14
1 ဒီးခံနံၤအလီၢ်ခံန့ၣ် ဘၣ်ဘူၣ်လဲၤကပာ်ဒီးဘူၣ်ကိၣ် တအိၣ်ဘၣ်ဒီးကိၣ်မံၣ်ဒီး, ပှၤလုၢ်တၢ်အခိၣ်ဒီး ပှၤကွဲး လံာ်သ့ၣ်တဖၣ်ဃုကူၣ်ဝဲ ဒ်သိးအကဟံးဃာ်မၤသံအီၤ လၢတၢ်လီတၢ်ဝ့ၤလီၤ.
2 ဘၣ်ဆၣ်ဒီးစံးဝဲဒၣ်, မၤလၢ ဘူၣ်ပူၤတဂ့ၤ, ပှၤဂီၢ်မုၢ်ကတၢထီၣ်တၢလီၤဘၣ်ဖုးလီၤ.
3 ဒီးအဝဲဒၣ်အိၣ်ဝဲလၢဘ့ၤသနံအပူၤ လၢပှၤဆါအၢစီၤ ရှံမိၣ်တဂၤအဟံၣ်ပူၤ, ဒီးဆ့ၣ်နီၤသန့ၤတၢ်အဖၢမုၢ်ဒီး, ပိာ်မုၣ်တဂၤအိၣ်ဒီးပလီလၢၢ်ဝါ အိၣ်ဒီးသိနၢမူနၢ်ဒူၤနီၢ် နီၢ်လၢအလုၢ်ပှ့ၤဒိၣ်, ဒီးမၤသ့ၣ်ဖးပလီလၢၢ်ဝါ, ဒီးလူ လီၤဝဲလၢအခိၣ်အဖီခိၣ်လီၤ.
4 ဒီးပှၤတနီၤနီၤအသးထီၣ် လၢအသးကံၢ်ပူၤ, ဒီးစံးဝဲဒၣ်, မၤလၢာ်ဂီၤသိနၢမူအံၤမ့ၢ် အဘၣ်မနုၤလဲၣ်.
5 အဂ့ၢ်ဒ်အံၤ, သိနၢမူအံၤ, မ့ၢ်ဆါကွံာ် ဝဲဒီး, ကန့ၢ်အပှ့ၤလၢစ့ဒန့ၤရံၤသၢကယၤဘျဲၣ်, ဒီးဟ့ၣ် လီၤလၢပှၤဖှီၣ်ဖိယာ်ဖိသ့လီၤ. ဒီးပာ်တၢ်ကမၣ်လၢပိာ် မုၣ်အလိၤတကူၢ်သ့ၣ်လီၤ.
6 ဒီးယ့ၣ်ရှူးစံးဝဲဒၣ်, ပျဲအီၤ တက့ၢ်. ဘၣ်မနုၤလၢသုမၤတံာ်တံာ်အီၤလဲၣ်. မၤလံ ယၤလၢတၢ်မၤအဂ့ၤလံ.
7 အဂ့ၢ်ဒ်အံၤ, ပှၤဖှီၣ်ဖိယာ်ဖိ တဖၣ်န့ၣ်, အိၣ်ဒီးသုတဘိယူၢ်ဃီ, ဒီးဖဲသုသးအိၣ်လၢသုကမၤဂ့ၤအီၤဒီး, သုမၤသ့လီၤ. မ့မ့ၢ်သုအိၣ်ဒီးယၤတ ဘိယူၢ်ဃီတမ့ၢ်ဘၣ်.
8 ပိာ်မုၣ်အံၤဖဲအမၤသ့ဒီးမၤလံဝဲ လံ. ဟဲလူလီၤပာ်သိနၢမူအံၤလၢယနီၢ်ခိအလိၤ, လၢယ ဘၣ်တၢ်ခူၣ်လီၤကွံာ်အဂီၢ်လီၤ.
9 ယစံးဘၣ်တဲဘၣ်သု တီတီအံၤ, ဖဲဒၣ်တၢ်သးခုအကစီၣ်အံၤ ဘၣ်တၢ်စံၣ် တဲၤတဲလီၤလၢဟီၣ်ခိၣ်ဒီဘ့ၣ်ညါဒီး, တၢ်လၢပိာ်မုၣ်မၤ တၢ်တမံၤအံၤ, ကဘၣ်တၢ်စံၣ်ဃဲၤ စ့ၢ်ကီးလၢ တၢ်သ့ၣ် နီၣ်ထီၣ်က့ၤအီၤအဂီၢ်လီၤ.
10 ဒီးပှၤတဆံခံဂၤအကျါ, စီၤယူဒၤအံၣ်စကၤရံၤအိာ်တ ဂၤ, လဲၤဆူပှၤလုၢ်တၢ်အခိၣ်တဖၣ်အအိၣ်, ဒ်သိးအက ဟ့ၣ်လီၤကွံာ်အီၤ လၢအစုပူၤလီၤ.
11 ဒီးတုၤအဝဲသ့ၣ်နၢ် ဟူဝဲဒီး, အသူၣ်ခုအသးခုဝဲ, ဒီးအၢၣ်လီၤအီလီၤလၢ သါကဟ့ၣ်အီၤလၢစ့လီၤ. ဒီးကဟ့ၣ်လီၤကွံာ် ဒ်လဲၣ်ဒ် လဲၣ်န့ၣ်ဃုဝဲအဆၢကတီၢ်လၢအဘၣ်လီၤ.
12 ဒီးဘူၣ်တအိၣ်ဘၣ်ဒီးကိၣ်မံၣ်အခီၣ်ထံးတနံၤ,လၢပှၤ မၤသံဘူၣ်လဲၤကပာ်န့ၣ်, အပျဲၢ်အဘီၣ်စံးဘၣ်အီၤ, ဒ် သိးနကအီၣ်ဘူၣ်လဲၤကပာ်ဒီး, ဘၣ်နသးလၢပလဲၤက တဲာ်ကတီၤတၢ်ဖဲလဲၣ်ပူၤလဲၣ်.
13 ဒီးမၢလီၤအပျဲၢ်အဘီၣ် ခံဂၤ, ဒီးစံးဘၣ်အီၤ, လဲၤဆူဝ့ၢ်ပူၤ, ဒီးပှၤစိာ်သပၢၤထံ ကဘၣ်သဃိာ်သုတဂၤလီၤ. ပိာ်ထီၣ်အခံတက့ၢ်.
14 ဒီး ဖဲဒၣ်အလဲၤနုာ်ဝဲတပူၤပူၤန့ၣ်, စံးဘၣ်ဟံၣ်ကစၢ်လၢသ ရၣ်စံးဝဲဒၣ်, ဒၢးတဖျၢၣ်ဖဲယကအီၣ်ဘူၣ်လဲၤကပာ်ဒီး ယပျဲၢ်ယဘီၣ်န့ၣ်အိၣ်ဖဲလဲၣ်.
15 ဒီးကဒုးနဲၣ်သုလၢ ဒၢး ဖးဒိၣ်ထီၣ်ထီတတီၤမၤဂ့ၤထီၣ်အသး, ဒီးကတဲာ်ကတီၤ ပာ်အသးလီၤ. ဒီးကတဲာ်ကတီၤပာ်တၢ်လၢပဂီၢ်ဖဲန့ၣ် တက့ၢ်.
16 ဒီးအပျဲၢ်အဘီၣ်ဟးထီၣ်, ဒီးလဲၤဝဲဆူဝ့ၢ်ပူၤ, ဒီးထံၣ်န့ၣ်တၢ်ဒ်ယ့ၣ်ရှူးစံးဘၣ်အီၤအသိး, ဒီးကတဲာ်က တီၤဘူၣ်လဲၤကပာ်လီၤ.
17 ဒီးတုၤမုၢ်ဟါလီၤဒီး, ဟဲဝဲဒီးအပျဲၢ်အီၣ်တဆံခံဂၤန့ၣ် လီၤ.
18 ဒီးဆ့ၣ်နီၤသန့ၤဒီးအီၣ်တၢ်အဖၢမုၢ်ဒီး, ယ့ၣ်ရှူးစံး ဝဲဒၣ်, ယစံးဘၣ်တဲဘၣ်သုတီတီအံၤ, လၢပှၤလၢသု ကျါလၢအအီၣ်ဃုာ်တၢ်ဒီးယၤတဂၤ, ကဟ့ၣ်လီၤကွံာ် ယၤလီၤ.
19 ဒီးအဝဲသ့ၣ်အသူၣ်အုးအသးအုး, ဒီးစံးဘၣ် အီၤတဂၤဘၣ်တဂၤ, မ့ၢ်ယၤဧါ, ဒီးအဝဲတဂၤ, မ့ၢ်ယၤ ဧါ.
20 ဒီးအဝဲဒၣ်စံးဆၢတၢ်ဒီးစံးဘၣ်အီၤ, မ့ၢ်လၢပှၤတ ဆံခံဂၤန့ၣ်အကျါ, ပှၤလၢအဘျၢလီၤဃုာ်တၢ်လၢလီခီ ပူၤဒီးယၤတဂၤလီၤ.
21 ဒ်တၢ်ကွဲးအသးလၢ အဂ့ၢ်အသိး န့ၣ်, ပှၤကညီဖိခွါအံၤက့ၤဝဲလီၤ. ဘၣ်ဆၣ်ဒီးပှၤလၢအ ဟ့ၣ်လီၤကွံာ်ပှၤကညီဖိခွါတဂၤန့ၣ်ဘၣ်အဖှီၣ်လီၤ. ပှၤ တဂၤန့ၣ် မ့ၢ်တအိၣ်ဖျဲၣ်ဘၣ်ဒီး ကဂ့ၤဒၣ်တၢ်လၢအဂီၢ် လီၤ.
22 ဒီးအီၣ်တၢ်အဖၢမုၢ်ဒီး, ယ့ၣ်ရှူးဟံးန့ၢ်ကိၣ်, ဒီးဆိၣ် ဂ့ၤတၢ်ဒီးစိၢ်ဘျဲးဝဲဒီးဟ့ၣ်လီၤအဝဲသ့ၣ်, ဒီးစံးဝဲဒၣ်, ဟံး န့ၢ်အီၣ်တက့ၢ်. အအံၤမ့ၢ်ယနီၢ်ခိလီၤ.-
23 ဒီးဟံးန့ၢ်လီခီ, ဒီးစံးထီၣ်ပတြၢၤ တၢ်အဘျုးအဖှိၣ်, ဒီးဟ့ၣ်လီၤအဝဲ သ့ၣ်, ဒီးအဝဲသ့ၣ်တဖၣ်ခဲလၢာ် အီတၢ်လၢအပူၤလီၤ.-
24 ဒီးစံးဘၣ်အီၤ, အအံၤမ့ၢ်ယသွံၣ်ဘၣ်ဃးဒီး တၢ်အၢၣ် လီၤအီလီၤအသီ, လၢအလူလီၤအသးလၢ ပှၤအါဂၤအ ဂီၢ်လီၤ.
25 ယစံးဘၣ်သုတီတီ, လၢယတအီလၢၤဘၣ်စ ပံးသၣ်အထံ, တုၤမုၢ်တနံၤလၢယအီအီၤအသီလၢယွၤ အဘီအမုၢ်အပူၤလီၤ.
26 ဒီးသးဝံၣ်တၢ်ဝံၤဒီး, လဲၤထီၣ်ဝဲဆူ ကစၢၢ်သ့ၣ်စၤယံး အလိၤလီၤ.
27 ဒီးယ့ၣ်ရှူးစံးဘၣ်အီၤ, ခဲမုၢ်နၤအံၤသုသး ကဟးဂီၤလၢယဃိခဲလၢာ်လီၤ. အဂ့ၢ်ဒ်အံၤ, တၢ်ကွဲးအ သး, ယကကျီကွံာ်ပှၤကွၢ်သိဒီး သိတဖၣ်ကလီၤပြံ လီၤပြါဝဲလီၤ.Ref ကၤ.
14.27 ၁၃း၇.
28 ဘၣ်ဆၣ်ဒီးယဂဲၤဆၢ ထၢၣ်က့ၤအလီၢ်ခံန့ၣ်, ယကလဲၤပာ်လၢသုမဲာ်ညါ ဆူ ကၤလံၤလါလီၤ.
29 ဒီးစီၤပ့းတရူးစံးဘၣ်အီၤ, ပှၤအသးမ့ၢ်ဟးဂီၤလၢနဃိ ခဲလၢာ်ဘၣ်ဆၣ်ဒီး, ယသးတဟးဂီၤဘၣ်.
30 ဒီးယ့ၣ်ရှူး စံးဘၣ်အီၤ, ယစံးဘၣ်နၤတီတီအံၤ, လၢအအံၤတနံၤ အံၤ, နကသမၢယၤသၢစုလီၤ.
31 ဒီးအဝဲဒၣ်ကတိၤတၢ် ဆူၣ်န့ၢ်အန့ၣ်တက့ၢ်, ယမ့ၢ်ဘၣ်သံဃုာ်နာ်သက့ဒီးနၤ ဒီး, ယတသမၢဘၣ်နၤဘၣ်. ဒီးအဝဲသ့ၣ်ခဲလၢာ်စံးစ့ၢ် ကီးဝဲဒ်န့ၣ်အသိးလီၤ.
32 ဒီးလဲၤဝဲဆူအလီၢ်ကိးဝဲလၢက့ၤသစ့ၤမနၤ, ဒီးစံးဘၣ် အပျဲၢ်အဘီၣ်, ဆ့ၣ်နီၤသုဝဲဖဲအံၤ တုၤယဘါထုကဖၣ် တၢ်တက့ၢ်.
33 ဒီးဟံးန့ၢ်စီၤပ့းတရူးဒီး စီၤယၤကိာ်ဒီးစီၤ ယိၤဟၣ်အိၣ်ဒီးအီၤလီၤ. ဒီးကမၢကမၣ်ဝဲ, ဒီးအသးလီၤ ဘဲ,
34 ဒီးစံးဘၣ်အီၤ, တၢ်သးအုးအိၣ်ဝးတရံၤယၤ တုၤ ယကသံတ့ၢ်လီၤ. အိၣ်ဖဲအံၤဒီးဆိးသီတက့ၢ်.
35 ဒီးလဲၤ လၢညါတစဲးဖိ, ဒီးထိၣ်လီၤပှီၤအသးလၢ ဟီၣ်ခိၣ်အ ဖီခိၣ်, ဒီးဘါထုကဖၣ်တၢ်ဒ်သိးမ့ၢ်သ့ဒီး, နၣ်ရံၣ်ကလဲၤ ပူၤကွံာ်ဒီးအီၤလီၤ.
36 ဒီးစံးဝဲဒၣ်, အးဘၤ, ပၢ်ဧၢ, နသ့ တၢ်လၢာ်လီၤ. ဟံးထီၣ်ကွံာ်လီခီအံၤလၢယအိၣ်တက့ၢ်. ဘၣ်ဆၣ်ဒီးဖဲဒၣ်ယသးတမ့ၢ်ဘၣ်,မ့ၢ်ဖဲဒၣ်နသးတက့ၢ်.
37 ဒီးဟဲက့ၤဝဲဒီးထံၣ်န့ၢ်လၢအဝဲသ့ၣ်မံသပ့ၤ, ဒီးစံးဘၣ် စီၤပ့းတရူး, စီၤရှံမိၣ်ဧၢ, နမံသပ့ၤဧါ, နဆိးသီတနၣ် ရံၣ်ဧိၤတကဲဘၣ်ဧါ.
38 ဒ်သိးသုသုတလဲၤနုာ်ဆူတၢ် လ့ပစီအပူၤတဂ့ၤဒီး, ဆိးသီဒီးဘါထုကဖၣ်တၢ်တက့ၢ်. သးတမံၤအသးအိၣ်မး, မ့မ့ၢ်တၢ်ဖံးတၢ်ညၣ်တမံၤအဂံၢ် စၢ်ဘါစၢ်လီၤ.
39 ဒီးလဲၤကဒီးဝဲ, ဒီးဘါထုကဖၣ်တၢ်, ဒီးကတိၤတၢ်ဒ် လီၢ်လီၢ်လီၤ.
40 ဒီးဟဲက့ၤဝဲဒီးထံၣ်န့ၢ်လၢ အမံသပ့ၤက ဒီးလီၤ. အဂ့ၢ်ဒ်အံၤ, အမဲာ်ဖံးဃၢဝဲ, ဒီးကစံးဆၢတၢ်ဒ် လဲၣ်ဒ်လဲၣ်န့ၣ် အဝဲသ့ၣ်တသ့ၣ်ညါဘၣ်ဝဲဘၣ်.
41 ဒီးဟဲက့ၤသၢစုတစုဒီးစံးဘၣ်အီၤ, အကတီၢ်လၢအ အိၣ်လီၤတဲာ်ဒံးန့ၣ်မံဒီးအိၣ်ဘှံးတက့ၢ်. ပှဲၤန့ၣ်လီၤ. နၣ် ရံၣ်န့ၣ်ဘၣ်လံ. ကွၢ်ကွၢ်, တၢ်ဟ့ၣ်လီၤကွံာ်ပှၤကညီဖိ ခွါအံၤဆူပှၤတၢ်ဒဲးဘးဖိအစုပူၤလီၤ.
42 ဂဲၤဆၢထၢၣ်, မ်ပ လဲၤတၢ်တက့ၢ်. ကွၢ်ကွၢ်, ပှၤလၢအဟ့ၣ်လီၤကွံာ်ယၤ တဂၤန့ၣ်ဘူးထီၣ်လံဝဲလံ.
43 ဒီးတကီၢ်ခါ, ဖဲအကတိၤတၢ်အဖၢမုၢ်ဒီး, ပှၤလၢတ ဆံခံဂၤန့ၣ်အကျါ, စီၤယူဒၤအံၣ်စကၤရံၤအိာ်တဂၤ, ဟဲ တုၤဝဲဒီးပှၤဂီၢ်မုၢ်ဖးဒိၣ်, အိၣ်ဒီးနး, ဒီးနီၣ်တီၢ်တဖၣ်, လၢပှၤလုၢ်တၢ်အခိၣ်ဒီး ပှၤကွဲးလံာ်ဒီး ပှၤသူၣ်က့သး ပှၢ်အအိၣ်လီၤ.
44 ဒီးပှၤလၢပှၤဟ့ၣ်လီၤကွံာ်အီၤတဂၤန့ၣ်, ဟ့ၣ်တၢ်ပနီၣ်တမံၤလၢပှၤတဖၣ်န့ၣ်, ဒီးစံးဝဲဒၣ်, ဖဲဒၣ် ပှၤလၢယနၢမူအီၤတဂၤန့ၣ်, မ့ၢ်အဝဲဒၣ်န့ၣ်လီၤ. ဟံး ဃာ်ဒီး က့ၤစိာ်အီၤကျၢၤကျၢၤတက့ၢ်.
45 ဒီးဟဲတုၤဝဲဒီး, လဲၤတကီၢ်ခါဆူအအိၣ်, ဒီးစံးဝဲဒၣ်, ရၤဘံဧၢ, ရၤဘံ ဧၢ, ဒီးနၢမူအီၤလီၤ.
46 ဒီးအဝဲသ့ၣ်တဖၣ်န့ၣ်ပာ်ထီၣ်အစုလၢအလိၤ, ဒီးဟံး ဃာ်အီၤလီၤ.
47 ဒီးပှၤဆၢထၢၣ်ဖဲန့ၣ်အကျါတဂၤ ဘ့ၣ် ထီၣ်အနး, ဒီးကျီပှၤလုၢ်တၢ်အခိၣ်အခ့အပှၤတဂၤ, ဒီး အနၢ်တူာ်ကွံာ်တခီလီၤ.
48 ဒီးယ့ၣ်ရှူးကတိၤဆၢတၢ်ဒီး စံးဘၣ်အီၤ, သုဟဲဖီၣ်န့ၢ်ယၤဒ်တၢ်ဘျၣ်အသိး, အိၣ်ဒီး နးဒီးနီၣ်တီၢ်တဖၣ်န့ၣ်ဧါ.
49 ယအိၣ်လၢသုကျါဒီးသိၣ် က့ၤသီက့ၤတၢ်လၢ တၢ်လုၢ်ဟံၣ်အပူၤသ့သ့တနံၤ, ဒီး သုတဟံးဃာ်ဘၣ်ယၤဘၣ်. ဘၣ်ဆၣ်ဒီးမ့ၢ်ဒ်သိးတၢ် ကွဲးအသးတဖၣ်ကလၢထီၣ်ပှဲၤထီၣ်လီၤ.
50 ဒီးပှၤခဲလၢာ် န့ၣ် လဲၤသဒၣ်အီၤ, ဒီးဃ့ၢ်ထီၣ်ကွံာ်ဝဲလီၤ.
51 ဒီးပှၤဖိၣ်သၣ်ခွါတဂၤပိာ်အဝဲဒၣ်အခံ, ဒီးကူထဲယၣ် ဖီဝါကဆှၣ်တဘ့ၣ်ဧိၤလီၤ. ဒီးတၢ်အခ့အပှၤတဖၣ်ဟံး ဃာ်အီၤ,
52 ဒီးအဝဲဒၣ်ညိကွံာ်အယၣ်န့ၣ်, ဒီးဃ့ၢ်ထီၣ် ကွံာ် အိၣ်ဘ့ၣ်ဆ့လၢ အဝဲသ့ၣ်အအိၣ်လီၤ.
53 ဒီးဆှၢထီၣ်ယ့ၣ်ရှူးဆူပှၤလုၢ်တၢ်အခိၣ်အအိၣ်လီၤ. ဒီး ပှၤလုၢ်တၢ်အခိၣ်ခဲလၢာ်, ဒီးပှၤသူၣ်က့သးပှၢ်, ဒီးပှၤ ကွဲးလံာ်သ့ၣ်တဖၣ်, ဟဲအိၣ်ဖှိၣ်လၢအအိၣ်လီၤ.
54 ဒီးစီၤ ပ့းတရူးပိာ်ထီၣ်စိအခံ ပၢၢ်လၢပှၤလုၢ်တၢ်အခိၣ်အဂၢၤ ပူၤ, ဒီးဆ့ၣ်နီၤဝဲအိၣ်ဒီးတၢ်အခ့အပှၤ, ဒီးဆူးမ့ၣ်အူလီၤ.
55 ဒီးပှၤလုၢ်တၢ်အခိၣ်တဖၣ်, ဒီးပှၤသးပှၢ်အတၢ်အိၣ် ဖှိၣ်ခဲလၢာ်ဃုပှၤအုၣ်အသးထီဒါယ့ၣ်ရှူး, ဒ်သိးအကမၤ သံအီၤလီၤ. ဒီးတထံၣ်န့ၢ်ဘၣ်ဝဲဘၣ်.
56 အဂ့ၢ်ဒ်အံၤ, ပှၤ အုၣ်အသး လၢတၢ်ကဘျံးကဘျၣ်ထီဒါအီၤအါဂၤဘၣ် ဆၣ်ဒီး, အတၢ်ကတိၤတလီၤပလိာ်ဘၣ်.
57 ဒီးပှၤတနီၤ နီၤဂဲၤဆၢထၢၣ်, ဒီးအုၣ်အသးလၢ တၢ်ကဘျံးကဘျၣ် ထီဒါအီၤ, ဒီးစံးဝဲဒၣ်,
58 ပနၢ်ဟူပှၤတဂၤအံၤစံးဝဲ, သါ ကမၤလီၤပှီၢ်ကွံာ်တၢ်လုၢ်အဟံၣ်အံၤ, လၢတၢ်မၤဝဲလၢ စု, ဒီးသၢနံၤအတီၢ်ပူၤန့ၣ်, သါကမၤထီၣ်အဂၤတဖျၢၣ်, လၢတၢ်တမၤဘၣ်လၢစုဘၣ်လီၤ.
59 ဒီးဒ်န့ၣ်အသိးဒၣ် လဲာ် အဝဲသ့ၣ်အတၢ်ကတိၤတလီၤပလိာ်စ့ၢ်ကီးဘၣ်.
60 ဒီးပှၤလုၢ်တၢ်အခိၣ်ဂဲၤဆၢထၢၣ်လၢ တၢ်သးကံၢ်ပူၤ, ဒီးသံကွၢ်ယ့ၣ်ရှူး, ဒီးစံးဝဲဒၣ်, နတစံးဆၢဘၣ်တၢ်နီ တမံၤဘၣ်ဧါ. အဝဲသ့ၣ်တဖၣ်အံၤ အုၣ်အသးထီဒါနၤ လၢမနုၤလဲၣ်.
61 ဒီးအိၣ်ဘှီၣ်ကလာ်, ဒီးတကတိၤဆၢ တၢ်နီတမံၤဘၣ်. ဒီးပှၤလုၢ်တၢ်အခိၣ် သံကွၢ်ကဒီးအီၤ, ဒီးစံးဘၣ်အီၤ, နမ့ၢ်ခရံာ်, တၢ်ဘၣ်ဆိၣ်ဂ့ၤတဂၤ အဖိ ခွါန့ၣ်ဧါ.
62 ဒီးယ့ၣ်ရှူးစံးဝဲဒၣ်, ယမ့ၢ်လီၤ.ဒီးသုကထံၣ် ပှၤကညီဖိခွါအံၤဆ့ၣ်နီၤလၢတၢ်အစိကမီၤအစုထွဲတခီ, ဒီးဟဲလီၤဝဲအိၣ်ဒီးမူခိၣ်အတၢ်အၢၣ်တဖၣ်လီၤ.
63 ဒီးပှၤ လုၢ်တၢ်အခိၣ် ဖှီအကူအသိးဒီးစံးဝဲဒၣ်, ပမၤဒံးတၢ် အုၣ်အသးအလီၢ်အိၣ်ဒ်လဲၣ်.
64 အတၢ်ကတိၤကမၣ်န့ၣ်, သုနၢ်ဟူလံ. တၢ်အိၣ်ဖျါလၢသုမဲာ်ညါဒ်လဲၣ်. ဒီးပှၤခဲ လၢာ်စံၣ်ညီၣ်လၢအဂ့ၤဘၣ်သံလီၤ.
65 ဒီးပှၤတနီၤနီၤထူးပှဲာ်ဘၣ်အီၤ, ဒီးကျၢၢ်ဘၢအမဲာ်, ဒီး ထိအီၤဒီးစံးဘၣ်အီၤ, ကတိၤတၢ်လၢဝံအကျိာ်တက့ၢ်. ဒီးတၢ်အခ့အပှၤတဖၣ်ဟံးန့ၢ်အီၤဒီးဒဲအီၤလီၤ.
66 ဒီးစီၤပ့းတရူးအိၣ်လၢ လာ်ခီလၢဂၢၤပူၤအဖၢမုၢ်ဒီး, ပှၤလုၢ်တၢ်အခိၣ်အခ့အပှၤပိာ်မုၣ်တဂၤဟဲဝဲ,-
67 ဒီးထံၣ် စီၤပ့းတရူးဆူးမ့ၣ်အူ, ဒီးကွၢ်ဝဲလီၤတံၢ်လီၤဆဲး ဒီးစံးဝဲ ဒၣ်, နဲဒၣ်အံၤနအိၣ်တ့ၢ်ဒီး ပှၤနစၤရ့းဖိယ့ၣ်ရှူးစ့ၢ်ကီး လီၤ.
68 ဒီးအဝဲဒၣ်သမၢဝဲဒီးစံးဝဲဒၣ်, ယတသ့ၣ်ညါ ဘၣ်, ဒီးနကတိၤတၢ်န့ၣ်ယနၢ်တပၢၢ်ဘၣ်. ဒီးဟးထီၣ် ဝဲဆူဂၢၤလၢခိ, ဒီးဆီဖါအိၣ်အိထီၣ်ဝဲလီၤ.
69 ဒီးအခ့အပှၤပိာ်မုၣ် ထံၣ်ကဒီးအီၤ, ဒီးစံးဘၣ်ပှၤလၢ အဆၢထၢၣ်လၢအဃၢၤတဖၣ်န့ၣ်, အဝဲတဂၤအံၤအိၣ် တ့ၢ်လၢပှၤတဖၣ်န့ၣ်အကျါလီၤ. ဒီးအဝဲဒၣ်သမၢကဒီး ဝဲလီၤ.
70 ဒီးတစိၢ်ဖိပူၤကွံာ်ဒီး, ပှၤဆၢထၢၣ်လၢအဃၢၤတဖၣ် န့ၣ်စံးဘၣ်ကဒီးစီၤပ့းတရူး, နဲဒၣ်အံၤ, နဘၣ်ဃးဒီးအ ဝဲသ့ၣ်တဖၣ်န့ၣ်သပှၢ်တၢၢ်လီၤ. အဂ့ၢ်ဒ်အံၤ,နမ့ၢ်စ့ၢ်ကီး ပှၤကၤလံၤလါဖိ, ဒီးနကလုၢ်လီၤပလိာ်ဝဲန့ၣ်လီၤ.
71 ဒီး အဝဲဒၣ်ဆိၣ်အၢဆိၣ်သီတၢ်, ဒီးဆိၣ်လီၤအသးလၢယ တသ့ၣ်ညါဘၣ်ပှၤလၢ သုစံးတဂၤန့ၣ်ဘၣ်.
72 ဒီးဆီဖါ အိၣ်အိထီၣ်တကီၢ်ခါခံစုတစုလီၤ. ဒီးစီၤပ့းတရူးသ့ၣ် နီၣ်ထီၣ်က့ၤအသး, လၢတၢ်ကတိၤတထံၣ်လၢယ့ၣ်ရှူး စံးတ့ၢ်အီၤလၢ ဆီဖါတချုးအိၣ်အိထီၣ်ဒံးဘၣ်ခံစုဒီး, န ကသမၢယၤသၢစုလီၤ.ဒီးဆိကမိၣ်ထီၣ်ဝဲ,ဒီးဟီၣ်ဝဲလီၤ.