58
1 ကိးထီၣ်လၢနကလုၢ်ဒိၣ်တက့ၢ်.သးလီတၢ်တဂ့ၤ.ထု ထီၣ်နကလုၢ်ဒ်ကွဲၤအသိးန့ၣ်, ဒီးစံးဘၣ်တဲဘၣ်ယပှၤ ဂီၢ်မုၢ်လၢအတၢ်ကမၣ်, ဒီးယၤကိာ်အပှၤဟံၣ်ဖိလၢအ တၢ်ဒဲးဘးတက့ၢ်.
2 ဘၣ်ဆၣ်ဒီးအဝဲသ့ၣ်ဃုယၤတနံၤဘၣ်တနံၤ, ဒီးဘၣ် အသးလၢတၢ်သ့ၣ်ညါယကျဲ, ဒ်ပှၤတကလုာ်လၢအမၤ တၢ်တီတၢ်လိၤ, ဒီးတလဲၤသဒၣ်ဘၣ်အကစၢ်အတၢ်စံၣ် ညီၣ်ဘၣ်အသိးန့ၣ်လီၤ. ဃ့ဝဲလၢတၢ်စံၣ်ညီၣ်တီလၢယၤ, ဒီးမုာ်လၤဝဲလၢတၢ်သုးဘူးအသးဆူယွၤအအိၣ်န့ၣ်လီၤ.
3 ပဒုၣ်တၢ်အီၣ်တၢ်အီ, ဒီးနတထံၣ်ဘၣ်န့ၣ်, ပမၤနး မၤဖှီၣ်ပသး, ဒီးနတသ့ၣ်ညါဘၣ်န့ၣ် မ့ၢ်အဘၣ်မနုၤ လဲၣ်. ကွၢ်ကွၢ်, လၢသုဒုၣ်တၢ်အီၣ်တၢ်အီအမုၢ်တနံၤ န့ၣ်သုထံၣ်န့ၢ်တၢ်ဘၣ်သုသး, ဒီးမၢဆူၣ်ပှၤမၤသုတၢ်မၤ ခဲလၢာ်လီၤ.
4 ကွၢ်ကွၢ်, လၢတၢ်ဂ့ၢ်လိာ်ဘှီလိာ်ဒီးတၢ်အ့ၣ်လိာ်ဆိး က့လိာ်အဂီၢ်န့ၣ် သုဒုၣ်တၢ်အီၣ်တၢ်အီ, ဒီးလၢထိတၢ် လၢတၢ်အၢအစုခိၣ်အဂီၢ်န့ၣ်လီၤ.သုတဒုၣ်တၢ်အီၣ်တၢ် အီလၢမုၢ်မဆါတနံၤအံၤလၢ သုကဒုးနၢ်ဟူသုကလုၢ် လၢတၢ်ထီၣ်ထီဘၣ်.
5 အဝဲန့ၣ်မ့ၢ်တၢ်ဒုၣ်တၢ်အီၣ်တၢ်အီလၢ ယဃုထၢအီၤ, မုၢ်တနံၤလၢပှၤကမၤနးမၤဖှီၣ်အသးစ့ၢ်ကီးဧါ. မ့ၢ်ဒ်သိး ပှၤကဆုးလီၤအခိၣ်ဒ်ဆှဲအကမိာ်အသိး, ဒီးဒ်သိးအက ဒါလီၤထၢၣ်အတၢ်ကံးညာ် ဒီးဖၣ်ဆါလၢအဖီလာ်န့ၣ် စ့ၢ်ကီးဧါ. နကကိးတၢ်န့ၣ်တမံၤလၢတၢ်ဒုၣ်တၢ်အီၣ် တၢ်အီ, ဒီးမုၢ်တနံၤလၢအဘၣ်ယွၤအသးစ့ၢ်ကီးဧါ.
6 တၢ်ဒုၣ်တၢ်အီၣ်တၢ်အီလၢ အဘၣ်ယသးမ့ၢ်အအံၤ, တၢ်ဃ့ၣ်လီၤကွံာ်တၢ်အၢအပျံၤ,တၢ်ဘ့ၣ်ကွံာ်တၢ်ဝံဃၢ, ဒီးတၢ်မၤထူၣ်ဖျဲးပှၤဘၣ်တၢ်မၤအၢအီၤ, ဒီးတၢ်မၤကၢ် ကွံာ်နီၣ်ယိးဘိကိဘိဒဲးန့ၣ် တမ့ၢ်ဘၣ်ဧါ.
7 မ့ၢ်တၢ်နီၤ ဟ့ၣ်နကိၣ်လၢပှၤတၢ်သၣ်ဝံၤအသးအဂီၢ်, ဒီးတၢ်ဟဲစိာ် ပှၤဖှီၣ်ဖိယာ်ဖိလၢ အပှၤဘၣ်တၢ်ဟီထီၣ်ကွံာ်အီၤန့ၣ်ဆူ နဟံၣ်ပူၤန့ၣ်တမ့ၢ်ဘၣ်ဧါ. တုၤနထံၣ်ပှၤအိၣ်ဘ့ၣ်ဆ့ဒီး, လၢနကဒုးကူဒုးသိးအီၤ,ဒီးလၢနတပာ်တဒၢဘၣ်နသး ဒီးနဘူးနတံၢ်ဒၣ်နဲ,တမ့ၢ်ဘၣ်ဧါ.
8 တုၤနုၤတစုနတၢ်ကပီၤကကပီၤထီၣ်ဒ်မုၢ်ဆ့ၣ်အသိး, ဒီးနတၢ်ဘျါက့ၤန့ၣ် ကအိၣ်ထီၣ်ချ့သဒံးလီၤ.တုၤနုၤတ စုနတၢ်တီတၢ်လိၤကလဲၤလၢနမဲာ်ညါ,ဒီးယွၤအလၤက ပီၤကဟဲလၢနလီၢ်ခံန့ၣ်လီၤ.
9 တုၤနုၤတစုနကကိးထီၣ်, ဒီးယွၤကစံးဆၢတၢ်,နက ဃ့တၢ်,ဒီးကစံးဝဲ,ကွၢ်ကွၢ်, ယၤလီၤ. နမ့ၢ်သုးကွံာ်နီၣ် ယိးဘိလၢနကျါ,တၢ်ယူာ်ထီၣ်စုမုၢ်ဒီးကတိၤအၢတၢ်ဒီး
10 နမ့ၢ်သးအိၣ်ပှၤလၢ တၢ်သၣ်ဝံၤအသး,ဒီးမၤမံသး ပှၤလၢအသးဘၣ်နးဘၣ်ဖှီၣ်ဒီး, နတၢ်ကပီၤကကပီၤ ထီၣ်လၢတၢ်ခံးကျါ, ဒီးနတၢ်ခံးကမၤသးဒ်မုၢ်ထူၣ်အ သိးန့ၣ်,
11 ဒီးယွၤကဆှၢနၤတထံၣ်ဃီ, ဒီးကမၤမံနသး လၢတၢ်အလီၢ်ဃ့အပူၤ, ဒီးကမၤဆူၣ်ထီၣ်နဃံနကွဲ,ဒီး နကမၤသးဒ်တၤသၣ်အလီၢ်ဘၣ်စီၣ်အသိး, ဒီးဒ်ထံထီၣ် ပၢၢ်တပူၤလၢအထံတလီၤသံးဘၣ်အသိးန့ၣ်လီၤ.
12 ဒီးပှၤလၢအဟဲထီၣ်လၢနၤတဖၣ်ကမၤက့ၤတၢ်အလီၢ် အိၣ်သယုၢ်တဖၣ်, နကမၤက့ၤတၢ်အခီၣ်ထံးတဖၣ်ဘၣ် ဃးဒီးပှၤအါစိၤဒီးတၢ်ကကိးနၤလၢ ပှၤမၤက့ၤတၢ်ဘၢၣ် ဖျိ,ပှၤမၤက့ၤကျဲဧိၤကပူၤဧိၤဒ်သိးပှၤကအိၣ်ကဆိးလီၤ.
13 လၢအိၣ်ဘှံးအနံၤန့ၣ် နမ့ၢ်ဃၣ်ကွံာ်နခီၣ်လၢတၢ်မၤ ဘၣ်နသးဒၣ်နဲလၢ ယမုၢ်နံၤစီဆှံအပူၤ, ဒီးနမ့ၢ်ကိး အိၣ်ဘှံးနံၤလၢတၢ်သူၣ်ဖှံသးညီ, ယွၤအတၢ်စီဆှံလၢ တၢ်ယူးယီၣ်အလီၢ်,ဒီးတပိာ်ဘၣ်နကျဲဒၣ်နဲ, ဒီးတထံၣ် န့ၢ်ဘၣ်နတၢ်မုာ်ဒၣ်နဲ, ဒီးတကတိၤဘၣ်နတၢ်ကတိၤ ဒၣ်နဲသတးဒီး,နမ့ၢ်မၤလၤကပီၤအီၤဒီး,
14 နကသူၣ်ဖှံသး ညီလၢယွၤအပူၤ, ဒီးယကဒုးဒိးနၤလၢတၢ်အလီၢ်ထီၣ် ထီလၢဟီၣ်ခိၣ်ချၢအဖီခိၣ်, ဒီးယကဒုးအီၣ်နၤလၢနပၢ် စီၤယၤကိာ်အတၢ်န့ၢ်သါန့ၣ်လီၤ. အဂ့ၢ်ဒ်အံၤ, ယွၤအ ထးခိၣ်ကတိၤတၢ်န့ၣ်လီၤ.