24
1 ဒီးစီၤယိၤရှူ ဒုးအိၣ်ဖှိၣ်ရိဖှိၣ် ကယဲၢ်အံၣ်စရ့လးအ ပှၤဒူၣ်တဖၣ်ဆူၡက့ၣ်, ဒီးကိးန့ၢ် အံၣ်စရ့လးအပှၤ သူၣ်က့သးပှၢ်, ဒီးအခိၣ်, ဒီးအပှၤစံၣ်ညီၣ်ကွီၢ်, ဒီးအ ပှၤကွဲးလံာ်သ့ၣ်တဖၣ်န့ၣ်, ဒီးအဝဲသ့ၣ်ပာ်လီၤအသး လၢယွၤအမဲာ်ညါလီၤ.
2 ဒီးစီၤယိၤရှူစံးဘၣ်ပှၤဂီၢ်မုၢ်န့ၣ်, ယွၤအံၣ်စရ့လးအက စၢ်စံးဒ်အံၤ, လၢပျၢၤလၢကစၢၤန့ၣ် သုပၢ်တဖၣ်အိၣ်ဝဲ ဆိးဝဲလၢထံမိၢ်ပှၢ်ဝၢ်ဘးခီ, စီၤအၤဘြၤဟၣ်အပၢ်, ဒီး စီၤနၤဃိၢ်အပၢ်စီၤတ့ရၤ, ဒီးမၤဝဲလၢကစၢ်အဂၤတဖၣ် အတၢ်လီၤ.
3 ဒီးယဟံးန့ၢ် သုပၢ်စီၤအၤဘြၤဟၣ်လၢ ထံမိၢ်ပှၢ်ဝၢ်ဘးခီ, ဒီးဒုးလဲၤအီၤလၢကီၢ်ကနၤဧၣ်ဒီကီၢ် ညါအပူၤ, ဒီးမၤအါထီၣ်အချံအသၣ်, ဒီးယဟ့ၣ်လီၤ အီၤလၢစီၤအံၤစဲးလီၤ.
4 ဒီးယဟ့ၣ်လီၤ စီၤအံၤစဲးန့ၣ် လၢစီၤယၤကိာ်ဒီး စီၤဧ့ၡီၤ, ဒီးယဟ့ၣ်လီၤစီၤဧ့ၡီၤန့ၣ် လၢကစၢၢ်စ့ဧၢ် လၢတၢ်န့ၢ်သါအဂီၢ်လီၤ. မ့မ့ၢ်စီၤယၤ ကိာ်, ဒီးအဖိအလံၤလဲၤလီၤဆူအဲၤကူပတူးအပူၤလီၤ.
5 ဒီးယမၢလီၤစီၤမိၤရှ့ဒီးစီၤအၤဟရိၣ်, ဒီးယတီၢ်ပှၤအဲၤ ကူပတူးဖိ, ဒ်တၢ်လၢယမၤလၢအကျါအသိးန့ၣ်, ဒီး လၢခံက့ၤဒီး ယဒုးဟးထီၣ်ကွံာ်သုလီၤ.
6 ဒီးယဒုး ဟးထီၣ်ကွံာ်သုပၢ်တဖၣ်လၢ အဲၤကူပတူးဖိပိာ်သုပၢ် တဖၣ်အခံအိၣ်ဒီးလ့ၣ်ကဟၣ်, ဒီးပှၤဒိးကသ့ၣ်ဆူပီၣ် လဲၣ်ဂီၤအပူၤလီၤ.
7 ဒီးတုၤအဝဲသ့ၣ် ကိးထီၣ်ယွၤဒီး, အဝဲဒၣ်ပာ်တၢ် ခံးလၢသုဘၢၣ်စၢၤ, ဒီးပှၤအဲၤကူပတူးဖိအဘၢၣ်စၢၤ, ဒီးဒုးဟဲပီၣ်လဲၣ်လၢအဖီခိၣ်, ဒီးလုၣ်ဘၢကွံာ်အီၤလီၤ. ဒီးတၢ်လၢယမၤလၢအဲၤကူပတူးအပူၤန့ၣ် သုမဲာ်ထံၣ် ဘၣ်လံ. ဒီးသုအိၣ်သုဆိးလၢပှၢ်မုၢ်ကနၢအါနံၤအါသီ လီၤ.
8 ဒီးယဒုးဟဲသုဆူ ပှၤအမိၢ်ဖိအကီၢ်ပူၤလၢ အအိၣ် ဝဲလၢယၢ်ဒ့ၣ်ဝၢ်ဘးခီ, ဒီးအဝဲသ့ၣ်တဖၣ်န့ၣ် ဒုးတၢ် ဒီးသု, ဒီးယဟ့ၣ်လီၤအီၤလၢသုစုပူၤ ဒ်သိးသုကမၤ န့ၢ်အကီၢ်, ဒီးယမၤဟးဂီၤအီၤလၢသုမဲာ်ညါလီၤ.
9 ဒီးစီၤစံးပိၢ်အဖိခွါစီးဘၤလး, မိၤအးအစီၤပၤန့ၣ် ဂဲၤဆၢထၢၣ်, ဒီးဒုးတၢ်ဒီးအံၣ်စရ့လး, ဒီးမၢပှၤလဲၤကိးန့ၢ်စီၤဘဧိၢ်အဖိခွါစီၤဘံးလၣ်ဒ်သိးအကဆိၣ်အၢ သုလီၤ.
10 ဒီးယပာ်ယသးလၢယတကနၣ်ဘၣ် စီၤ ဘံးလၣ်အကလုၢ်ဘၣ်. ဒီးအဝဲဒၣ်ဆိၣ်ဂ့ၤသုသပှၢ်ပှၢ် လီၤ. ဒီးယမၤပူၤဖျဲးသုလၢအစုပူၤလီၤ.
11 ဒီးသုခီဂာ်ယၢ်ဒ့ၣ်, ဒီးဟဲဆူယရံၤဃိ, ဒီးပှၤယရံၤ ဃိဖိဒုးတၢ်ဒီးသု, ပှၤအမိၢ်ဖိ, ဒီးပှၤပရးစၤဖိ, ဒီးပှၤကနၤ ဧၣ်ဖိ, ဒီးပှၤဃ့ၤသးဖိ, ဒီးပှၤကံၢ်ကၣ်ဖိ, ပှၤဃံၤဝံဖိ, ဒီးပှၤယဘူၣ်ဖိန့ၣ်, ဒီးယဟ့ၣ်လီၤအီၤလၢသုစုပူၤလီၤ.
12 ဒီးယမၢဖျၢဧိၤဖျါဧိၤလဲၤလၢ သုမဲာ်ညါလၢအဟီထီၣ် ကွံာ်အီၤလၢသုမဲာ်ညါ, ပှၤအမိၢ်ဖိအစီၤပၤ ခံဂၤလီၤ. လၢနနးနဘီ, လၢနချံၣ်နပျၢ် တမ့ၢ်ဘၣ်.
13 ဒီးယဟ့ၣ်လီၤလံသုလၢကီၢ်တဘ့ၣ်လၢ သုတမၤ ဘၣ်လၢအဂီၢ်ဘၣ်. ဒီးခူဧိၤဝ့ၢ်ဧိၤ လၢသုတတ့ဘၣ် အီၤတဖၣ်န့ၣ် သုအိၣ်သုဆိးလၢအပူၤလီၤ. စပံးမုၢ်အ လီၢ်, ဒီးသ့ၣ်စၤယံးအလီၢ်လၢ သုတသူၣ်ဘၣ်အီၤ တဖၣ်န့ၣ် သုအီၣ်တၢ်လၢအီၤလီၤ.
14 ဒီးခဲကနံၣ်အံၤပျံၤယွၤ, ဒီးမၤတၢ်လၢလၢပှဲၤပှဲၤ, တီ တီလိၤလိၤ, ဒီးသုးကွံာ်ကစၢ်တဖၣ် လၢသုပၢ်မၤအ တၢ်လၢထံမိၢ်ပှၢ်ဝၢ်ဘးခီ, ဒီးလၢအဲၤကူပတူးအပူၤ, ဒီး မၤယွၤအတၢ်တက့ၢ်.
15 ဒီးမ့မ့ၢ်တၢ်အၢလၢသုမဲာ် လၢသုကမၤယွၤအတၢ်ဒီး, ကစၢ်တဖၣ်လၢ သုပၢ်မၤအတၢ်လၢအအိၣ်လၢထံမိၢ်ပှၢ် ဝၢ်ဘးခီမ့ၢ်ဂ့ၤ, ပှၤအမိၢ်ဖိလၢသုအိၣ်သုဆိးလၢအကီၢ် ပူၤအကစၢ်တဖၣ်မ့ၢ်ဂ့ၤ, ဃုထၢလၢမုၢ်မဆါတနံၤအံၤ ပှၤလၢသုကမၤအတၢ်န့ၣ်တက့ၢ်. မ့မ့ၢ်ယဲဒၣ်အံၤ, ဒီး ယပှၤဟံၣ်ဖိ, ပကမၤယွၤအတၢ်လီၤ.
16 ဒီးပှၤဂီၢ်မုၢ်စံးဆၢတၢ်ဒီးစံးဝဲဒၣ်, မ်ပသုတလဲၤသဒၣ်ယွၤဒ်သိးပကမၤကစၢ်အဂၤတဖၣ်အတၢ်တဂ့ၤ.-
17 အဂ့ၢ်ဒ်အံၤ, ယွၤပကစၢ်မ့ၢ်ပှၤလၢအဒုးဟဲထီၣ်ပှၤ, ဒီး ပပၢ်တဖၣ်, လၢကီၢ်အဲၤကူပတူးအပူၤ, ဒီးလၢပှၤကုၢ် ဖိအဟံၣ်ပူၤ, ဒီးမၤတၢ်လီၤလးဖးဒိၣ်လၢပမဲာ်ညါ, ဒီး အံးလီၤကွၢ်လီၤပှၤလၢကျဲလၢပပိာ်အီၤဒီဘိညါ, ဒီးလၢ ကယဲၢ်ပှၤဂီၢ်မုၢ်အကျါ လၢပလဲၤခီဂာ်အီၤန့ၣ်လီၤ.
18 ဒီး ယွၤဟီထီၣ်ကွံာ် ပှၤဂီၢ်မုၢ်လၢပမဲာ်ညါ, ပှၤအမိၢ်ဖိလၢ အအိၣ်ဝဲလၢ ထံဧိၤကီၢ်ဧိၤအပူၤန့ၣ်လီၤ. ပဝဲဒၣ်ပကမၤ စ့ၢ်ကီးယွၤအတၢ်လီၤ. အဂ့ၢ်ဒ်အံၤ, အဝဲဒၣ်မ့ၢ်ပကစၢ် လီၤ.
19 ဒီးစီၤယိၤရှူစံးဘၣ်ပှၤဂီၢ်မုၢ်, သုမၤယွၤအတၢ်တကဲ ဘၣ်. အဂ့ၢ်ဒ်အံၤ, မ့ၢ်ကစၢ်အစီဆှံ, ကစၢ်အသးက့ၣ် တၢ်လီၤ. တပျၢ်ဘၣ်သုတၢ်ကမၣ်, ဒီးသုတၢ်ဒဲးဘး ဘၣ်.
20 သုမ့ၢ်လဲၤသဒၣ်ယွၤ, ဒီးမၤတခီဘီမုၢ်ဖိအက စၢ်တဖၣ်အတၢ်ဒီး, ကဃၣ်အသးဒီးမၤအၢသု, ဒီးလၢ အမၤဂ့ၤသုအလီၢ်ခံန့ၣ်ကမၤလၢာ်ကွံာ်သုလီၤ.
21 ဒီးပှၤဂီၢ်မုၢ်စံးဘၣ်စီၤယိၤရှူ တမ့ၢ်ဘၣ်, ပကမၤယွၤ အတၢ်လီၤ.
22 ဒီးစီၤယိၤရှူစံးဘၣ်ပှၤဂီၢ်မုၢ်, သုမ့ၢ်ပှၤအုၣ်အသးထီဒါ သုကစၢ်ဒၣ်သုဝဲလၢ သုဃုထၢလံယွၤသုကစၢ်ဒ်သိးသု ကမၤအတၢ်လီၤ. ဒီးစံးဝဲဒၣ်, ပမ့ၢ်ပှၤအုၣ်အသးလီၤ.
23 ဒီးခဲကနံၣ်အံၤ, သုကွံးတခီဘီမုၢ်ဖိအကစၢ်တဖၣ် လၢအအိၣ်လၢသုကျါ, ဒီးပာ်သုသးလၢယွၤအံၣ်စရ့ လးအကစၢ်အပူၤတက့ၢ်.
24 ဒီးပှၤဂီၢ်မုၢ်စံးဘၣ်စီၤယိၤရှူ, ယွၤပကစၢ်န့ၣ်ပကမၤ အတၢ်,ဒီးအကလုၢ်အကထါန့ၣ်ပကဒိကနၣ်လီၤ.
25 ဒီးတၢ်လၢမုၢ်တနံၤန့ၣ် စီၤယိၤရှူမၤတၢ်အၢၣ်လီၤအီ လီၤဒီးပှၤဂီၢ်မုၢ်,ဒီးပာ်လီၤတၢ်မၤလိာ်လၢအဂီၢ်, ဒီးတၢ် စံၣ်ညီၣ်လၢၡက့ၣ်အပူၤလီၤ.
26 ဒီးစီၤယိၤရှူကွဲး တၢ်ကတိၤတဖၣ်အံၤ လၢလံာ်ယွၤ သိၣ်တၢ်သီတၢ်အပူၤ, ဒီးဟံးန့ၢ်လၢၢ်ဖးဒိၣ်တဖျၢၣ်, ဒီး ပာ်အီၤထူၣ်ကလာ်ဖဲန့ၣ် လၢသ့ထိးဖၣ်တထံး အဖီ လာ်လၢအအိၣ်ဝဲလၢယွၤအလီၢ်စီဆှံအဃၢၤန့ၣ်လီၤ.
27 ဒီးစီၤယိၤရှူစံးဘၣ်ပှၤဂီၢ်မုၢ်ခဲလၢာ်, ကွၢ်ကွၢ်, လၢၢ်တ ဖျၢၣ်အံၤကကဲထီၣ်တၢ်အုၣ်အသးလၢပဂီၢ်လီၤ. အဂ့ၢ်ဒ် အံၤ, နၢ်ဟူဝဲကယဲၢ်ယွၤအတၢ်ကတိၤလၢအကတိၤတၢ် ဒီးပှၤလီၤ. ဒီးကကဲထီၣ်ဝဲလၢတၢ်အုၣ်အသးလၢသုဂီၢ် ဒ်သိးသုသုတသမၢသုကစၢ်တဂ့ၤလီၤ.
28 ဒီးစီၤယိၤရှူပျၢ်ပှၤဂီၢ်မုၢ်တဂၤဆူအတၢ်န့ၢ်သါ, တဂၤ ဆူအတၢ်န့ၢ်သါစုာ်စုာ်လီၤ.
29 ဒီးတၢ်တဖၣ်န့ၣ်အလီၢ်ခံ ယွၤအခ့အပှၤစီၤနိၣ်အဖိခွါ စီၤယိၤရှူအသးပှၢ်အနံၣ်တကယၤတဆံ,ဒီးသံဝဲလီၤ.
30 ဒီးပှၤခူၣ်လီၤကွံာ်အီၤလၢ အတၢ်န့ၢ်သါအဃၢၤလၢ တံမနးစ့ရၤ လၢအအိၣ်လၢကစၢၢ်အ့ဖရဲၣ်အလိၤ လၢ ကစၢၢ်ကၤဧၣ်လၢကလံၤစိးတခီလီၤ.
31 ဒီးအံၣ်စရ့လးမၤယွၤအတၢ်လၢ စီၤယိၤရှူအမုၢ်နံၤအ ပူၤခဲလၢာ်, ဒီးလၢပှၤသူၣ်က့သးပှၢ်လၢအမူဒံး လၢစီၤ ယိၤရှူအလီၢ်ခံ, ဒီးသ့ၣ်ညါယွၤအမၤတၢ်ခဲလၢာ်, လၢ အမၤတ့ၢ်လၢအံၣ်စရ့လးအဂီၢ်တဖၣ် အမုၢ်နံၤခဲလၢာ် န့ၣ်လီၤ.
32 ဒီးစီၤယိၤသးအဃံလၢ ပှၤအံၣ်စရ့လးဖိ ဟဲစိာ်လၢ အဲၤကူပတူးအပူၤန့ၣ် ပှၤခူၣ်လီၤကွံာ်ဝဲလၢ ရှက့ၣ်အ ပူၤလၢဟီၣ်ခိၣ်တကဝီၤအပူၤ လၢစီၤယၤကိာ်ပှ့ၤဝဲလၢ စီၤၡက့ၣ်အပၢ်စီၤဃမိၢ်အဖိခွါတဖၣ် လၢစ့တကယၤ လီၤ. ဒီးကဲထီၣ်ဝဲလၢစီၤယိၤသးအဖိအတၢ်န့ၢ်သါလီၤ.
33 ဒီးစီၤအၤဟရိၣ်အဖိခွါ စီၤအလၤဧစၢ်န့ၣ်သံဝဲ, ဒီးပှၤ ခူၣ်လီၤကွံာ်အီၤလၢ ကစၢၢ်တဖျၢၣ်အလိၤ လၢအဘၣ် ဃးဒီးအဖိခွါစီၤဖံၤနဃၣ် လၢပှၤဟ့ၣ်လီၤအီၤလၢ က စၢၢ်အ့ဖရဲၣ်အလိၤန့ၣ်လီၤ.