21
1 ဒီးလၢတၢ်တဖၣ်န့ၣ်အလီၢ်ခံ တၢ်မၤအသးလၢပှၤယံး စရ့လးဖိစီၤနၤဘိးအိၣ်ဒီးစပံးအလီၢ်လၢ ယံးစရ့လးအ ပူၤ, အိၣ်ဘူးဒီးၡၤမရံအစီၤပၤစီၤအၤဃာ်အနူၢ်လီၤ.
2 ဒီးစီၤအၤဃာ်ကတိၤတၢ်ဒီးစီၤနၤဘိးဒီးစံးဝဲဒၣ်, ဟ့ၣ် ယၤလၢနစပံးအလီၢ်, ဒ်သိးအကဲထီၣ်တၢ်ဒိးတၢ်လၣ် အလီၢ်လၢယဂီၢ်တက့ၢ်, အဂ့ၢ်ဒ်အံၤ, အိၣ်ဘူးဒီးယဟံၣ် လီၤ. ဒီးယကဟ့ၣ်လီၤနၤလၢ စပံးအလီၢ်တလီၢ်ဂ့ၤန့ၢ် အန့ၣ်တက့ၢ်လီၤ. မ့ၢ်ဂ့ၤလၢနမဲာ်ဒီး, ယကဟ့ၣ်လီၤ နၤလၢစ့ဖဲအကြၢးလီၤ.
3 ဒီးစီၤနၤဘိးစံးဘၣ်စီၤအၤဃာ်, မ်ယွၤအသုတဒုးဟ့ၣ် ယၤလၢယပၢ်အဟ့ၣ်သါတၢ်လၢနၤတဂ့ၤ.
4 ဒီးစီၤအၤဃာ်ဟဲဆူအဟံၣ်လၢအမဲာ်ထီၣ်ဂီၤ, ဒီးအ သးဒိၣ်ထီၣ်လၢတၢ်ကတိၤလၢ ပှၤယံးစရ့လးဖိစီၤနၤ ဘိးကတိၤတၢ်ဒီးအီၤအဃိလီၤ. အဂ့ၢ်ဒ်အံၤ,စံးဝဲဒၣ်,ယ တဟ့ၣ်နၤလၢယပၢ်အတၢ်ဟ့ၣ်သါဘၣ်လီၤ. ဒီးမံလီၤ လၢအလီၢ်မံပူၤ, ဒီးဃၣ်ကဒါကွံာ်အမဲာ်,ဒီးအီၣ်တၢ်န့ၣ် အသးတအိၣ်ဘၣ်.
5 ဒီးအမါနီၢ်အံၤစ့ဘ့ၤလးဟဲဆူအအိၣ်, ဒီးစံးဘၣ်အီၤ, နသးတမုာ်ဘၣ်, ဒီးနတအီၣ်ဘၣ်တၢ်န့ၣ်မ့ၢ်အဘၣ်မ နုၤလဲၣ်.
6 ဒီးစံးဘၣ်အီၤ, မ့ၢ်ယကတိၤတၢ်ဒီးပှၤယံးစရ့လးဖိစီၤ နၤဘိး,ဒီးယစံးလၢအီၤ, ဟ့ၣ်ယၤလၢနစပံးအလီၢ်လၢ စ့တက့ၢ်. မ့တမ့ၢ်ဘၣ်ဒ်န့ၣ်ဒီး ယကဟ့ၣ်လီၤနၤလၢ စပံးအလီၢ်တလီၢ်လၢအဂီၢ်လီၤ. ဒီးစံးဝဲဒၣ်,ယတဟ့ၣ် ဘၣ်နၤလၢယစပံးအလီၢ်ဘၣ်.
7 ဒီးအမါနီၢ်အံၤစ့ဘ့ၤလးစံးဘၣ်အီၤ, ခဲကနံၣ်အံၤနပၢ အံၣ်စရ့လးအဘီအမုၢ်စ့ၢ်ကီးဧါ. ဂဲၤဆၢထၢၣ်အီၣ်တၢ်, ဒီးပာ်နသးမုာ်မုာ်တက့ၢ်. ယကဟ့ၣ်နၤလၢပှၤယံးစရ့ ဖိစီးနၤဘိးအစပံးအလီၢ်န့ၣ်လီၤ.
8 ဒီးကွဲးလံာ်လၢစီၤအၤဃာ်အမံၤ, ဒီးစဲဃာ်ပနီၣ်အီၤ လၢအနီၣ်စဲဃာ်ပနီၣ်, ဒီးဟ့ၣ်ယုၢ်လံာ်န့ၣ်ဆူပှၤသူၣ် က့သးပှၢ်, ဒီးပဒိၣ်တဖၣ်လၢအအိၣ်ဝဲလၢအဝ့ၢ်ပူၤဒီး စီၤနၤဘိးလီၤ.
9 ဒီးကွဲးဝဲလၢလံာ်ပူၤ, ဒီးစံးဝဲဒၣ်, ကိးထီၣ်တၢ်ဒုၣ်တၢ် အီၣ်, ဒီးပာ်ထီၣ်ထီစီၤနၤဘိးလၢပှၤဂီၢ်မုၢ်အကျါ,
10 ဒီး ပာ်ပှၤဘလးယဧၤလးဖိခံဂၤလၢအမဲာ်ညါ ဒ်သိးအက အုၣ်အသးထီဒါအီၤ, ဒီးစံး, နဒုၣ်ဒွဲၣ်ယွၤဒီးစီၤပၤလီၤ န့ၣ်, ဒီးစိာ်ထီၣ်ကွံာ်အီၤ, ဒီးကွံာ်အီၤလၢလၢၢ်တုၤအသံ တက့ၢ်.
11 ဒီးဝ့ၢ်အပှၤကညီအပှၤသူၣ်က့သးပှၢ်, ဒီးပဒိၣ်တဖၣ် လၢပှၤဝ့ၢ်ဖိအကျါန့ၣ်မၤဝဲ ဒ်နီၢ်အံၤစ့ဘ့ၤလးမၢလီၤတၢ် အသိး, ဒ်အကွဲးဝဲလၢလံာ်ပူၤလၢအဟ့ၣ်ယုၢ်ဝဲအသိး န့ၣ်လီၤ.
12 ဒီးကိးထီၣ်တၢ်ဒုၣ်တၢ်အီၣ်, ဒီးပာ်ထီၣ်ထီ စီၤနၤဘိးလၢပှၤဂီၢ်မုၢ်အကျါန့ၣ်လီၤ.
13 ဒီးပှၤဘလးယဧၤလးဖိခံဂၤ ဟဲဆ့ၣ်နီၤလၢအမဲာ်ညါ, ဒီးပှၤဘလးယဧၤလးဖိအုၣ်အသးထီဒါအီၤ, ထီဒါစီၤ နၤဘိးလၢပှၤဂီၢ်မုၢ်အမဲာ်ညါ, ဒီးစံးဝဲဒၣ်,စီၤနၤဘိးဒုၣ် ဒွဲၣ်ယွၤ, ဒီးစီၤပၤလီၤ. ဒီးပှၤစိာ်ထီၣ်ကွံာ်အီၤလၢဝ့ၢ်အ ချၢလၢခိ, ဒီးကွံာ်အီၤလၢလၢၢ်တုၤအသံလီၤ.
14 ဒီးမၢလီၤတၢ်ဆူနီၢ်အံၤစ့ဘ့ၤလးအအိၣ်, ဒီးစံးဝဲဒၣ်, စီၤနၤဘိးဘၣ်တၢ်ကွံာ်အီၤလၢလၢၢ်,ဒီးသံဝဲလီၤ.
15 ဒီးတုၤနီၢ်အံၤစ့ဘ့ၤလးနၢ်ဟူဝဲလၢ စီၤနၤဘိးဘၣ်တၢ် ကွံာ်အီၤလၢလၢၢ်,ဒီးသံဝဲဒီး, တၢ်မၤအသးလၢနီၢ်အံၤစ့ ဘ့ၤလးစံးဘၣ်စီၤအၤဃာ်, ဂဲၤဆၢထၢၣ်မၤန့ၢ်ပှၤယံးစ ရ့လးဖိ စီၤနၤဘိးအစပံးလီၢ်လၢ အတအၢၣ်လီၤဟ့ၣ် နၤဘၣ်လၢစ့အဃိန့ၣ်တက့ၢ်. အဂ့ၢ်ဒ်အံၤ,စီၤနၤဘိးမူဝဲ တမ့ၢ်ဘၣ်,မ့ၢ်အသံလီၤ.
16 ဒီးတုၤစီၤအၤဃာ်နၢ်ဟူဝဲလၢစီၤနၤဘိးသံဝဲဒီး,တၢ်မၤ အသးလၢစီၤအၤဃာ်ဂဲၤဆၢထၢၣ် ဒ်သိးအကလဲၤလီၤ ဆူပှၤယံးစရ့လးဖိစီၤနၤဘိးအစပံးလီၢ်, ဒ်သိးအကမၤ န့ၢ်အီၤလီၤ.
17 ဒီးယွၤအကလုၢ်ဘၣ်ပှၤတံးၡဘးဖိစီၤအ့ၤလံယၤ, ဒီး စံးဝဲဒၣ်,
18 လဲၤလီၤသဂၢၢ်အံၣ်စရ့လးအစီၤပၤအၤဃာ် လၢၡၤမရံအပူၤန့ၣ်တက့ၢ်. ကွၢ်ကွၢ်,အိၣ်ဝဲလၢစီၤနၤဘိး အစပံးအလီၢ်ပူၤ, ဖဲအလဲၤလီၤမၤန့ၢ်အီၤလီၤ.
19 ဒီးန ဘၣ်ကတိၤတၢ်ဒီးအီၤ, ဒီးစံး, ယွၤစံးဒ်အံၤ, နမၤသံတၢ် ဒီး,မၤန့ၢ်တၢ်စ့ၢ်ကီးဧါ. ဒီးနဘၣ်ကတိၤတၢ်ဒီးအီၤဒီးစံး, ယွၤစံးဒ်အံၤ, ဖဲအလီၢ်ပူၤလၢထွံၣ်တဖၣ်လ့ၣ်စီၤနၤဘိး အသွံၣ်န့ၣ် ထွံၣ်တဖၣ်ကလ့ၣ်နသွံၣ်, နဝဲဒၣ်လဲာ်လီၤ.
20 ဒီးစီၤအၤဃာ်စံးဝဲဒၣ်, နထံၣ်န့ၢ်ယၤဧါ, ယဒုၣ်ယ ဒါဧၢ.ဒီးစံးဝဲဒၣ်, ယထံၣ်န့ၢ်လီၤ.အဂ့ၢ်ဒ်အံၤ,နဆါကွံာ် နသးဒ်သိးနကမၤတၢ်အၢလၢယွၤအမဲာ်လီၤ.
21 ကွၢ်ကွၢ်, ယကဒုးဟဲဘၣ်နၤလၢတၢ်အၢ, ဒီးယကဟံးထီၣ်နစၢၤ နသွဲၣ်, ဒီးယကဒီၣ်တဲာ်စီၤအၤဃာ်လၢကယဲၢ်ပိာ်ခွါ, ဒီးပှၤလၢတၢ်ကးတံာ်ဃာ်အခံ, ဒီးပှၤလၢအအိၣ်လီၤ တဲာ်သဘျ့လၢအံၣ်စရ့လးအပူၤလီၤ.
22 ဒီးယကပာ်န ဟံၣ်ဒ်စီၤနဘးအဖိခွါ စီၤယၤရၤဘၣ်အဟံၣ်အသိးန့ၣ်, ဒီးဒ်စီၤအဃံယၤအဖိခွါစီၤဘါၡၤအဟံၣ်အသိး လၢတၢ် သးထီၣ်အလီၢ်အဃိ လၢနထိၣ်ဂဲၤယွၤအသးထီၣ်လၢ အီၤ,ဒီးဒုးမၤအံၣ်စရ့လးလၢတၢ်ဒဲးဘးန့ၣ်လီၤ.
23 ဒီၤယွၤကတိၤတၢ်လၢနီၢ်အံၤစ့ဘ့ၤလးအဂ့ၢ်, ဒီးစံးဝဲ ဒၣ်, ထွံၣ်တဖၣ်ကအီၣ်နီၢ်အ့ၤစ့ဘ့ၤလးလၢယံးစရ့လး အခိၣ်ဒူအဃၢၤန့ၣ်လီၤ.
24 ဒီးပှၤဘၣ်ဃးဒီးစီၤအၤဃာ် လၢအသံဝဲလၢဝ့ၢ်ပူၤန့ၣ် ထွံၣ်တဖၣ်ကအီၣ်ကွံာ်အီၤ, ဒီးပှၤလၢအသံဝဲလၢပှၢ်လၢ် ကျါန့ၣ်ထိၣ်ဧိၤလံၣ်ဧိၤလၢမူကပိာ်လိၤတဖၣ် ကအီၣ် ကွံာ်အီၤလီၤ.
25 မ့ၢ်မးပှၤထဲသိးဒီးစီၤအၤဃာ်လၢ အဆါကွံာ်အသးဒ် သိးအကမၤတၢ်အၢလၢယွၤအမဲာ်, လၢအမါနီၢ်အံၤစ့ ဘ့ၤလးထိၣ်ဂဲၤအီၤန့ၣ်တအိၣ်ဘၣ်.
26 ဒီးမၤတၢ်သးဘၣ် အၢဒိၣ်မးလၢအပိာ်တၢ်ဂီၤအခံ ဒ်ကယဲၢ်တၢ်အၢလၢပှၤ အမိၢ်ဖိမၤဝဲအသိးလၢယွၤဟီထီၣ်ကွံာ်အီၤလၢ ပှၤအံၣ် စရ့လးဖိအမဲာ်ညါလီၤ.
27 ဒီးတုၤစီၤအၤဃာ်နၢ်ဟူတၢ်ကတိၤန့ၣ်ဒီး, တၢ်မၤအ သးလၢအဖှီဝဲအဆ့,ဒီးပာ်ထၢၣ်တၢ်ကံးညာ်လၢအညၣ် လိၤ, ဒီးလဲၤဝဲကဒုကဒုလီၤ.
28 ဒီးယွၤအကလုၢ်ဘၣ်ပှၤတံးၡဘၤဖိ စီၤအ့ၤလံယၤဒီး စံးဝဲဒၣ်,
29 နထံၣ်ဘၣ်လၢစီၤအၤဃာ်ဆီၣ်လီၤအသးလၢ ယမဲာ်ညါဒီး, ယတဒုးဟဲဘၣ်တၢ်အၢလၢအမုၢ်နံၤတ ဖၣ်အပူၤဘၣ်. လၢအဖိခွါအမုၢ်နံၤတဖၣ်န့ၣ် ယကဒုး ဟဲဘၣ်တၢ်အၢန့ၣ်လၢအဟံၣ်လီၤ.