2
1 အူကွဲၤလၢစံယိၣ်အလိၤ, ဒီးဒုးသီၣ်ထီၣ်တၢ်မၤပျံၤတၢ် လၢယကစၢၢ်စီဆှံအလိၤတက့ၢ်. မ်ပှၤကီၢ်ဖိခဲလၢာ်ကနိး တက့ၢ်. အဂ့ၢ်ဒ်အံၤ, ယွၤအမုၢ်တနံၤဟဲဝဲ, အဂ့ၢ်ဒ်အံၤ, အိၣ်ဘူးထီၣ်လံ.
2 မ့ၢ်တၢ်ခံးဒီးတၢ်အုးတကျုာ်အမုၢ်တ နံၤ, တၢ်အၢၣ်ဒီးတၢ်ခံးသူအမုၢ်တနံၤလီၤ. ပှၤဂီၢ်မုၢ်ဒိၣ် ဝဲ, ဒီးဆူၣ်ဝဲ, သလၣ်ထီၣ်အသးလၢကစၢၢ်လိၤဒ်မုၢ်ဆ့ၣ် ထီၣ်အသိးန့ၣ်လီၤ. တၢ်ဒ်န့ၣ်သိးတအိၣ်တ့ၢ်ဘၣ်, ဒီး တၢ်ဒ်န့ၣ်သိးတအိၣ်ဘၣ်လၢၤဘၣ် လၢအစိၤအဃၣ်အါ နံၣ်တဖၣ်ဘၣ်.
3 မ့ၣ်အူအီၣ်ကွံာ်တၢ် လၢအမဲာ်ညါ, ဒီးမ့ၣ်လၣ်ဆူး ကွံာ်တၢ်လၢအလီၢ်ခံလီၤ. ထံဧိၤကီၢ်ဧိၤန့ၣ်မၤသးဒ်ဧ့ၤဒ့ၣ် အတၤသၣ်အလီၢ်လၢအမဲာ်ညါ, ဒီးလၢအလီၢ်ခံန့ၣ်ပှၢ် မုၢ်ကနၢအိၣ်သယုၢ်ဝဲလီၤ. ဒီးတၢ်တပူၤဖျဲးဘၣ်ဒီးအီၤနီ တမံၤဘၣ်.
4 အက့ၢ်အဂီၤမၤသးဒ်ကသ့ၣ်အက့ၢ်အဂီၤသိး, ဒီးဃ့ၢ် သဖှိတၢ် ဒ်ပှၤဒိးကသ့ၣ်အသိးန့ၣ်,
5 ဒ်လ့ၣ်ကဟၣ်အ သီၣ်အသိးန့ၣ်, စံၣ်ဝဲလၢကစၢၢ်ဒီခိၣ်, ဒ်မ့ၣ်လၣ်အသီၣ် လၢအအီၣ်ကွံာ်လီၢ်အသိးန့ၣ်, ဒ်ပှၤအဆူၣ်အဂီၢ်မုၢ်က တဲာ်ကတီၤအသးလၢဒုးသုးအဂီၢ်အသီၣ်သိးန့ၣ်လီၤ.
6 ပှၤဂီၢ်မုၢ်ကကနိးကစုာ်ဝဲလၢအမဲာ်ညါလီၤ. ပှၤအမဲာ် လီၤသပှၢ်ဝဲခဲလၢာ်လီၤ.
7 ဃ့ၢ်ဝဲဒ်ပှၤအဆူၣ်အသိး, ထီၣ်တၢ်ခိၣ်ဒူဒ်ပှၤသုးဖိအ သိး, ဒီးလဲၤတၢ်ဖိးဖိးတဂ့ၢ်တဂ့ၢ်ခဲလၢာ်, ဒီးတမၤဟး ဂီၤဘၣ်အဂ့ၢ်တဖၣ်ဘၣ်,
8 ဒီးတသနံးလိာ်ဘၣ်အသး ဘၣ်. လဲၤတၢ်ဖိးဖိးတဂၤလၢအကျဲဒၣ်ဝဲ, တဂၤလၢအ ကျဲဒၣ်ဝဲ, ဒီးမ့ၢ်လီၤဘၣ်လၢစုကဝဲၤအကျါဘၣ်ဆၣ်ဒီး, တဟးဂီၤဘၣ်.
9 ဃ့ၢ်ဝဲလၢဝ့ၢ်ပူၤ, ဃ့ၢ်ဝဲလၢဝ့ၢ်ခိၣ်ဒူအလိၤ, လဲၤထီၣ် လၢဟံၣ်ပူၤ, လဲၤနုာ်လၢတၢ်ထူၣ်ဖျိ ဒ်ပှၤဟုၣ်တၢ်အသိး န့ၣ်လီၤ.
10 ဟီၣ်ခိၣ်ကဆှဲးကဆှိးဝဲလၢအမဲာ်ညါ, မူခိၣ်ဟူးဝးဝဲ လီၤ. မုၢ်ဒီးလါခံးလီၤဝဲ, ဒီးဆၣ်ဧိၤဖီဧိၤ တကပီၤလၢၤ ဘၣ်.
11 ဒီးယွၤဟ့ၣ် အကလုၢ်လၢအသုးမုၢ်ဂီၢ်မုၢ် အမဲာ်ညါ လီၤ. မ့ၢ်မးအသူၣ်ဒဲအလီၢ်န့ၣ်ဒိၣ်နီၢ်မးလီၤ. မ့ၢ်မးအစိ ထီအကမီၤဒိၣ်မၤအကလုၢ်န့ၣ်လီၤ. မ့ၢ်မးယွၤအမုၢ်တနံၤ မ့ၢ်အဒိၣ်, ဒီးတၢ်မၤပျံၤအလီၢ်နးမးလီၤ. ဒီးမ့ၢ်မတၤအိၣ် ဝဲသ့တဂၤလဲၣ်.
12 မ့မ့ၢ်ခဲကနံၣ်အံၤဒၣ်လဲာ်ယွၤစံးဝဲဒၣ်, ဃၣ်သုသးဆူ ယအိၣ်လၢသုသးဒီဖျၢၣ်ညါ, ဒီးဒုၣ်တၢ်အီၣ်, ဒီးဟီၣ်, ဒီးသူၣ်အုးသးအုးန့ၣ်တက့ၢ်.
13 ဒီးမၤဖှီသုဆ့တဂ့ၤ, မၤဖှီသုသးဒီး ဃၣ်လိၤသုသးဆူ ယွၤသုကစၢ်အအိၣ်တက့ၢ်. အဂ့ၢ်ဒ်အံၤ, သူၣ်ကညီၤသး ကညီၤတၢ်, ဒီးသးအိၣ်တၢ်, ဒီးသးထီၣ်ကီ, ဒီးအဘျုး အဖှိၣ်ဒိၣ်မးလီၤ. ဒီးပီၢ်ယၢ်လီၤက့ၤအသးလၢတၢ်အၢအ ဃိလီၤ.
14 မ့ၢ်မတၤသ့ၣ်ညါတဂၤလဲၣ်. ဘၣ်တဘၣ် ကဃၣ်အ သး, ဒီးပီၢ်ယၢ်လီၤက့ၤအသး, ဒီးပာ်လီၤတဲာ်တၢ်ဆိၣ် ဂ့ၤလၢအလီၢ်ခံန့ၣ်, တၢ်မၤဘူၣ်တၢ်အီၣ်, ဒီးတၢ်လုၢ်တၢ် အီ, လၢယွၤသုကစၢ်အဂီၢ်န့ၣ်လီၤ.
15 အူကွဲၤလၢစံယိၣ်အလိၤ, ပာ်စီဆှံ တၢ်ဒုၣ်တၢ်အီၣ်, ကိးထီၣ်တၢ်အိၣ်ဖှိၣ်အမုၢ်တနံၤ,
16 ဒုးအိၣ်ဖှိၣ်ရိဖှိၣ်ပှၤဂီၢ် မုၢ်, ကိးဖှိၣ်တၢ်အိၣ်ဖှိၣ်စီဆှံ, ဒုးအိၣ်ဖှိၣ်ပှၤသူၣ်က့သး ပှၢ်, ဒုးအိၣ်ဖှိၣ်ဖိဒံဖိသၣ်, ဒီးပှၤလၢအအီၣ်နုၢ်ထံ, မ်တ လးမူးပိာ်ခွါဟဲထီၣ်လၢအဒၢးပူၤ, ဒီးတလးမူးပိာ်မုၣ်လၢ တၢ်ဘျးတဒၢပူၤတက့ၢ်.
17 မ်ပှၤလုၢ်တၢ်အဒိၣ်, ယွၤအခ့အပှၤဟီၣ်ဝဲလၢတၢ်ခိၣ် ဒုးထီၣ်အသး, ဒီးတၢ်လုၢ်လီၢ်အဘၢၣ်စၢၤတက့ၢ်. ဒီးမ် အစံး, သူၣ်ကညီၤသးကညီၤနပှၤဂီၢ်မုၢ်တက့ၢ်. ဒီးဟ့ၣ် လီၤနတၢ်န့ၢ်သါန့ၣ်လၢတၢ်ဒုၣ်ဒွဲၣ်အဂီၢ် ဒ်သိးပှၤကလုာ် တဖၣ်ကပၢအီၤတဂ့ၤ. ပှၤကစံးဝဲလၢပှၤဂီၢ်မုၢ်အကျါ, အ ကစၢ်အိၣ်ဖဲလဲၣ်န့ၣ်, မ့ၢ်အဘၣ်မနုၤလဲၣ်.
18 တုၤနုၤတဘျီယွၤအသးကဆူၣ်ဝဲလၢ အထံအကီၢ်အ ဂီၢ်, ဒီးကသးလီအပှၤဂီၢ်မုၢ်လီၤ.
19 ဒီးယွၤကစံးဆၢတၢ်, ဒီးစံးလၢအပှၤဂီၢ်မုၢ်, ကွၢ်ကွၢ်, ယကဟ့ၣ်လီၤသုလၢဘု ဧိၤဟုဧိၤ, ဒီးစပံးထံ, ဒီးသိဧိၤချါဧိၤ, ဒီးကအါဝဲလၢသုဂီၢ် လီၤ. ယတပာ်လၢၤဘၣ်သုလၢ တၢ်ဒုၣ်ဒွဲၣ်အလီၢ်လၢ ပှၤကလုာ်တဖၣ်အကျါဘၣ်.
20 ဒီးယကဒုးအိၣ်ယံၤဒီးသုလၢ တၢ်လၢကလံၤစိးတခီ, ဒီးယကဟီထီၣ်ကွံာ်အီၤဆူကီၢ်အဃ့အိၣ်သယုၢ်တဘ့ၣ် အပူၤ, အိၣ်ဒီးအမဲာ်ဆူပီၣ်လဲၣ်လၢမုၢ်ထီၣ်, ဒီးအချၢဃံ ဆူပီၣ်လဲၣ်လၢမုၢ်နုာ်တခီ, ဒီးအနၢန့ၣ်ကနၢထီၣ်, ဒီး အနၢအုၣ်ကထီၣ်ဝဲလီၤ. အဂ့ၢ်ဒ်အံၤ, မၤတၢ်ဖးဒိၣ်တ ဖၣ်လံလီၤ.
21 ထံဧိၤကီၢ်ဧိၤဧၢ, ပျံၤတၢ်တဂ့ၤ. သူၣ်ခုသးခု, ဒီးသူၣ်ဖှံ သးညီတက့ၢ်. အဂ့ၢ်ဒ်အံၤ, ယွၤမၤတၢ်အဒိၣ်တဖၣ်လီၤ.
22 ဆၣ်ဖိကီၢ်ဖိလၢပှၢ်လၢ်ကျါသ့ၣ်ဧၢ, ပျံၤတၢ်တဂ့ၤ. အ ဂ့ၢ်ဒ်အံၤ, ပှၢ်မုၢ်ကနၢအတၢ်အီၣ်ဆၣ်အလီၢ်န့ၣ် မဲထီၣ်, အဂ့ၢ်ဒ်အံၤ, သ့ၣ်န့ၣ်သၣ်ထီၣ်, ချၢၣ်ဒၢ, ဒီးစပံးမုၢ်သၣ် ထီၣ်ဝဲလီၤ.
23 စံယိၣ်အဖိသ့ၣ်ဧၢ, သူၣ်ခုသးခုတက့ၢ်, ဒီးသူၣ်ဖှံသး ညီလၢယွၤသုကစၢ်အပူၤတက့ၢ်. အဂ့ၢ်ဒ်အံၤ, ဟ့ၣ်လီၤ သုလၢတၢ်စူၤအခီၣ်ထံးတတီၤဖဲအကြၢး, ဒီးဒုးဟဲတၢ် စူၤဖးဒိၣ်လၢသုဂီၢ်, တၢ်စူၤလၢအခီၣ်ထံးတတီၤ, ဒီးတၢ် စူၤလၢအလီၢ်ခံတတီၤဒ်လၢထံးလၢသီအသိးန့ၣ်လီၤ.
24 ဒီးယီၢ်ဘုအလီၢ်န့ၣ်ကပှဲၤဒီးဘုဧိၤဟုဧိၤ, ဒီးနီၣ်စံၢ်တၢ် တဖၣ်ကပှဲၤလုာ်ကွံာ်ဒီးစပံးထံဒီးသိဧိၤချါဧိၤလီၤ.
25 ဒီးယကဟ့ၣ်ပှဲၤထီၣ်သု လၢနံၣ်တဖၣ်အဂီၢ် လၢဒွဲၣ် အၢ်ဘၤ, ဒွဲၣ်ယ့ၤလ့း, ဒီးဒွဲၣ်ဃစံၣ်, ဒီးဒွဲၣ်ကၤစၣ်, ယတၢ် သုးမုၢ်ဂီၢ်မုၢ်လၢယမၢလီၤဆူသုကျါန့ၣ်အီၣ်တၢ်န့ၣ်လီၤ.
26 ဒီးသုကအီၣ်ကုးအီပှဲၤ, ဒီးဘျဲးအီၣ်, ဒီးစံးထီၣ်ပတြၢၤ ယွၤသုကစၢ်အမံၤလၢအမၤတၢ်လီၤလးဒီးသု, ဒီးယပှၤ ဂီၢ်မုၢ်အမဲာ်တဆှးဘၣ်လီၤစိၤလီၤထီလီၤ.
27 တုၤနုၤတဘျီ သုကသ့ၣ်ညါလၢယအိၣ်လၢပှၤအံၣ်စ ရ့လးဖိအကျါ, ဒီးလၢယၤ, ယွၤအံၤ, ယမ့ၢ်သုကစၢ်, ဒီးတမ့ၢ်တၢ်ဂၤဘၣ်. ဒီးယပှၤဂီၢ်မုၢ်အမဲာ်တဆှးဘၣ်လီၤ ထူလီၤယိာ်ဘၣ်.
28 ဒီးတၢ်ကမၤအသးလၢအလီၢ်ခံန့ၣ်, ယွၤစံးဝဲဒၣ်, ယ ကလူလီၤဂၢ်လီၤယသးလၢ ကယဲၢ်တၢ်ညၣ်ခဲလၢာ်အ လိၤ, ဒီးသုဖိမုၣ်ဒီးသုဖိခွါသ့ၣ်တဖၣ်ကကတိၤတၢ်လၢ ဝံကျိာ်, ဒီးသုသးပှၢ်တဖၣ်ကမံမီၢ်တၢ်မံမီၢ်လီၤ. ဒီးသု ဖိခွါတဖၣ်ကထံၣ်တၢ်လၢညါခီ,
29 ဒီးလၢမုၢ်နံၤတဖၣ်န့ၣ် ယကလူလီၤဂာ်လီၤယသးလၢ သုကုၢ်ပိာ်မုၣ်ဒီးသုကုၢ် ပိာ်ခွါအလိၤလီၤ.
30 ဒီးယကဟ့ၣ် တၢ်လီၤလိၢ်လီၤလး, လၢမူခိၣ်ထး, ဒီးလၢဟီၣ်ခိၣ်လာ်, တၢ်သွံၣ်, ဒီးမ့ၣ်အူ, မ့ၣ်အူခုၣ်အသဝံလီၤ.
31 တချုးကစၢ်အမုၢ်နံၤဖးဒိၣ်မၤပျံၤ တၢ်တနံၤဟဲဒီး, မုၢ်ကကဲထီၣ်တၢ်ခံး, ဒီးလါကကဲထီၣ် တၢ်သွံၣ်လီၤ.
32 ဒီးတၢ်ကမၤအသးလၢဖဲဒၣ်ပှၤလၢအကိး ထီၣ်ကစၢ်အမံၤတဂၤလၢ်လၢ်န့ၣ်ကပူၤဖျဲးဝဲလီၤ. အဂ့ၢ် ဒ်အံၤ, ပှၤပူၤဖျဲးတၢ်တဖၣ်ကအိၣ်ဝဲလၢကစၢၢ်စံယိၣ်, ဒီး လၢယရူၤၡလ့ၣ်အပူၤ, ဒ်ယွၤစံးဝဲအသိး, လၢပှၤလၢအ အိၣ်လီၤတဲာ်အကျါ, လၢယွၤကကိးအီၤလီၤ.