9
1 ဒီးယ့ၣ်ရှူးကိးဖှိၣ် အပျဲၢ်အဘီၣ်တဆံခံဂၤန့ၣ်ဒီး, ဒီး ဟ့ၣ်လီၤအစိအကမီၤလၢတၢ်နါခဲလၢာ်အဖီခိၣ်, ဒီးဒ်သိး အကမၤဘျါက့ၤ တၢ်ဆူးတၢ်ဆါလီၤ.
2 ဒီးမၢလီၤအီၤဒ် သိး အကစံၣ်တဲၤတဲလီၤယွၤအဘီအမုၢ်, ဒီးမၤဘျါက့ၤ တၢ်ဆူးတၢ်ဆါလီၤ.
3 ဒီးစံးဘၣ်အီၤ, သုလဲၤတၢ်အဂီၢ် န့ၣ်, သုတစိာ်တၢ်နီတမံၤတဂ့ၤ, နီၣ်ထိးဘိမ့ၢ်ဂ့ၤ, တၢ် အီၣ်အထၢၣ်မ့ၢ်ဂ့ၤ, ကိၣ်မ့ၢ်ဂ့ၤ, ကျိၣ်ဧိၤစ့ဧိၤမ့ၢ်ဂ့ၤ, ဆ့ခံ ဘ့ၣ်မ့ၢ်ဂ့ၤ, မ်အသုတအိၣ်တဂ့ၤ.
4 သုမ့ၢ်လဲၤနုာ်လၢဟံၣ် တဖျၢၣ်ဒီး, အိၣ်ဖဲန့ၣ်တက့ၢ်, ဒီးဟးထီၣ်ကွံာ်ဖဲန့ၣ်တ က့ၢ်.
5 ဒီးဖဲဒၣ်ပှၤလၢအတတူၢ်လိာ်ဘၣ်သုတဖၣ်, တုၤ သုဟးထီၣ်လၢဝ့ၢ်ပူၤန့ၣ်ဒီး, တြုၤလီၤကွံာ်ဟီၣ်ခိၣ်အက မူၣ်လၢသုခီၣ်လၣ်, လၢတၢ်အုၣ်အသးထီဒါအီၤတက့ၢ်.
6 ဒီးအဝဲသ့ၣ်ဟးထီၣ်, ဒီးလဲၤစံၣ်တဲၤတဲလီၤတၢ်သးခု အကစီၣ်, ဒီးမၤဘျါက့ၤတၢ်ဆူးတၢ်ဆါ, လၢသဝီတ ဖၣ်အပူၤသကုၤဆးဒးလီၤ.
7 ဒီးပဒိၣ်ဖးဒိၣ် စီၤဟ့ၤရိာ်နၢ်ဟူ ကယဲၢ်တၢ်မၤအသး လၢအီၤခဲလၢာ်, ဒီးတ့ၢ်အသးကဝ့ၤကဝီၤလီၤ. အဂ့ၢ်ဒ် အံၤ, ပှၤတနီၤနီၤစံးဝဲလၢစီၤယိၤဟၣ်ဂဲၤဆၢထၢၣ်က့ၤလၢ တၢ်သံလံ.
8 ဒီးတနီၤနီၤလၢစီၤအ့ၤလံယၤအိၣ်ဖျါထီၣ် လံ. ဒီးအဂၤတနီၤနီၤ, လၢဝံလၢပျၢၤတဂၤဂၤဂဲၤဆၢထၢၣ် က့ၤလံ.
9 ဘၣ်ဆၣ်ဒီးစီၤဟ့ၤရိာ်စံးဝဲဒၣ်, စီၤယိၤဟၣ်န့ၣ် ယကျီကွံာ်လံအကိာ်လံ, ဒီးပှၤလၢယနၢ်ဟူအဂ့ၢ်ဒ်အံၤ အသိးန့ၣ်, မ့ၢ်မတၤတဂၤလဲၣ်. ဒီးတၢ်မိၣ်ထံၣ်ဘၣ်အ သးလၢအီၤလီၤ.
10 ဒီးပှၤတၢ်မၢဖိတဖၣ်န့ၣ် ဟဲက့ၤစံးဘၣ်တဲဘၣ်အီၤလၢ ဖဲဒၣ်အမၤတၢ်တဖၣ်ခဲလၢာ်လီၤ. ဒီးဟံးန့ၢ်အီၤဒီးလဲၤဝဲ ဆူတၢ်တဒၢလၢပှၢ်မုၢ်ကနၢဘၣ်ဃးဒီးဝ့ၢ်တဖျၢၣ်, ကိးဝဲ လၢဘ့ၤသစဲဒၤလီၤ.
11 ဒီးပှၤဂီၢ်မုၢ်သ့ၣ်ညါဝဲ, ဒီးပိာ်ထီၣ် အခံ, ဒီးအဝဲဒၣ်တူၢ်လိာ်အီၤ, ဒီးစံးဘၣ်တဲဘၣ်အီၤလၢ ယွၤအဘီအမုၢ်အဂ့ၢ်အကျိၤ, ဒီးမၤဘျါက့ၤ ပှၤလၢအ လီၢ်အိၣ်တဖၣ်န့ၣ်လီၤ.
12 ဒီးမုၢ်ဃ့ၢ်လီၤဝဲ, ဒီးပှၤတဆံခံဂၤဟဲစံးဘၣ်အီၤ, ဒ်သိး ပှၤဂီၢ်မုၢ်န့ၣ်ကလဲၤဃုတၢ်အီၣ်တၢ်အီ, ဒီးထံၣ်န့ၢ်အလီၢ် မံလၢသဝီဒီးလၢပှၢ်လၢ်ကျါအိၣ်ဝးတရံးဝဲဒီး, ပျၢ်အီၤတ က့ၢ်. အဂ့ၢ်ဒ်အံၤ, ပအိၣ်ဖဲအံၤလၢပှၢ်မုၢ်ကနၢလီၤ.
13 ဒီး စံးဘၣ်အီၤ, ဟ့ၣ်အီၣ်အတၢ်သုဝဲတက့ၢ်. ဒီးအဝဲသ့ၣ် စံးဝဲဒၣ်, ပမ့ၢ်တလဲၤပှ့ၤဘၣ် တၢ်အီၣ်တၢ်အီလၢပှၤခဲ လၢာ်အံၤအဂီၢ်ဒီး, တၢ်အီၣ်တၢ်အီတအိၣ်ဘၣ်, အိၣ်ထဲ ကိၣ်ယဲၢ်ဖျၢၣ်, ဒီးညၣ်ခံဘ့ၣ်ဧိၤလီၤ.
14 အဂ့ၢ်ဒ်အံၤ, ပှၤပိာ် ခွါအိၣ်ယဲၢ်ကထိဃၣ်ဃၣ်လီၤ. ဒီးစံးဘၣ်အပျဲၢ်အဘီၣ်, မၢပှၤဂီၢ်မုၢ်ဆ့ၣ်နီၤယဲၢ်ဆံတဖု, ယဲၢ်ဆံတဖုတက့ၢ်.
15 ဒီး အဝဲသ့ၣ်မၤဝဲဒ်န့ၣ်, ဒီးမၢပှၤခဲလၢာ်ဆ့ၣ်နီၤဝဲလီၤ.
16 ဒီး အဝဲဒၣ်ဟံးန့ၢ်ကိၣ်ယဲၢ်ဖျၢၣ်, ဒီးညၣ်ခံဘ့ၣ်န့ၣ်, ဒီးကွၢ် ထီၣ်တၢ်ဆူမူခိၣ်ဒီးဆိၣ်ဂ့ၤဝဲ, ဒီးစိၢ်ဘျဲးဝဲ, ဒီးဟ့ၣ်လီၤဝဲ လၢအပျဲၢ်အဘီၣ်ဒ်သိးအဝဲသ့ၣ်ကပာ်လီၤလၢ ပှၤဂီၢ်မုၢ် အမဲာ်ညါလီၤ.
17 ဒီးပှၤဂီၢ်မုၢ်ခဲလၢာ်အီၣ်ဘျဲးအီၣ်ဝဲလီၤ. ဒီးထၢဖှိၣ်ဝဲအဘျဲၣ်အစဲၢ်ပှဲၤကုတဆံခံဒုလီၤ.
18 ဒီးတၢ်မၤအသးလၢအဘါထုကဖၣ်တၢ်လၢ တၢ်တ ဒၢ, ဒီးအပျဲၢ်အဘီၣ်အိၣ်ဒီးအီၤဒီး, အဝဲသံကွၢ်အီၤဒီးစံး ဝဲဒၣ်, ပှၤဂီၢ်မုၢ်စံးဝဲလၢယမ့ၢ်မတၤတဂၤလဲၣ်.
19 ဒီးအ ဝဲသ့ၣ်ကတိၤဆၢတၢ်ဒီးစံးဝဲဒၣ်, ပှၤဘျၢ*တၢ်စီၤယိၤဟၣ်, ဒီးအဂၤတနီၤနီၤ, စီၤအ့ၤလံယၤ, ဒီးအဂၤတနီၤစံးဝဲ, လၢ ဝံလၢပျၢၤတဂၤဂၤဂဲၤဆၢထၢၣ်က့ၤလံလီၤ.
20 ဒီးအဝဲဒၣ် စံးဘၣ်အီၤ, မ့မ့ၢ်သုဝဲသ့ၣ်အံၤသုစံးလၢယမ့ၢ်မတၤတဂၤ လဲၣ်. ဒီးစီၤပ့းတရူးကတိၤဆၢတၢ်ဒီးစံးဝဲဒၣ်, နဲဒၣ်အံၤ, နမ့ၢ်ယွၤအခရံာ်လီၤ.
21 ဒီးမၤလိာ်အီၤ ဒ်သိးအသုတစံး ဘၣ်တဲဘၣ်တၢ်န့ၣ်လၢပှၤနီတဂၤတဂ့ၤ.
22 ဒီးစံးဝဲဒၣ်, ပှၤ ကညီဖိခွါအံၤ, ကဘၣ်တၢ်အါမံၤ, ဒီးကဘၣ်တၢ်ညိကွံာ် အီၤလၢပှၤသူၣ်က့သးပှၢ်, ဒီးပှၤလုၢ်တၢ်အခိၣ်, ဒီးပှၤကွဲး လံာ်သ့ၣ်တဖၣ်အစုပူၤ, ဒီးကဘၣ်တၢ်မၤသံအီၤ, ဒီးလၢ သၢနံၤတနံၤန့ၣ်, ကဂဲၤဆၢထၢၣ်က့ၤဝဲလီၤ.
23 ဒီးစံးဘၣ်ပှၤခဲလၢာ်, ပှၤမ့ၢ်မိၣ်ပိာ်အသးလၢ ယခံတ ဂၤဂၤန့ၣ်, မ်အညိကွံာ်အသးဒၣ်ဝဲ, ဒီးယိးထီၣ်အထူၣ် စုညါကိးမုၢ်နံၤမုၢ်နၤ, ဒီးပိာ်ယခံတက့ၢ်.
24 အဂ့ၢ်ဒ်အံၤ, ဖဲဒၣ်ပှၤလၢအမိၣ်အုၣ်က့ၤခီၣ်က့ၤအသးတဂၤဂၤန့ၣ်, အ သးကဟါမၢ်ကွံာ်လီၤ. ဒီးဖဲဒၣ်ပှၤလၢအသးဟါမၢ်ကွံာ် ဝဲလၢယဃိတဂၤဂၤန့ၣ်, ကအုၣ်က့ၤခီၣ်က့ၤအသးန့ၣ် လီၤ.
25 အဂ့ၢ်ဒ်အံၤ, ပှၤမ့ၢ်န့ၢ်ဘၣ်ဟီၣ်ခိၣ်ဒီဘ့ၣ်ညါ, ဒီး အကစၢ်ဒၣ်ဝဲမ့ၢ်ဟါမၢ်, မ့တမ့ၢ်ဘၣ်, မ့ၢ်ဟးဂီၤန့ၣ်ဒီး, မ့ၢ်အန့ၢ်ဘျုးမနုၤလဲၣ်.
26 အဂ့ၢ်ဒ်အံၤ, ဖဲဒၣ်ပှၤလၢအမဲာ် ဆှးယၤ, ဒီးယကလုၢ်ယကထါတဂၤဂၤဒီး, တုၤပှၤက ညီဖိခွါဟဲလီၤဝဲဒီးအလၤအကပီၤ, ဒီးအပၢ်အလၤအက ပီၤ, ဒီးကလူးစီဆှံတဖၣ်အလၤအကပီၤန့ၣ်ဒီး, ကမဲာ် ဆှးအဝဲသ့ၣ်တဖၣ်န့ၣ်လီၤ.
27 ဒီးယစံးဘၣ်တဲဘၣ်သုတီ တီအံၤ, ပှၤဆၢထၢၣ်ဝဲဖဲအံၤတနီၤနီၤ တချုးအထံၣ်ဒံး ဘၣ်ယွၤအဘီအမုၢ်ဒီး, တလ့ၣ်ကွၢ်ဘၣ်တၢ်သံဘၣ်.
28 ဒီးတၢ်မၤအသးလၢ အကတိၤတၢ်တဖၣ်န့ၣ်အလီၢ်ခံ ဃိးနံၤဃၣ်ဃၣ်ဒီး, ဟံးန့ၢ်စီၤပ့းတရူး, စီၤယိၤဟၣ်, ဒီးစီၤ ယၤကိာ်, ဒီးလဲၤထီၣ်ဘါထုကဖၣ်တၢ်ဆူကစၢၢ်တဖျၢၣ် အလိၤလီၤ.
29 ဒီးတၢ်မၤအသးလၢအဘါထုကဖၣ်တၢ်အ ဖၢမုၢ်ဒီး, အမဲာ်လီၤလးထီၣ်, ဒီးအကူအသိးဝါထီၣ်က တြ့ၣ်ကတြိၣ်လီၤ.
30 ဒီးကွၢ်ကွၢ်, ပှၤပိာ်ခွါခံဂၤလၢအမ့ၢ် စီၤမိၤရှ့ဒီးစီၤအ့ၤလံယၤ, ကတိၤလိာ်အသးဒီးအီၤ, လၢ အအိၣ်ဖျါထီၣ်လၢတၢ်လၤတၢ်ကပီၤအပူၤ,
31 ဒီးကတိၤ ဝဲလၢအတၢ်က့ၤထီၣ်, လၢအကလၢထီၣ်ပှဲၤထီၣ်လၢယ ရူၤၡလ့ၣ်အပူၤအဂ့ၢ်န့ၣ်လီၤ.
32 ဒီးစီၤပ့းတရူး ဒီးပှၤအိၣ်ဒီးအီၤန့ၣ်, အမဲာ်ဖံးဃၢဒီးမံ ခ့ဝဲလီၤ. ဒီးတုၤအဖုသံနီၣ်ထီၣ်ဒီး, ထံၣ်ဝဲအလၤအက ပီၤ, ဒီးပှၤခံဂၤဆၢထၢၣ်ဒီးအီၤလီၤ.
33 ဒီးတၢ်မၤအသးဖဲ အဝဲသ့ၣ်ကဟးထီၣ်တ့ၢ်လၢအအိၣ်ဒီး, စီၤပ့းတရူးစံးတၢ် မနုၤမနုၤန့ၣ်တသ့ၣ်ညါဘၣ်ဝဲဒီး, စံးဘၣ်ယ့ၣ်ရှူး, ကစၢ် ဧၢ, ပအိၣ်ဖဲအံၤဂ့ၤမးလီၤ. ဒီးမ်ပမၤဒဲသၢဖျၢၣ်, လၢန ဂီၢ်တဖျၢၣ်, ဒီးလၢစီၤမိၤရှ့အဂီၢ်တဖျၢၣ်, ဒီးလၢစီၤအ့ၤ လံယၤ အဂီၢ်တဖျၢၣ်တက့ၢ်.
34 ကတိၤတၢ်အဖၢမုၢ်ဒီး, တၢ်အၢၣ်လီၤကဒုအီၤလီၤ. ဒီးတုၤအဝဲသ့ၣ်လဲၤနုာ်လၢ တၢ်အၢၣ်အပူၤဒီး, ပျံၤတၢ်တကူၢ်သ့ၣ်လီၤ.
35 ဒီးတၢ်အက လုၢ်သီၣ်ထီၣ်လၢတၢ်အၢၣ်အပူၤဒီးစံးဝဲဒၣ်, တၢ်လၢပှၤ တဂၤအံၤ, မ့ၢ်ယဖိခွါလၢယအဲၣ်အီၤလီၤ. ဒိကနၣ်အ ကလုၢ်တက့ၢ်.
36 ဒီးဖဲတၢ်ကလုၢ်သီၣ်ထီၣ်န့ၣ်ဒီး, တၢ်ထံၣ်န့ၢ်ယ့ၣ်ရှူး အိၣ်တဂၤဃီလီၤ. ဒီးအဝဲသ့ၣ် အိၣ်ဘှီၣ်ကလာ်, ဒီး လၢမုၢ်နံၤတဖၣ်န့ၣ်, တစံးဘၣ်တဲဘၣ်တၢ်လၢအထံၣ်ဝဲ န့ၣ်, လၢပှၤနီတဂၤဘၣ်.
37 ဒီးတၢ်မၤအသးလၢ မုၢ်ဆ့ၣ်ထီၣ်တနံၤ အဝဲသ့ၣ်ဟဲ က့ၤလီၤလၢကစၢၢ်အလိၤ, ဒီးပှၤဂီၢ်မုၢ်ဖးဒိၣ် ဟဲသဂၢၢ် အီၤလီၤ.
38 ဒီးကွၢ်ကွၢ်, ပှၤလၢပှၤဂီၢ်မုၢ်န့ၣ်အကျါတဂၤ, ကိးပသူထီၣ်ဒီးစံးဝဲဒၣ်, သရၣ်ဧၢ, ယဃ့ကညးနၤလၢန ကကွၢ်စာ်ယဖိခွါန့ၣ်လီၤ.
39 အဂ့ၢ်ဒ်အံၤ, မ့ၢ်ယဖိတဂၤ ဃီလီၤ. ဒီးကွၢ်ကွၢ်, တၢ်နါဟံးန့ၢ်အီၤ, ဒီးအဝဲဒၣ်ကိးပ သူထီၣ်တကီၢ်ခါ ဒီးပျုၢ်ထိးထီၣ်ဝဲ, ဒီးအထးခိၣ်သဘှဲ ထီၣ်, ဒီးမၤသဘှံးအီၤ, ဒီးဟးထီၣ်ကီမးလီၤ.
40 ဒီးဒ်သိး နပျဲၢ်နဘီၣ်ကဟီထီၣ်ကွံာ်အီၤဒီး, ယဃ့ကညးအီၤလီၤ. ဒီးမၤဝဲတသ့ဘၣ်.
41 ဒီးယ့ၣ်ရှူးကတိၤဆၢတၢ်ဒီးစံးဝဲဒၣ်, ပှၤလၢအတနာ် ဘၣ်တၢ်ဒီးအနၢ်က့ၣ်တစိၤဧၢ, ယကအိၣ်ဒီးသုဆံးယံာ် လဲၣ်. ယကဝံသးစူၤသုဆံးယံာ်လဲၣ်. ဟဲစိာ်နဖိခွါဖဲအံၤ တက့ၢ်.
42 ဒီးဟဲစိာ်အီၤအဖၢမုၢ်ဒီး, တၢ်နါဆီၣ်လီၤဃံၤ အီၤ, ဒီးမၤပျုၢ်ထိးထီၣ်အီၤလီၤ. ဒီးယ့ၣ်ရှူးဒူတၢ်နါအ လိၤ, ဒီးမၤဘျါက့ၤဖိသၣ်, ဒီးဟ့ၣ်လီၤက့ၤအီၤလၢအပၢ် လီၤ. ဒီးမ့ၢ်ယွၤအစိအကမီၤသတးဒီး, ပှၤခဲလၢာ်ကမၢ ကမၣ်ဝဲတကူၢ်သ့ၣ်လီၤ.
43 ဒီးပှၤခဲလၢာ် ကမၢကမၣ်လၢကယဲၢ်တၢ်လၢယ့ၣ်ရှူး မၤဝဲအဃိအဖၢမုၢ်ဒီး, အဝဲဒၣ်စံးဘၣ်အပျဲၢ်အဘီၣ်,
44 ဒိး သုနၢ်လၢတၢ်ကတိၤတဖၣ်အံၤတက့ၢ်. အဂ့ၢ်ဒ်အံၤ, ပှၤ ကညီဖိခွါအံၤ, တၢ်ကဟ့ၣ်လီၤကွံာ်အီၤဆူပှၤကညီအစု ပူၤလီၤ.
45 ဘၣ်ဆၣ်ဒီးတၢ်ကတိၤန့ၣ်, တသ့ၣ်ညါဘၣ်ဝဲ ဘၣ်, ဒီးအိၣ်တဒၢဒီးအီၤဒ်သိးအနၢ်သုတပၢၢ်တဂ့ၤ, ဒီး သံကွၢ်ဝဲလၢအဂ့ၢ်အကျိၤတဘူၣ်ဘၣ်လီၤ.
46 ဒီးမ့ၢ်မတၤကကဲထီၣ်အဒိၣ်ကတၢၢ်တဂၤ လၢအကျါ န့ၣ်ဒီး, တဲးလိာ်ဃိလိာ်အသးလီၤ.
47 ဒီးယ့ၣ်ရှူးသ့ၣ်ညါ တၢ်ကူၣ်လၢအဝဲသ့ၣ်အသးကံၢ်ပူၤ, ဒီးဟံးန့ၢ်ဖိသၣ်တ ဂၤ, ဒီးပာ်ဝဲလၢအကစၢ်ဒၣ်ဝဲအဃၢၤ,
48 ဒီးစံးဘၣ်အဝဲ သ့ၣ်, ဖဲဒၣ်ပှၤလၢအတူၢ်လိာ်ဖိသၣ်အံၤလၢယမံၤအဃိ တဂၤဂၤန့ၣ်, မ့ၢ်အတူၢ်လိာ်ယၤ, ဒီးဖဲဒၣ်ပှၤလၢအတူၢ် လိာ်ယၤတဂၤဂၤန့ၣ်, မ့ၢ်အတူၢ်လိာ်ပှၤလၢအမၢလီၤယၤ တဂၤလီၤ. အဂ့ၢ်ဒ်အံၤ, ပှၤလၢအဆံးကတၢၢ်လၢသုဝဲ ခဲလၢာ်အကျါတဂၤန့ၣ်, ကကဲထီၣ်ဝဲလၢအဒိၣ်လီၤ.
49 ဒီးစီၤယိၤဟၣ်ကတိၤဆၢတၢ်ဒီးစံးဝဲဒၣ်, ကစၢ်ဧၢ, ပ ထံၣ်မတၤတဂၤလၢအသန့ၤအသးလၢနမံၤသတးဒီး, ဟီ ထီၣ်ကွံာ်တၢ်နါ, ဒီးပတြီအီၤလီၤ. အဂ့ၢ်ဒ်အံၤ, တပိာ် ဘၣ်နခံဒီးပှၤဘၣ်,
50 ဒီးယ့ၣ်ရှူးစံးဘၣ်အီၤ, သုတတြီ အီၤတဂ့ၤ. အဂ့ၢ်ဒ်အံၤ, ဖဲဒၣ်ပှၤလၢအတထီဒါဘၣ်ပှၤ တဂၤဂၤန့ၣ်, မ့ၢ်အအိၣ်လၢပပူၤလီၤ.
51 ဒီးတၢ်မၤအသးလၢတၢ်ဟံးထီၣ်အီၤအမုၢ်နံၤ ကဘၣ် တ့ၢ်ဒီး, ပာ်အမဲာ်လၢအကလဲၤဆူယရူၤၡလ့ၣ်သပှၢ်ပှၢ် လီၤ.
52 ဒီးမၢလီၤကလူးတဖၣ်လဲၤပာ်လၢအမဲာ်ညါလီၤ. ဒီးအဝဲသ့ၣ် ဒ်သိးအကကတဲာ်ကတီၤတၢ်လၢအဂီၢ်ဒီး, လဲၤနုာ်လၢပှၤၡၤမရံဖိအသဝီတဖျၢၣ်အပူၤလီၤ.
53 ဒီးတ တူၢ်လိာ်ဘၣ်အီၤဘၣ်. အဂ့ၢ်ဒ်အံၤ, ပာ်အမဲာ်လၢအက လဲၤဆူယရူၤၡလ့ၣ်လီၤ.
54 ဒီးအပျဲၢ်အဘီၣ်စီၤယၤကိာ် ဒီးစီၤယိၤဟၣ်ထံၣ်ဝဲဒီးစံးဝဲဒၣ်, ကစၢ်ဧၢ, ဒ်စီၤအ့ၤလံယၤ မၤဝဲအသိးန့ၣ်, ပမၤလိာ်မ့ၣ်အူဟဲလီၤလၢမူခိၣ်, ဒီးအီၣ် ကွံာ်ပှၤတဖၣ်န့ၣ်, နသးအိၣ်စ့ၢ်ကီးဧါ.
55 ဒီးကဒါဃီၤ အသးဒီးဒူအလိၤ, ဒီးစံးဝဲဒၣ်, သုသးအံၤမ့ၢ်ဒ်လဲၣ်ဒ်လဲၣ် န့ၣ်, သုတသ့ၣ်ညါဘၣ်လီၤ.
56 အဂ့ၢ်ဒ်အံၤ, ပှၤကညီ ဖိခွါအံၤ, တမ့ၢ်ဘၣ်အဟဲမၤဟးဂီၤပှၤကညီအသးဘၣ်, မ့ၢ်အဟဲအုၣ်က့ၤခီၣ်က့ၤအီၤလီၤ. ဒီးလဲၤဝဲဆူသဝီအဂၤ တဖျၢၣ်လီၤ.
57 ဒီးတၢ်မၤအသးလၢ အလဲၤဝဲလၢကျဲဒီး, ပှၤတဂၤစံး ဘၣ်အီၤ, ကစၢ်ဧၢ, ဖဲနလဲၤတၢ်တပူၤပူၤန့ၣ်, ယကပိာ်န ခံလီၤ.
58 ဒီးယ့ၣ်ရှူးစံးဘၣ်အီၤ, ထွံၣ်မံၤအိၣ်ဝဲဒီးအပူၤ, ဒီး ထိၣ်လၢတၢ်ဖးဖီအိၣ်ဝဲဒီးအလီၢ်, မ့မ့ၢ်ပှၤကညီဖိခွါအံၤ, ဖဲအကပာ်မံလီၤအခိၣ်န့ၣ်, အလီၢ်တအိၣ်ဘၣ်ဝဲဘၣ်.
59 ဒီးစံးဘၣ်ပှၤလၢအဂၤတဂၤ, ပိာ်ယခံတက့ၢ်. ဒီးအ ဝဲဒၣ်စံးဝဲ, ကစၢ်ဧၢ, ဒ်သိးယကခူၣ်လီၤကွံာ်ယပၢ်ဒီး, ဒုး က့ၤဆိဒၣ်ကလိာ်ယၤတက့ၢ်.
60 ဒီးယ့ၣ်ရှူးစံးဘၣ်အီၤ, ပှၤ အသံန့ၣ်, မ်အခူၣ်လီၤကွံာ်အပှၤသံဒၣ်ဝဲတက့ၢ်. မ့မ့ၢ်နဲ ဒၣ်အံၤလဲၤစံၣ်တဲၤတဲလီၤယွၤအဘီအမုၢ်အဂ့ၢ်တက့ၢ်.
61 ဒီးပှၤလၢအဂၤတဂၤစံးဝဲဒၣ်, ကစၢ်ဧၢ, ယကပိာ်နခံ လီၤ. ဘၣ်ဆၣ်ဒီးဒုးက့ၤကတိၤဒိၣ်ဆိဒၣ်ကလိာ်ယၤလၢ ပှၤအိၣ်လၢယဟံၣ်ပူၤတက့ၢ်.
62 ဒီးယ့ၣ်ရှူးစံးဘၣ်အီၤ, ပှၤ လၢအဟံးထီၣ်ထဲၣ်အဘိ, ဒီးကွၢ်က့ၤတၢ်ဆူအလီၢ်ခံန့ၣ်, တကြၢးဘၣ်ဒီးယွၤအဘီအမုၢ်နီတဂၤဘၣ်.