၤ, သုသံကွၢ်သံဒီးတၢ်ဒီးပှၤတဖၣ်န့ၣ်, လၢ မနုၤတမံၤလဲၣ်.-
17 ဒီးပှၤအိၣ်လၢပှၤဂီၢ်မုၢ်အကျါတဂၤစံး ဆၢတၢ်ဒီးစံးဝဲဒၣ်, သရၣ်ဧၢ, ယဖိခွါလၢတၢ်နါတအုၣ် အိၣ်လၢအလိၤတဂၤန့ၣ်, ယဟဲစိာ်ဆူနအိၣ်လီၤ.
18 ဒီးဖဲ ဒၣ်အဟံးဃာ်အီၤတပူၤပူၤန့ၣ်, ထွၣ်လီၤဃံၤဆူၣ်အီၤ, ဒီးအကိာ်ပူၤသဘှဲထီၣ်, ဒီးအမဲအ့ၣ်တဃံး, ဒီးဃဲၤလီၤ ဝဲလီၤ. ဒီးယစံးဘၣ်တဲဘၣ်နပျဲၢ်နဘီၣ်, ဒ်သိးအကဟီ ထီၣ်ကွံာ်အီၤ, ဒီးမၤဝဲတသ့ဘၣ်,-
19 ဒီးအဝဲဒၣ်စံးဆၢပှၤ တဖၣ်န့ၣ်ဒီးစံးဝဲဒၣ်, သုဝဲသ့ၣ်ပှၤလၢအတနာ်ဘၣ်တၢ် တစိၤဧၢ, မ့ၢ်ယကအိၣ်ဒီးသုဆံးယံာ်လဲၣ်. ယကဝံသး စူၤသုဆံးယံာ်လဲၣ်.ဟဲစိာ်အီၤဆူယအိၣ်တက့ၢ်.
20 ဒီးပှၤ ဟဲစိာ်အီၤဆူအအိၣ်ဒီးတုၤအထံၣ်အီၤဒီး, တၢ်နါမၤပျုၢ် ထိးထီၣ်အီၤတကီၢ်ခါ, ဒီးလီၤဃံၤဝဲလၢ ဟီၣ်ခိၣ်အဖီ ခိၣ်, ဒီးအကိာ်ပူၤသဘှဲထီၣ်, ဒီးတလ့ၣ်ကံးကူးအသး လီၤ.-
21 ဒီးသံကွၢ်အပၢ်, တၢ်မၤအီၤဒ်အံၤအသိး ဆံးယံာ် တ့ၢ်လံလဲၣ်, ဒီးစံးဝဲဒၣ်, လၢအဖိသၣ်လံၤလံၤန့ၣ် လီၤ.
22 ဒီးတၢ်တ့ၢ်လီၤကွံာ်အီၤဆူမ့ၣ်အူပူၤ, ဒီးဆူထံ ကျါတလီၢ်လီၢ်တလီၢ်လီၢ်ဒ်သိးအကမၤဟးဂီၤအီၤလီၤ. မ့မ့ၢ်နဲဒၣ်အံၤ, နမၤမ့ၢ်သ့တမံၤမံၤဒီး, သူၣ်ကညီၤသး ကညီၤပှၤ, ဒီးမၤစၢၤပှၤတက့ၢ်.
23 ဒီးယ့ၣ်ရှူးစံးဘၣ်အီၤ, နနာ်မ့ၢ်သ့ဒီး, တၢ်သ့တၢ်လၢာ်လၢပှၤလၢအနာ်တၢ်အ ဂီၢ်လီၤ.
24 ဒီးဖိသၣ်အပၢ်န့ၣ်, ကိးပသူထီၣ်တကီၢ်ခါ, ဒီးအမဲာ်ထံလီၤဒီးစံးဝဲဒၣ်, ယနာ်လီၤ, ယတၢ်တနာ် ဘၣ်အံၤမၤစၢၤလၢ်တက့ၢ်.
25 ဒီးတုၤယ့ၣ်ရှူးထံၣ်လၢပှၤ ဂီၢ်မုၢ်ဟဲဃ့ၢ်ဖှိၣ်ဝဲဒီး, ဒူတၢ်နါဒီး စံးဘၣ်အီၤ, တၢ်နါ တအုၣ်ဒီးအနၢ်တအၢတဒုဧၢ, ယမၤလိာ်နၤယဲ, ဟး ထီၣ်ကွံာ်လၢအလိၤတက့ၢ်. ဒီးလၢအလိၤန့ၣ်လဲၤနုာ် လၢၤတဂ့ၤ.
26 ဒီးကိးပသူထီၣ်, ဒီးမၤပျုၢ်ထိးထီၣ်အီၤနး မး, ဒီးဟးထီၣ်ကွံာ်ဝဲလီၤ. ဒီးအဝဲဒၣ်ကဲထီၣ်ဒ်ပှၤသံ အသိး, တုၤပှၤအါဂၤစံးဝဲလၢအသံလီၤ.
27 ဘၣ်ဆၣ်ဒီး ယ့ၣ်ရှူးဟံးဃာ်အစု, ဒီးဝံၣ်ဆၢထၢၣ်အီၤ, ဒီးဂဲၤဆၢ ထၢၣ်က့ၤဝဲလီၤ.
28 ဒီးလဲၤနုာ်ဝဲဆူဟံၣ်ပူၤ, ဒီးအပျဲၢ်အဘီၣ် သံကွၢ်အီၤ ကစုဒု, ပဝဲဒၣ်အံၤ, ပဟီထီၣ်ကွံာ်အီၤတသ့ဘၣ်န့ၣ်, မ့ၢ်အဘၣ်မနုၤလဲၣ်.
29 ဒီးစံးဘၣ်အီၤ, အအံၤတကလုာ် ဟးထီၣ်ကွံာ်လၢ တၢ်ဂုၤတၢ်ဂၤတသ့ဘၣ်, သ့ထဲလၢ တၢ်ဘါထုကဖၣ်Ref ဒီးတၢ်ဒုၣ်တၢ်အီၣ်တၢ်အီဧိၤလီၤ.
30 ဒီးဟးထီၣ်ဖဲန့ၣ်, ဒီးလဲၤခီဂာ်ကွံာ်ကၤလံၤလါ, ဒီးတၢ်တမိၣ်ဒုးသ့ၣ်ညါဘၣ်အသးလၢ ပှၤနီတဂၤဘၣ်.
31 အဂ့ၢ်ဒ်အံၤ, သိၣ်က့ၤသီက့ၤအပျဲၢ်အဘီၣ် ဒီးစံးဘၣ်အီၤ, လၢပှၤကညီဖိခွါအံၤဘၣ်တၢ်ဟ့ၣ် လီၤဝဲဆူ ပှၤကညီအစုပူၤ, ဒီးကမၤသံအီၤလီၤ. ဒီးဘၣ်တၢ်မၤသံအီၤ အလီၢ်ခံပှဲၤထီၣ် သၢနံၤတနံၤ န့ၣ်, ကဂဲၤဆၢထၢၣ်က့ၤဝဲလီၤ.
32 ဒီးတၢ်ကတိၤတဘီန့ၣ်, အနၢ်တပၢၢ်ဘၣ်ဝဲဘၣ်. ဒီးသံ ကွၢ်အီၤတဘူၣ်ဘၣ်လီၤ.
33 ဒီးဟဲဝဲဆူကပ့းရနီၣ်, ဒီးအိၣ်ဝဲလၢဟံၣ်ပူၤ, ဒီးအဝဲ ဒၣ်သံကွၢ်အဝဲသ့ၣ်, သုအိၣ်လၢကျဲအဖၢမုၢ်ဒီး, သုက တိၤလိာ်သုသးလၢမနုၤတမံၤအဂ့ၢ်လဲၣ်.
34 ဒီးအိၣ်ဝဲဘှီၣ် ကလာ်တကူၢ်သ့ၣ်လီၤ. အဂ့ၢ်ဒ်အံၤ, မ့ၢ်မတၤမတၤမ့ၢ် အဒိၣ်ကတၢၢ်အဂ့ၢ်န့ၣ်, ကတိၤလိာ်အသးလၢကျဲပူၤ လီၤ.
35 ဒီးဆ့ၣ်နီၤဝဲ, ဒီးကိးဃီၤပှၤတဆံခံဂၤန့ၣ်ဒီးစံး ဘၣ်အီၤ. ပှၤမ့ၢ်မိၣ်ကဲဘၣ်အသးလၢ တၢ်အခိၣ်တဂၤ ဂၤဒီး, ကကဲထီၣ်ပှၤအဆံးကတၢၢ်လၢ ပှၤခဲလၢာ်အ ကျါ, ဒီးပှၤခဲလၢာ်အခ့အပှၤလီၤ.
36 ဒီးဟံးန့ၢ်ဖိသၣ်တ ဂၤ, ဒီးပာ်လီၤအီၤလၢအကျါ, ဒီးဖိးဃာ်အီၤလၢအစု, ဒီးစံးဘၣ်အဝဲသ့ၣ်, ဖဲဒၣ်ပှၤလၢအတူၢ်လိာ်ဖိသၣ်ဒ်အံၤ အသိးတဂၤ, လၢယမံၤအဃိန့ၣ်ဒီး, မ့ၢ်အတူၢ်လိာ်ယၤ လီၤ.
37 ဒီးဖဲဒၣ်ပှၤလၢအတူၢ်လိာ်ယၤန့ၣ်, တမ့ၢ်ဘၣ်အ တူၢ်လိာ်ယၤဘၣ်. မ့ၢ်အတူၢ်လိာ်ပှၤလၢ အမၢလီၤယၤ တဂၤလီၤ.
38 ဒီးစီၤယိၤဟၣ်ကတိၤဆၢတၢ်လၢအီၤ ဒီးစံးဝဲဒၣ်, သ ရၣ်ဧၢ, ပထံၣ်မတၤတဂၤလၢအတပိာ်ဘၣ်ပခံ, ဒီးဟီ ထီၣ်ကွံာ်တၢ်နါလၢနမံၤ, ဒီးပတြီအီၤလီၤ. အဂ့ၢ်ဒ်အံၤ, မ့ၢ်အတပိာ်ဘၣ်ပခံဘၣ်လီၤ.
39 ဒီးယ့ၣ်ရှူးစံးဝဲဒၣ်, တြီ အီၤဂ့ၤ, အဂ့ၢ်ဒ်အံၤ, ပှၤလၢအမၤတၢ်လီၤလးလၢယမံၤ န့ၣ်,စံးအၢယၤညီကဒၣ်တသ့ဘၣ်နီတဂၤဘၣ်.
40 အဂ့ၢ်ဒ်အံၤပှၤလၢအထီဒါဘၣ်ပှၤန့ၣ် မ့ၢ်အိၣ်လၢပပူၤလီၤ.-
41 အဂ့ၢ်ဒ်အံၤ, ဖဲဒၣ်ပှၤလၢအဒုးအီသုလၢ ထံခုၣ်တလီခီ လၢယမံၤလၢ သုဘၣ်ဃးဒီးခရံာ်အဃိဒီး, ယစံးဘၣ် တဲဘၣ်သုတီတီအံၤ, အဘျုးတဟါမၢ်ဘၣ်ဝဲဘၣ်.
42 ဒီး ပှၤအဆံးလၢ အနာ်က့ၤယၤတဖၣ်အကျါတဂၤန့ၣ်, ဖဲ ဒၣ်ပှၤလၢအဒုးလီၤဃံၤအီၤဒီး, ဆၢၣ်ဂူာ်လၢၢ် မ့ၢ်ဘၣ် စၢဃာ်လၢအကိာ်, ဒီးအဝဲဒၣ် ဘၣ်တၢ်တ့ၢ်လီၤကွံာ် အီၤဆူပီၣ်လဲၣ်ပူၤဒီး, ကဂ့ၤဒၣ်တၢ်လၢအဂီၢ်လီၤ.
43 ဒီးနစု မ့ၢ်ဒုးလီၤဃံၤနၤဒီး, ဒီၣ်တဲာ်ကွံာ်အီၤတက့ၢ်. နမ့ၢ်လဲၤ နုာ်ဆူတၢ်မူအပူၤလၢနစုတူာ်န့ၣ်, ဂ့ၤန့ၢ်နလဲၤဆူလရာ် ပူၤလၢ မ့ၣ်အူလၢအလီၤပံာ်တသ့ဘၣ်အပူၤအိၣ်ဒီး နစု ခံခီလၢာ်တက့ၢ်လီၤ.
44 တၢ်ဖဲန့ၣ်အလၢၣ် တသံဘၣ်. ဒီးမ့ၣ်အူတလီၤပံာ်ဘၣ်လီၤ.
45 ဒီးနခီၣ်မ့ၢ်မၤလီၤဃံၤနၤ ဒီး, ဒီၣ်တဲာ်ကွံာ်အီၤတက့ၢ်. နမ့ၢ်လဲၤနုာ်ဆူတၢ်မူအပူၤ ဒီးနခီၣ်တူာ်န့ၣ်, ဂ့ၤန့ၢ်နဘၣ်တၢ်တ့ၢ်လီၤနၤဆူလရာ် ပူၤ, ဆူမ့ၣ်အူလၢအလီၤပံာ်တသ့ဘၣ်အပူၤ, အိၣ်ဒီးန ခီၣ်ခံခီလာ်တက့ၢ်လီၤ.
46 တၢ်ဖဲန့ၣ်အလၢၣ်တသံဘၣ်, ဒီးမ့ၣ်အူတလီၤပံာ်ဘၣ်လီၤ.
47 ဒီးနမဲာ်မ့ၢ်မၤလီၤဃံၤနၤဒီး, ကွံာ်တ့ၢ်ကွံာ်အီၤတက့ၢ်. နမ့ၢ်လဲၤနုာ်ဆူယွၤအဘီ အမုၢ်အပူၤဒီးနမဲာ်တခီဧိၤန့ၣ်, ဂ့ၤန့ၢ်နဘၣ်တၢ်တ့ၢ်လီၤ ကွံာ်နၤဆူလရာ်မ့ၣ်အူအပူၤ, အိၣ်ဒီးနမဲာ်ခံခီလၢာ်တ က့ၢ်လီၤ.
48 တၢ်ဖဲန့ၣ်အလၢၣ်တသံဘၣ်, ဒီးမ့ၣ်အူတ လီၤပံာ်ဘၣ်လီၤ.-
49 အဂ့ၢ်ဒ်အံၤ, ကယဲၢ်ပှၤကိးဂၤဒဲးက ဘၣ်တၢ်ဃါအီၤလၢမ့ၣ်အူ, ဒီးကယဲၢ်တၢ်လုၢ်ခဲလၢာ် ကဘၣ်တၢ်ဃါအီၤလၢအံသၣ်လီၤ.
50 အံသၣ်န့ၣ်မ့ၢ်တၢ် အဂ့ၤလီၤ. ဘၣ်ဆၣ်ဒီး, အံသၣ်အဟီမ့ၢ်ဘျါဒီး, မ့ၢ်သု ကဒုးဟီက့ၤအီၤလၢမနုၤတမံၤလဲၣ်. သုဝဲသ့ၣ်အံၤ, အိၣ် ဒီးအံသၣ်လၢသုပူၤဒၣ်သုဝဲ, ဒီးအိၣ်ဃူလိာ်ဖိးလိာ်သု သးတက့ၢ်.