8
1 ဒီးယွၤစံးဘၣ်စီၤယိၤရှူ, ပျံၤတၢ်တဂ့ၤ, ဘၣ်ယိၣ် တၢ်တဂ့ၤ, ဟံးန့ၢ်ပှၤသုးဖိခဲလၢာ်ဒီးနၤ, ဒီးဂဲၤဆၢ ထၢၣ်လဲၤထီၣ်ဆူဂဲန့ၣ်တက့ၢ်. ကွၢ်, ယဟ့ၣ်လီၤဂဲအ စီၤပၤ, ဒီးအပှၤဂီၢ်မုၢ်, ဒီးအဝ့ၢ်, ဒီးအထံအကီၢ်လၢ နစုပူၤလီၤ.
2 နကမၤဂဲဒီးအစီၤပၤ, ဒ်နမၤယရံၤဃိဒီးအ စီၤပၤအသိးလီၤ.ထဲအတၢ်ဖိတၢ်လံၤ, ဒီးအဆၣ်ဖိကီၢ် ဖိအဒၢတဖၣ်န့ၣ်သုကဟံးန့ၢ်လၢ တၢ်ဂုာ်န့ၢ်လၢသု ဂီၢ်ဒၣ်သုဝဲလီၤ. ပာ်နဲလၢပှၤခိးခူသူၣ်လၢ ဝ့ၢ်အဂီၢ် လၢအချၢဃံန့ၣ်တက့ၢ်.
3 ဒီးစီၤယိၤရှူဂဲၤဆၢထၢၣ်, ဒီးပှၤသုးဖိခဲလၢာ် ဒ်သိး အကလဲၤထီဒါဘၣ်ဂဲ, ဒီးစီၤယိၤရှူဃုထၢပှၤသုးဖိပှၤ အဆူၣ်သၢကလး, ဒီးမၢလီၤအီၤလၢမုၢ်နၤ.
4 ဒီးမၤလိာ် အီၤဒီးစံးဝဲဒၣ်, ကွၢ်, သုဘၣ်ခိးခူသူၣ်လၢဝ့ၢ်ဃၢၤလၢ ဝ့ၢ်ချၢဃံန့ၣ်လီၤ. လဲၤတၢ်စၢၢ်တလၢၢ်ဒီးဝ့ၢ်န့ၣ်တဂ့ၤ, ဒီးအိၣ်ကတဲာ်ကတီၤသုသးခဲလၢာ်တက့ၢ်.
5 ဒီးယဲဒၣ်ဒီးကယဲၢ်ပှၤလၢအအိၣ်ဒီးယၤခဲလၢာ်ကသုးဘူးပသးဆူဝ့ၢ်ပူၤ, ဒီးတၢ်ကမၤအသးတုၤအကဲထီဒါပှၤဒ်လၢသီအသိးဒီး, ပကဃ့ၢ်တၢ်လၢအမဲာ်ညါ.-
6 (အဂ့ၢ်ဒ်အံၤ, ကဟဲထီဒါပှၤ) တုၤပထုးထီၣ်အီၤလၢ ဝ့ၢ်ပူၤန့ၣ်လီၤ. အဂ့ၢ်ဒ်အံၤ, ကစံးဝဲ, အဝဲသ့ၣ်ဃ့ၢ် တၢ်လၢပမဲာ်ညါဒ်လၢအခီၣ်ထံးအသိးလီၤန့ၣ်, ဒီးပ ကဃ့ၢ်တၢ်လၢအမဲာ်ညါလီၤ.
7 ဒီးသုဘၣ်ဂဲၤဆၢထၢၣ်လၢ တၢ်ခိးခူသူၣ် အလီၢ်ပူၤ ဒီးမၤန့ၢ်ဆူၣ်ဝ့ၢ်န့ၣ်လီၤ. အဂ့ၢ်ဒ်အံၤ, ယွၤသုကစၢ်က ဟ့ၣ်လီၤကွံာ်အီၤလၢသုစုပူၤလီၤ.
8 ဒီးတုၤသုမၤန့ၢ်ဝ့ၢ် ဝံၤဒီး တၢ်ကမၤအသးလၢသုဘၣ် ဆူးထီၣ်ဝ့ၢ်လၢ မ့ၣ်အူလီၤ. ဒ်ယွၤအတၢ်မၤလိာ်အသိးန့ၣ် သုဘၣ်မၤ လီၤ. ကွၢ်, ယမၤလိာ်လံသုလံ.
9 ဒီးစီၤယိၤရှူမၢလီၤအီၤ, ဒီးအဝဲသ့ၣ် လဲၤအိၣ်ဝဲလၢ တၢ်ခိးခူသူၣ်အလီၢ်, ဒီးအိၣ်ဝဲလၢ ဘ့ၤသ့လးဒီးဂဲအ ဘၢၣ်စၢၤလၢမုၢ်နုာ်တခီလီၤ. မ့မ့ၢ် စီၤယိၤရှူအိၣ်ဝဲသီ တနၤကျၢၤလၢမုၢ်နၤတနၤန့ၣ်လၢ ပှၤဂီၢ်မုၢ်အကျါလီၤ
10 ဒီးမုၢ်ဆ့ၣ်ထီၣ်န့ၣ် စီၤယိၤရှူဂဲၤဆၢထၢၣ်ဂီၤဂီၤ, ဒီး ဂံၢ်ပှၤဂီၢ်မုၢ်, ဒီးလဲၤထီၣ်အဝဲဒၣ်,ဒီးပှၤအံၣ်စရ့လးဖိအ ပှၤသူၣ်က့သးပှၢ်ဆူပှၤဂဲဖိအမဲာ်ညါလီၤ.
11 ဒီးပှၤဂီၢ်မုၢ် ခဲလၢာ်, ပှၤသုးဖိလၢအအိၣ်ဒီးအီၤ, လဲၤထီၣ်, ဒီး သုးဘူးအသး, ဒီးလဲၤတုၤလၢဝ့ၢ်အမဲာ်ညါ, ဒီးသူၣ်ဒဲ လၢ ဂဲအကလံၤစိးတခီလီၤ. ဒီးကစၢၢ်ကဆူး အိၣ် ဝဲလၢအဝဲသ့ၣ်တဖၣ်ဒီးဂဲအဘၢၣ်စၢၤန့ၣ်လီၤ.
12 ဒီးဟံးန့ၢ်ဝဲလၢ ပှၤယဲၢ်ကထိဃၣ်ဃၣ်, ဒီးပာ်လီၤ အီၤဒ်သိးအကခိးခူသူၣ်လၢ ဘ့ၤသ့လးဒီး ဂဲအဘၢၣ် စၢၤလၢဝ့ၢ်လၢမုၢ်နုာ်တခီလီၤ.
13 ဒီးပာ်လီၤပှၤဂီၢ်မုၢ်, ပှၤသုးမုၢ်ခဲလၢာ်လၢ အအိၣ် လၢဝ့ၢ်လၢကလံၤစိးတခီ, ဒီးပှၤ ခိးခူသူၣ်တၢ်တဖၣ် လၢဝ့ၢ်လၢမုၢ်နုာ်တခီလီၤ. ဒီးစီၤယိၤရှူလဲၤဝဲလၢ မုၢ် နၤတနၤန့ၣ်လၢ ကစၢၢ်ကဆူးအသးကံၢ်ပူၤန့ၣ်လီၤ.
14 ဒီးတုၤဂဲအစီၤပၤထံၣ်ဘၣ်ဝဲဒီး, တၢ်မၤအသးလၢအ မၤချ့ချ့, ဒီးမုၢ်ဆ့ၣ်ထီၣ်န့ၣ်ဂဲၤဆၢထၢၣ်ဂီၤဂီၤ, ဒီးပှၤ ဝ့ၢ်ဖိဟးထီၣ် ဒ်သိးအကဒုးတၢ်ဒီးအံၣ်စရ့လး, တုၤ အသ့ၣ်အဆၢဖးအကတီၢ်ဘၣ်ဝဲ, အဝဲဒၣ်ဒီး အပှၤ ဂီၢ်မုၢ်ခဲလၢာ်လီၤ. ဘၣ်ဆၣ်ဒီးတသ့ၣ်ညါဘၣ်လၢပှၤ ခိးခူသူၣ်တဖၣ် လၢအထီဒါအီၤအိၣ်ဝဲလၢဝ့ၢ်အချၢဃံ ဘၣ်.
15 ဒီးစီၤယိၤရှူ, ဒီးအံၣ်စရ့လးခဲလၢာ် ပာ်အသးဒ်အ ဃၣ်လၢ အမဲာ်ညါအသိးန့ၣ်, ဒီးဃ့ၢ်ဝဲလၢ ပှၢ်မုၢ် ကနၢအကျဲတဘိလီၤ.
16 ဒီးတၢ်ကိးန့ၢ် ကယဲၢ်ပှၤအိၣ်လၢ ဂဲပူၤဒ်သိးအက လူၤတၢ်, ဒီးအဝဲသ့ၣ်လူၤစီၤယိၤရှူ, ဒီးဘၣ်တၢ်ထုးန့ၢ် အီၤလၢဝ့ၢ်ပူၤလီၤ.
17 ဒီးပှၤကညီလၢ အတဟးထီၣ် ပိာ်အံၣ်စရ့လးအခံတအိၣ်ဘၣ်လၢ ဂဲပူၤဒီးလၢဘ့ၤသ့ လးအပူၤနီတဂၤဘၣ်, ဒီးပာ်လီၤတဲာ်ဝ့ၢ်အိၣ်အိးထီၣ် အသး, ဒီးလူၤအံၣ်စရ့လးလီၤ.
18 ဒီးယွၤစံးဘၣ် စီၤယိၤရှူ, ယူာ်ထီၣ် ဘီလၢအအိၣ် လၢနစုပူၤတဘိဆူဂဲန့ၣ်တက့ၢ်. အဂ့ၢ်ဒ်အံၤ, ယက ဟ့ၣ်လီၤအီၤလၢနစုပူၤလီၤ. ဒီးစီၤယိၤရှူယူာ်ထီၣ်ဘီ လၢအစုပူၤတဘိန့ၣ်ဆူဝ့ၢ်န့ၣ်လီၤ.
19 ဒီးပှၤခိးခူသူၣ်တၢ်တဖၣ်ဂဲၤဆၢထၢၣ် ချ့ချ့လၢအ လီၢ်ပူၤ, ဒီးတုၤအဝဲဒၣ်ယူာ်ထီၣ်အစုဒီး, ဃ့ၢ်ဝဲ, ဒီး လဲၤနုာ်လၢဝ့ၢ်ပူၤဒီးမၤန့ၢ်ဝဲ, ဒီးဆူးထီၣ်ဝဲလၢမ့ၣ်အူ ချ့ချ့လီၤ.
20 ဒီးတုၤပှၤဂဲဖိဃၣ်အသးဆူအလီၢ်ခံ, ဒီး ကွၢ်တၢ်ဒီး, ကွၢ်ကွၢ်, ဝ့ၢ်အမ့ၣ်အူခုၣ်ထီၣ်ဆူမူခိၣ်,ဒီး အဝဲသ့ၣ်ဃ့ၢ်ဝဲ ဆူအံၤတခီဆူန့ၣ်တခီတသ့ဘၣ်, ဒီး ပှၤလၢအဃ့ၢ်တၢ်ဆူ ပှၢ်မုၢ်ကနၢတဖၣ်န့ၣ် ဃၣ်ကဒါ၂၁ က့ၤဝဲဆူပှၤလူၤအီၤအဖီခိၣ်လီၤ.-
21 ဒီးတုၤစီၤယိၤရှူ, ဒီး အံၣ်စရ့လးခဲလၢာ် ထံၣ်လၢပှၤခိးခူသူၣ်တၢ်တဖၣ်မၤ န့ၢ်တ့ၢ်ဝ့ၢ်ဒီးဝ့ၢ်အမ့ၣ်အူခုၣ်ထီၣ်ဝဲဒီး, ဃၣ်အသး, ဒီး မၤသံပှၤဂဲဖိလီၤ.
22 ဒီးအဝဲသ့ၣ်တဖၣ်န့ၣ် ဟးထီၣ်လၢ ဝ့ၢ်ပူၤထီဒါအီၤလီၤ. ဒီးအိၣ်ဝဲလၢ အံၣ်စရ့လးအသး ကံၢ်ပူၤ, အဝဲသ့ၣ်အိၣ်လၢအအံၤတခီ, ဒီးအဝဲသ့ၣ် အိၣ်လၢ အန့ၣ်တခီ, ဒီးကျီကွံာ်အီၤ တုၤပှၤတအိၣ် လီၤတဲာ်ဘၣ်, ဒီးတပူၤတဖျဲးဘၣ်နီတဂၤဘၣ်.
23 ဒီးဖီၣ်န့ၢ်ဂဲအစီၤပၤသမူဝဲ, ဒီးဟဲစိာ်အီၤဆူ စီၤယိၤ ရှူအအိၣ်လီၤ.
24 ဒီးတၢ်မၤအသးလၢ အံၣ်စရ့လးမၤသံပှၤဂဲဖိခဲလၢာ် လၢတၢ်ပျီပူၤ, လၢပှၢ်မုၢ်ကနၢဖဲအလူၤအီၤ, ဒီးတုၤအ လီၤဃံၤလၢနးအကနၣ်အဖီခိၣ်ခဲလၢာ်ဒီး, ပှၤအံၣ်စရ့ လးဖိက့ၤက့ၤဆူဂဲပူၤ, ဒီးကျီတၢ်လၢနးအကနၣ်လီၤ.
25 ဒီးပှၤလၢအလီၤဃံၤလၢမုၢ်တနံၤခဲလၢာ်ပိာ်မုၣ်ဂ့ၤဂ့ၤ, ပိာ်ခွါဂ့ၤဂ့ၤ, အိၣ်တကလးခံကထိ, ပှၤဂဲဖိပိာ်ခွါခဲ လၢာ်လီၤ.
26 အဂ့ၢ်ဒ်အံၤ, စီၤယိၤရှူတထုးကဒါက့ၤဘၣ်အစုလၢ အယူာ်ထီၣ်ဘီတဘိန့ၣ် တုၤအမၤဟးဂီၤကွံာ်ပှၤဂဲဖိခဲ လၢာ်လီၤ.
27 ထဲဆၣ်ဖိကီၢ်ဖိအဒၢ, ဒီးဝ့ၢ်အတၢ်ဖိတၢ်လံၤန့ၣ်အံၣ် စရ့လးဟံးန့ၢ်ဝဲလၢတၢ်ဂုာ်န့ၢ်လၢအဂီၢ်ဒၣ်ဝဲ, ဒ်ယွၤအ ကလုၢ်ကထါလၢအမၤလိာ်စီၤယိၤရှူအသိးန့ၣ်လီၤ.
28 ဒီးစီၤယိၤရှူဆူးထီၣ်ကွံာ်ဂဲလၢမ့ၣ်အူ, ဒီးပာ်အီၤလၢ တၢ်ပူအထူအယိာ်, တၢ်အိၣ်သယုၢ် တုၤမုၢ်မဆါတ နံၤအံၤလီၤ.
29 ဒီးဘျးထီၣ်ဂဲအစီၤပၤလၢ သ့ၣ်လိၤတုၤမုၢ်ဟါလီၤဒီး တုၤမုၢ်လီၤနုာ်ဒီး, စီၤယိၤရှူမၤလိာ်ဝဲလၢ ပှၤကဟံး လီၤအစိၣ်လၢသ့ၣ်လိၤ, ဒီးကွံာ်တ့ၢ်အီၤဆူဝ့ၢ် အပဲတ ရီအခီၣ်ထံး, ဒီးမၤထီၣ်ဖဲန့ၣ်လၢလၢၢ်တပူဖးဒိၣ်လီၤ. အိၣ်ဝဲတုၤ မုၢ်မဆါတနံၤအံၤလီၤ.
30 တုၤနုၤတစု စီၤယိၤရှူမၤထီၣ်တၢ်လုၢ်လီၢ်လၢ ယွၤအံၣ်စရ့လးအကစၢ်အဂီၢ်, လၢကစၢၢ် ဧ့ၤဘါလးအ လိၤ,
31 ဒ်ယွၤအခ့အပှၤစီၤမိၤရှ့မၤလိာ်ပှၤအံၣ်စရ့လးဖိ အသိးန့ၣ်, ဒ်တၢ်ကွဲးအသးလၢ စီၤမိၤရှ့အလံာ်တၢ် သိၣ်တၢ်သီအပူၤအသိးန့ၣ်, တၢ်လုၢ်လီၢ်လၢလၢၢ်ဒီ ဖျၢၣ်တဖၣ်, လၢပှၤတယူာ်ထီၣ်ဘၣ်ထးလၢ အလိၤ ဘၣ်, ဒီးလုၢ်တၢ်လုၢ်မ့ၣ်အူလၢယွၤအဂီၢ်လၢအဖီခိၣ်, ဒီးလုၢ်တၢ်လုၢ်မၤဃူမၤဖိးလီၤ.
32 ဒီးကွဲးဝဲလၢလၢၢ်အလိၤလၢ စီၤမိၤရှ့အတၢ်သိၣ်တၢ် သီလၢအကွဲးဝဲလၢ ပှၤအံၣ်စရ့လးဖိအမဲာ်ညါန့ၣ်လီၤ.
33 ဒီးအံၣ်စရ့လးခဲလၢာ်, ဒီးအပှၤသူၣ်က့သးပှၢ်,ဒီးအ ပှၤကွဲးလံာ်, ဒီးအပှၤစံၣ်ညီၣ်ကွီၢ်တဖၣ်န့ၣ်ဆၢထၢၣ် ဝဲလၢတလါအဃၢၤလၢအံၤတခီ, ဒီးလၢန့ၣ်တခီ,လၢ ပှၤလုၢ်တၢ်အဒိၣ်, ပှၤလ့ၤဝံဖိလၢ အစိာ်ယွၤအတၢ် အၢၣ်လီၤအတလါအမဲာ်ညါ, ပှၤတခီဘီမုၢ်ဖိမ့ၢ်ဂ့ၤဒီး ပှၤအိၣ်ဖျဲၣ်လၢအကျါမ့ၢ်ဂ့ၤ, ဒီးပှၤတဝာ်န့ၣ်အိၣ်ဝဲလၢ ကစၢၢ်ကရံးစံၣ်အမဲာ်ညါ, ဒီးပှၤအတဝာ်န့ၣ်အိၣ်ဝဲ လၢကစၢၤဧ့ၤဘါလးအမဲာ်ညါ, ဒ်ယွၤအခ့အပှၤ စီၤ မိၤရှ့မၤလိာ်တ့ၢ်လၢအခီၣ်ထံးအသိး, ဒ်သိးအကဆိၣ် ဂ့ၤအံၣ်စရ့လးအပှၤဂီၢ်မုၢ်လီၤ.
34 လၢခံက့ၤဒီးဖးဝဲ ကယဲၢ်တၢ်သိၣ် တၢ်သီအတၢ်က တိၤခဲလၢာ်, တၢ်ဆိၣ်ဂ့ၤတဖၣ်, ဒီးတၢ်ဆိၣ်အၢတ ဖၣ်ဒ်ကယဲၢ်တၢ်ကွဲးအသးလၢ လံာ်တၢ်သိၣ်တၢ်သီအ ပူၤအသိးန့ၣ်လီၤ.
35 တၢ်ကတိၤလၢစီၤမိၤရှ့မၤလိာ်ဝဲလၢ စီၤယိၤရှူတဖး ဘၣ်ဝဲလၢအံၣ်စရ့လးအတၢ်အိၣ်ဖှိၣ်အမဲာ်ညါ, အိၣ်ဒီး ပိာ်မုၣ်ပိာ်မၢၤ, ဒီးဖိဒံဖိသၣ်, ဒီးပှၤတခီဘီမုၢ်ဖိလၢအ လဲၤတၢ်လၢအကျါတဖၣ်, တအိၣ်ဘၣ်နီတထံၣ်ဘၣ်.