5
1 ဖဲဒၣ်ပှၤလၢအနာ်လၢယ့ၣ်ရှူးမ့ၢ်ခရံာ်, ကိးဂၤဒဲးန့ၣ်, အိၣ်ဖျဲၣ်လံလၢယွၤလံ. ဒီးဖဲဒၣ်ပှၤလၢအအဲၣ်ပှၤမၤလိၣ် ထီၣ်တၢ်တဂၤန့ၣ်, အဲၣ်ပှၤလၢအဘၣ်တၢ်မၤလိၣ်ထီၣ် လၢအီၤန့ၣ်စ့ၢ်ကီးလီၤ.
2 လၢတၢ်န့ၣ်အဃိ, တုၤပအဲၣ် ယွၤဒီးတိၢ်န့ၢ်အတၢ်မၤလိာ်တဖၣ်ဒီး, ပသ့ၣ်ညါလၢပ အဲၣ်ယွၤအဖိတဖၣ်လီၤ.
3 အဂ့ၢ်ဒ်အံၤ,တၢ်အဲၣ်ယွၤမ့ၢ်အ အံၤ,လၢပတိၢ်န့ၢ်အတၢ်မၤလိာ်လီၤ. ဒီးအတၢ်မၤလိာ် န့ၣ်တကီတခဲဘၣ်လီၤ.
4 အဂ့ၢ်ဒ်အံၤ,ကယဲၢ်ပှၤအိၣ်ဖျဲၣ် လၢယွၤန့ၣ်,မၤနၢၤဟီၣ်ခိၣ်လီၤ. ဒီးတၢ်မၤနၢၤလၢအမၤ နၢၤဟီၣ်ခိၣ်မ့ၢ်အအံၤ,ပတၢ်နာ်လီၤ.
5 မ့တမ့ၢ်ဘၣ်ပှၤလၢ အနာ်လၢယ့ၣ်ရှူးမ့ၢ်ယွၤအဖိခွါန့ၣ်ဒီး, မ့ၢ်မတၤမၤနၢၤ ဟီၣ်ခိၣ်တဂၤလဲၣ်.
6 အအံၤမ့ၢ်ပှၤလၢအဟဲလၢထံဒီးသွံၣ်န့ၣ်,ယ့ၣ်ရှူးခရံာ် လီၤ.ထဲလၢထံဧိၤတမ့ၢ်ဘၣ်, မ့ၢ်လၢထံဒီးသွံၣ်လီၤ. ဒီး သးန့ၣ်မ့ၢ်တၢ်လၢအအုၣ်အသးလီၤ. အဂ့ၢ်ဒ်အံၤ, သး န့ၣ်မ့ၢ်တၢ်မ့ၢ်တၢ်တီလီၤ.
7 အဂ့ၢ်ဒ်အံၤ, တၢ်အုၣ်အသး အိၣ်ဝဲသၢမံၤ,သး,ဒီးထံ,ဒီးသွံၣ်န့ၣ်လီၤ.
8 ဒီးတၢ်သၢမံၤ န့ၣ်,အုၣ်အသးလၢတၢ်တမံၤဃီလီၤ.
9 ပှၤကညီအတၢ် အုၣ်အသးန့ၣ်ပမ့ၢ်တူၢ်လိာ်ဒီး, ယွၤအတၢ်အုၣ်အသး န့ၣ်,မ့ၢ်အဒိၣ်န့ၢ်အန့ၣ်တက့ၢ်လီၤ. အဂ့ၢ်ဒ်အံၤ, တၢ်အံၤ မ့ၢ်ယွၤအတၢ်အုၣ်အသးလၢ အအုၣ်အသးလၢ အဖိခွါ အဂ့ၢ်အကျိၤလီၤ.
10 ပှၤလၢအစူၢ်က့ၤနာ်က့ၤယွၤအဖိခွါ န့ၣ်, အိၣ်ဒီးတၢ်အုၣ်အသးလၢအပူၤဒၣ်ဝဲလီၤ.ပှၤလၢအ တနာ်ဘၣ်ယွၤဘၣ်န့ၣ်, မ့ၢ်အပာ်အီၤလၢပှၤကတိၤတၢ် ကဘျံးကဘျၣ်လီၤ. အဂ့ၢ်ဒ်အံၤ,တနာ်ဘၣ်တၢ်အုၣ်အ သးလၢယွၤအုၣ်အသးလၢအဖိခွါအဂ့ၢ်အကျိၤဘၣ်လီၤ.
11 ဒီးတၢ်အုၣ်အသးမ့ၢ်အအံၤ, ယွၤဟ့ၣ်လီၤပှၤလၢတၢ်မူအ ထူအယိာ်, ဒီးတၢ်လၢတၢ်မူန့ၣ်အိၣ်ဝဲလၢအဖိခွါအပူၤ လီၤ.
12 ပှၤအိၣ်ဒီးအဖိခွါန့ၣ်အိၣ်ဒီးတၢ်မူ,ဒီးပှၤလၢအတ အိၣ်ဘၣ်ဒီး ယွၤအဖိခွါဘၣ်န့ၣ်, တအိၣ်ဘၣ်ဒီးတၢ်မူ ဘၣ်လီၤ.
13 တၢ်န့ၣ်တဖၣ်ယကွဲးန့ၢ်သု, ဒ်သိးသုကသ့ၣ်ညါလၢ သုအိၣ်ဒီးတၢ်မူအထူအယိာ်, လၢသုစူၢ်က့ၤနာ်က့ၤယွၤ အဖိခွါအမံၤအဃိလီၤ.
14 ဒီးပတၢ်သးခူတလ့ၢ်လၢအမဲာ်ညါမ့ၢ်အအံၤ, လၢပ မ့ၢ်ဃ့တၢ်တမံၤမံၤဖဲတၢ်ဘၣ်အသးဒီး, ကဒိကနၣ်ပှၤ လီၤ.
15 ဒီးဖဲဒၣ်ပဃ့တၢ်တမံၤမံၤန့ၣ်,ပမ့ၢ်သ့ၣ်ညါလၢအ ဒိကနၣ်ပှၤဒီး,တၢ်ဃ့တဖၣ်လၢပဃ့လၢအီၤန့ၣ်, ပသ့ၣ် ညါလၢပန့ၢ်ဘၣ်လီၤ.
16 ပှၤမ့ၢ်ထံၣ် အဒီပုၢ်ဝဲၢ်မၤတၢ်ဒဲးဘးလၢ အတဘၣ်သံ ဘၣ်တမံၤဒီး,ကဘါထုကဖၣ်တၢ်လၢအဂီၢ်, ဒီးတၢ်က ဟ့ၣ်အီၤလၢတၢ်မူ,လၢပှၤလၢအမၤတၢ်ဒဲးဘးလၢအတ ဘၣ်သံဘၣ်တဖၣ်န့ၣ်အဂီၢ်လီၤ. တၢ်ဒဲးဘးလၢအဘၣ် သံန့ၣ်အိၣ်ဝဲလီၤ.လၢအဘၣ်ဃ့တၢ်လၢတၢ်န့ၣ်တမံၤအ ဂ့ၢ်အကျိၤဒီး,ယတစံးဘၣ်.
17 ကယဲၢ်တၢ်တတီတလိၤဘၣ်မ့ၢ်တၢ်ဒဲးဘးလီၤ.ဒီးတၢ် ဒဲးဘးလၢအတဘၣ်သံဘၣ်အိၣ်ဝဲလီၤ.
18 ပသ့ၣ်ညါပှၤအိၣ်ဖျဲၣ်လၢယွၤန့ၣ်, တမၤဘၣ်တၢ်ဒဲး ဘးနီတဂၤဘၣ်.မ့မ့ၢ်ပှၤလၢအအိၣ်ဖျဲၣ်လၢယွၤန့ၣ်, ပၢၤ လီၤဒၣ်အသး,ဒီးတၢ်အၢတၢ်သီတဂၤန့ၣ်, တထိးဘၣ် အီၤဘၣ်.
19 ပသ့ၣ်ညါလၢပဘၣ်ဃးဒီးယွၤ, ဒီးလၢ ဟီၣ်ခိၣ်ခဲ လၢာ်မံလီၤဝဲလၢတၢ်အၢတၢ်သီတဂၤန့ၣ်အပူၤလီၤ.
20 ဒီး ပသ့ၣ်ညါလၢယွၤအဖိခွါဟဲ, ဒီးဟ့ၣ်လံပှၤလၢပသူၣ်ဖး ပသးဖး,ဒ်သိးပကသ့ၣ်ညါတၢ်မ့ၢ်တၢ်တီတဂၤန့ၣ်လီၤ. ဒီးပအိၣ်လၢတၢ်မ့ၢ်တၢ်တီတဂၤန့ၣ်အပူၤ, လၢအဖိခွါ ယ့ၣ်ရှူးခရံာ်အပူၤလီၤ. အဝဲဒၣ်မ့ၢ်ယွၤနီၢ်နီၢ်,ဒီးတၢ်မူအ ထူအယိာ်လီၤ.
21 ဖိဆံးသ့ၣ်ဧၢ, ပလီၢ်သုသးလၢတၢ်ဂီၤတၢ်ဖီၣ်န့ၣ်တ က့ၢ်.