19
1-2 ဒီးယွၤကတိၤတၢ်ဒီး စီၤမိၤရှ့ဒီးစံးဝဲဒၣ်,- ကတိၤ တၢ်ဒီးပှၤအံၣ်စရ့လးဖိအတၢ်အိၣ်ဖှိၣ်ခဲလၢာ်, ဒီးစံးဘၣ် အီၤ, သုဘၣ်ကဲထီၣ်ပှၤစီဆှံလီၤ. အဂ့ၢ်ဒ်အံၤ, တၢ် လၢယၤယွၤသုကစၢ်အံၤယမ့ၢ်စီဆှံလီၤ.
3 သုဘၣ်ပျံၤတဂၤအမိၢ်အပၢ်, တဂၤအမိၢ်အပၢ်စုာ် စုာ်, ဒီးတိၢ်န့ၢ်ယအိၣ်ဘှံးနံၤတဖၣ်လီၤ. ယဲဒၣ်အံၤ ယမ့ၢ်ယွၤသုကစၢ်လီၤ.
4 ဃၣ်ကဒါသုသးဆူတၢ်ဂီၤတဂ့ၤ ဒီးမၤကစၢ်တဖၣ် လၢအသိအသးလၢသုဂီၢ်တဂ့ၤ, ယဲဒၣ်အံၤယမ့ၢ်ယွၤ သုကစၢ်လီၤ. ဒီးသုမ့ၢ်လုၢ်တၢ်လုၢ်မၤဃူမၤဖိးလၢယွၤဒီး,
5 သုဘၣ် လုၢ်အီၤဒ်သိးတၢ်ကဘၣ်အသးလၢသုလီၤ.
6 ပှၤဘၣ် အီၣ်အီၤလၢမုၢ်တနံၤဃီဒီးမုၢ်နံၤလၢသုလုၢ်အီၤ, ဒီးလၢ မုၢ်ဆ့ၣ်ထီၣ်တနံၤလီၤ. တၢ်မ့ၢ်အိၣ်လီၤတဲာ်တုၤမုၢ်သၢ နံၤတနံၤဒီး, ပှၤဘၣ်ဆူးထီၣ်ကွံာ်အီၤလၢမ့ၣ်အူလီၤ.
7 သၢနံၤတနံၤန့ၣ် ပှၤမ့ၢ်အီၣ်ဒံးအီၤဒီးမ့ၢ်တၢ်သးဘၣ် အၢလီၤ. တဘၣ်ဘၣ်တၢ်အသးဘၣ်.
8 ဒီးပှၤလၢအအီၣ် တၢ်န့ၣ်ကဘၣ်အတၢ်ဒဲးဘးလီၤ. အဂ့ၢ်ဒ်အံၤ, မၤဘၣ် အၢယွၤအတၢ်စီဆှံလီၤ.ဒီးတၢ်လၢပှၤတဂၤန့ၣ်, ကဘၣ် တၢ်ဒီၣ်တဲာ်ကွံာ်အီၤဒီးအပှၤတကလုာ်ဒၣ်ဝဲလီၤ.
9 ဒီးတုၤသုကူးသုဟီၣ်ခိၣ်အဘုဒီး, ကူးတၢ်လၢနစံာ် အသနၢၣ်တုၤအလၢာ်တဂ့ၤ, ဒီးထၢထီၣ်တၢ်လီၤတဲာ် လၢနကူးတၢ်အပူၤန့ၣ်တဂ့ၤ.
10 ဒီးထၢထီၣ်တၢ်လီၤတဲာ်လၢနစပံးလီၢ်ပူၤတဂ့ၤ. ဒီး ထၢဖှိၣ်နစပံးသၣ်ခဲလၢာ်လၢနစပံးလီၢ်ပူၤတဂ့ၤ. နဘၣ် ပာ်လီၤတဲာ်တၢ်လၢပှၤဖှီၣ်ဖိယာ်ဖိ, ဒီးပှၤတခီဘီမုၢ်ဖိ အဂီၢ်လီၤ. ယဲဒၣ်အံၤယမ့ၢ်ယွၤသုကစၢ်လီၤ.
11 သုတဟုၣ်တၢ်တဂ့ၤ, ဒီးသုတလီတၢ်တဂ့ၤ, ဒီးသု တကတိၤကဘျံးကဘျၣ်လိာ်သုသးတဂ့ၤ.
12 သုတဆိၣ်လီၤသုသးကဘျံးကဘျၣ် လၢယမံၤတ ဂ့ၤ, ဒီးသုတမၤဘၣ်အၢနကစၢ်အမံၤတဂ့ၤ, ယဲဒၣ်အံၤ ယမ့ၢ်ယွၤလီၤ.
13 သုတအီၣ်ကဘျံးကဘျၣ် ပှၤလၢနဃၢၤအတၢ်တဂ့ၤ, ဂုာ်န့ၢ်အတၢ်တဂ့ၤ, ပှၤလၢအဒိးလဲအသးတဂၤအဘူးအ လဲန့ၣ်ဒုးအိၣ်ဒီးနၤ သီတနၤကျၢၤတုၤမုၢ်ဆ့ၣ်ထီၣ်တဂ့ၤ.
14 ဆိၣ်အၢပှၤနၢ်တအၢတဂ့ၤ, ဒီးပာ်တၢ်လီၤဃံၤအလီၢ် လၢပှၤမဲာ်ဘျီၣ်အမဲာ်ညါတဂ့ၤ, ဒီးနဘၣ်ပျံၤနကစၢ် လီၤ. ယဲဒၣ်အံၤယမ့ၢ်ယွၤလီၤ.
15 လၢတၢ်စံၣ်ညီၣ်အပူၤန့ၣ် မၤတၢ်တတီတလိၤဘၣ် တဂ့ၤ. ကွၢ်မဲာ်ပှၤဖှီၣ်ဖိယာ်ဖိတဂ့ၤ. ဒီးပာ်လၤကပီၤ ပှၤအဒိၣ်တဂ့ၤ. နဘၣ်စံၣ်ညီၣ်ပှၤလၢနဃၢၤဒီးတၢ်တီ တၢ်လိၤလီၤ.
16 သုတလဲၤဝ့ၤဝီၤခဲၣ်ကပိာ်ခဲၣ်ကပၤတၢ်လၢ သုပှၤဂီၢ် မုၢ်အကျါတဂ့ၤ. ဒီးဆၢထၢၣ်ထီဒါ ပှၤလၢနဃၢၤအ သွံၣ်တဂ့ၤ. ယဲဒၣ်အံၤယမ့ၢ်ယွၤလီၤ.
17 သးဟ့နဒီပုၢ်ဝဲၢ်လၢနသးကံၢ်ပူၤတဂ့ၤ. နဘၣ်သိၣ်ဃီၣ် ပှၤလၢနဃၢၤဒ်သိးနသုတဘၣ်တၢ်ဒဲးဘးလၢအဃိတဂ့ၤ.
18 မၤအၢဆၢတၢ်တဂ့ၤ. ဒီးဃုမၤကၣ်တၢ်ထီဒါနပှၤဂီၢ် မုၢ်ဖိတဂ့ၤ. ဒီးနဘၣ်အဲၣ်ပှၤလၢနဃၢၤဒ်နကစၢ်ဒၣ်နဲ အသိးန့ၣ်လီၤ. ယဲဒၣ်အံၤယမ့ၢ်ယွၤလီၤ.
19 သုဘၣ်တိၢ်န့ၢ်ယလုၢ်ယလၢ်လီၤ. ဒုးဒၢထီၣ်နဆၣ်ဖိ ကီၢ်ဖိလၢအကလုာ်လီၤဆီလိာ်အသးတဂ့ၤ. ဖှံလီၤန တၢ်ချံခံမံၤလီၤဆီလိာ်အသး လၢနစံာ်ပူၤတဂ့ၤ. ဒီးကူ ထီၣ်သိးထီၣ်တၢ်အကူအသိးမၤဝဲလၢ လုၣ်လီၤဆီကျီၣ် ကျဲလိာ်အသးန့ၣ်တဂ့ၤ.
20 ဒီးပှၤမ့ၢ်မံဃုာ်ဒီးပိာ်မုၣ်လၢအမ့ၢ် ကုၢ်ပိာ်မုၣ်အဲၣ်တီ ဒီးအဝၤ, ဒီးတဘၣ်တၢ်ပှ့ၤက့ၤဒံးဘၣ်အီၤမ့ၢ်ဂ့ၤ, တၢ် တဟ့ၣ်ဒံးဘၣ်အတၢ်ထူၣ်ဖျဲးဘၣ်မ့ၢ်ဂ့ၤဒီး, အဝဲသ့ၣ်က ဘၣ်တၢ်တီၢ်အီၤလီၤ. တဘၣ်တၢ်မၤသံအီၤဘၣ်. အဂ့ၢ် ဒ်အံၤ, ပိာ်မုၣ်တမ့ၢ်ဘၣ်ပှၤထူၣ်ဖျဲးဖိဘၣ်,
21 ဒီးပိာ်ခွါ န့ၣ်ဘၣ်ဟဲစိာ် အတၢ်လုၢ်တၢ်ကမၣ် ဆူယွၤအအိၣ်ဖဲ တၢ်အိၣ်ဖှိၣ်အဒဲအကျဲစၢၤ, သိဖါတဒုလၢတၢ်လုၢ်တၢ် ကမၣ်အဂီၢ်လီၤ.
22 ဒီးပှၤလုၢ်တၢ်အဒိၣ် ဘၣ်မၤတၢ်ထူၣ်ဖျဲးလၢအဂီၢ်ဒီး သိဖါအတၢ်လုၢ်တၢ်ကမၣ်လၢ ယွၤအမဲာ်ညါလၢအ တၢ်ဒဲးဘးလၢအမၤဝဲအဃိလီၤ. ဒီးတၢ်ကပျၢ်အတၢ်ဒဲး ဘးလၢအမၤဝဲန့ၣ်လီၤ.
23 ဒီးတုၤသုလဲၤနုာ်လၢကီၢ်ပူၤ, ဒီးသူၣ်လီၤသ့ၣ်လၢတၢ် အီၣ်အဂီၢ်, ဒီးသုဘၣ်ပာ်အသၣ်လၢအတၢ်တဒိးဒံးတၢ် ကူးတရံးန့ၣ်လီၤ. သၢနံၣ်ဘၣ်ကဲလၢတၢ်တဒိးတၢ်ကူး တရံးလၢသုဂီၢ်လီၤ. အီၣ်အီၤတဂ့ၤ.
24 ဒီးလွံၢ်နံၣ်တနံၣ် န့ၣ်ကယဲၢ်အသၣ်ကကဲထီၣ် တၢ်စီဆှံဘၣ်ဃးဒီးတၢ် စံးထီၣ်ပတြၢၤယွၤလီၤ.
25 ဒီးယဲၢ်နံၣ်တနံၣ်န့ၣ်သုကအီၣ် အသၣ်ဒ်သိးအကမၤအါထီၣ်တၢ်လၢသုဂီၢ်လီၤ. ယဲဒၣ် အံၤယမ့ၢ်ယွၤသုကစၢ်လီၤ.
26 အီၣ်တၢ်ဒီးအသွံၣ်တဂ့ၤ. ဒီးဟိၣ်တၢ်လိၢ်တၢ်တဂ့ၤ. ဒီးသုတဒုၣ်တၢ်အဆၢအကတီၢ်တဖၣ်တဂ့ၤ.
27 သုတမၤကဝီသုခိၣ်အနၢၣ်တဖၣ်တဂ့ၤ. ဒီးသုတမၤ ဟးဂီၤသုခၣ်ဆူၣ်အနၢၣ်တဖၣ်တဂ့ၤ.
28 သုတဂဲာ်သုညၣ်လၢပှၤသံအဃိတဂ့ၤ. ဒီးသုတဆဲး တၢ်ပနီၣ်လၢသုလိၤတဂ့ၤ. ယဲဒၣ်အံၤယမ့ၢ်ယွၤလီၤ.
29 သုတဒုးဟးဂီၤနဖိမုၣ်ဒ်သိး အကကဲထီၣ်ပှၤဃဲသဲ မုၣ်တဂ့ၤ, ဒ်သိးကီၢ်သုတလီၤရၢၢ်လၢတၢ်မၤကမၣ်မုၣ် ကမၣ်ခွါအပူၤ, ဒီးထံဧိၤကီၢ်ဧိၤသုတပှဲၤဒီးတၢ်အၢတၢ် သီန့ၣ်တဂ့ၤလီၤ.
30 သုဘၣ်တိၢ်န့ၢ်ယအိၣ်ဘှံးနံၤတဖၣ်, ဒီးယူးယီၣ်ယ လီၢ်စီဆှံလီၤ. ယဲဒၣ်အံၤယမ့ၢ်ယွၤလီၤ.
31 ဃၣ်သုသးဆူပှၤမၤန့ၢ်ပှၤသံအကလၤတဂ့ၤ. ဒီးသု တဃုန့ၢ်ပှၤမဲာ်ထံၣ်ဝံလၢသုကကဲထီၣ် တၢ်တကဆှီ ဘၣ်တဂ့ၤ. ယဲဒၣ်အံၤယမ့ၢ်ယွၤသုကစၢ်လီၤ.
32 နဘၣ်ဂဲၤဆၢထၢၣ်လၢတၢ်ခိၣ်ဝါအမဲာ်ညါ, ဒီးပာ် လၤကပီၤပှၤသးပှၢ်အမဲာ်, ဒီးပျံၤနကစၢ်လီၤ. ယဲဒၣ် အံၤယမ့ၢ်ယွၤလီၤ.
33 ဒီးပှၤတခီဘီတခီမုၢ်ဖိမ့ၢ်အိၣ်မ့ၢ်ဆိးလၢ သုကီၢ်ပူၤဒီး သုတမၤနးမၤဖှီၣ်အီၤတဂ့ၤ.
34 ဒီးပှၤတခီဘီမုၢ်ဖိလၢအ အိၣ်အဆိးဒီးသုန့ၣ် ဘၣ်ကဲထီၣ်လၢသုမဲာ်ညါ ဒ်ပှၤ အိၣ်ဖျဲၣ်လၢသုကျါအသိးန့ၣ်လီၤ. ဒီးနဘၣ်အဲၣ်အီၤဒ် နအဲၣ်လီၤနကစၢ်ဒၣ်နဲအသိးန့ၣ်လီၤ. အဂ့ၢ်ဒ်အံၤ, သု မ့ၢ်တ့ၢ်ပှၤတခီဘီတခီမုၢ်ဖိ လၢကီၢ်အဲၤကူပတူးအပူၤ လီၤ. ယဲဒၣ်အံၤယမ့ၢ်ယွၤသုကစၢ်လီၤ.
35 လၢစံၣ်ညီၣ်တၢ်အပူၤမ့ၢ်ဂ့ၤ, လၢထိၣ်တၢ်အပူၤမ့ၢ်ဂ့ၤ, လၢတၢ်လီၤတယၢၢ်အပူၤမ့ၢ်ဂ့ၤ, လၢဃီၣ်တၢ်အပူၤမ့ၢ် ဂ့ၤ, သုတမၤတၢ်တတီတလိၤတဂ့ၤ,
36 သုဘၣ်အိၣ်ဒီး စီၤပီၢ်အတီအလိၤ, ဒီးစီၤပီၢ်သၣ်အတီအလိၤ, အ့ဖၤ တဖျၢၣ်အတီအလိၤ, ဒီးဟံၣ်တဖျၢၣ်အတီအလိၤလီၤ. ယဲဒၣ်အံၤယမ့ၢ်ယွၤသုကစၢ် လၢအဒုးဟးထီၣ်သုလၢ ကီၢ်အဲၤကူပတူးအပူၤလီၤ.
37 ဒီးသုဘၣ်တိၢ်န့ၢ် ယလုၢ်ယလၢ်ခဲလၢာ်, ဒီးယတၢ် စံၣ်ညီၣ်ခဲလၢာ်,ဒီးမၤအီၤလီၤ.ယဲဒၣ်အံၤယမ့ၢ်ယွၤလီၤ.