15
1 ဒီးယွၤကတိၤတၢ်ဒီးစီၤမိၤရှ့ဒီးစီၤအၤဟရိၣ်, ဒီးစံးဝဲ ဒၣ်,
2 ကတိၤတၢ်ဒီးပှၤအံၣ်စရ့လးဖိဒီးစံးဘၣ်အီၤ,တုၤ ပှၤကညီအိၣ်ဒီးတၢ်ယွၤလီၤလၢအညၣ်ဒီး, ကကဲထီၣ် တၢ်တကဆှီဘၣ်လၢအတၢ်ယွၤလီၤအဃိလီၤ.
3 ဒီးအအံၤမ့ၢ်အတၢ်တကဆှီဘၣ် လၢအတၢ်ယွၤလီၤ, အညၣ်ယွၤလီၤလၢအတၢ်ယွၤလီၤမ့ၢ်ဂ့ၤ, ဆိတ့ၢ်လၢအ တၢ်ယွၤလီၤမ့ၢ်ဂ့ၤ, မ့ၢ်အတၢ်တကဆှီဘၣ်လီၤ.
4 ကယဲၢ်လီၢ်မံလၢပှၤအိၣ်ဒီးတၢ်ယွၤလီၤ တဂၤမံလီၤ လၢအလိၤန့ၣ်မ့ၢ်တၢ်တကဆှီဘၣ်လီၤ. ဒီးကယဲၢ်တၢ် လၢအဆ့ၣ်နီၤလၢအဖီခိၣ်န့ၣ်မ့ၢ်အတကဆှီဘၣ်လီၤ.
5 ဒီးကယဲၢ်ပှၤလၢအထိးဘၣ်အလီၢ်မံန့ၣ် ဘၣ်ဆှုၣ်အ ကူအသိး, ဒီးလုၣ်ထံ, ဒီးကဲထီၣ်တၢ်တကဆှီဘၣ်တုၤ မုၢ်ဟါလီၤ.
6 ဒီးပှၤလၢအဆ့ၣ်နီၤလၢတၢ်တမံၤမံၤလၢ ပှၤအိၣ်ဒီးတၢ်ယွၤလီၤ ဆ့ၣ်နီၤတ့ၢ်ဝဲန့ၣ် ဘၣ်ဆှုၣ်အ ကူအသိး, ဒီးလုၣ်ထံ, ဒီးကဲထီၣ်တၢ်တကဆှီဘၣ်တုၤ မုၢ်ဟါလီၤ.
7 ဒီးပှၤလၢအထိးဘၣ် ပှၤအိၣ်ဒီးတၢ်ယွၤလီၤတဂၤအ ညၣ်န့ၣ်ဘၣ်ဆှုၣ်အကူအသိး, ဒီးလုၣ်ထံ, ဒီးကဲထီၣ် တၢ်တကဆှီဘၣ်တုၤမုၢ်ဟါလီၤ.
8 ဒီးပှၤအိၣ်ဒီးတၢ်ယွၤလီၤ, မ့ၢ်ထူးပှဲာ်ဘၣ်လၢပှၤအက ဆှီအလိၤဒီး, အဝဲဒၣ်ဘၣ်ဆှုၣ်အကူအသိး, ဒီးလုၣ် ထံ, ဒီးကဲထီၣ်တၢ်တကဆှီဘၣ်တုၤမုၢ်ဟါလီၤ.
9 ဒီးကယဲၢ်ဂီၤကၢ်လၢ ပှၤအိၣ်ဒီးတၢ်ယွၤလီၤတဂၤဒိးဝဲ လၢအဖီခိၣ်န့ၣ်ကကဲထီၣ်တၢ်တကဆှီဘၣ်လီၤ.
10 ဒီးကယဲၢ်ပှၤလၢအထိးဘၣ်တၢ်တမံၤမံၤလၢ အအိၣ် တ့ၢ်လၢအဖီလာ်န့ၣ်ကကဲထီၣ်တၢ် တကဆှီဘၣ်တုၤ မုၢ်ဟါဒီးပှၤလၢအစိာ်ထီၣ် အတၢ်တမံၤမံၤန့ၣ်ဘၣ်ဆှုၣ် အကူအသိး, ဒီးလုၣ်ထံ, ဒီးကဲထီၣ်တၢ်တကဆှီဘၣ် တုၤမုၢ်ဟါလီၤ.
11 ဒီးကယဲၢ်ပှၤလၢအဘၣ်တၢ်ထိးအီၤလၢ ပှၤအိၣ်ဒီး တၢ်ယွၤလီၤဒီးတသ့ကွံာ်အစုလၢထံဘၣ်န့ၣ်, ဘၣ်ဆှုၣ် အကူအသိး, ဒီးလုၣ်ထံ, ဒီးကဲထီၣ်တၢ်တကဆှီဘၣ် တုၤမုၢ်ဟါလီၤ.
12 ဒီးသပၢၤဒီးလီခီဟီၣ်ခိၣ် လၢအဘၣ်တၢ်ထိးအီၤလၢ ပှၤအိၣ်ဒီးတၢ်ယွၤလီၤန့ၣ် ကဘၣ်တၢ်မၤသ့ၣ်ဖး, ဒီး ကယဲၢ်လီခီသ့ၣ်န့ၣ်ကဘၣ်တၢ်သ့စီကွံာ်အီၤလၢထံလီၤ.
13 ဒီးတုၤပှၤအိၣ်ဒီးတၢ်ယွၤလီၤန့ၣ် ကဆှီထီၣ်ဝဲလၢတၢ် ယွၤလီၤဒီး, ဘၣ်ဂံၢ်ဝဲနွံနံၤလၢအဂီၢ်ဒၣ်ဝဲ, လၢအက ဆှီထီၣ်အဂ့ၢ်, ဒီးဆှုၣ်အကူအသိး, ဒီးသ့စီအညၣ်လၢ ထံမူလီၤ. ဒီးကကဆှီထီၣ်ဝဲလီၤ.
14 ဒီးဃိးနံၤတနံၤန့ၣ် ထိၣ်လွံၢ်ဘုၣ်ခံဘ့ၣ်မ့ၢ်ဂ့ၤ, ကး က့ၣ်ဖိခံဘ့ၣ်မ့ၢ်ဂ့ၤ, ဘၣ်ဟံးန့ၢ်လၢအဂီၢ်, ဒီးလဲၤဆူ ယွၤအမဲာ်ညါ, ဆူတၢ်အိၣ်ဖှိၣ်အဒဲအကျဲစၢၤ, ဒီးဟ့ၣ် အီၤလၢပှၤလုၢ်တၢ်အဒိၣ်လီၤ.
15 ဒီးပှၤလုၢ်တၢ်အဒိၣ်ဘၣ်လုၢ်အီၤ, တဘ့ၣ်လၢတၢ် လုၢ်တၢ်ဒဲးဘးအဂီၢ်, ဒီးတဘ့ၣ်လၢတၢ်လုၢ်မ့ၣ်အူအ ဂီၢ်လီၤ. ဒီးပှၤလုၢ်တၢ်အဒိၣ်ဘၣ်မၤတၢ်ပူၤဖျဲးလၢအဂီၢ် လၢယွၤအမဲာ်ညါလၢအတၢ်ယွၤလီၤအဃိလီၤ.
16 ဒီးပှၤကညီအချံဘၣ်ဃးဒီးအမံဃုာ်တၢ်န့ၣ် မ့ၢ်ဟး ထီၣ်လၢအပူၤဒီး, ဘၣ်သ့စီအညၣ်ခဲလၢာ်လၢထံ, ဒီး ကဲထီၣ်တၢ်တကဆှီဘၣ်တုၤမုၢ်ဟါလီၤ.
17 ဒီးကယဲၢ်တၢ်အကူအသိး, ဒီးကယဲၢ်တၢ်ဖံးအိၣ်ဒီး တၢ်ချံဘၣ်ဃးဒီးမံဃုာ်တၢ်န့ၣ် ကဘၣ်တၢ်ဆှုၣ်အီၤ လၢထံ, ဒီးကဲထီၣ်တၢ်တကဆှီဘၣ်တုၤမုၢ်ဟါလီၤ.
18 ဒီးပိာ်မုၣ်လၢပိာ်ခွါမံဃုာ်ဒီးအီၤန့ၣ် ဘၣ်လုၣ်ထံ,ဒီး ကဲထီၣ်တၢ်တကဆှီဘၣ်တုၤမုၢ်ဟါခံဂၤလိာ်လီၤ.
19 ဒီးပိာ်မုၣ်မ့ၢ်အိၣ်ဒီးတၢ်ယွၤလီၤ, ဒီးအတၢ်ယွၤလီၤ လၢအညၣ်မ့မ့ၢ်သွံၣ်လီၤဒီး, ပှၤဘၣ်ပာ်အီၤတပူၤဒၣ်နွံ နံၤလီၤ. ဒီးကယဲၢ်ပှၤလၢအထိးဘၣ်အီၤန့ၣ်ကကဲထီၣ် တကဆှီဘၣ်တုၤမုၢ်ဟါလီၤ.
20 ဒီးလၢအအိၣ်တပူၤဒၣ်အဖၢမုၢ်ဒီး, ကယဲၢ်တၢ်လၢအ ဝဲဒၣ်မံလီၤလၢအဖီခိၣ်န့ၣ်ကကဲထီၣ်တၢ်တကဆှီဘၣ်, ဒီးကယဲၢ်တၢ်လၢအဝဲဒၣ်ဆ့ၣ်နီၤ လၢအဖီခိၣ်န့ၣ်ကကဲ ထီၣ်တၢ်တကဆှီဘၣ်လီၤ.
21 ဒီးကယဲၢ်ပှၤလၢ အထိးဘၣ်အလီၢ်မံန့ၣ် ဘၣ်ဆှုၣ် အကူအသိး, ဒီးလုၣ်ထံ, ဒီးကဲထီၣ်တၢ်တကဆှီဘၣ် တုၤမုၢ်ဟါလီၤ.
22 ဒီးကယဲၢ်ပှၤလၢအထိးဘၣ်တၢ်တမံၤမံၤ လၢအဆ့ၣ် နီၤလၢအဖီခိၣ်န့ၣ် ဘၣ်ဆှုၣ်အကူအသိး, ဒီးလုၣ်ထံ, ဒီးကဲထီၣ်တၢ်တကဆှီဘၣ်တုၤမုၢ်ဟါလီၤ.
23 ဒီးမ့ၢ်အိၣ် လၢအလီၢ်မံမ့ၢ်ဂ့ၤ, လၢတၢ်လၢအဆ့ၣ်နီၤလၢအဖီခိၣ် မ့ၢ်ဂ့ၤဒီး, တုၤပှၤထိးဘၣ်ဝဲဒီး, ကကဲထီၣ်တၢ်တကဆှီ ဘၣ်တုၤမုၢ်ဟါလီၤ.
24 ဒီးပိာ်ခွါတဂၤမ့ၢ်မံဃုာ်ဒီးအီၤ, ဒီးတၢ်လၢအယွၤလီၤ လၢအီၤမ့ၢ်အိၣ်လၢအလိၤဒီး, ကကဲထီၣ်တၢ်တကဆှီ ဘၣ်နွံနံၤ, ဒီးဖဲဒၣ်လီၢ်မံလၢ အမံဝဲလၢအလိၤန့ၣ်က ကဲထီၣ်တၢ်တကဆှီဘၣ်လီၤ.
25 ဒီးပိာ်မုၣ်အသွံၣ်မ့ၢ်လီၤ အါနံၤအါသီ လၢအတမ့ၢ် ဘၣ်အဆၢအကတီၢ်လၢအအိၣ်တပူၤဒၣ်ဂ့ၤ, မ့ၢ်ပူၤကွံာ် အအိၣ်တပူၤဒၣ်အဆၢအကတီၢ်ဂ့ၤ, အတၢ်ယွၤလီၤတ ကဆှီဘၣ်အမုၢ်နံၤခဲလၢာ်ကမၤအသး ဒ်မုၢ်နံၤလၢအအိၣ် တပူၤဒၣ်အသိးန့ၣ်လီၤ. မ့ၢ်ဝဲလၢတၢ်တကဆှီဘၣ်လီၤ.
26 ဖဲအတၢ်ယွၤလီၤအမုၢ်နံၤခဲလၢာ်န့ၣ်, ကယဲၢ်လီၢ်မံ လၢအမံလၢအဖီခိၣ်ကကဲထီၣ်လၢအဂီၢ်ဒ်လီၢ်မံဘၣ်ဃး ဒီးအအိၣ်တပူၤဒၣ်အသိးလီၤ. ဒီးကယဲၢ်တၢ်လၢအဝဲဒၣ် ဆ့ၣ်နီၤလၢအဖီခိၣ်, ကကဲထီၣ်တၢ်တကဆှီဘၣ်,ဒ်တၢ် တကဆှီဘၣ်ဘၣ်ဃးဒီးအအိၣ်တပူၤဒၣ်အသိးန့ၣ်လီၤ.
27 ဒီးကယဲၢ်ပှၤလၢအထိးဘၣ်တၢ်တဖၣ်န့ၣ် ကကဲထီၣ် တၢ်တကဆှီဘၣ်, ဒီးဘၣ်ဆှုၣ်အကူအသိး, ဒီးလုၣ် ထံ, ဒီးကဲထီၣ်တၢ်တကဆှီဘၣ်တုၤမုၢ်ဟါလီၤ.
28 ဒီးမ့ၢ်ကဆှီထီၣ်လၢအတၢ်ယွၤလီၤန့ၣ်ဒီး, ဘၣ်ဂံၢ်နွံ နံၤလၢအဂီၢ်ဒၣ်ဝဲဒီး, လၢခံက့ၤန့ၣ်ကကဆှီထီၣ်လီၤ.
29 ဒီးဃိးနံၤတနံၤန့ၣ်ထိၣ်လွံၢ်ခံဘ့ၣ်မ့ၢ်ဂ့ၤ, ကးက့ၣ်ဖိခံ ဘ့ၣ်မ့ၢ်ဂ့ၤ, ဘၣ်ဟံးန့ၢ်လၢအဂီၢ်ဒီး,ဟဲစိာ်အီၤဆူပှၤလုၢ် တၢ်အဒိၣ်အအိၣ်,ဖဲတၢ်အိၣ်ဖှိၣ်အဒဲအကျဲစၢၤန့ၣ်လီၤ.
30 ဒီးပှၤလုၢ်တၢ်အဒိၣ် ဘၣ်လုၢ်တဘ့ၣ်လၢတၢ်လုၢ်တၢ် ဒဲးဘးအဂီၢ်, ဒီးတဘ့ၣ်လၢတၢ်လုၢ်မ့ၣ်အူအဂီၢ်, ဒီးပှၤ လုၢ်တၢ်အဒိၣ်ဘၣ်မၤတၢ်ပူၤဖျဲးလၢအဂီၢ် လၢယွၤအမဲာ် ညါ,လၢအတၢ်ယွၤလီၤအတၢ်တကဆှီဘၣ်အဃိလီၤ.
31 ဒီးသုဘၣ်မၤလီၤဖး ပှၤအံၣ်စရ့လးဖိဒီး အတၢ်တ ကဆှီဘၣ်, ဒ်သိးအသုတမၤဘၣ်အၢယအိၣ်အလီၢ်လၢ အအိၣ်လၢအကျါန့ၣ်ဒီးသံလၢ အတၢ်တကဆှီဘၣ်အ ပူၤတဂ့ၤလီၤ.
32 အန့ၣ်မ့ၢ်တၢ်သိၣ်တၢ်သီဘၣ်ဃးဒီး ပှၤလၢအအိၣ် ဒီးတၢ်ယွၤလီၤ, ဒီးပှၤလၢအချံဟးထီၣ်လၢအပူၤလၢအ ကဲထီၣ်တၢ်တကဆှီဘၣ်လၢအဃိ,
33 ဒီးပိာ်မုၣ်လၢအ ဆှုၣ်အသး, ဒီးပှၤလၢတၢ်ယွၤလီၤလၢအပူၤ, ပိာ်ခွါဒီး ပိာ်မုၣ်, ဒီးပိာ်ခွါလၢအမံဃုာ်ဒီးပိာ်မုၣ်လၢအတကဆှီ ဘၣ်န့ၣ်လီၤ.