14
1 ဒီးအဝဲအံၤမ့ၢ်တၢ်လၢ ပှၤအံၣ်စရ့လးဖိ န့ၢ်သါလၢ ကီၢ်ကနၤဧၣ်အပူၤ, လၢပှၤလုၢ်တၢ်အဒိၣ် စီၤအလၤဧ စၢ်, ဒီးစီၤနိၣ်အဖိခွါစီၤယိၤရှူ, ဒီးပှၤအံၣ်စရ့လးဖိအဒူၣ် တဖၣ်အပၢ်အခိၣ်တဖၣ်, ဟ့ၣ်နီၤဖးန့ၢ်အီၤလၢတၢ်န့ၢ် သါအဂီၢ်လီၤ.
2 ဖးတၢ်သတးဒီး, န့ၢ်ဘၣ်အတၢ်န့ၢ်သါ ဒ်ယွၤမၤလိာ်လၢ စီၤမိၤရှ့အစုပူၤအသိး, လၢပှၤခွံဒူၣ်, ဒီးတခီဒူၣ်အဂီၢ်လီၤ.
3 အဂ့ၢ်ဒ်အံၤ, စီၤမိၤရှ့ဟ့ၣ်တ့ၢ်ပှၤခံဒူၣ်ဒီး တခီဒူၣ်အ တၢ်န့ၢ်သါလၢ ယၢ်ဒ့ၣ်ဝၢ်ဘးခီလီၤ. မ့မ့ၢ်လၢပှၤလ့ၤ ဝံဖိန့ၣ်တဟ့ၣ်ဘၣ်လၢတၢ်န့ၢ်သါလၢအကျါဘၣ်.
4 အဂ့ၢ်ဒ်အံၤ, စီၤယိၤသးအဖိမ့ၢ် ပှၤခံဒူၣ်,မနၤရှ့ၤဒီး အ့ဖရဲၣ်လီၤ. ဒီးတဟ့ၣ်လီၤဘၣ်တၢ်အဂီၢ်လၢပှၤလ့ၤဝံဖိ လၢထံဧိၤကီၢ်ဧိၤအပူၤဘၣ်, ဟ့ၣ်ထဲဝ့ၢ်တဖၣ်လၢအက အိၣ်ကဆိးလၢအပူၤ, ဒီးတၢ်အီၣ်ဆၣ်အလီၢ် ဝးတရံး အီၤလၢအဆၣ်ဖိကီၢ်ဖိအဒၢအဂီၢ်, ဒီးလၢအတၢ်ဖိတၢ် လံၤအဂီၢ်လီၤ.
5 ဒ်ယွၤမၤလိာ်စီၤမိၤရှ့အသိးန့ၣ်, ပှၤအံၣ်စရ့လးဖိမၤဝဲ ဒ်န့ၣ်သိး, ဒီးနီၤဖးထံဧိၤကီၢ်ဧိၤအဆၢန့ၣ်လီၤ.
6 ဒီးပှၤယူဒၤဖိဟဲဆူစီၤယိၤရှူအအိၣ် လၢကံးလကၤလး အပူၤ, ဒီးပှၤကနးဖိ, စီၤယဖူန့ၤအဖိခွါစီၤကၤလ့းစံးဘၣ် အီၤ, တၢ်လၢယွၤစံးဘၣ်ယွၤအခ့အပှၤစီၤမိၤရှ့လၢယဂ့ၢ် ယကျိၤ, ဒီးနဂ့ၢ်နကျိၤလၢကၤဒ့ၣ်ဘၢ်န့အပူၤန့ၣ်, နသ့ၣ် ညါလီၤ.
7 လၢယွၤအခ့အပှၤစီၤမိၤရှ့မၢလီၤယၤလၢကၤ ဒ့ၣ်ဘၢ်န့ ဒ်သိးယကကွၢ်ဟုၣ် ထံဧိၤကီၢ်ဧိၤန့ၣ်ယသး ပှၢ်အနံၣ်လွံၢ်ဆံ, ဒီးယဟဲစိာ်အီၤလၢတၢ်ကတိၤလၢအ အိၣ်လၢယသးကံၢ်ပူၤန့ၣ်လီၤ.
8 ဒီးယဒီပုၢ်ဝဲၢ်လၢအလဲၤ ထီၣ်ဒီးယၤတဖၣ်န့ၣ်မၤပှံၢ်လီၤပှၤဂီၢ်မုၢ်အသးလီၤ. မ့မ့ၢ် ယဲဒၣ်အံၤယပိာ်ယွၤယကစၢ်အကျဲ လၢလၢပှဲၤပှဲၤလီၤ-
9 ဒီးတၢ်လၢမုၢ်တနံၤန့ၣ် စီၤမိၤရှ့ဆိၣ်တၢ် ဒီးစံးဝဲဒၣ်, မ့ၢ်မးကီၢ်လၢနယီၢ်လီၤအီၤကကဲထီၣ်နတၢ်န့ၢ်သါ, ဒီး နဖိအတၢ်လီၤထူလီၤယိာ်လီၤ. အဂ့ၢ်ဒ်အံၤ, နပိာ်ယွၤ ယကစၢ်အကျဲလၢလၢပှဲၤပှဲၤလံလီၤ. ဒီးခဲကနံၣ်အံၤကွၢ်ကွၢ်, ယွၤဒုးမူဒံးယၤ, ဒ်အစံးဝဲ အသိးန့ၣ်လွံၢ်ဆံယဲၢ်နံၣ်အံၤ, လၢယွၤကတိၤတၢ်ကတိၤ တထံၣ်ဒီးစီၤမိၤရှ့လံၤလံၤ, လၢပှၤအံၣ်စရ့လးဖိဟးဝ့ၤ ဝီၤလၢပှၢ်မုၢ်ကနၢအဖၢမုၢ်န့ၣ်လီၤ. ဒီးခဲကနံၣ်အံၤကွၢ် ကွၢ်, တၢ်လၢမုၢ်မဆါတနံၤအံၤယသးပှၢ်တ့ၢ်ဃိးဆံယဲၢ်၁၁ နံၣ်လံ,
10 ဒီးခဲကနံၣ်အံၤကွၢ်ကွၢ်, ယွၤဒုးမူဒံးယၤ, ဒ်အစံးဝဲအသိးန့ၣ်လွံၢ်ဆံယဲၢ်နံၣ်အံၤ,လၢယွၤကတိၤတၢ်ကတိၤတထံၣ်ဒီးစီၤမိၤရှ့လံၤလံၤ, လၢပှၤအံၣ်စရ့လးဖိဟးဝ့ၤဝီၤလၢပှၢ်မုၢ်ကနၢအဖၢမုၢ်န့ၣ်လီၤ. ဒီးခဲကနံၣ်အံၤကွၢ်ကွၢ်,တၢ်လၢမုၢ်မဆါတနံၤအံၤယသးပှၢ်တ့ၢ်ဃိးဆံယဲၢ် နံၣ်လံ.
11 ဘၣ်ဆၣ်ဒီးယဂံၢ်ဆူၣ်ယဘါဆူၣ်လၢမုၢ်မဆါ တနံၤအံၤ, ဒ်မုၢ်တနံၤလၢစီၤမိၤရှ့မၢလီၤယၤအသိးန့ၣ်,ဒ် ယဂံၢ်ယဘါအိၣ်အကတီၢ်ဖဲန့ၣ် ယဂံၢ်ယဘါအိၣ်ဝဲခဲ ကနံၣ်အံၤ ဒ်န့ၣ်သိးလၢတၢ်ဒုးသုးအဂီၢ်, ဒီးလၢဟးထီၣ်အဂီၢ်, ဒီးလၢဟဲနုာ်အဂီၢ်န့ၣ်လီၤ.-
12 ဒီးခဲကနံၣ်အံၤ ဟ့ၣ်လီၤယၤလၢကစၢၢ်တဖျၢၣ်န့ၣ် လၢယွၤကတိၤတၢ် လၢအဂ့ၢ်အကျိၤလၢမုၢ်တနံၤန့ၣ်တက့ၢ်. အဂ့ၢ်ဒ်အံၤ, န နၢ်ဟူလၢမုၢ်တနံၤန့ၣ် လၢပှၤဧနးဖိအိၣ်ဖဲန့ၣ်, ဒီးဝ့ၢ်တ ဖၣ်န့ၣ်ဒိၣ်ဝဲ, ဒီးအိၣ်ဒီးအခိၣ်ဒူန့ၣ်လီၤ. ယွၤမ့ၢ်အိၣ်ဒီး ယၤဒီး, ယကဟီထီၣ်ကွံာ်အီၤဒ်ယွၤစံးဝဲအသိးန့ၣ်လီၤ.
13 ဒီးစီၤယိၤရှူဆိၣ်ဂ့ၤအီၤ, ဒီးဟ့ၣ်လီၤပှၤကနးဖိ, စီၤယ ဖူန့ၤအဖိခွါစီၤကၤလ့း လၢဃ့ဘြိၣ်လၢ အတၢ်န့ၢ်သါ န့ၣ်လီၤ.
14 မၤသးဒ်န့ၣ်ဒီးဃ့ဘြိၣ်ကဲထီၣ် ပှၤကနးဖိစီၤယဖူန့ၤ အဖိခွါစီၤကၤလ့းအတၢ်န့ၢ်သါ တုၤမုၢ်မဆါတနံၤအံၤ လီၤ. အဂ့ၢ်ဒ်အံၤ, ပိာ်ယွၤအံၣ်စရ့လးအကစၢ်အကျဲ လၢလၢပှဲၤပှဲၤလီၤ.
15 ဒီးလၢအခီၣ်ထံးန့ၣ်ဃ့ဘြိၣ် အမံၤမ့ၢ်စီၤအၢ်ဘၤအဝ့ၢ် လီၤ. အဝဲဒၣ်န့ၣ်မ့ၢ်ပဒိၣ်တဂၤလၢပှၤဧနးဖိအကျါလီၤ. ဒီးထံဧိၤကီၢ်ဧိၤန့ၣ် အိၣ်ဘှံးဝဲလၢ တၢ်ဒုးသုးန့ၣ်လီၤ.