3
1 ဒီးလဲၤနုာ်ကဒီးဝဲဆူဘူၣ်ဘျီၣ်ပူၤ, ဒီးပှၤလၢအစုဃ့ထီ တခီ, အိၣ်ဝဲဖဲန့ၣ်တဂၤလီၤ.
2 ဒီးလၢမုၢ်အိၣ်ဘှံးအနံၤ န့ၣ်, မ့ၢ်အကမၤဘျါက့ၤတၢ်တမၤဘျါက့ၤတၢ်လဲၣ်န့ၣ်, ပှၤကွၢ်ဟုၣ်အီၤ, ဒ်သိးအကဆှိးအီၤလီၤ.
3 ဒီးစံးဘၣ်ပှၤ လၢအစုဃ့ထီတခီန့ၣ်, ဂဲၤဆၢထၢၣ်လၢတၢ်သးကံၢ်ပူၤ တက့ၢ်.
4 ဒီးစံးဘၣ်ပှၤတဖၣ်န့ၣ်, တၢ်လၢမုၢ်အိၣ်ဘှံး အနံၤန့ၣ်, မ့ၢ်ပဂ့ၤမၤဂ့ၤတၢ်ဧါ, မ့ၢ်ပဂ့ၤမၤအၢတၢ်လဲၣ်. မ့ၢ်ပဂ့ၤအုၣ်က့ၤခီၣ်က့ၤပှၤအသးသမူဧါ, မ့ၢ်ပဂ့ၤမၤသံ တၢ်လဲၣ်.
5 ဒီးအဝဲသ့ၣ်အိၣ်ဘှီၣ်ကလာ်လီၤ. ဒီးမ့ၢ်အ သးအုးလၢအဝဲသ့ၣ်အသးကိၤဝဲအဃိဒီး, ကွၢ်တရံးအီၤ လၢအသးထီၣ်, ဒီးစံးဘၣ်ပှၤကညီတဂၤန့ၣ်, ယူာ်ထီၣ် နစုတက့ၢ်. ဒီးယူာ်ထီၣ်ဝဲ, ဒီးအစုဘျါက့ၤလီၤ.
6 ဒီးပှၤဖၤရံၤရှဲသ့ၣ်တဖၣ်န့ၣ် ဟးထီၣ်ကွံာ်တကီၢ်ခါ, ဒီးဒ်သိးအကမၤဟးဂီၤအီၤဒ်လဲၣ်ဒ်လဲၣ်န့ၣ်, ကူၣ်လိာ် အသးဒီးပှၤဟ့ၤရိာ်ဖိတဖၣ်ထီဒါအီၤလီၤ.
7 ဒီးယ့ၣ်ရှူး ဒီးအပျဲၢ်အဘီၣ်တဖၣ်, ဟးထီၣ်ကွံာ်ဝဲဆူ ပီၣ်လဲၣ်နံၤ, ဒီးပှၤဂီၢ်မုၢ်ဖးဒိၣ်လၢ ကၤလံၤလါပိာ်ထီၣ်အခံ, ဒီးပှၤ လၢကီၢ်ယူဒၤ,
8 ဒီးလၢယရူၤရှလ့ၣ်, ဒီးလၢကီၢ်အဒိၣ်, ဒီးလၢယၢ်ဒ့ၣ်ဝၢ်ဘးခီတဖၣ်, ဒီးပှၤအိၣ်ဝဲလၢ စိၢ်ဒီးစံ ဒိၣ်အဃၢၤတဖၣ်, ပှၤဂီၢ်မုၢ်ဖးဒိၣ်တုၤအနၢ်ဟူအမၤတၢ် ဒ်လဲၣ်ဒ်လဲၣ်ဒီး, ဟဲဆူအအိၣ်လီၤ.
9 ဒီးစံးဘၣ်အပျဲၢ်အ ဘီၣ်ဒ်သိးချံတဘ့ၣ်ကပိာ်အခံလၢပှၤဂီၢ်မုၢ်အဃိ, ဒ်သိး အသုတဆီၣ်သနံးအီၤတဂ့ၤလီၤ.
10 အဂ့ၢ်ဒ်အံၤ, မၤဘျါ က့ၤပှၤအါဂၤ တုၤဒၣ်လဲာ် ဖဲဒၣ်ပှၤလၢတၢ်ဆါအီၤတ ဖၣ်, ဟဲသဖှိဆူအအိၣ်ဒ်သိးအကထိးဘၣ်အီၤလီၤ.
11 ဒီး တၢ်နါတဖၣ်, တုၤအထံၣ်ဘၣ်အီၤဒီး, ထိၣ်လီၤပှီၤအ သးလၢအခီၣ်ထံး, ဒီးကိးပသူထီၣ်ဒီးစံးဝဲဒၣ်,နဲဒၣ်အံၤ နမ့ၢ်ယွၤအဖိခွါလီၤ.
12 ဒီးမၤလိာ်အီၤအါမး ဒ်သိးအသု တမၤဖျါထီၣ်အီၤတဂ့ၤလီၤ.
13 ဒီးလဲၤထီၣ်ဝဲဆူ ကစၢၢ်တဖျၢၣ်အလိၤ, ဒီးဖဲဒၣ်အ ဘၣ်အသးကိးန့ၢ်ပှၤတဖၣ်, ဒီးအဝဲသ့ၣ်ဟဲဆူအအိၣ် လီၤ.
14 ဒီးပာ်ထီၣ်ပှၤတဆံခံဂၤ ဒ်သိးအကအိၣ်ဒီးအီၤ, ဒီးဒ်သိးအကမၢ အလဲၤစံၣ်တဲၤတဲလီၤတၢ်,
15 ဒီးဒ်သိး အကအိၣ်ဒီးအစိကမီၤလၢ အကမၤဘျါက့ၤ တၢ်ဆူး တၢ်ဆါ, ဒီးဟီၣ်ထီၣ်ကွံာ်တၢ်နါတဖၣ်လီၤ.
16 ဒီးကိး က့ၤစီၤရှံမိၣ်အမံၤသီလၢစီၤပ့းတရူး,
17 ဒီးကိးက့ၤစီၤစ့း ဘ့းဒဲအဖိခွါစီၤယၤကိာ်, ဒီးစီၤယၤကိာ်အဒီပုၢ်ဝဲၢ်စီၤ ယိၤဟၣ်အမံၤသီလၢဘအၤန့ၢ်က့း, ဒ်ပစံးတၢ်အသိး, လီသီၣ်အဖိခွါ,
18 ဒီးစီၤအၣ်ဒရ့း, ဒီးစီၤဖံလံးပူး, ဒီးစီၤ ဘၢ်သလီမဲ, ဒီးစီၤမးသဲ, ဒီးစီၤသိၤမါ, ဒီးစီၤအၤလ ဖဲအဖိခွါစီၤယၤကိာ်, ဒီးစီၤသးဒဲ, ဒီးပှၤကနၤနံဖိစီၤရှံ မိၣ်,
19 ဒီးစီၤယူဒၤအံၣ်စကၤရံၤအိာ်, လၢအဟ့ၣ်လီၤ ကွံာ်စ့ၢ်ကီးအီၤလီၤ.
20 ဒီးအဝဲသ့ၣ်တဖၣ်န့ၣ်လဲၤနုာ်ဝဲဆူဟံၣ်ပူၤ, ဒီးပှၤဂီၢ် မုၢ်အိၣ်ဖှိၣ်ရိဖှိၣ်ကဒီး တုၤအအီၣ်တၢ်ဒၣ်လဲာ် တသ့ ဘၣ်လီၤ.
21 ဒီးတုၤယ့ၣ်ရှူးအဘူးအတံၢ်နၢ်ဟူဒီး, လဲၤ ထီၣ်ဝဲဒ်သိးအကဟံးဃၣ်အီၤလီၤ. အဂ့ၢ်ဒ်အံၤ, စံးဝဲ ဒၣ်, မ့ၢ်အပျုၢ်လီၤ.
22 ဒီးပှၤကွံာ်လံာ်လၢအဟဲလီၤလၢ ယရူၤရှလ့ၣ်တဖၣ် စံးဝဲဒၣ်, လၢအအိၣ်ဒီးဘၤဧၤလစဘူာ်, ဒီးဟီထီၣ်ကွံာ် တၢ်နါလၢတၢ်နါအခိၣ်လီၤ.
23 ဒီးအဝဲဒၣ်ကိးန့ၢ်ပှၤတ ဖၣ်န့ၣ်, ဒီးကတိၤတၢ်ဒီးအီၤလၢတၢ်ကတိၤဒိ, မုၣ်ကီၤ လံၢ်ဟီထီၣ်ကွံာ်မုၣ်ကီၤလံၢ်ကသ့ဒ်လဲၣ်.
24 ဒီးတၢ်အဘီ အမုၢ်မ့ၢ်မၤလီၤဖးလီၤ အသးဒၣ်ဝဲဒီး, တၢ်အဘီအမုၢ် န့ၣ်အိၣ်ဂၢၢ်အိၣ်ကျၢၤတသ့ဘၣ်.
25 ဒီးဟံၣ်တဖျၢၣ်မ့ၢ်မၤ လီၤဖးလီၤအသးဒၣ်ဝဲဒီး, ဟံၣ်ဝဲန့ၣ်အိၣ်ဂၢၢ်အိၣ်ကျၢၤ တသ့ဘၣ်.
26 ဒီးမုၣ်ကီၤလံၢ်မ့ၢ်ထီဒါလီၤအသးဒၣ်ဝဲဒီး မၤလီၤဖးလီၤအသးဒၣ်ဝဲဒီး, အိၣ်ဂၢၢ်အိၣ်ကျၢၢၤတသ့ ဘၣ်. မ့ၢ်အအိၣ်ဒီးအကတၢၢ်လီၤ.
27 ပှၤလဲၤနုာ်ဆူပှၤဂံၢ် ဆူၣ်ဘါဆူၣ်အဟံၣ်ပူၤ, ဒီးဂုာ်န့ၢ်အတၢ်တသ့ဘၣ်နီ တဂၤဘၣ်. မ့မ့ၢ်ဘၣ်စၢဃာ်ဆိပှၤဂံၢ်ဆူၣ်ဘါဆူၣ်ဝံၤ ဒီး, ကဂုာ်န့ၢ်အဟံၣ်န့ၣ်လီၤ.
28 ယစံးဘၣ်တဲဘၣ်သု တီတီအံၤ, လၢကယဲၢ်တၢ်ဒဲးဘးခဲလၢာ်, ဒီးတၢ်က တိၤအၢဖဲဒၣ်အကအတိၤအၢတဖၣ်န့ၣ်တၢ်ကမၤပူၤဖျဲး န့ၢ်ပှၤကညီဖိတဖၣ်လီၤ.
29 မ့မ့ၢ်ဖဲဒၣ်ပှၤလၢအကတိၤ အၢဘၣ်သးစီဆှံတဂၤဂၤန့ၣ်, တၢ်တပျၢ်ဘၣ် အတၢ်ဒဲး ဘးနီတခီၣ်ဘၣ်. မ့ၢ်အဂ့ၤဘၣ်ဝဲ တၢ်ဒဲးဘးအထူအ ယိာ်လီၤ.
30 အဂ့ၢ်ဒ်အံၤ, အဝဲသ့ၣ်တဖၣ်န့ၣ်စံးဝဲဒၣ်, မ့ၢ်တၢ်နါအိၣ်လၢအလိၤလီၤ.
31 မၤသးဒ်န့ၣ်ဒီးအမိၢ်ဒီးအဒီပုၢ်ဝဲၢ်သ့ၣ်တဖၣ် ဟဲဆၢ ထၢၣ်လၢခိ, ဒီးမၢပှၤလဲၤကိးန့ၢ်အီၤလီၤ.
32 ဒီးပှၤဂီၢ်မုၢ် ဆ့ၣ်နီၤဝးတရံးအီၤ, ဒီးစံးဘၣ်အီၤ, ကွၢ်ကွၢ်, နမိၢ်ဒီးတ ဒီပုၢ်ဝဲၢ်သ့ၣ်တဖၣ်ဃုနၤလၢခိလီၤ.
33 ဒီးစံးဆၢအီၤဒီးစံး ဝဲဒၣ်, ယမိၢ်မ့ၢ်ဂ့ၤ, ယဒီပုၢ်ဝဲၢ်မ့ၢ်ဂ့ၤ, မ့ၢ်မတၤတဖၣ် လဲၣ်.
34 ဒီးကွၢ်တရံးပှၤဆ့ၣ်နီၤဝးတရံးအီၤတဖၣ်, ဒီးစံး ဝဲဒၣ်, ကွၢ်ကွၢ်, ယမိၢ်ဒီးယဒီပုၢ်ဝဲၢ်တဖၣ်လီၤ.
35 အဂ့ၢ် ဒ်အံၤ, ဖဲဒၣ်ပှၤလၢအမၤတၢ်ဘၣ် ယွၤအသးတဂၤဂၤ န့ၣ်, အဝဲဒၣ်မ့ၢ်ယဒီပုၢ်ဝဲၢ်မုၣ်, ဒီးယဒီပုၢ်ဝဲၢ်ခွါ, ဒီးယ မိၢ်လီၤ.