2
1 ယဖိဆံးသ့ၣ်ဧၢ, တၢ်တဖၣ်အံၤယကွဲးန့ၢ်သု,ဒ်သိး သုသုတမၤတၢ်ဒဲးဘးတဂ့ၤ,ဒီးပှၤမ့ၢ်မၤတၢ်ဒဲးဘးတဂၤ ဂၤဒီး,ပှၤသကွံၢ်ကညးန့ၢ်ပဂီၢ်လၢပၢ်အအိၣ်န့ၣ်အိၣ်တ ဂၤလီၤ.အဝဲဒၣ်မ့ၢ်တၢ်တီတၢ်လိၤယ့ၣ်ရှူးခရံာ်တဂၤန့ၣ် လီၤ.
2 ဒီးအဝဲဒၣ်မ့ၢ်တၢ်မၤပူၤဖျဲးပတၢ်ဒဲးဘး, ဒီးတမ့ၢ် ဘၣ်ထဲပတၢ်ဒဲးဘးပဝဲဧိၤဘၣ်. မ့ၢ်ပှၤဟီၣ်ခိၣ်ဖိခဲလၢာ် အတၢ်ဒဲးဘးစ့ၢ်ကီးလီၤ.
3 ဒီးပမ့ၢ်တိၢ်န့ၢ် အတၢ်မၤလိာ်ဒီး,လၢအဝဲန့ၣ်အဃိ, ပသ့ၣ်ညါလၢပသ့ၣ်ညါလံအီၤလီၤ.
4 ပှၤလၢအစံး, ယ သ့ၣ်ညါလံအီၤန့ၣ်, ဒီးတတိၢ်န့ၢ်ဘၣ်အတၢ်မၤလိာ်န့ၣ်, မ့ၢ်ပှၤလၢအကတိၤတၢ်ကဘျံးကဘျၣ်,ဒီးတၢ်မ့ၢ်တၢ်တီ တအိၣ်ဘၣ်လၢအပူၤဘၣ်.
5 မ့မ့ၢ်ဖဲဒၣ်ပှၤလၢအတိၢ်န့ၢ် အကလုၢ်အကထါန့ၣ်, ယွၤအတၢ်အဲၣ်တၢ်ကွံလၢထီၣ် ပှဲၤထီၣ်လၢအပူၤနီၢ်နီၢ်လီၤ. လၢအဝဲန့ၣ်အဃိ, ပသ့ၣ် ညါလၢပအိၣ်လၢအပူၤလီၤ.
6 ပှၤလၢအစံးဝဲ,ယအိၣ်ယ ဆိးလၢယပူၤန့ၣ်ဒီး, ဒ်အဝဲဒၣ်လဲၤတၢ်အသိး,အကစၢ် ဒၣ်ဝဲဂ့ၤလဲၤစ့ၢ်ကီးတၢ်ဒ်န့ၣ်အသိးလီၤ.
7 ပှၤသးဘိသ့ၣ်ဧၢ, ယကွဲးန့ၢ်သုလၢတၢ်မၤလိာ်အသီ တမ့ၢ်ဘၣ်, မ့ၢ်တၢ်မၤလိာ်အလီၢ်လံၤလၢ အအိၣ်ဒီးသု လၢပျၢၤလံၤလံၤန့ၣ်လီၤ. တၢ်မၤလိာ်အလီၢ်လံၤန့ၣ်,မ့ၢ် တၢ်အကလုၢ်အကထါလၢသုနၢ်ဟူလၢပျၢၤလံၤလံၤန့ၣ် လီၤ.
8 မၤကဒီးတစု, ယကွဲးန့ၢ်သုလၢတၢ်မၤလိာ်အသီ, လၢအမ့ၢ်တၢ်အမ့ၢ်အတီလၢအဝဲဒၣ်အပူၤ, ဒီးလၢသုပူၤ လီၤ.အဂ့ၢ်ဒ်အံၤ,တၢ်ခံးန့ၣ်ဒံကွံာ်, ဒီးတၢ်ကပီၤနီၢ်နီၢ်န့ၣ် ကပီၤထီၣ်ခဲကနံၣ်အံၤလီၤ.
9 ပှၤလၢအစံး,လၢသါအိၣ် လၢတၢ်ကပီၤအပူၤ, ဒီးသးဟ့အဒီပုၢ်ဝဲၢ်န့ၣ်,မ့ၢ်အအိၣ် ဒံးလၢတၢ်ခံးအပူၤတုၤခဲကနံၣ်အံၤလီၤ.
10 ပှၤလၢအအဲၣ် အဒီပုၢ်ဝဲၢ်န့ၣ်, မ့ၢ်အအိၣ်အဆိးလၢတၢ်ကပီၤအပူၤ,ဒီး တၢ်လီၤကမၣ်အလီၢ်တအိၣ်ဘၣ်လၢအပူၤဘၣ်.
11 မ့မ့ၢ် ပှၤလၢအသးဟ့အဒီပုၢ်ဝဲၢ်န့ၣ်, မ့ၢ်အအိၣ်လၢတၢ်ခံးအ ပူၤ,ဒီးလဲၤတၢ်လၢတၢ်ခံးအပူၤ, ဒီးမ့ၢ်အလဲၤဆူလဲၣ်ဆူ လဲၣ်န့ၣ်တသ့ၣ်ညါဘၣ်ဝဲဘၣ်. အဂ့ၢ်ဒ်အံၤ, တၢ်ခံးန့ၣ် မၤမဲာ်ဘျီၣ်အီၤလီၤ.
12 ဖိဆံးသ့ၣ်ဧၢ,ယကွဲးန့ၢ်သုလီၤ. အဂ့ၢ်ဒ်အံၤ,တၢ်ပျၢ် သုတၢ်ဒဲးဘးလၢအမံၤအဃိလီၤ.
13 ပၢ်သ့ၣ်ဧၢ,ယကွဲးန့ၢ် သုလီၤ. အဂ့ၢ်ဒ်အံၤ, သုသ့ၣ်ညါလံပှၤလၢအအိၣ်လၢ ထံးလၢသီလီၤ. ဖိၣ်သၣ်ခွါသ့ၣ်ဧၢ,ယကွဲးန့ၢ်သုလီၤ.အဂ့ၢ်ဒ်အံၤ,သုမၤနၢၤလံတၢ်အၢတဂၤလီၤ. ဖိသၣ်သ့ၣ်ဧၢ, ယကွဲးန့ၢ်သုလီၤ.အဂ့ၢ်ဒ်အံၤ,သုသ့ၣ်ညါလံပၢ်လီၤ.
14 ပၢ် သ့ၣ်ဧၢ,ယကွဲးန့ၢ်သုလီၤ. အဂ့ၢ်ဒ်အံၤ,သုသ့ၣ်ညါလံပှၤ လၢအအိၣ်လၢထံးလၢသီတဂၤလီၤ. ဖိၣ်သၣ်ခွါသ့ၣ်ဧၢ, ယကွဲးန့ၢ်သုလီၤ. အဂ့ၢ်ဒ်အံၤ, သုဂံၢ်ဆူၣ်ဘါဆူၣ်,ဒီး ယွၤအကလုၢ်အကထါအိၣ်ဝဲဆိးဝဲလၢသုပူၤ, ဒီးသုမၤ နၢၤလံတၢ်အၢတဂၤလံ.
15 အဲၣ်ဟီၣ်ခိၣ်ဒီးတၢ်အိၣ်လၢအပူၤတဂ့ၤ. ပှၤမ့ၢ်အဲၣ် ဟီၣ်ခိၣ်တဂၤဂၤဒီး, ပၢ်အတၢ်အဲၣ်တအိၣ်ဘၣ်လၢအ ပူၤဘၣ်.
16 အဂ့ၢ်ဒ်အံၤ,ကယဲၢ်တၢ်အိၣ်လၢဟီၣ်ခိၣ်ချၢ, ပ ဖံးပညၣ်အသးကွံတၢ်, ဒီးပမဲာ်အတၢ်သးကွံ,ဒီးအအံၤ တဃၣ်အသးကဖၢလၢန့ၣ်, တဘၣ်ဃးဘၣ်ဒီးပၢ်ဘၣ်, မ့ၢ်အဘၣ်ဃးဒီးဟီၣ်ခိၣ်လီၤ.
17 ဒီးဟီၣ်ခိၣ်,ဒီးဟီၣ်ခိၣ် အတၢ်သးကွံန့ၣ်ဒံကွံာ်ဝဲ, မ့မ့ၢ်ပှၤမၤဖဲယွၤအသးန့ၣ်,က အိၣ်ကဆိးလီၤထူလီၤယိာ်လီၤ.
18 ဖိဒံဖိသၣ်သ့ၣ်ဧၢ, မ့ၢ်ဝဲလၢနၣ်ရံၣ်အခံကတၢၢ်ဒီး,ဒ် သုနၢ်ဟူလၢပှၤဂ့ၢ်လိာ်ခရံာ်တဂၤကဟဲဝဲအသိးန့ၣ်, ခဲ ကနံၣ်အံၤဒၣ်လဲာ်, ပှၤအါဂၤကဲထီၣ်ပှၤဂ့ၢ်လိာ်ခရံာ်န့ၣ် လီၤ.မၤသးဒ်န့ၣ်ဒီး, ပသ့ၣ်ညါလၢအမ့ၢ်နၣ်ရံၣ်လၢအခံ ကတၢၢ်လီၤ.
19 အဝဲသ့ၣ်တဖၣ်န့ၣ်ဟးထီၣ်ကွံာ်လၢပ ကျါ,ဘၣ်ဆၣ်ဒီးတဘၣ်ဃးဘၣ်ဒီးပှၤဘၣ်. အဂ့ၢ်ဒ်အံၤ, မ့ၢ်ဘၣ်ဃးဒီးပှၤဒီး, ကအိၣ်ကဆိးတ့ၢ်ဒီးပှၤလီၤ. မ့ၢ်ဒ် သိး အကအိၣ်ဖျါထီၣ်လၢ အဝဲသ့ၣ်ခဲလၢာ်တဘၣ်ဃး ဘၣ်ဒီးပှၤဘၣ်လီၤ.
20 ဒီးသုဝဲသ့ၣ်အံၤ, သုအိၣ်ဒီးတၢ်ဖှူလၢပှၤစီဆှံတဂၤအ စုပူၤ,ဒီးသုသ့ၣ်ညါတၢ်ခဲလၢာ်လီၤ.
21 သုတသ့ၣ်ညါဘၣ် တၢ်မ့ၢ်တၢ်တီအဃိဒီး, ယကွဲးန့ၢ်သုတမ့ၢ်ဘၣ်.မ့ၢ်သု သ့ၣ်ညါအီၤအဃိ, ဒီးမ့ၢ်သုသ့ၣ်ညါလၢတၢ်ကတိၤက ဘျံးကဘျၣ်တဘၣ်ဃးဘၣ်ဒီး တၢ်မ့ၢ်တၢ်တီနီတမံၤ ဘၣ်အဃိလီၤ.
22 မ့တမ့ၢ်ဘၣ်ပှၤလၢအသမၢဝဲလၢယ့ၣ် ရှူးမ့ၢ်ခရံာ်ဒီး, မ့ၢ်မတၤကတိၤတၢ်ကဘျံးကဘျၣ်တဂၤ လဲၣ်. အဝဲဒၣ်မ့ၢ်ပှၤလၢအဂ့ၢ်လိာ်ခရံာ်,ပှၤလၢအသမၢ ပၢ်ဒီးဖိခွါန့ၣ်လီၤ.
23 ပှၤလၢအသမၢအဖိခွါန့ၣ်တအိၣ် ဘၣ်ဒီးပၢ်နီတဂၤဘၣ်. မ့မ့ၢ်ပှၤလၢအအၢၣ်လီၤအီလီၤဖိ ခွါန့ၣ်,အိၣ်စ့ၢ်ကီးဒီးပၢ်လီၤ.
24 မၤသးဒ်န့ၣ်ဒီးသုဝဲသ့ၣ်အံၤ, တၢ်လၢသုနၢ်ဟူလၢ ထံးလၢသီန့ၣ်,မ်အအိၣ်အဆိးလၢသုပူၤတက့ၢ်. တၢ်လၢ သုနၢ်ဟူလၢထံးလၢသီန့ၣ်, မ့ၢ်အိၣ်မ့ၢ်ဆိးလၢသုပူၤဒီး, သုကအိၣ်သုကဆိးလၢဖိခွါအပူၤ,ဒီးပၢ်အပူၤလီၤ.
25 ဒီး အအံၤမ့ၢ်တၢ်စံးပာ်လၢအကစၢ်ဒၣ်ဝဲစံးပာ်ပှၤန့ၣ်, တၢ် မူအထူအယိာ်လီၤ.
26 တၢ်န့ၣ်တဖၣ် ယကွဲးန့ၢ်သုလၢပှၤလၢအလီန့ၢ်သုအ ဂ့ၢ်အကျိၤလီၤ.
27 ဒီးတၢ်ဖှူလၢသုဒိးန့ၢ်လၢအဝဲဒၣ်တဂၤ, အိၣ်ဝဲဆိးဝဲလၢသုပူၤ, ဒီးပှၤသိၣ်က့ၤသုအလီၢ်တအိၣ် ဘၣ်ဝဲဘၣ်. မ့မ့ၢ်ဒ်တၢ်ဖှူန့ၣ်သိၣ်က့ၤသုလၢတၢ်ခဲလၢာ် အဂ့ၢ်အကျိၤ, ဒီးမ့ၢ်အမ့ၢ်အတီ,ဒီးတမ့ၢ်ဘၣ်တၢ်ကဘျံး ကဘျၣ်ဘၣ်,ဒီးဒ်အသိၣ်က့ၤသုအသိးန့ၣ်,အိၣ်သုဝဲဆိး သုဝဲလၢအပူၤတက့ၢ်.
28 ဒီးခဲကနံၣ်အံၤ ဖိဆံးသ့ၣ်ဧၢ, တုၤအအိၣ်ဖျါထီၣ်ဒီး, ဒ်သိးပကပာ်ပသးခူတလ့ၢ်, ဒီးသုတမဲာ်ဆှးလၢအမဲာ်ညါဖဲအဟဲဝဲန့ၣ်တဂ့ၤဒီး, အိၣ်သုဝဲဆိးသုဝဲလၢအပူၤတ က့ၢ်.
29 သုမ့ၢ်သ့ၣ်ညါလၢ အဝဲဒၣ်မ့ၢ်တၢ်တီတၢ်လိၤဒီး, သုသ့ၣ်ညါလၢကယဲၢ်ပှၤလၢအမၤတၢ်တီတၢ်လိၤတဂၤ လၢ်လၢ်န့ၣ်အိၣ်ဖျဲၣ်ဝဲလၢအီၤလီၤ.