လံာ်စီၤယူဒၤကွဲးဝဲ
1
1 ယ့ၣ်ရှူးခရံာ်အခ့အပှၤ,စီၤယၤကိာ်အဒီပုၢ်ဝဲၢ်, ယၤစီၤ ယူဒၤအံၤ, ယစံးဘၣ်ပှၤလၢတၢ်ကိးန့ၢ်အီၤလၢအဘၣ် တၢ်အဲၣ်အီၤလၢပၢ်ယွၤအပူၤ, ဒီးတၢ်ပၢၤအီၤလၢယ့ၣ်ရှူး ခရံာ်အဂီၢ်န့ၣ်,
2 မ်တၢ်သူၣ်ကညီၤတၢ်သးကညီၤ,ဒီးတၢ် ဃူတၢ်ဖိး, ဒီးတၢ်အဲၣ်တၢ်ကွံန့ၣ်,အါထီၣ်လၢသုဂီၢ်တ က့ၢ်.
3 ပှၤလၢတၢ်အဲၣ်အီၤသ့ၣ်ဧၢ, လၢယဂုာ်ကွဲးန့ၢ်သုသ ပှၢ်တၢၢ်လၢတၢ်အုၣ်က့ၤခီၣ်က့ၤလၢပဒိးန့ၢ်သကိးအဂ့ၢ် အကျိၤန့ၣ်ဒီး, အလီၢ်အိၣ်လၢယကကွဲးသဆၣ်ထီၣ်သု ခံ,ဒ်သိးသုကဂုာ်ကျဲးစၢးဒုးတၢ်လၢတၢ်နာ်လၢတၢ်ဟ့ၣ် လီၤလၢပှၤစီဆှံလၢပျၢၤတဘျီန့ၣ်အဂီၢ်လီၤ.
4 အဂ့ၢ်ဒ်အံၤ ပှၤကညီတနီၤနီၤ, လၢအဘၣ်တၢ်ပာ်အီၤလၢပျၢၤလၢ တၢ်စံၣ်ညီၣ်ဃၣ်အံၤအဂီၢ်, ဟဲနုာ်ခူသူၣ်,ပှၤတယူးတ ယီၣ်ဘၣ်ယွၤ, ဒီးဘိးကဒါပကစၢ်အဘျုးအဖှိၣ်ဆူတၢ် လုၣ်ကိလုၣ်ကပာ်, ဒီးသမၢပခိၣ်တဂၤဃီ, ပကစၢ် ယ့ၣ်ရှူးခရံာ်န့ၣ်လီၤ.
5 ဒီးသုသ့ၣ်ညါတဘျီဘၣ်ဆၣ်ဒီး, တၢ်မိၣ်ဒုးသ့ၣ်နီၣ် ထီၣ်က့ၤဘၣ်ယသးလၢသု, လၢကစၢ်အုၣ်က့ၤခီၣ်က့ၤ ပှၤကညီလၢအဲၤကူပတူးဝံၤဒီး, လၢခံက့ၤမၤဟးဂီၤကွံာ် ပှၤလၢအတစူၢ်တနာ်ဘၣ်တဖၣ်လီၤ.
6 ဒီးကလူးတဖၣ် လၢအတဟံးဃာ်ဘၣ်အတၢ်ခီၣ်ထံးဘၣ်ဝဲဘၣ်, မ့မ့ၢ် ဟးထီၣ်ကွံာ်လၢ အအိၣ်အဆိးအလီၢ်ဒၣ်ဝဲတဖၣ်န့ၣ်, အဝဲဒၣ်ဟံးဃာ်အီၤလၢ တၢ်စၢဃာ်လီၤထူလီၤယိာ်, လၢတၢ်ခံးအဖီလာ်, လၢမုၢ်နံၤဒိၣ်အတၢ်စံၣ်ညီၣ်အဂီၢ် လီၤ.
7 ဒ်စဒိၣ်,ဒီးဂမိရၤ,ဒီးဝ့ၢ်အိၣ်လၢအဃၢၤတဖၣ်, မၤ ကမၣ်မုၣ်ကမၣ်ခွါ,ဒီးလဲၤပိာ်တၢ်ဖံးတၢ်ညၣ်အဂုၤအဂၤ အခံ,ဒ်အဝဲသ့ၣ်တဖၣ်အသိး, ဒီးဘၣ်တၢ်စံၣ်ညီၣ်မ့ၣ်အူ အထူအယိာ်သတးဒီး,ကဲလၢအဒိအတဲာ်အသိးလီၤ.
8 ဒ်န့ၣ်အသိးစ့ၢ်ကီး ပှၤမံမီၢ်တၢ်တဖၣ်အံၤမၤဘၣ်အၢ တၢ်ဖံးတၢ်ညၣ်, ဒီးတပးကဲဘၣ်ပဒိၣ်ပပှၢ်ဘၣ်, ဒီးဒုၣ် ဒွဲၣ်တၢ်လၤကပီၤန့ၣ်လီၤ.
9 ဘၣ်ဆၣ်ဒီးတုၤကလူးအခိၣ် စီၤမံၤက့လးတဂၤတဲးလိာ်ဃိလိာ်အသးဒီးမုၣ်ကီၤလံၢ်, ဒီးဂ့ၢ်လိာ်ဘှီလိာ်အသးလၢ စီၤမိၤရှ့အစိၣ်အဂ့ၢ်အကျိၤ ဒီး,ပာ်တၢ်ကမၣ်ဒုၣ်ဒွဲၣ်လၢအလိၤတဘူၣ်ဘၣ်. မ့မ့ၢ်အ စံးဝဲဒၣ်,မ်ကစၢ်သိၣ်ဃီၣ်နၤတက့ၢ်လီၤ.
10 ဘၣ်ဆၣ်ဒီး ပှၤတဖၣ်အံၤ, ဒုၣ်ဒွဲၣ်တၢ်လၢအတသ့ၣ်ညါဘၣ်. မ့မ့ၢ် လၢတၢ်လၢအသ့ၣ်ညါဒၣ်တၢ်ဒ် ဆၣ်ဖိကီၢ်ဖိသူၣ်တဖး သးတဖးအသိးအပူၤ,မ့ၢ်အမၤဟးဂီၤလီၤအသးလီၤ.
11 မ့ၢ်အဘၣ်တၢ်ဖှီၣ်လီၤ. အဂ့ၢ်ဒ်အံၤ, မ့ၢ်အပိာ်စီၤကၤ ယံၣ်အကျဲ, ဒီးဂုာ်လဲၤနုာ်ဝဲဆူစီၤဘံးလၣ်အတၢ်ကမၣ် အပူၤလၢတၢ်အဘူးအလဲအဃိ, ဒီးဟးဂီၤလၢစီၤကိၤရး အတၢ်တဲးလိာ်ဃိလိာ်အပူၤလီၤ.
12 အဝဲသ့ၣ်တပျံၤဘၣ်တၢ်ဘၣ်ဒီး, အီၣ်သကိးအီသကိး တၢ်, ဒီးဘုၣ်အီၣ်လီၤဒၣ်အသးသတးဒီး,မ့ၢ်လၢၢ်ဧိၤလ့ ဧိၤလၢသုဘူၣ်တၢ်အဲၣ်အပူၤလီၤ. တၢ်အၢၣ်လၢထံတ အိၣ်ဘၣ်, လၢကလံၤအူဒံကွံာ်အီၤ,သ့ၣ်လၢအလီၤဘဲ, ဒီးအသၣ်တအိၣ်ဘၣ်, သံခံဘျီ,ဘၣ်ထဲးကွံာ်အသးလၢ အဂံၢ်,
13 ပီၣ်လဲၣ်အလပီတပျုာ်တပျီၤ,ဒီးသဘှဲထီၣ်လၢ အတၢ်မဲာ်ဆှးဒၣ်ဝဲ, ဆၣ်ဟးဝ့ၤဝီၤတၢ်, လၢတၢ်ပာ်ပာ် တၢ်ခံးအတၢ်သူလၢအဂီၢ်လီၤထူလီၤယိာ်န့ၣ်လီၤ.
14 ဒီးစီၤဃနိာ်လၢစီၤအၤဒၣ်အလီၢ်ခံနွံဂၤတဂၤန့ၣ်, က တိၤတၢ်လၢဝံအကျိာ်, လၢပှၤတဖၣ်အံၤအဂ့ၢ်အကျိၤစ့ၢ် ကီး,ဒီးစံးဝဲဒၣ်,ကွၢ်ကွၢ်,ကစၢ်ဟဲလီၤဒီးအပှၤစီဆှံအက လးတဖၣ်,
15 ဒ်သိးအကစံၣ်ညီၣ်ပှၤခဲလၢာ်, ဒီးကဘိး ဘၣ်သ့ၣ်ညါပှၤလၢအတယူးတယီၣ်ဘၣ်ယွၤ, လၢအ တၢ်မၤခဲလၢာ် ဘၣ်ဃးဒီးတၢ်တယူးတယီၣ်ဘၣ်ယွၤ, လၢအမၤဝဲအိၣ်ဒီးအတၢ်တယူးတယီၣ်ဘၣ်ယွၤ,ဒီးလၢ အတၢ်ကတိၤအအၢအသီခဲလၢာ် လၢပှၤတၢ်ဒဲးဘးဖိ လၢအတယူးတယီၣ်ဘၣ်ယွၤတဖၣ်, ကတိၤထီဒါအီၤ လီၤ.
16 ပှၤတဖၣ်န့ၣ်လဲၤတၢ် ဒ်အတၢ်ကလုာ်ကလိၤအသိး, ဒီးမ့ၢ်ပှၤကဒူးကဒ့ၣ်တၢ်, ပှၤအ့စိၢ်အ့န့တၢ်, ပှၤကွၢ်ပ တြၢၤပှၤဂၤအမဲာ်လၢတၢ်အဘျုးအဃိ, ဒီးအထးခိၣ်က တိၤကဖၢလၢတၢ်လီၤ.
17 မ့မ့ၢ်ပှၤလၢတၢ်အဲၣ်အီၤသုဝဲသ့ၣ်ဧၢ,သ့ၣ်နီၣ်ထီၣ်က့ၤ တၢ်ကတိၤလၢပကစၢ်ယ့ၣ်ရှူးခရံာ်အပှၤတၢ်မၢဖိစံးပာ် ဝဲန့ၣ်တက့ၢ်.
18 စံးဘၣ်သုလၢပှၤဒုၣ်ဒွဲၣ်တၢ်လၢအလဲၤဒ် အတၢ်တယူးတယီၣ်ဘၣ်ယွၤအတၢ်ကလုာ်ကလိၤအ သိးန့ၣ်,ကအိၣ်ဝဲလၢအဆၢအကတီၢ်ကတၢၢ်န့ၣ်လီၤ.-
19 ပှၤတဖၣ်န့ၣ် မ့ၢ်ပှၤလၢအမၤလီၤမုၢ်လီၤဖးတၢ်,ပှၤဘၣ် ဃးဒီးနီၢ်ခိ,ပှၤတအိၣ်ဘၣ်ဒီးသးန့ၣ်ဘၣ်.
20 မ့မ့ၢ်ပှၤလၢ တၢ်အဲၣ်အီၤသုဝဲသ့ၣ်ဧၢ, သူၣ်လီၤသုသးလၢသုတၢ်နာ် စီဆှံကတၢၢ်အဖီခိၣ်, ဒီးဘါထုကဖၣ်တၢ်လၢသးစီဆှံ အပူၤသတးဒီး,
21 ဟံးဃာ်သုသးလၢယွၤအတၢ်အဲၣ် တၢ်ကွံအပူၤ, ဒီးမုၢ်လၢ်ကစၢ်ယ့ၣ်ရှူးခရံာ်အတၢ်သးက ညီၤ,တုၤလၢတၢ်မူအထူအယိာ်တက့ၢ်.
22 ဒီးပှၤတနီၤနီၤလၢ အသးဒ့ဒီဝဲန့ၣ်သးကညီၤအီၤတ က့ၢ်.
23 ဒီးပှၤတနီၤနီၤ ထုးထီၣ်ကွံာ်အီၤလၢမ့ၣ်အူပူၤသ တးဒီး,အုၣ်က့ၤခီၣ်က့ၤအီၤတက့ၢ်. ဒီးပှၤတနီၤနီၤ, သး ကညီၤအီၤ, အိၣ်ဒီးတၢ်ပျံၤတၢ်ဖုး,ဒီးသးဟ့တၢ်အကူအ သိးဒၣ်လဲာ်လၢ အသံၣ်သူမီၢ်ကျာ်လၢတၢ်ဖံးတၢ်ညၣ် န့ၣ်တက့ၢ်.
24 ပှၤကွၢ်သုသ့, ဒ်သိးသုသုတလီၤဃံၤတဂ့ၤ,ဒီးပာ်သု လၢအလၤကပီၤအမဲာ်ညါ တအိၣ်ဘၣ်ဒီးမဲၣ်သူမဲၣ်ဂီၤ ဘၣ်လၢတၢ်သူၣ်ခုသးခုဒိၣ်ဒိၣ်ကလဲာ်အပူၤ,
25 ယွၤတ ဂၤဃီ, ပှၤအုၣ်က့ၤခီၣ်က့ၤပှၤလၢပကစၢ်ယ့ၣ်ရှူးခရံာ်တ ဂၤအဃိန့ၣ်, တၢ်လၤကပီၤ, တၢ်ကဟုကညီၢ်,တၢ်ဂံၢ် ဆူၣ်ဘါဆူၣ်, တၢ်စိတၢ်ကမီၤ,မ်အအိၣ်လၢအလိၤလၢ တၢ်စိၤခီၣ်ထံး, ဒီးခဲကနံၣ်အံၤ,ဒီးကယဲၢ်အစိၤအဃၣ်ခဲ လၢာ်တက့ၢ်.အၤမ့ၣ်,