7
1 ဒီးစီၤၡလိၤမိၤမၤအဟံၣ်ဒၣ်ဝဲတဆံသၢနံၣ်, ဒီးမၤဝံၤ အဟံၣ်ခဲလၢာ်လီၤ.
2 ဒီးမၤဟံၣ်လၢလဘၤနိၣ် အပှၢ်လၢ်ကျါတဖျၢၣ်လီၤ. အထီမ့ၢ်အပျၢ်တကယၤ, ဒီးအဒီၣ်ဃီၤမ့ၢ်အပျၢ်ယဲၢ်ဆံ, ဒီးအကစီၤထီၣ်အပျၢ်သၢဆံလီၤ. အိၣ်ဝဲလၢသ့ၣ်ဆှိအ့ ရ့းအထူၣ်လွံၢ်ဂ့ၢ်အဖီခိၣ်, ဒီးကျိၤသ့ၣ်ဆှိအ့ရ့းတဖၣ် အိၣ်ဝဲလၢတဖၣ်အဖီခိၣ်လီၤ.
3 ဒီးအခိၣ်အိၣ်ဝဲဒီးသ့ၣ်ဆှိအ့ရ့းလၢ ကျိၤတဖၣ်အဖီခိၣ် လၢအအိၣ်ဝဲလၢထူၣ်လွံၢ်ဆံယဲၢ်ထူၣ်အဖီခိၣ်, တဂ့ၢ် တဆံယဲၢ်ထူၣ်,တဂ့ၢ်တဆံယဲၢ်ထူၣ်လီၤ.
4 ဒီးတၢ်ထူၣ်ဖျိအိၣ်ဝဲသၢဂ့ၢ်, ဒီးဆၢညါလိာ်အသးသၢ ဂ့ၢ်လီၤ.
5 ဒီးတြဲၤ,ဒီးတၢ်ထူၣ်ဖျိ,ဒီးကျဲစၢၤခဲလၢာ် မ့ၢ်တၢ်လွံၢ်နၢၣ် လီၤ. ဒီးဆၢညါလိာ်အသးသၢဂ့ၢ်လီၤ.
6 ဒီးမၤဝဲလၢတၢ်ပျဲၢ်စီၢ်လၢထူၣ်တဖၣ်န့ၣ်လီၤ. အထီမ့ၢ် အပျၢ်ယဲၢ်ဆံ, ဒီးအဒီၣ်ဃီၤမ့ၢ်အပျၢ်သၢဆံလီၤ. ဒီးတၢ် ပျဲၢ်စီၢ်အိၣ်ဝဲလၢအမဲာ်ညါ,ဒီးထူၣ်တဖၣ်, ဒီးကျိၤတီၣ် အိၣ်ဝဲလၢအမဲာ်ညါလီၤ.
7 ဒီးမၤပျဲၢ်စီၢ်လၢလီၢ်ပစိာ်အဂီၢ် ဖဲအကစံၣ်ညီၣ်တၢ်, တၢ်စံၣ်ညီၣ်အပျဲၢ်စီၢ်လီၤ. ဒီးမၤအခိၣ်လၢသ့ၣ်ဆှိအ့ရ့း လၢဃီအဝဲတခီပၢၢ်လၢဃီအဝဲတခီလီၤ.
8 ဒီးအဟံၣ်ဖဲ အအိၣ်ဝဲဆိးဝဲလၢအပူၤတဖျၢၣ်န့ၣ် အိၣ် ဒီးအဂၢၤလၢပျဲၢ်စီၢ်လၢညါတခီ, လၢတၢ်မၤအီၤဒ်န့ၣ်သိး လီၤ. ဒီးစီၤၡလိၤမိၤမၤဟံၣ်တဖျၢၣ်လၢဖၤရိၤအဖိမုၣ်လၢ အန့ၢ်တ့ၢ်အီၤလၢအမါတဂၤအဂီၢ်လီၤဂာ်ပျဲၢ်စီၢ်အံၤလီၤ.
9 တၢ်တဖၣ်အံၤခဲလၢာ် မ့ၢ်လၢၢ်လၢအပှ့ၤဒိၣ်,ဒ်လၢၢ်စိး ပျၤအသးအတၢ်ထိၣ်အသိး ဘူးဝဲလၢလွးလၢညါဒီးလၢ ခိ, လၢအခီၣ်ထံးပၢၢ်လၢအခိၣ်စိၣ်,ဒီးအိၣ်လၢခိဆူအ ဂၢၤဖးဒိၣ်တခီမၤသးဒ်န့ၣ်သိးလီၤ.
10 ဒီးအခီၣ်ထံးန့ၣ် မ့ၢ်လၢလၢၢ်အပှ့ၤဒိၣ်, လၢၢ်ဖးဒိၣ်, လၢၢ်ဆံဆဲၣ်ပျၢ်,ဒီးလၢၢ်ဃိးပျၢ်လီၤ.
11 ဒီးလၢထးခီန့ၣ် မ့ၢ်လၢလၢၢ်အပှ့ၤဒိၣ်ဒ်လၢလၢၢ်စိးပျၤ အသးအတၢ်ထိၣ်အသိးန့ၣ်, ဒီးသ့ၣ်ဆှိအ့ရ့းလီၤ.
12 ဒီးဂၢၤဖးဒိၣ်အိၣ်ဝးတရံးဝဲ, အိၣ်ဒီးလၢၢ်စိးပျၤအသး န့ၣ်သၢဂ့ၢ်, ဒီးကျိၤသ့ၣ်ဆှိးအ့ရ့းတဂ့ၢ်လၢယွၤအဟံၣ် အဂၢၤလၢညါအဂီၢ်, ဒီးလၢဟံၣ်အပျဲၢ်စီၢ်အဂီၢ်လီၤ.
13 ဒီးစီၤပၤၡလိၤမိၤမၢလီၤတၢ်, ဒီးဟဲစိာ်စီၤဃံရၣ်တဂၤ လၢစိၢ်အပူၤလီၤ.
14 အဝဲန့ၣ်မ့ၢ်ပှၤမုၣ်ကမဲပှၤနးသၤလံ အဒူၣ်ဖိတဂၤအဖိခွါ, ဒီးအပၢ်မ့ၢ်ပှၤစိၢ်ဖိ,ပှၤမၤတၢ်သ့ လၢတိၢ်, လၢပှဲၤဒီးတၢ်ကူၣ်သ့,ဒီးအသူၣ်ဆးအသးဆး, ဒီးကယဲၢ်တၢ်မၤလၢတိၢ်န့ၣ်သ့ၣ်ညါဝဲလီၤ. ဒီးဟဲဝဲဆူ စီၤပၤၡလိၤမိၤအအိၣ်ဒီးမၤအတၢ်မၤခဲလၢာ်လီၤ.
15 ဒီးသိန့ၢ်ထူၣ်တိၢ်ခံထူၣ်လီၤ. တထူၣ်အထီတဆံဃိး ပျၢ်, တထူၣ်အထီတဆံဃိးပျၢ်,ဒီးပျံၤအထီတဆံခံပျၢ် ဘံဝးတရံးထူၣ်တထူၣ်လီၤ.
16 ဒီးမၤတၢ်အခိၣ်လၢ တိၢ်ပှံၢ်အသးခံဖျၢၣ်,ဒ်သိးအက ပာ်အီၤလၢထူၣ်တဖၣ်အဖီခိၣ်လီၤ. တၢ်အခိၣ်တဖျၢၣ်အ ထီမ့ၢ်ယဲၢ်ပျၢ်, ဒီးတၢ်အခိၣ်တဖျၢၣ်အထီမ့ၢ်ယဲၢ်ပျၢ်လီၤ.
17 ဒီးမၤဝဲစၤအမဲာ်, ဒီးပျံၤတဖၣ်လၢပျံၤသွဲလၢတၢ်အခိၣ် အဂီၢ်လၢအအိၣ်ဝဲလၢထူၣ်တဖၣ်အဖီခိၣ်, နွံဘ့ၣ်နွံဘိ လၢခိၣ်တဖျၢၣ်အဂီၢ်, ဒီးနွံဘ့ၣ်နွံဘိလၢခိၣ်တဖျၢၣ်ဒၣ် အဂီၢ်လီၤ.
18 ဒီးမၤဝဲထူၣ်တဖၣ်လီၤ. ဒီးတၢ်အဂ့ၢ်ခံဂ့ၢ်အိၣ်ဝးတရံး ဝဲ, လၢစၤအတၢ်မၤတဘ့ၣ်အဖီခိၣ် ဒ်သိးအကကျၢၢ် ဘၢတၢ်အခိၣ်လၢအအိၣ်ဝဲလၢအဖီခိၣ် လၢသလဲသၣ် န့ၣ်အိၣ်ဝဲခံကယၤလၢခံဂ့ၢ်အပူၤဝးတရံးဝဲလၢ တၢ်အ ခိၣ်တဖျၢၣ်ဒၣ်အလိၤလီၤ.
19 ဒီးတၢ်အခိၣ်တဖၣ်လၢအအိၣ်ဝဲလၢ ထူၣ်အဖီခိၣ်န့ၣ် မ့ၢ်ဖီဒ့ၣ်ညါအဂီၤလွံၢ်ပျၢ်လၢပျဲၢ်စီၢ်အပူၤလီၤ.
20 ဒီးတၢ်အခိၣ်တဖၣ်လၢထူၣ်ခံထူၣ်အဖီခိၣ်န့ၣ် အိၣ်ဒီး သလဲသၣ်လၢအဖီခိၣ်စ့ၢ်ကီးလီၤ. အိၣ်သဃီၤဒီးအဖျၢၣ် လၢအအိၣ်ဝဲလၢစၤအတၢ်မၤအဃၢၤ, ဒီးသလဲသၣ်န့ၣ် အိၣ်ဝဲခံကယၤလၢခံဂ့ၢ်အပူၤဝးတရံးဝဲလၢ တၢ်အခိၣ် တဖျၢၣ်ဒၣ်အလိၤလီၤ.
21 ဒီးပာ်ထူၣ်တဖၣ်န့ၣ် ထူၣ်ကလာ်လၢနူၢ်အပျဲၢ်စီၢ်ပူၤ လီၤ. ဒီးပာ်ထူၣ်လၢစုထွဲတခီထူၣ်ကလာ်,ဒီးယုၢ်ဝဲအ မံၤလၢယၤကံၣ်, ဒီးပာ်ထူၣ်လၢစုစ့ၣ်တခီထူၣ်ကလာ်, ဒီးယုၢ်ဝဲအမံၤလၢဘိၤဧးလီၤ.
22 ဒီးဖီဒ့ၣ်ညါအတၢ်ဂီၤအိၣ်ဝဲလၢ ထူၣ်တဖၣ်အဖီခိၣ် လီၤ. ဒီးတၢ်မၤထူၣ်တဖၣ်န့ၣ်ဝံၤဝဲလီၤ.
23 ဒီးသိန့ၢ်ပီၣ်လဲၣ်တဖျၢၣ်လီၤ. အဘၢၣ်စၢၤလၢအဃၢၤ တခီပၢၢ်လၢအဃၢၤအဝဲတခီမ့ၢ်အပျၢ်တဆံလီၤ. မ့ၢ်တၢ် ဖျၢၣ်သလၢၣ်ဝးတရံးဝဲ, ဒီးအကစီၤထီၣ်မ့ၢ်ယဲၢ်ပျၢ်, ဒီး ပျံၤအထီအပျၢ်သၢဆံဝးတရံးအီၤလီၤ.
24 ဒီးလၢအခိၣ်ဒူအဖီလာ်ဝးတရံးဝဲန့ၣ် အိၣ်ဝဲဒီးခီခးဖး ကိး,တပျၢ်ဆံဆဲၣ်ဖျၢၣ်, တပျၢ်ဆံဆဲၣ်ဖျၢၣ်ဝးတရံးပီၣ် လဲၣ်ဒီဖျၢၣ်ညါလီၤ. လၢပီၣ်လဲၣ်ဘၣ်သိအသးန့ၣ်ခီခး ဖးကိးတဖၣ်န့ၣ်သိအသးလၢခံဂ့ၢ်လီၤ.
25 ဒီးအိၣ်ဝဲလၢဂီၤဖံးတဆံခံဒုအဖီခိၣ်လီၤ. သၢဒုကွၢ်ဝဲ ဆူကလံၤစိး, ဒီးသၢဒုကွၢ်ဝဲဆူမုၢ်နုာ်,ဒီးသၢဒုကွၢ်ဝဲဆူ ကလံၤထံး, ဒီးသၢဒုကွၢ်ဝဲဆူမုၢ်ထီၣ်လီၤ.ဒီးပီၣ်လဲၣ်န့ၣ် အိၣ်ဝဲလၢအဖီခိၣ်,ဒီးအခံန့ၣ်အိၣ်ဆူတၢ်အပူၤတခီလီၤ.
26 ဒီးအတီၣ်မ့ၢ်တဖံး, ဒီးအခိၣ်ဒူမၤအသးဒ်သလၢအခိၣ် ဒူအသိးအိၣ်ဝဲဒိးဖီဒ့ၣ်ညါအဖီတဖၣ်, ဒီးတြီၢ်ဝဲလၢဘၤ သးခံကထိလီၤ.
27 ဒီးမၤဝဲလၢတၢ်ခီၣ်တိၢ်တဆံလီၤ. ဒီးခီၣ်တဖျၢၣ်န့ၣ် အထီမ့ၢ်လွံၢ်ပျၢ်,ဒီးအဒီၣ်ဃီၤမ့ၢ်လွံၢ်ပျၢ်, ဒီးအကစီၤထီၣ် မ့ၢ်သၢပျၢ်လီၤ.
28 ဒီးခီၣ်တဖၣ်အတၢ်မၤန့ၣ်အမ့ၢ်အအံၤ, အိၣ်ဒီးခီၣ်ကျီၤ တဖၣ်,ဒီးခီၣ်ကျီၤန့ၣ် အိၣ်ဝဲလၢခီၣ်အဆၢအဘၢၣ်စၢၤ န့ၣ်လီၤ.
29 ဒီးလၢခီၣ်ကျီၤအလိၤလၢအအိၣ်ဝဲလၢ အခီၣ်အဆၢ အဘၢၣ်စၢၤန့ၣ်ခ့ယုၢ်, ဂီၤဖံး, ဒီးခ့ရူာ်တဖၣ်အိၣ်ဝဲ, ဒီး လၢခ့ယုၢ်ဒီးဂီၤဖံးအဖီခိၣ်ဒီးအဖီလာ်န့ၣ် ခီၣ်အဆၢအိၣ် ဝဲဒီးဖီလီၤစဲၤတဖၣ်လီၤ.
30 ဒီးကယဲၢ်တၢ်အခီၣ်အိၣ်ဝဲဒီး လ့ၣ်ဖံဘၣ်တိၢ်လွံၢ်ဘ့ၣ်, ဒီးအဝၣ်ရိကိၢ်လီၤ. ဒီးအသ နၢၣ်လွံၢ်သနၢၣ်န့ၣ်အိၣ်ဝဲဒီးတၢ်လၢအဖီလာ်လီၤ. လၢ သရာ်န့ၣ်အဖီလာ်တၢ်အိၣ်လၢအဖီလာ် သိအသးအိၣ် ဝဲဖဲဖီလီၤစဲၤတဖၣ်အဃၢၤကိးပူၤဒဲးလီၤ.
31 ဒီးတၢ်အအိပူၤအိၣ်ဝဲလၢအခိၣ်ဒီး လၢအဖီခိၣ်န့ၣ်မ့ၢ် တပျၢ်လီၤ. အအိပူၤန့ၣ်မ့ၢ်တၢ်ကဝီၤကျီၤဒ်တၢ်အခီၣ်အ တၢ်မၤအသိးန့ၣ်, တပျၢ်ဒီးတထါ,ဒီးတၢ်အိပူၤလၢအ ခိၣ်န့ၣ်အိၣ်ဝဲဒီးတၢ်ဂီၤဒီးအခီၣ်ကျီၤလီၤ. ဖျၢၣ်သလၢၣ် တမ့ၢ်ဘၣ်,မ့ၢ်တၢ်လွံၢ်နၢၣ်လီၤ.
32 ဒီးလၢတၢ်ခီၣ်ကျီၤအဖီလာ်န့ၣ် လ့ၣ်ဖံဘၣ်လွံၢ်ဘ့ၣ် အိၣ်, ဒီးလ့ၣ်ဝၣ်ရိစဲဘူးဒီးတၢ်အခီၣ်, ဒီးလ့ၣ်ဖံဘၣ်န့ၣ် အထီမ့ၢ်တပျၢ်ဒီးတထါလီၤ.
33 ဒီးလ့ၣ်ဖံဘၣ်အတၢ်မၤန့ၣ် မၤသးဒ်လ့ၣ်ကဟၣ်သုး အတၢ်မၤအသိးန့ၣ်လီၤ. အလ့ၣ်ဝၣ်ရိ,ဒီးအလ့ၣ်အခိၣ် ကျၢၢ်,ဒီးအလ့ၣ်အခီၣ်ကျီၤ, ဒီးအလ့ၣ်အဒံးသ့ၣ်တဖၣ် န့ၣ်မ့ၢ်တၢ်သိအသးခဲလၢာ်လီၤ.
34 ဒီးတၢ်ပာ်လၢအဖီလာ်လွံၢ်ဖျၢၣ် အိၣ်ဝဲလၢတၢ်အခီၣ် တဖျၢၣ်အသနၢၣ်လွံၢ်သနၢၣ်အဂီၢ်, ဒီးတၢ်ပာ်လၢအဖီ လာ်တဖၣ်န့ၣ်ဘၣ်ဃးဒီးတၢ်အခီၣ်လီၤ.
35 ဒီးလၢတၢ်အခီၣ်အဖီခိၣ်န့ၣ် တၢ်ကဝီၤအသးကစီၤ ထီၣ်တထါအိၣ်ဝဲ, ဒီးတၢ်လၢခီၣ်အခိၣ်,ဒီးတၢ်အဆၢ, ဒီးတၢ်အခီၣ်ကျီၤန့ၣ်မ့ၢ်တၢ်တမံၤဃီလီၤ.
36 ဒီးလၢတၢ်အဆၢအလိၤန့ၣ်, ဒီးလၢတၢ်အခီၣ်ကျီၤအလိၤန့ၣ်ကွဲးဝဲလၢခ့ရူာ်, ခ့ယုၢ်, ဒီးသ့ၣ်စူၣ်ပလိၣ်ဒ်အလီၢ် အိၣ်ကလီအိၣ်ဝဲအသိးန့ၣ်ဒီးဝးတရံးဝဲလီၤ.
37 ဒ်န့ၣ်အသိးမၤဝဲလၢတၢ်အခီၣ်ဆံဆဲၣ်ဖျၢၣ်လီၤ. အိၣ် ဝဲဒီးအနီၣ်ထိၣ်တမံၤဃီ, အထိၣ်တုၤသိးသိး,အဒိၣ်ထဲ သိးသိးလီၤ.
38 ဒီးမၤသရာ်တိၢ်ဆံဆဲၣ်ဖျၢၣ်လီၤ. သရာ်တဖျၢၣ်တြီၢ် ဝဲလၢဘၤသးလွံၢ်ဆံစုာ်စုာ်လီၤ. သရာ်တဖျၢၣ်န့ၣ်မ့ၢ် လွံၢ်ပျၢ်ကိးဖျၢၣ်ဒဲးလီၤ. သရာ်တဖျၢၣ်အိၣ်ဝဲလၢခီၣ်တဖျၢၣ်အဖီခိၣ်န့ၣ်ကိးဖျၢၣ်ဒဲးလီၤ.
39 ဒီးပာ်လီၤတၢ်အခီၣ်ယဲၢ်ဖျၢၣ်လၢ ဟံၣ်အစုထွဲတခီ, ဒီးယဲၢ်ဖျၢၣ်လၢဟံၣ်အစုစ့ၣ်တခီ, ဒီးပာ်လီၤပီၣ်လဲၣ်လၢ ဟံၣ်အစုထွဲတခီ လၢမုၢ်ထီၣ်သဃီၤဒီးကလံၤထံးတခီ န့ၣ်လီၤ.
40 ဒီးစီၤဃံရၣ်မၤဝဲလၢသရာ်, ဒီးတပူာ်,ဒီးသလၢတဖၣ် န့ၣ်လီၤ. ဒီးစီၤဃံရၣ်မၤဝံၤတၢ်မၤလၢအမၤလၢစီၤၡလိၤ မိၤအဂီၢ်လၢယွၤအဟံၣ်အဂီၢ်,
41 ထူၣ်ခံထူၣ်န့ၣ်,ဒီးသ ရာ်လၢတၢ်အခိၣ်အဂီၢ် လၢအအိၣ်ဝဲလၢထူၣ်အဖီခိၣ်, ဒီးစၤအတၢ်မၤခံဘ့ၣ် ဒ်သိးအကကျၢၢ်ဘၢတၢ်အခိၣ်ခံ ဖျၢၣ်အသရာ်ခံဖျၢၣ်လၢအအိၣ်ဝဲလၢထူၣ်အဖီခိၣ်န့ၣ်,-
42 ဒီးသလဲသၣ်လွံၢ်ကယၤလၢ စၤအတၢ်မၤအဂီၢ်, သလဲ သၣ်ခံဂ့ၢ်လၢစၤအတၢ်မၤတဘ့ၣ်အဂီၢ်, ဒ်သိးအကကျၢၢ် ဘၢတၢ်အခိၣ်အသရာ်ခံဖျၢၣ်အိၣ်ဝဲလၢထူၣ်တဖၣ်အဖီ ခိၣ်န့ၣ်,
43 ဒီးတၢ်အခီၣ်ဆံဆဲၣ်ဖျၢၣ်, ဒီးသရာ်ဆံဆဲၣ် ဖျၢၣ်လၢအအိၣ်ဝဲလၢခီၣ်တဖၣ်အဖီခိၣ်,
44 ဒီးပီၣ်လဲၣ်တ ဖျၢၣ်,ဒီးဂီၤဖံးတဆံခံဒုအိၣ်ဝဲလၢ ပီၣ်လဲၣ်အဖီလာ်,-
45 ဒီးသပၢၤတဖၣ်,ဒီးတပူာ်တဖၣ်, ဒီးသလၢတဖၣ်လီၤ. ဒီးကယဲၢ်တၢ်အပိးအလီ လၢဃံရၣ်မၤဝဲလၢစီၤပၤၡလိၤ မိၤအဂီၢ်,လၢယွၤအဟံၣ်အဂီၢ်န့ၣ်မ့ၢ်ဝဲတိၢ်စီလီၤ.
46 စီၤပၤသိးအီၤလၢယၢ်ဒ့ၣ်အပျီပူၤ, လၢကပံာ်ကျါလၢ စူးကိၤသးဒိးစၢ်သးအဘၢၣ်စၢၤလီၤ.
47 ဒီးတၢ်ဖိတၢ်လံၤန့ၣ် မ့ၢ်အအိၣ်အါအါကလဲာ်ဒီး,စီၤ ၡလိၤမိၤတစီၤဘၣ်အီၤ, ဒီးတိၢ်အလီၤတယၢၢ်ဒ်လဲၣ်ဒ် လဲၣ်န့ၣ်တဃုဘၣ်ဝဲဘၣ်.
48 ဒီးစီၤၡလိၤမိၤတ့ကယဲၢ်ယွၤအဟံၣ်အပီးအလီ, တၢ် လုၢ်အလီၢ်လၢထူ, ဒီးစီၢ်နီၤခိၣ်ဖဲတၢ်မဲာ်ညါကိၣ်အိၣ်, လၢထူ,
49 ဒီးမ့ၣ်အူဒၢလၢထူစီယဲၢ်ဖျၢၣ်လၢစုထွဲ,ဒီးယဲၢ် ဖျၢၣ်လၢစုစ့ၣ်လၢတၢ်ကတိၤတၢ်အလီၢ်အမဲာ်ညါ, ဒီး သံၣ်ဧိၤဖီဧိၤ, ဒီးမ့ၣ်အူဒၢဖိ,ဒီးနီၣ်တံာ်မ့ၣ်အူလၢထူ,-
50 ဒီးလီခီတဖၣ်,ဒီးနီၣ်တံာ်ကွံာ်တၢ်, ဒီးသလၢ,ဒီးနီၣ် တၢၤ,ဒီးသပၢၤမ့ၣ်အူသ့ၣ်တဖၣ်န့ၣ်လၢထူစီ, ဒီးပးတၣ် လၢထူလၢဟံၣ်လၢညါ, တၢ်အလီၢ်စီဆှံကတၢၢ်,လၢ အတြဲၤအဂီၢ်ဒီးလၢဟံၣ်အတြဲၤအဂီၢ်, ဒ်ပစံးတၢ်အသိး, နူၢ်န့ၣ်လီၤ.
51 ဒီးစီၤၡလိၤမိၤမၤဝံၤတၢ်မၤခဲလၢာ် လၢယွၤအဟံၣ်အ ဂီၢ်လီၤ. ဒီးစီၤၡလိၤမိၤဟဲစိာ်နုာ်တၢ်တဖၣ်လၢအပၢ်မၤ ဘူၣ်ဝဲလီၤ. ဒီးကျိၣ်ဧိၤစ့ဧိၤ, ထူဧိၤလွဲဧိၤ,ဒီးတၢ်ဖိတၢ် လံၤ, ဒီးပာ်ဝဲလၢတၢ်လုၢ်ဒိၣ်ပှ့ၤဒိၣ်အကျါ လၢယွၤအ ဟံၣ်ပူၤလီၤ.