17
1 ယသါလၢာ်တ့ၢ်လံ, ယမုၢ်နံၤမုၢ်နၤတအိၣ်လၢၤဘၣ်, တၢ်သွၣ်ခိၣ်အိၣ်ခိးဝဲလၢယဂီၢ်လီၤ.
2 ပှၤမၤတၢ်တရီတပါတဖၣ်အိၣ်ဝဲဒီးယၤတမ့ၢ်ဘၣ်ဧါ. ဒီးယမဲာ်အိၣ်ဝဲဆိးဝဲလၢ အတၢ်မၤကိၢ်မၤဂီၤအပူၤတ မ့ၢ်ဘၣ်ဧါ.
3 ပာ်လီၤလၢ်တၢ်တက့ၢ်.ဟ့ၣ်ကီၤတၢ်တက့ၢ်. မ့ၢ်မတၤ ကဟံးစုလၢယၤတဂၤလဲၣ်.
4 အဂ့ၢ်ဒ်အံၤ, နဒုးအိၣ်တဒၢအသးဒီးတၢ်ကူၣ်သ့လီၤ. မၤသးဒ်န့ၣ်ဒီးနတပာ်ထီၣ်ထီဘၣ်အီၤဘၣ်.
5 ပှၤလၢအဟ့ၣ်လီၤကွံာ် အတံၤအသကိးဆူပှၤဂုာ်န့ၢ် တၢ်န့ၣ်, အဖိအလံၤအမဲာ်ဒၣ်လဲာ်ကလၢာ်လီၤ.
6 ယွၤပာ်ယၤလၢတၢ်ကတိၤဒိလၢပှၤဂီၢ်မုၢ်အဂီၢ်, ဒီးယ ကဲထီၣ်ပှၤလၢအဘၣ်တၢ်ထူးပှဲာ်အမဲာ်လီၤ.
7 ယမဲာ်ယုာ်လၢတၢ်နးတၢ်ဖှီၣ် အဃိဒီးယက့ၢ်ယဂီၤ ခဲလၢာ်မ့ၢ်တၢ်အကဒုလီၤ.
8 ပှၤအတီအလိၤကကမၢကမၣ်လၢတၢ်အံၤအဃိ, ဒီး ပှၤလၢအတၢ်ဒဲးဘးတအိၣ်ဘၣ်,ကထိၣ်ဂဲၤအသးထီဒါ ပှၤလီတၢ်ဖိလီၤ.
9 ဒီးပှၤအတီအလိၤ ကဟံးဃာ်အကျဲ, ဒီးပှၤလၢအစု ကဆှီန့ၣ်အဂံၢ်အဘါဒံးယံာ်ကဒံးဆူၣ်ထီၣ်လီၤ.
10 မ့မ့ၢ်သုဝဲခဲလၢာ်န့ၣ်ဟဲက့ၤလၢ်တက့ၢ်. ဒီးပှၤကူၣ် တၢ်သ့န့ၣ်ယတထံၣ်ဘၣ်လၢသုကျါနီတဂၤဘၣ်.
11 ယမုၢ်နံၤတဖၣ်ပူၤကွံာ်လံ, ယတိာ်တၢ်ဒီးယသးဆိ ကမိၣ်တၢ်န့ၣ်ဘၣ်တၢ်ဒီၣ်တဲာ်ကွံာ်လံ.
12 မုၢ်နၤကဲထီၣ်မုၢ်ဆါလၢယဂီၢ်, တၢ်ကပီၤအိၣ်ဘူးဒီး တၢ်ခံးလီၤ.
13 မ့ၢ်မးယကွၢ်လၢ်ပျူၤပူၤအကျဲလၢ ယဟံၣ်အဂီၢ်လီၤ. ယဒါလီၤယလီၢ်မံလၢတၢ်ခံးကျါလီၤ.
14 ယစံးတၢ်သွၣ်ခိၣ်, နမ့ၢ်ယပၢ်, လၢၣ်ဧိၤဆှးဧိၤန့ၣ်, နမ့ၢ်ယမိၢ်, ဒီးယဒီပုၢ်ဝဲၢ်မုၣ်လီၤ.
15 ဒီးခဲကနံၣ်အံၤယတၢ်မုၢ်လၢ်အိၣ်ဖဲလဲၣ်. ဒီးယတၢ် မုၢ်လၢ်န့ၣ်မ့ၢ်မတၤကထံၣ်တဂၤလဲၣ်.
16 ကလဲၤလီၤဝဲဆူ ပျူၤပူၤအနီၣ်ဘိတဖၣ်, ဖဲပကအိၣ်ဘှံးလၢဟီၣ်ခိၣ်အ ကမူၣ်န့ၣ်လီၤ.