7
1 လၢတၢ်န့ၣ်တဖၣ်အလီၢ်ခံဒီး, ယ့ၣ်ရှူးဟးဝ့ၤဝီၤဝဲလၢ ကၤလံၤလါလီၤ. အဂ့ၢ်ဒ်အံၤ, တၢ်တမိၣ်ဟးဝ့ၤဝီၤဘၣ် အသးလၢကီၢ်ယူဒၤဘၣ်. အဂ့ၢ်ဒ်အံၤ, ပှၤယူဒၤဖိဃုမၤ သံအီၤလီၤ.ဒီးပှၤယူဒၤဖိ အဘူၣ်ဒဲန့ၣ် အိၣ်ဘူးတ့ၢ်လီၤ.
2-3 မၤ သးဒ်န့ၣ်ဒီးအဒီပုၢ်ဝဲၢ်သ့ၣ်တဖၣ်စံးဘၣ်အီၤ, ဒ်သိးနပျဲၢ် နဘီၣ်ကထံၣ်ဘၣ် နတၢ်မၤလၢနမၤတဖၣ်န့ၣ်ဒီး, ဟး ထီၣ်ဖဲအံၤဒီးလဲၤဆူကီၢ်ယူဒၤတက့ၢ်.
4 အဂ့ၢ်ဒ်အံၤ, ပှၤ မ့ၢ်ဃုအိၣ်ဖျါအကစၢ်ဒၣ်ဝဲဒီး, တမၤဘၣ်တၢ်လၢတၢ်ခူ သူၣ်နီတမံၤဘၣ်. တၢ်န့ၣ်တဖၣ်နမ့ၢ်မၤဒီး, မၤဖျါထီၣ် နသးလၢဟီၣ်ခိၣ်တက့ၢ်.
5 အဂ့ၢ်ဒ်အံၤ, အဒီပုၢ်ဝဲၢ်သ့ၣ် တဖၣ်န့ၣ် တနာ်စ့ၢ်ကီးဘၣ်အီၤဘၣ်.
6 မၤသးဒ်န့ၣ်ဒီး ယ့ၣ်ရှူးစံးဘၣ်အီၤ, ယမုၢ်ယလါတဘၣ်ဒံးဘၣ်. မ့မ့ၢ် သုမုၢ်သုလါဘၣ်ထီဘိဒၣ်တၢ်လီၤ.
7 ဟီၣ်ခိၣ်သးဟ့သု တသ့ဘၣ်. မ့မ့ၢ်သးဟ့ယၤလီၤ. အဂ့ၢ်ဒ်အံၤ, ယအုၣ် ယသးလၢအတၢ်မၤန့ၣ်မ့ၢ်အအၢအသီလီၤ.
8 လဲၤထီၣ် သုဝဲဆူဘူၣ်ပူၤတက့ၢ်. ယဲဒၣ်အံၤယတလဲၤထီၣ်ဒံးဘၣ် ဆူဘူၣ်တဘူၣ်အံၤဘၣ်. အဂ့ၢ်ဒ်အံၤ, ယမုၢ်ယလါတ ဘၣ်ဒံးဘၣ်လီၤ. စံးဘၣ်တၢ်န့ၣ်တဖၣ်, ဒီးအိၣ်ဝဲလၢကၤလံၤလါလီၤ.
9 9
10 ဘၣ်ဆၣ်ဒီးတုၤအဒီပုၢ်ဝဲၢ်တဖၣ် လဲၤထီၣ်ဝဲဝံၤဒီးအဝဲဒၣ် လဲၤထီၣ်စ့ၢ်ကီးဆူဘူၣ်ပူၤ, တမ့ၢ်ဘၣ်လၢ တၢ်အိၣ်ဖျါ ဘၣ်, မ့ၢ်ဒ်လၢတၢ်ခူသူၣ်အသိးလီၤ.
11 မၤသးဒ်န့ၣ်ဒီး ပှၤယူဒၤဖိတဖၣ်ဃုအီၤလၢဘူၣ်ပူၤ ဒီး စံးဝဲဒၣ်, မ့ၢ်အအိၣ်ဖဲလဲၣ်ပူၤလဲၣ်.
12 ဒီးပှၤဂီၢ်မုၢ်ကဒူးက ဒ့ၣ်တၢ်အါအါကလဲာ် လၢအဂ့ၢ်အကျိၤလီၤ. ပှၤတနီၤ နီၤစံးဝဲလၢအမ့ၢ် ပှၤအဂ့ၤလီၤ. အဂၤတနီၤနီၤစံးဝဲဒၣ်, တမ့ၢ်ဘၣ်. မ့ၢ်ပှၤလၢအလီန့ၢ်ပှၤဂီၢ်မုၢ်လီၤ.
13 ဘၣ်ဆၣ် ဒီးမ့ၢ်အပျံၤပှၤယူဒၤဖိဒီး, ကတိၤဖျါတၢ်လၢအဂ့ၢ်အကျိၤ တဘူၣ်ဘၣ်နီတဂၤဘၣ်.
14 ဒီးတၢ်မၤဘူၣ်အကတီၢ်ဖးဖီန့ၣ်ဒီး, ယ့ၣ်ရှူးလဲၤထီၣ် ဆူတၢ်လုၢ်အဟံၣ်ပူၤ, ဒီးသိၣ်က့ၤသီက့ၤတၢ်လီၤ.
15 ဒီး ပှၤယူဒၤဖိတဖၣ်ကမၢကမၣ်ဒီးစံးဝဲဒၣ်, အဝဲဒၣ်အံၤတ မၤလိဘၣ်တၢ်ဘၣ်ဒီးမ့ၢ်အသ့ၣ်ညါလံာ်ဒ်လဲၣ်.
16 မၤသး ဒ်န့ၣ်ဒီးယ့ၣ်ရှူးကတိၤဆၢအီၤဒီးစံးဝဲဒၣ်,ယတၢ်သိၣ်တၢ် သီအံၤ, တမ့ၢ်ဘၣ်ယတၢ်ဒၣ်ယဲဘၣ်. မ့ၢ်ပှၤလၢအမၢ လီၤယၤတဂၤအတၢ်လီၤ.
17 တၢ်သိၣ်တၢ်သီအံၤမ့ၢ်အဘၣ် ဃးဒီးယွၤ, မ့ၢ်ယကတိၤဒၣ်ယဲလဲၣ်န့ၣ်, ပှၤအသးမ့ၢ် အိၣ်လၢအကမၤဖဲဒၣ်ယွၤအသးတဂၤဂၤဒီး, ကသ့ၣ်ညါ ဝဲလီၤ.
18 ပှၤလၢအကတိၤတၢ်လၢအဂ့ၢ်အကျိၤဒၣ်ဝဲန့ၣ်, မ့ၢ်အဃုအလၤအကပီၤဒၣ်ဝဲလီၤ. မ့မ့ၢ်ပှၤလၢအဃုပှၤ လၢအမၢလီၤအီၤအလၤအကပီၤတဂၤန့ၣ်, မ့ၢ်ပှၤအတီ, ဒီးတၢ်တတီတလိၤဘၣ်တအိၣ်ဘၣ်လၢအပူၤဘၣ်.
19 စီၤမိၤရှ့ဟ့ၣ်သုလၢတၢ်သိၣ်တၢ်သီ, တမ့ၢ်ဘၣ်ဧါ. ဒီး သုတမၤဘၣ်တၢ်သိၣ်တၢ်သီနီတဂၤဘၣ်. ဘၣ်မနုၤလၢ သုဃုမၤသံယၤလဲၣ်.
20 ဒီးပှၤဂီၢ်မုၢ်ကတိၤဆၢတၢ်ဒီးစံးဝဲ ဒၣ်, တၢ်နါအိၣ်လၢနလိၤလီၤ. မ့ၢ်မတၤဃုမၤသံနၤတ ဂၤလဲၣ်.
21 ဒီးယ့ၣ်ရှူးကတိၤဆၢတၢ်ဒီးစံးဘၣ်အီၤ, ယမၤ လံတၢ်မၤတမံၤ, ဒီးသုကမၢကမၣ်ခဲလၢာ်လီၤ.
22 မ်ဒ်န့ၣ် ဒီး, စီၤမိၤရှ့ဟ့ၣ်လံသုလၢတၢ်ကူးတရံးလံ. တမ့ၢ်ဘၣ် လၢအဘၣ်ဃးဒီးစီၤမိၤရှ့, မ့ၢ်အဘၣ်ဃးဒီးပၢ်သ့ၣ်တဖၣ် လီၤ. ဒီးလၢမုၢ်အိၣ်ဘှံးအနံၤန့ၣ် သုကူးတရံးပှၤကညီ လီၤ.
23 ဒ်သိးတၢ်သုတလုၣ်သ့ၣ်ခါပတာ်စီၤမိၤရှ့အတၢ် မၤလိာ်တဂ့ၤဒီး, ပှၤမ့ၢ်ဒိးတၢ်ကူးတရံးလၢအိၣ်ဘှံးအနံၤ ဒီး, ယဲဒၣ်အံၤ, လၢယမၤဘျါက့ၤပှၤဒီဂၤညါလၢအိၣ်ဘှံး အနံၤဒီး, သုသးဒိၣ်ထီၣ်ယၤဧါ.
24 သုတစံၣ်ညီၣ်တၢ်ဒ် သုမဲာ်ထံၣ်တၢ်အသိးတဂ့ၤ. စံၣ်ညီၣ်တၢ်တီတီတက့ၢ်.
25 မၤသးဒ်န့ၣ်ဒီး, ပှၤလၢယရူၤၡလ့ၣ်တနီၤနီၤစံးဝဲဒၣ်, အဝဲဒၣ်အံၤမ့ၢ်ပှၤလၢအဝဲသ့ၣ်ဃုမၤသံအီၤ, တမ့ၢ်ဘၣ် ဧါ.
26 ဒီးကွၢ်ကွၢ်, ကတိၤတၢ်ခူတလ့ၢ်, ဒီးပှၤတစံးဘၣ် အီၤနီတမံၤဘၣ်. လၢအဝဲဒၣ်အံၤမ့ၢ်ခရံာ်န့ၣ်, ပဒိၣ်ပပှၢ် မ့ၢ်အသ့ၣ်ညါသပှၢ်တၢၢ်ဧါ.
27 ဘၣ်ဆၣ်ဒီးအဝဲဒၣ်အံၤ အိၣ်ထီၣ်လၢလဲၣ်လၢလဲၣ်န့ၣ်, ပသ့ၣ်ညါလီၤ. မ့မ့ၢ်တုၤ ခရံာ်ဟဲဝဲဒီး, မ့ၢ်အအိၣ်ထီၣ်လၢလဲၣ်လၢလဲၣ်န့ၣ်, ပှၤ တသ့ၣ်ညါဘၣ်နီတဂၤဘၣ်.
28 မၤသးဒ်န့ၣ်ဒီး ယ့ၣ်ရှူးသိၣ်က့ၤသီက့ၤတၢ်လၢတၢ်လုၢ် အဟံၣ်ပူၤအဖၢမုၢ်ဒီး, ကိးပသူထီၣ်ဒီးစံးဝဲဒၣ်, သုသ့ၣ် ညါယၤ, ဒီးယအိၣ်ထီၣ်လၢလဲၣ်လၢလဲၣ်န့ၣ်, သုသ့ၣ် ညါစ့ၢ်ကီးလီၤ. ဒီးယတဟဲဘၣ်ဖဲဒၣ်ယသးဒၣ်ယဲဘၣ်. မ့မ့ၢ်ပှၤလၢအမၢလီၤယၤမ့ၢ်အမ့ၢ်အတီလီၤ. ဒီးသုတသ့ၣ် ညါဘၣ်အီၤဘၣ်.
29 ယဲဒၣ်အံၤယသ့ၣ်ညါအီၤ, အဂ့ၢ်ဒ် အံၤ, ယဟဲလၢအအိၣ်, ဒီးအဝဲဒၣ်မၢလီၤယၤလီၤ.
30 မၤ သးဒ်န့ၣ်ဒီး, ပှၤဃုဟံးဃာ်အီၤလီၤ. ဒီးပှၤတပာ်ဘၣ်အ စုလၢအလိၤနီတဂၤဘၣ်. အဂ့ၢ်ဒ်အံၤ, အဆၢအကတီၢ် တဘၣ်ဒံးဘၣ်.
31 ဒီးပှၤအိၣ်လၢပှၤဂီၢ်မုၢ်အကျါ စူၢ်က့ၤနာ်က့ၤအီၤအါ ဂၤ, ဒီးစံးဝဲဒၣ်, တုၤခရံာ်ဟဲဝဲဒီး, မ့ၢ်အကမၤတၢ်လီၤ လးအါန့ၢ်အဝဲတဂၤအံၤမၤတၢ်တက့ၢ်ဧါ.
32 ဒီးပှၤဖၤရံၤၡဲ တဖၣ်နၢ်ဟူလၢ ပှၤဂီၢ်မုၢ်ကဒူးကဒ့ၣ်တၢ်န့ၣ်တဖၣ်လၢ အဂ့ၢ်, ဒီးပှၤဖၤရံၤၡဲဒီးပှၤလုၢ်တၢ်အဒိၣ်တဖၣ်န့ၣ်မၢအခ့ အပှၤလဲၤဟံးဃာ်အီၤလီၤ.
33 မၤသးဒ်န့ၣ်ဒီးယ့ၣ်ရှူးစံးဝဲ ဒၣ်, ယအိၣ်ဒံးဒီးသုတစိၢ်ဖိ, ဒီးယကက့ၤထီၣ်ဆူပှၤလၢ အမၢလီၤယၤတဂၤအအိၣ်လီၤ.
34 သုကဃုယၤ, ဒီးသု တထံၣ်န့ၢ်ဘၣ်လီၤ. ဒီးဖဲယအိၣ်အလီၢ်န့ၣ်, သုဟဲတသ့, ဘၣ်.
35 မၤသးဒ်န့ၣ်ဒီးပှၤယူဒၤဖိတဖၣ်ကတိၤလိာ်အသး ဒီးစံးဝဲဒၣ်, ဒ်သိးပသုတထံၣ်န့ၢ်အီၤတဂ့ၤဒီး, မ့ၢ်အက လဲၤဆူလဲၣ်. မ့ၢ်အကလဲၤဆူပှၤလီၤပြံလီၤပြါလၢပှၤဟ့း လ့ၣ်ဖိအကျါအအိၣ်, ဒီးသိၣ်က့ၤသီက့ၤ ပှၤဟ့းလ့ၣ်ဖိ ဧါ.
36 တၢ်ကတိၤအံၤလၢအစံးဝဲဒၣ်, သုကဃုယၤ, ဒီးသု တထံၣ်န့ၢ်ဘၣ်, ဒီးဖဲယအိၣ်အလီၢ်န့ၣ်, သုဟဲတသ့ ဘၣ်, မ့ၢ်တၢ်ကတိၤမနုၤလဲၣ်.
37 ဒီးလၢ ဘူၣ်အကတၢၢ်တနံၤဖးဒိၣ်န့ၣ်, ယ့ၣ်ရှူးဆၢ ထၢၣ်, ဒီးကိးပသူထီၣ်ဒီးစံးဝဲဒၣ်, ပှၤမ့ၢ်သူအသးလၢ ထံတဂၤဂၤန့ၣ်, မ်အဟဲဆူယအိၣ်ဒီးအီတၢ်တက့ၢ်.
38 ဒ် တၢ်ကွဲးအသး စံးဝဲအသိးန့ၣ်, ပှၤလၢအစူၢ်က့ၤနာ်က့ၤ ယၤအံၤ, ထံကျိမူတဖၣ်ကယွၤလီၤလၢအဟၢဖၢပူၤလီၤ.-
39 ဘၣ်ဆၣ်ဒီးစံးတၢ်န့ၣ်, မ့ၢ်လၢသး, လၢပှၤစူၢ်က့ၤနာ်က့ၤ အီၤကဒိးန့ၢ်ဝဲအဂ့ၢ်အကျိၤလီၤ. အဂ့ၢ်ဒ်အံၤ, တၢ်တဟ့ၣ် လီၤဒံးဘၣ်သးစီဆှံဘၣ်. အဂ့ၢ်ဒ်အံၤ, ယ့ၣ်ရှူးတဘၣ် ဒံးဘၣ်အလၤကပီၤဘၣ်.
40 မၤသးဒ်န့ၣ်ဒီး လၢပှၤဂီၢ်မုၢ်အကျါပှၤအါဂၤနၢ်ဟူအ ကလုၢ်အကထါ, ဒီးစံးဝဲဒၣ်, အဝဲဒၣ်အံၤမ့ၢ်မးဝံတဂၤ န့ၣ်နီၢ်နီၢ်လီၤ.
41 အဂၤတနီၤနီၤစံးဝဲဒၣ်, အဝဲဒၣ်အံၤမ့ၢ် ခရံာ်န့ၣ်လီၤ. မ့မ့ၢ်အဂၤတနီၤနီၤစံးဝဲဒၣ်, ခရံာ်န့ၣ်မ့ၢ် အဟဲလၢကၤလံၤလါဧါ.
42 လံာ်စံးဝဲလၢခရံာ်ဟဲလၢစီၤ ဒၤဝံးအချံအသၣ်ဒီးလၢစီၤဒၤဝံးအလီၢ်, သဝီဘ့ၤသလ့ ဃ့ၣ်, တမ့ၢ်ဘၣ်ဧါ.
43 မၤသးဒ်န့ၣ်ဒီး, ပှၤဂီၢ်မုၢ်တဖၣ် မၤအသးဖုၣ်ထံၣ်ဖုၣ်ထီလၢအဂ့ၢ်အကျိၤလီၤ.
44 ဒီးပှၤလၢ အကျါတနီၤနီၤ တၢ်မိၣ်ဟံးဃာ်အသးလၢအီၤဘၣ်ဆၣ် ဒီး, တပာ်ဘၣ်အစုလၢအလိၤနီတဂၤဘၣ်.
45 မၤသးဒ်န့ၣ်ဒီးအခ့အပှၤတဖၣ်န့ၣ် က့ၤဆူပှၤလုၢ်တၢ်အဒိၣ်ဒီး ပှၤဖၤရံၤၡဲတဖၣ်အအိၣ်လီၤ. ဒီးအဝဲသ့ၣ်စံးဘၣ်အီၤ, ဘၣ်မနုၤလၢ သုတဟဲက့ၤမိၤဘၣ်အီၤလဲၣ်.-
46 ဒီးအခ့အပှၤတဖၣ်ကတိၤဆၢဝဲ, ဒ်ပှၤတဂၤအံၤကတိၤ တၢ်အသိးန့ၣ်, ပှၤကညီတကတိၤဘၣ်နီတဂၤနီတခီၣ် ဘၣ်.
47 မၤသးဒ်န့ၣ်ဒီးပှၤဖၤရံၤၡဲကတိၤဆၢအီၤ, မ့ၢ်သု ဘၣ်တၢ်လီန့ၢ်သုစ့ၢ်ကီးဧါ.
48 ပဒိၣ်ပပှၢ်မ့ၢ်ဂ့ၤ, ပှၤဖၤရံၤၡဲ မ့ၢ်ဂ့ၤ, မ့ၢ်အနာ်အီၤတဂၤဂၤဧါ.
49 မ့မ့ၢ်ပှၤဂီၢ်မုၢ်အံၤလၢ အတသ့ၣ်ညါဘၣ်တၢ်သိၣ်တၢ်သီန့ၣ် ဘၣ်တၢ်ဆိၣ်အၢ လီၤ.
50 ပှၤလၢအဟဲတ့ၢ်လၢမုၢ်နၤဆူအအိၣ်, စီၤနံၤကဒ့ မူးတဂၤ, အိၣ်ဝဲလၢအဝဲသ့ၣ်အကျါ, ဒီးစံးဘၣ်အီၤ,-
51 ပတၢ်သိၣ်တၢ်သီမ့ၢ်တနၢ်ဟူဆိဘၣ်လၢအဂ့ၢ်, ဒီးမ့ၢ်တ သ့ၣ်ညါဘၣ်လၢအမၤတၢ်မနုၤမနုၤလဲၣ်န့ၣ်ဒီး, မ့ၢ်အစံၣ် ညီၣ်ပှၤကညီတဂၤဂၤဧါ.
52 ဒီးအဝဲသ့ၣ်ကတိၤဆၢတၢ်ဒီး စံးဘၣ်အီၤ, နမ့ၢ်ပှၤကၤလံၤလါဖိစ့ၢ်ကီးဧါ. ဃုကွၢ်လီၤ တံၢ်လီၤဆဲး, ဒီးသ့ၣ်ညါလၢဝံတအိၣ်ထီၣ်ဘၣ်လၢကၤ လံၤလါနီတဂၤဘၣ်န့ၣ်တက့ၢ်.
53 ဒီးပှၤက့ၤဝဲတဂၤဆူအ ဟံၣ်တဂၤဆူအဟံၣ်လီၤ. ဒီးယ့ၣ်ရှူးဟးထီၣ်ဆူကစၢၢ် သ့ၣ်စၤယံးအလိၤလီၤ.