5
1 ခဲကနံၣ်အံၤ, ဟဲဃီၤပှၤအထူးအတီၤသ့ၣ်ဧၢ,ကိးပသူ ထီၣ်, ဒီးဟီၣ်တၢ်ယၢၤတၢ်,လၢတၢ်နးတၢ်ဖှီၣ်လၢအက ဘၣ်သုအဃိန့ၣ်တက့ၢ်.
2 သုထူးသုတီၤန့ၣ်, အုၣ်သံ ကျၣ်သံ,ဒီးသုကူသုသိးန့ၣ်တၢ်အဃၢ်အီၣ်အီၤလီၤ.-
3 သုထူဒီးသုစ့န့ၣ်ဘၣ်ထီၣ်အ့ၣ်န့ၣ် ကကဲထီၣ်တၢ်အုၣ် အသးထီဒါသု, ဒီးကအီၣ်သုဖံးသုညၣ်ဒ်မ့ၣ်အူအသိး လီၤ.သုပာ်ဖှိၣ်တၢ်လၢမုၢ်နံၤကတၢၢ်တဖၣ်အပူၤလီၤ.
4 ကွၢ်ကွၢ်, ပှၤလၢအကူးန့ၢ်သုဘု, အဘူးအလဲလၢသု ဟံးဃာ်ကဘျံးကဘျၣ်န့ၣ်, ကိးပသူထီၣ်,ဒီးပှၤကူးတၢ် ဖိအကလုၢ်နုာ်ဘၣ်လံလၢတၢ်သုးမုၢ်ဂီၢ်မုၢ်, ကစၢ်အနၢ် ပူၤလံ.
5 သုမၤမုာ်မၤလၤသုသးလၢဟီၣ်ခိၣ်ချၢ, ဒီးအီၣ် ဝံၣ်အီဆၢတၢ်လီၤ. သုဘုၣ်အီၣ်ဘုၣ်အီလီၤသုသးလၢမၤ သံတၢ်အမုၢ်နံၤန့ၣ်လီၤ.
6 သုစံၣ်ညီၣ်ဃၣ်, သုမၤသံပှၤ တီပှၤလိၤ,ဒီးတတြီဆၢဘၣ်သုဘၣ်.
7 မၤသးဒ်န့ၣ်ဒီး, ဒီပုၢ်ဝဲၢ်သ့ၣ်ဧၢ, အိၣ်ခိးစူၤသးတုၤက စၢ်ဟဲန့ၣ်တက့ၢ်. ကွၢ်ကွၢ်, ပှၤမၤဟီၣ်ခိၣ်န့ၣ်,ကွၢ်လၢ် ဟီၣ်ခိၣ်အတၤသၣ်လၢအလုၢ်ဒိၣ်အပှ့ၤဒိၣ်, ဒီးအိၣ်ခိးစူၤ သးအီၤ, တုၤအန့ၢ်ဘၣ်တၢ်ဟဲစူၤအဂံၢ်ခိၣ်,ဒီးတၢ်ဟဲစူၤ လၢခံန့ၣ်လီၤ.
8 အိၣ်ခိးစူၤသးစ့ၢ်ကီးသုဝဲ, ဒီးမၤဂၢၢ်မၤ ကျၢၤသုသးတက့ၢ်. အဂ့ၢ်ဒ်အံၤ, ကစၢ်ဟဲဝဲန့ၣ်သုးဘူး လံအသးလံ.
9 ဒီပုၢ်ဝဲၢ်သ့ၣ်ဧၢ, ဒ်သိးသုသုတဘၣ်တၢ် စံၣ်ညီၣ်တဂ့ၤဒီး ,ကဒူးကဒ့ၣ်လိာ်သုသးတဂ့ၤ.ကွၢ်ကွၢ်, ပှၤစံၣ်ညီၣ်ကွီၢ်တဂၤဆၢထၢၣ်လၢတြဲၤအဂီၤထံးလီၤ.-
10 ယဒီပုၢ်ဝဲၢ်သ့ၣ်ဧၢ, ပာ်ဝံလၢအစံၣ်တဲၤတဲလီၤလၢကစၢ် အမံၤတဖၣ်, အဒိးတၢ်နးတၢ်ဖှီၣ်,ဒီးအဝံသးစူၤတၢ်န့ၣ်, လၢတၢ်အဒိအတဲာ်တက့ၢ်.
11 ကွၢ်ကွၢ်,ပှၤလၢအဝံသးစူၤ တၢ်န့ၣ်,ပစံးလၢအဘၣ်ဆိၣ်ဂ့ၤဝဲလီၤ. သုနၢ်ဟူဘၣ်စီၤ ယိၤဘးအတၢ်ဝံသးစူၤအဂ့ၢ်အကျိၤ, ဒီးသုထံၣ်ဘၣ်က စၢ်အကတၢၢ်လၢကစၢ်သူၣ်အိၣ်သးအိၣ်တၢ်, ဒီးသူၣ်က ညီၤသးကညီၤတၢ်အါမးလီၤ.
12 ဘၣ်ဆၣ်ဒီး,ယဒီပုၢ်ဝဲၢ်သ့ၣ်ဧၢ, လၢကယဲၢ်တၢ်ခဲလၢာ် အဖီခိၣ်န့ၣ်, လၢမူခိၣ်အမဲာ်ညါမ့ၢ်ဂ့ၤ,လၢဟီၣ်ခိၣ်အမဲာ်ညါမ့ၢ်ဂ့ၤ, လၢတၢ်ဆိၣ်အဂုၤအဂၤမ့ၢ်ဂ့ၤ,သုတဆိၣ်တၢ် ထုတၢ်တဂ့ၤ. မ့မ့ၢ်ဒ်သိးသုသု တလီၤတဲာ်လၢတၢ်စံၣ် ညီၣ်ဃၣ်အပူၤတဂ့ၤဒီး, မ့မ့ၢ်တၢ်ဒီး, စံးလၢအမ့ၢ်,မ့တ မ့ၢ်ဘၣ်တၢ်ဘၣ်ဒီး, စံးလၢ အတမ့ၢ်ဘၣ်န့ၣ်တက့ၢ်.
13 ပှၤလၢသုကျါမ့ၢ်အဘၣ်နးဘၣ်ဖှီၣ်တဂၤဂၤဧါ. မ်အ ဘါထုကဖၣ်တၢ်တက့ၢ်. မ့ၢ်အသူၣ်ဖှံသးညီတဂၤဂၤဧါ. မ်အသးဝံၣ်တၢ်တက့ၢ်.
14 ပှၤလၢသုကျါမ့ၢ်အဘၣ်တၢ် ဆါတဂၤဂၤဧါ. မ်အကိးတၢ်အိၣ်ဖှိၣ်အသးပှၢ်တဖၣ်တ က့ၢ်. ဒီးမ်အဝဲသ့ၣ်ဖှူအလိၤလၢသိလၢကစၢ်အမံၤဒီးဘါ ထုကဖၣ်တၢ်လၢအဂီၢ်တက့ၢ်.
15 ဒီးတၢ်စူၢ်တၢ်နာ်အ တၢ်ထုကဖၣ်န့ၣ်, ကအုၣ်က့ၤခီၣ်က့ၤပှၤဆါ,ဒီးကစၢ်က ဒုးဂဲၤဆၢထၢၣ်အီၤ, ဒီးအတၢ်ဒဲးဘးလၢအမၤတ့ၢ်လံမ့ၢ် အိၣ်ဒီး,တၢ်ကပျၢ်ကွံာ်အီၤလီၤ.
16 တဲာ်လီၤကျဲၤလီၤလိာ် သုတၢ်သရူးတၢ်ကမၣ်သကိး သကိး, ဒီးဘါထုကဖၣ်လိာ်သုဂီၢ်သကိးသကိး, ဒ်သိး သုကဘျါက့ၤတက့ၢ်. ပှၤအတီအလိၤအတၢ်ထုကဖၣ် သပှၢ်သပှၢ်န့ၣ်,မၤန့ၢ်တၢ်အါမးလီၤ.
17 စီၤအ့ၤလံယၤမ့ၢ် ပှၤကညီ, ဒ်ပဝဲအသိး,ဒီးဘါထုကဖၣ်သပှၢ်ပှၢ်ဒ်သိးတၢ် သုတဟဲစူၤတဂ့ၤ, ဒီးလၢသၢနံၣ်ဒီးဃုလါအတီၢ်ပူၤန့ၣ်, တၢ်တဟဲစူၤဘၣ်လၢဟီၣ်ခိၣ်အဖီခိၣ်ဘၣ်.
18 ဒီးဘါထု ကဖၣ်ကဒီးဝဲဒီးမူခိၣ်ဒုးဟဲစူၤလီၤတၢ်လီၤ, ဒီးဟီၣ်ခိၣ်ဒုး မဲထီၣ်အတၤသူၣ်တၤသၣ်လီၤ.
19 ဒီပုၢ်ဝဲၢ်သ့ၣ်ဧၢ, ပှၤတဂၤဂၤလၢသုကျါန့ၣ်, မ့ၢ်မၤကမၣ်တၢ်မ့ၢ်တၢ်တီ,ဒီးပှၤတဂၤဂၤမ့ၢ်ဘိးဃၣ်က့ၤအီၤဒီး,-
20 မ်အသ့ၣ်ညါလၢ ပှၤလၢအဘိးဃၣ်က့ၤပှၤမၤတၢ်ဒဲးဘး လၢအကျဲကမၣ်န့ၣ်ဒီး, မ့ၢ်အအုၣ်က့ၤခီၣ်က့ၤပှၤတဂၤ အသးလၢတၢ်သံအပူၤ, ဒီးမၤပူၤဖျဲးတၢ်ဒဲးဘးအါမးန့ၣ် တက့ၢ်.