လံာ်စီၤယၤကိာ်ကွဲးဝဲ
1
1 ယွၤဒီးကစၢ်ယ့ၣ်ရှူးခရံာ်အခ့အပှၤ ယၤ,စီၤယၤကိာ်, ကတိၤဒိၣ် ပှၤတဆံခံဒူၣ်လၢအအိၣ်လၢတၢ်လီၤပြံလီၤ ပြါအပူၤလီၤ.
2 ယဒီပုၢ်ဝဲၢ်သ့ၣ်ဧၢ, တုၤသုလီၤလၢတၢ်လ့ပစီအက လုာ်ကလုာ်အပူၤဒီး, ပာ်အီၤလၢတၢ်သူၣ်ခုသးခုခဲလၢာ် တက့ၢ်.
3 အဂ့ၢ်ဒ်အံၤ,သုသ့ၣ်ညါလၢတၢ်မၤကွၢ်သုတၢ် နာ်န့ၣ်, ဒုးအိၣ်ထီၣ်တၢ်ဝံသးစူၤလီၤ.-
4 ဘၣ်ဆၣ်ဒီးမ်တၢ် ဝံသးစူၤအိၣ်ဒီးအတၢ်မၤအလၢအပှဲၤ, ဒ်သိးသုကလၢ ထီၣ်ပှဲၤထီၣ်, ဒီးအိၣ်ဒီးတၢ်ခဲလၢာ်,ဒီးတလီၤစှၤဘၣ်လၢ တၢ်နီတမံၤဘၣ်န့ၣ်တက့ၢ်.
5 ဒီးသုဝဲသ့ၣ်တဂၤဂၤန့ၣ်, န့ၢ်တၢ်ကူၣ်သ့ကူၣ်ဘၣ်အ လီၢ်မ့ၢ်အိၣ်ဒီး, မ်အဃ့လၢယွၤ, လၢအဟ့ၣ်တၢ်ညီလၢ ပှၤခဲလၢာ်ဒီးတဒုၣ်ဒွဲၣ်ဘၣ်တၢ်ဘၣ်န့ၣ်တက့ၢ်, ဒီးက ဟ့ၣ်အီၤလီၤ.
6 ဘၣ်ဆၣ်ဒီး, မ်အဃ့တၢ်လၢတၢ်နာ်တ က့ၢ်.မ်အသးသုတဒ့ဒီနီတမံၤတဂ့ၤ. အဂ့ၢ်ဒ်အံၤ,ပှၤလၢ အသးဒ့ဒီန့ၣ် မၤအသးဒ်ပီၣ်လဲၣ်လပီလၢကလံၤအူဘၣ် အီၤ,ဒီးဟူးဝးဝဲအသိးန့ၣ်လီၤ.
7 အဂ့ၢ်ဒ်အံၤ,ပှၤတဂၤန့ၣ် မ်အသုတဆိကမိၣ်လၢ အကန့ၢ်တၢ်တမံၤမံၤလၢကစၢ် အအိၣ်န့ၣ်တဂ့ၤ.
8 ပှၤလၢအသးခံဖျၢၣ်တဂၤန့ၣ်,တဂၢၢ် တကျၢၤဘၣ်လၢအကျဲနီတပူၤဘၣ်လီၤ.
9 ဘၣ်ဆၣ်ဒီးဒီပုၢ်ဝဲၢ်လၢ အဘၣ်တၢ်ဆီၣ်လီၤအီၤတဂၤန့ၣ်,မ်အသးခုလၢအဘၣ်တၢ်ပာ်ထီၣ်ထီန့ၣ်တက့ၢ်.-
10 မ့မ့ၢ်ပှၤအထူးအတီၤတဂၤန့ၣ် မ်အသးခုလၢအဘၣ်တၢ် ဆီၣ်လီၤအီၤန့ၣ်တက့ၢ်. အဂ့ၢ်ဒ်အံၤ,ကလဲၤပူၤကွံာ်ဒ်နီၣ် အဖီအသိးလီၤ.
11 အဂ့ၢ်ဒ်အံၤ,တုၤမုၢ်ဟဲထီၣ်ဒီးတၢ်ကိၢ် လူးဒီး, မၤဃ့ကွံာ်နီၣ်ဧိၤမံၤဧိၤ,ဒီးအဖီလီၤပလ့ၤဝဲ,ဒီးအ က့ၢ်အဂီၤအဃံအလၤဟးဂီၤကွံာ်ဝဲလီၤ.ပှၤအထူးအတီၤ န့ၣ်ကလီၤညွံးကွံာ်လၢအကျဲဒ်န့ၣ်အသိးလီၤ.
12 ပှၤလၢအဒိးဘၣ်တၢ်လ့ပစီန့ၣ်, ဘၣ်တၢ်ဆိၣ်ဂ့ၤဝဲ လီၤ. အဂ့ၢ်ဒ်အံၤ,ဒိးတၢ်မၤကွၢ်အီၤဝံၤဒီး,ကန့ၢ်ဘၣ်တၢ် မူအခိၣ်သလုးလၢ ကစၢ်စံးပာ်လၢပှၤလၢအအဲၣ်အီၤတ ဖၣ်အဂီၢ်လီၤ.
13 ပှၤဘၣ်တၢ်လ့ပစီန့ၣ်, မ်အသုတစံးလၢယဘၣ်တၢ် လ့ပစီလၢယွၤ,နီတဂၤတဂ့ၤ. အဂ့ၢ်ဒ်အံၤ, ယွၤတဘၣ် ဘၣ်တၢ်လ့ပစီလၢတၢ်အၢတၢ်သီဘၣ်, ဒီးအကစၢ်ဒၣ်ဝဲ တလ့ပစီဘၣ်ပှၤနီတဂၤဘၣ်.
14 ဘၣ်ဆၣ်ဒီးတုၤပှၤတ ဂၤဂၤအတၢ်သးကွံဒၣ်ဝဲထုးအီၤ,ဒီးကလံာ်န့ၢ်အီၤဒီး, အ ဝဲဒၣ်ဘၣ်တၢ်လ့ပစီအီၤလီၤ.
15 လၢခံက့ၤဒီးတၢ်သးကွံ န့ၣ်ဒၢထီၣ်, ဒီးဆံးစၢ်တၢ်ဒဲးဘး, ဒီးတၢ်ဒဲးဘးန့ၣ်လၢ ထီၣ်ပှဲၤထီၣ်,ဒီးဆံးစၢ်တၢ်သံလီၤ.
16 ယဒီပုၢ်ဝဲၢ်လၢတၢ်အဲၣ်အီၤသ့ၣ်ဧၢ, သုတဒိးတၢ်လီန့ၢ် သုတဂ့ၤ.
17 ကယဲၢ်တၢ်ဟ့ၣ်အဂ့ၤအဝါ, ဒီးကယဲၢ်တၢ် ဟ့ၣ်အလၢအပှဲၤတမံၤလၢ်လၢ်န့ၣ်, ဟဲလီၤလၢတၢ်ကပီၤ အပၢ်လၢထးန့ၣ်လီၤ.တၢ်ကဒံကဒါမ့ၢ်ဂ့ၤ, တၢ်ဃၣ်က့ၤ အကဒုမ့ၢ်ဂ့ၤ,တအိၣ်ဘၣ်ဒီးအီၤဘၣ်.
18 ဖဲအသးဒၣ်ဝဲ, အဝဲဒၣ်ထီၣ်ဖိပှၤလၢတၢ်မ့ၢ်တၢ်တီအကလုၢ်,ဒ်သိးပက ကဲထီၣ်အတၢ်တ့တဖၣ် အတၤသၣ်ဆိ တကလုာ်န့ၣ် လီၤ.
19 မၤသးဒ်န့ၣ်ဒီး, ယဒီပုၢ်ဝဲၢ်လၢတၢ်အဲၣ်အီၤသ့ၣ်ဧၢ,မ် ပှၤနၢ်ဟူတၢ်ချ့သဒံး, ကတိၤတၢ်နီၢ်ကတုၤ,သးထီၣ်နီၢ် ကတုၤကိးဂၤဒဲးတက့ၢ်.
20 အဂ့ၢ်ဒ်အံၤ,ပှၤကညီအသးဒိၣ် ထီၣ်န့ၣ်,တမၤဘၣ်ယွၤအတၢ်တီတၢ်လိၤဘၣ်.
21 မ်ဒ်န့ၣ်ဒီးညိကွံာ်ကယဲၢ်တၢ်ဘၣ်အၢဘၣ်သီ, ဒီးတၢ် အၢတၢ်သီအတၢ်လုၣ်ကိလုၣ်ကပာ်ခဲလၢာ်န့ၣ်တက့ၢ်. ဒိးန့ၢ်တၢ်ကလုၢ်သူၣ်လီၤအသး, လၢအအုၣ်က့ၤခီၣ်က့ၤ သုသးသ့န့ၣ်လၢတၢ်သူၣ်စူၤသးစူၤတက့ၢ်.
22 ဒီးကဲထီၣ်ပှၤမၤတၢ်အကလုၢ်တက့ၢ်. ဒီးတမ့ၢ်ဘၣ်ပှၤ လီလီၤအသးဒီး ကဲထီၣ်ပှၤထဲ အနၢ်ဟူတၢ်ဧိၤန့ၣ်တ ဂ့ၤ.
23 အဂ့ၢ်ဒ်အံၤ,ပှၤတဂၤဂၤမ့ၢ်ကဲထီၣ်ပှၤနၢ်ဟူတၢ်အ ကလုၢ်, ဒီးတမ့ၢ်ဘၣ်ပှၤမၤဘၣ်ဝဲန့ၣ်ဒီး,မ့ၢ်အမၤအသး ဒ်ပှၤကွၢ်အမဲာ်ဒၣ်ဝဲလၢမဲာ်ထံကလၤအသိးလီၤ.
24 အဂ့ၢ် ဒ်အံၤ,ကွၢ်လီၤအသး,ဒီးဟးဝဲဒီး, သးပ့ၤနီၣ်အက့ၢ်အဂီၤ တကီၢ်ခါလီၤ.
25 ဘၣ်ဆၣ်ဒီးပှၤလၢအကွၢ်ထံကွၢ်ဆး တၢ်သိၣ်တၢ်သီအလၢအပှဲၤဘၣ်ဃးဒီးတၢ်ထူၣ်ဖျဲး, ဒီး အိၣ်ဝဲဆိးဝဲလၢအပူၤန့ၣ်, တမ့ၢ်ဘၣ်ပှၤနၢ်ဟူတၢ်ဒီးသး ပ့ၤနီၣ်တၢ်ဘၣ်.မ့ၢ်ပှၤမၤတၢ်န့ၣ်, ဒီးအဝဲဒၣ်ကဘၣ်တၢ် ဆိၣ်ဂ့ၤလၢအမၤတၢ်အပူၤလီၤ.
26 ပှၤတဂၤဂၤမ့ၢ်ဆိကမိၣ်လၢအမ့ၢ်ပှၤဘါယွၤဖိဒီး, မ့ၢ် တမၤနၢၤဘၣ်အပျ့ၤဘၣ်, မ့မ့ၢ်အလီလီၤအသးဒီး,အဝဲ ဒၣ်အတၢ်ဘူၣ်ထီၣ်ဘါထီၣ်န့ၣ်မ့ၢ်တၢ်ကလီကလီလီၤ.
27 တၢ်ဘူၣ်ထီၣ်ဘါထီၣ်အစီအဆှံ, ဒီးတဘၣ်အၢဘၣ် သီဘၣ်တမံၤမ့ၢ်အအံၤ, တၢ်အိၣ်သကိးပှၤဖိၣ်ဃဲဒီးမုၣ် ကမဲလၢအဘၣ်တၢ်နးတၢ်ဖှီၣ်အပူၤ,ဒီးတၢ်ပလီၢ်အသး ဒ်သိးအသုတဘၣ်တၢ်ဃံၣ်တၢ်ဃူး လၢဟီၣ်ခိၣ်တဂ့ၤ န့ၣ်လီၤ.