66
1 ယွၤစံးဒ်အံၤ, မူခိၣ်မ့ၢ်ယလီၢ်ပစိာ်,ဒီးဟီၣ်ခိၣ်မ့ၢ်ယ ခီၣ်ယီၢ်အလီၢ်လီၤ. ဟံၣ်လၢသုကသူၣ်လၢယဂီၢ်န့ၣ်မ့ၢ် အအိၣ်ဖဲလဲၣ်,ဒီးယအိၣ်ဘှံးအလီၢ်န့ၣ်မ့ၢ်အအိၣ်ဖဲလဲၣ်.
2 အဂ့ၢ်ဒ်အံၤ, တၢ်တဖၣ်န့ၣ်ခဲလၢာ်ယစုဒၣ်ယဲမၤဝဲ,ဒီး တၢ်တဖၣ်န့ၣ်ခဲလၢာ်ကဲထီၣ်ဝဲလီၤ, ယွၤစံးဝဲဒၣ်.ဒီးယ ကကွၢ်ပှၤတဂၤအံၤ, ပှၤလၢအသူၣ်စူၤအသးစူၤ, ဒီးအ သူၣ်ကၢ်အသးလီၤ,ဒီးပျံၤယကလုၢ်ယကထါန့ၣ်လီၤ.
3 ပှၤလၢအမၤသံဂီၤဖံးလၢ တၢ်လုၢ်အဂီၢ်န့ၣ် မ့ၢ်ပှၤလၢ အမၤသံပှၤကညီ, ပှၤလၢအလုၢ်သိဖိန့ၣ်မ့ၢ်ပှၤလၢအမၤ ကၢ်ကွံာ်ထွံၣ်အကိာ်, ပှၤလၢအမၤဘူၣ်ကိၣ်န့ၣ်မ့ၢ်ပှၤ လၢအမၤဘူၣ်ထိးအသွံၣ်, ပှၤလၢအဆိၣ်ကဲၤတၢ်နၢမူ န့ၣ်မ့ၢ်ပှၤလၢအစံးထီၣ်ပတြၢၤတၢ်ဂီၤလီၤ. မ့ၢ်မးအဝဲ သ့ၣ်တဖၣ်န့ၣ်ဃုထၢလံအကျဲတဖၣ်ဒၣ်ဝဲ, ဒီးအသးမုာ် လၤလၢအတၢ်သးဘၣ်အၢအပူၤလံ.
4 ယဲဒၣ်အံၤယကဃုထၢစ့ၢ်ကီး အတၢ်နးတၢ်ဖှီၣ်, ဒီး တၢ်လၢအပျံၤအီၤတဖၣ်န့ၣ်ယကဒုးဟဲဘၣ်အီၤလီၤ. အ ဂ့ၢ်ဒ်အံၤ, ယကိးထီၣ်,ဒီးတစံးဆၢဘၣ်နီတဂၤဘၣ်.ယ ကတိၤတၢ်, ဒီးတကနၣ်ဘၣ်တၢ်ဘၣ်.ဒီးမၤတၢ်အၢလၢ ယမဲာ်ညါ, ဒီးဃုထၢတၢ်လၢအတဘၣ်ဘၣ်ယသးဘၣ် န့ၣ်လီၤ.
5 ကနၣ်ယွၤအကလုၢ်ကထါတက့ၢ်. ပှၤလၢအကနိး တၢ်လၢအကလုၢ်အဃိသ့ၣ်ဧၢ.သုဒီပုၢ်ဝဲၢ်လၢအသးဟ့ သု,ဒီးဟီထီၣ်ကွံာ်သုလၢယမံၤအဃိစံးဝဲဒၣ်,မ်ယွၤဘၣ် တၢ်လၤကပီၤတက့ၢ်. ဒီးပကထံၣ်ဘၣ်သုသူၣ်ခုသးခု လီၤ.မ့မ့ၢ်အဝဲသ့ၣ်တဖၣ်န့ၣ်အမဲာ်ကဆှးလီၤ.
6 တၢ်တၢထီၣ်တၢလီၤအသီၣ်လၢဝ့ၢ်ပူၤ, တၢ်သီၣ်လၢ တၢ်လုၢ်ဟံၣ်ပူၤမးလဲၣ်. မ့ၢ်ယွၤအကလုၢ်လၢအမၤဆၢ တၢ်အၢလၢအဒုၣ်အဒါန့ၣ်လီၤ.
7 တချုးအဟုးဆါဒံးဘၣ်န့ၣ်ဆံးစၢ်တၢ်, တချုးအဘၣ် တၢ်ဟုးဆါဒံးဘၣ်န့ၣ်ဖိသၣ်ပိာ်ခွါအိၣ်ဖျဲၣ်ဝဲလီၤ.
8 မ့ၢ်မတၤနၢ်ဟူတၢ်ဒ်န့ၣ်သိးတမံၤတဂၤလဲၣ်. မ့ၢ်မတၤ ထံၣ်ဘၣ်တၢ်ဒ်န့ၣ်သိးတဖၣ်လဲၣ်. တၢ်ကဆံးစၢ်ကီၢ်တ ဘ့ၣ်လၢတနံၤအတီၢ်ပူၤန့ၣ်ဧါ. ပှၤတကလုာ်ကအိၣ်ဖျဲၣ် တဘျီဃီဧါ.အဂ့ၢ်ဒ်အံၤ, တုၤစံယိၣ်ဘၣ်တၢ်ဟုးဆါဒီး, ဆံးစၢ်အဖိတဖၣ်လီၤ.
9 ယကဒုးဟဲဆူတၢ်အိၣ်ဖျဲၣ်အလီၢ်, ဒီးတဒုးအိၣ်ဖျဲၣ် ဘၣ်စ့ၢ်ကီးဧါ,ယွၤစံးဝဲဒၣ်. ယကမၤလိၣ်ထီၣ်,ဒီးတဒုး ဆံးစၢ်ဘၣ်တၢ်ဘၣ်ဧါ,နကစၢ်စံးဝဲဒၣ်.
10 သူၣ်ခုသးခုဒီးယရူၤၡလ့ၣ်,ဒီးသူၣ်ဖှံသးညီဒီးအီၤ, က ယဲၢ်ပှၤလၢအအဲၣ်အီၤသ့ၣ်ဧၢ, သူၣ်ပိၢ်သးဝးဒီးအီၤ,က ယဲၢ်ပှၤလၢအသူၣ်အုးသးအုးဒီးအီၤသ့ၣ်ဧၢ,
11 ဒ်သိးသု ကစူၢ်တၢ်ဒီးဘျဲးအီၣ်လၢ အနုၢ်အနါဘၣ်ဃးဒီးတၢ်မၤ မုာ်ထီၣ်က့ၤ, ဒ်သိးသုကစူၢ်န့ၢ်တၢ်ဒီး သူၣ်ဖှံသးညီ, လၢအလၤကပီၤအလၢအပှဲၤလီၤ.
12 အဂ့ၢ်ဒ်အံၤ, ယွၤစံးဝဲဒ်အံၤ,ကွၢ်ကွၢ်,ယကဒုးဘၣ်အီၤ လၢတၢ်ဃူတၢ်ဖိးဒ်ထံမိၢ်ပှၢ်အသိး, ဒီးပှၤကလုာ်တဖၣ် အလၤကပီၤဒ်ထံကျိလၢ အလုၣ်ဘၢတၢ်အသိးန့ၣ်လီၤ. ဒီးသုကစူၢ်တၢ်,ဒီးတၢ်ကစိာ်သုလၢအကပၤလိၤ,ဒီးတၢ် ကသယဲးသုလၢအကံၣ်လူၢ်ခိၣ်လီၤ.
13 ဒ်ပှၤလၢအမိၢ်မၤမုာ်ထီၣ်က့ၤအီၤအသိးန့ၣ်, ယဲဒၣ် အံၤယကမၤမုာ်ထီၣ်က့ၤသုဒ်န့ၣ်သိး, ဒီးသုကဘၣ်တၢ် မၤမုာ်ထီၣ်က့ၤသုလၢယရူၤၡလ့ၣ်အပူၤလီၤ.
14 ဒီးသုကထံၣ်ဘၣ်တၢ်, ဒီးသုသးကသူၣ်ဖှံသးညီ,ဒီး သုဃံကဂ့ၤထီၣ်ဒ်နီၣ်ဧိၤမံၤဧိၤအသိးန့ၣ်, ဒီးယွၤအစုက အိၣ်ဖျါထီၣ်လၢအခ့အပှၤအမဲာ်ညါ, ဒီးကသးထီၣ်ဘၣ် အဒုၣ်အဒါန့ၣ်လီၤ.
15 အဂ့ၢ်ဒ်အံၤ,ကွၢ်ကွၢ်, ယွၤကဟဲလၢမ့ၣ်အူပူၤ, ဒီးအ လ့ၣ်ကဟၣ် မၤသးဒ်ကလံၤသဝံးအသိး, ဒ်သိးအက လၢာ်အသးထီၣ်လၢ အသးကဲၤထီၣ်အပူၤ, ဒီးအတၢ် သိၣ်ဃီၣ်လၢမ့ၣ်လၣ်အကျါလီၤ.
16 အဂ့ၢ်ဒ်အံၤ, ယွၤကလိာ်ကွီၢ်ဒီးတၢ်ဖံးတၢ်ညၣ်ခဲလၢာ် လၢမ့ၣ်အူ,ဒီးလၢအနးတဘ့ၣ်န့ၣ်,ဒီးပှၤလၢအဘၣ်တၢ် မၤသံအီၤလၢယွၤန့ၣ်ကအိၣ်အါဂၤလီၤ.
17 ပှၤလၢအမၤစီဆှံအသး, ဒီးမၤကဆှီအသးလၢတၤ သၣ်အလီၢ်ပူၤန့ၣ်အိၣ်လၢပှၤတဂၤဘၣ်တဂၤလၢအသး ကံၢ်ပူၤ, ဒီးအီၣ်ထိးအညၣ်, ဒီးတၢ်သးဘၣ်အၢ,ဒီးယုၢ် သူၣ်တဖၣ်န့ၣ်ကဟးဂီၤတပူၤဃီလီၤ,ယွၤစံးဝဲဒၣ်.
18 အဂ့ၢ်ဒ်အံၤ, ယသ့ၣ်ညါအမၤတၢ်,ဒီးအဆိကမိၣ်တၢ် လီၤ. အဆၢအကတီၢ်ဘၣ်လၢယကဒုးအိၣ်ဖှိၣ်ကယဲၢ် ပှၤကလုာ်,ဒီးပှၤကတိၤတၢ်အကျိာ်ခဲလၢာ်, ဒီးကဟဲဝဲ, ဒီးကထံၣ်ဘၣ်ယလၤကပီၤလီၤ.
19 ဒီးယကပာ်တၢ်အပနီၣ်လၢအကျါ,ဒီးယကမၢလီၤပှၤ လၢအထူၣ်ဖျဲးတဖၣ်ဆူပှၤကလုာ်တဖၣ်အအိၣ်,ဆူတၢ် ၡံၣ်,ပူလး,ဒီးလူး,ပှၤလၢအခးချံၣ်, ဆူတူၤဘလး,ဒီးယၤ ဝၣ်,ဒီးဆူပီၣ်လဲၣ်နံၤအိၣ်လၢအယံၤအယိာ်လၢအတနၢ် ဟူဘၣ်ယဂ့ၢ်, ဒီးလၢအတထံၣ်ဘၣ်ယလၤကပီၤဘၣ် န့ၣ်လီၤ. ဒီးကစံၣ်တဲၤတဲလီၤဝဲယလၤကပီၤလၢပှၤက လုာ်တဖၣ်န့ၣ်အကျါလီၤ.
20 ဒီးကဟဲစိာ်သုဒီပုၢ်ဝဲၢ်ခဲလၢာ်လၢ တၢ်မၤဘူၣ်ယွၤအ ဂီၢ်, လၢကယဲၢ်ပှၤကလုာ်တဖၣ်အကျါ,အိၣ်လၢကသ့ၣ် လိၤ,ဒီးလၢလ့ၣ်ကဟၣ်အပူၤ,ဒီးလၢစုာ်အပူၤ,ဒီးလၢက သ့ၣ်လၤအလိၤ, ဒီးလၢကီၤလၤအူးအလိၤန့ၣ်ဆူယက စၢၢ်စီဆှံ, ယရူၤၡလ့ၣ်န့ၣ်,ယွၤစံးဝဲဒၣ်,ဒ်ပှၤအံၣ်စရ့လး ဖိဟဲစိာ်တၢ်မၤဘူၣ်လၢ လီခီကဆှီအပူၤဆူယွၤအဟံၣ် ပူၤအသိးန့ၣ်လီၤ.
21 ဒီးယကဟံးန့ၢ်စ့ၢ်ကီး တနီၤနီၤလၢအကျါလၢအက ကဲထီၣ်ပှၤလုၢ်တၢ်အဒိၣ်,ဒီးပှၤလ့ၤဝံဖိန့ၣ်,ယွၤစံးဝဲဒၣ်.
22 အဂ့ၢ်ဒ်အံၤ, ဒ်မူခိၣ်အသီ,ဒီးဟီၣ်ခိၣ်အသီလၢယတ့ လီၤအီၤန့ၣ်အိၣ်ဝဲဆိးဝဲလၢယမဲာ်ညါအသိးန့ၣ်, သုချံ သုသၣ်,ဒီးသုမံၤသုသၣ်ကအိၣ်ကဆိးဒ်န့ၣ်သိး, ယွၤစံး ဝဲဒၣ်.
23 ဒီးတၢ်ကမၤအသးလၢလါထီၣ်သီ တုၤလၢလါထီၣ် သီ,ဒီးလၢအိၣ်ဘှံးနံၤတုၤလၢအိၣ်ဘှံးနံၤန့ၣ်,ကယဲၢ်တၢ် ဖံးတၢ်ညၣ် ကဟဲဘူၣ်ထီၣ်ဘါထီၣ်လၢ ယမဲာ်ညါခဲ လၢာ်လီၤ,ယွၤစံးဝဲဒၣ်.
24 ဒီးကလဲၤထီၣ်ဝဲဒီး ထံၣ်ဘၣ်ပှၤအစိၣ်လၢအမၤကမၣ် ဘၣ်ယၤတဖၣ်န့ၣ်လီၤ. အဂ့ၢ်ဒ်အံၤ,အလၢၣ်တသံဘၣ်, ဒီးအမ့ၣ်အူတလီၤပံာ်ဘၣ်, ဒီးကကဲထီၣ်တၢ်သးဘၣ် အၢလၢကယဲၢ်တၢ်ဖံးတၢ်ညၣ်အမဲာ်ညါခဲလၢာ်လီၤ.