53
1 မ့ၢ်မတၤနာ်က့ၤလံပကစီၣ်တဂၤလဲၣ်. ဒီးယွၤအစုဒုၣ် အိၣ်ဖျါထီၣ်လံလၢမတၤတဂၤအမဲာ်ညါလဲၣ်.
2 အဂ့ၢ်ဒ်အံၤ, မဲထီၣ်ဝဲလၢအမဲာ်ညါဒ်သ့ၣ်ပဒၢအသိး, ဒီးဒ်သ့ၣ်အဂံၢ်လၢဟီၣ်ခိၣ်ဃ့အသိးန့ၣ်လီၤ. တအိၣ် ဘၣ်ဒီးအက့ၢ်အဂီၤဘၣ်, ဒီးတအိၣ်ဘၣ်ဒီးအဃံအလၤ ဘၣ်,ဒီးတုၤပထံၣ်အီၤဒီး, အဃံအလၤလၢအဘၣ်ပမဲာ် န့ၣ်တအိၣ်ဘၣ်.
3 ပှၤကညီမၤတရီတပါ, ဒီးလဲၤသဒၣ်အီၤလီၤ. မ့ၣ်ဝဲ လၢပှၤတၢ်သူၣ်အုးသးအုး, ဒီးသ့ၣ်ညါတၢ်နးတၢ်ဖှီၣ်,ဒ် ပှၤတဂၤလၢပှၤမၤဘၢအမဲာ်လၢအီၤအသိး, ပှၤမၤအီၤတ ရီတပါ,ဒီးပတပာ်ဘၣ်အလီၢ်ဘၣ်.
4 မ့ၢ်မးစိာ်ဝဲပတၢ် ဆူးတၢ်ဆါ,ဒီးဝံပတၢ်သူၣ်အုးသးအုးလီၤ. ဒီးပဆိက မိၣ်လၢတၢ်ကျီအီၤ, လၢယွၤတီၢ်အီၤ, ဒီးလၢအဘၣ် တၢ်နးတၢ်ဖှီၣ်လီၤ.
5 ဒီးဘၣ်တၢ်ဆဲးဖျိအီၤလၢ ပတၢ်ကမၣ်အဃိ,ဒီးဘၣ် တၢ်မၤသဘှံးအီၤလၢ ပတၢ်ဒဲးဘးအဃိလီၤ.တၢ်သိၣ် ဃီၣ်ဘၣ်ဃးဒီးပတၢ်ဃူတၢ်ဖိးန့ၣ်အိၣ်ဝဲလၢအလိၤ, ဒီး ပဘျါက့ၤလၢအဘၣ်တီၢ်အဃိန့ၣ်လီၤ.
6 ပဝဲဒၣ်အံၤ, ဒ်သိအသိးန့ၣ် ပဟးဖျိးကျဲခဲလၢာ်လံ. ပလဲၤကပၤကပၤတဂၤလၢအကျဲဒၣ်ဝဲ, တဂၤလၢအကျဲ ဒၣ်ဝဲစုာ်စုာ်လီၤ. ဒီးယွၤပာ်ပတၢ်အၢတၢ်သီခဲလၢာ်လၢ အလိၤလီၤ.
7 ဘၣ်တၢ်မၤအၢမၤသီအီၤ,ဘၣ်ဆၣ်ဒီးဆီၣ် လီၤအသး,ဒီးတအဲးထီၣ်ဘၣ်အထးခိၣ်ဘၣ်,ဒ်သိဖိလၢ ပှၤမိၤမၤသံအီၤအသိး, ဒ်သိလၢအအိၣ်ဘှီၣ်ကလာ်လၢ ပှၤတံာ်အဆူၣ်အမဲာ်ညါအသိးန့ၣ်, တအဲးထီၣ်ဘၣ်အ ထးခိၣ်ဘၣ်.
8 တၢ်ထုးထီၣ်ကွံာ်အီၤလၢတၢ်နးတၢ်ဖှီၣ် အပူၤ,ဒီးလၢတၢ်စံၣ်ညီၣ်ကွီၢ်အပူၤလီၤ. ဒီးလၢအပှၤ တစိၤတဃၣ်အကျါန့ၣ် မ့ၢ်မတၤကဆိကမိၣ်လၢအဒိး တၢ်ဒီၣ်တဲာ်ကွံာ်အီၤလၢ ကီၢ်မူလၢယပှၤဂီၢ်မုၢ်အတၢ် ကမၣ်အဃိ, လၢအဘၣ်ဆိၣ်အၢလၢအဝဲသ့ၣ်အလီၢ် န့ၣ်တဂၤလဲၣ်.
9 ဒီးတၢ်ဟ့ၣ်လီၤအသွၣ်ခိၣ်အိၣ်ဒီးပှၤအၢပှၤသီ, လၢအ သံဝဲန့ၣ်အိၣ်ဒီးပှၤထူးပှၤတီၤလီၤ. ဘၣ်ဆၣ်ဒီးတမၤ ဘၣ်တၢ်အၢတၢ်သီဘၣ်နီတမံၤဘၣ်. ဒီးလီတၢ်တအိၣ် ဘၣ်လၢအထးခိၣ်ဘၣ်.
10 ဒီးဘၣ်ယွၤအသးလၢအကမၤသဘှံးအီၤ, မၤနးမၤ ဖှီၣ်အီၤလီၤ. တုၤအပာ်ထီၣ်အသးလၢတၢ်လုၢ်လၢတၢ် ဒဲးဘးအဃိဒီး,ကထံၣ်ဘၣ်အချံအသၣ်,ကထုးထီအနံၤ အသီ, ဒီးတၢ်ဘၣ်ယွၤအသးကဘီၣ်ထီၣ်ညီထီၣ်လၢအ စုပူၤလီၤ.
11 ကထံၣ်ဘၣ်အသူၣ်အသးအတၢ်မၤ, ဒီးကမံ သူၣ်မံသးလီၤ. ယခ့တီယပှၤလိၤကပာ်တီပာ်လိၤပှၤအါ ဂၤလၢအတၢ်သ့ၣ်ညါ,ဒီးကစိာ်အတၢ်အၢတၢ်သီလီၤ.
12 မၤသးဒ်န့ၣ်ဒီး ယကဟ့ၣ်နီၤဖးအဂီၢ်ဒီးပှၤအဒိၣ်, ဒီး ကနီၤဖးဃုာ်တၢ်ဂုာ်န့ၢ်ဒီး ပှၤအဂံၢ်ဆူၣ်အဘါဆူၣ်လီၤ. အဂ့ၢ်ဒ်အံၤ, လူလီၤအသးတုၤအသံ,ဒီးတၢ်ဂံၢ်အီၤလၢပှၤ မၤကမၣ်တၢ်ဖိအကျါ, ဒီးစိာ်ထီၣ်ကွံာ်ပှၤအါဂၤအတၢ် ဒဲးဘး,ဒီးကဃ့ညးတၢ်လၢပှၤမၤကမၣ်တၢ်အဂီၢ်လီၤ.