5
1 ပျဲသးဝံၣ်ယၤလၢပှၤလၢယအဲၣ်အီၤတဂၤအဂီၢ်, လၢ ပှၤလၢယအဲၣ်အီၤအတၢ်သးဝံၣ် လၢအစပံးအလီၢ်အဂ့ၢ် အကျိၤတက့ၢ်. ပှၤလၢယအဲၣ်အီၤတဂၤ အိၣ်ဒီးအစပံး အလီၢ်လၢကစၢၢ်ဖိအလိၤဖဲဟီၣ်ခိၣ်ဂ့ၤဒိၣ်မးလီၤ.
2 ဒီးခူၣ်ကဖီထီၣ်ဝဲ, ဒီးထၢထီၣ်လၢၢ်ဧိၤမဲးဧိၤ, ဒီးသူၣ်စ ပံးမုၢ်စိရ့း,ဒီးမၤဒဲခိးတၢ်လၢအသးကံၢ်ပူၤတဖျၢၣ်,ဒီးခူၣ် လီၤစပံးထံအပူၤလီၤ. ဒီးကွၢ်လၢ်ဝဲလၢအကသၣ်ထီၣ်စ ပံးသၣ်,ဒီးသၣ်ထီၣ်ဝဲလၢစပံးသၣ်မံၤလီၤ.
3 ဒီးခဲကနံၣ်အံၤ, ပှၤအိၣ်ဝဲဆိးဝဲလၢယရူၤၡလ့ၣ်အပူၤ, ဒီးပှၤလၢယူဒၤအကျါတဖၣ်ဧၢ, စံၣ်ညီၣ်လၢ်ယၤဒီးယ စပံးအလီၢ်န့ၣ်တက့ၢ်.’
4 တၢ်မၤလၢယစပံးလီၢ်အဂီၢ်လၢ ယတမၤဘၣ်န့ၣ်မ့ၢ်အအိၣ်ဒံးမနုၤလဲၣ်. ယကွၢ်လၢ်လၢ အကသၣ်ထီၣ်စပံးသၣ်, ဒီးသၣ်ထီၣ်စပံးသၣ်မံၤန့ၣ်မ့ၢ် အဘၣ်မနုၤလဲၣ်.
5 ဒီးခဲကနံၣ်အံၤ,ဟဲမီၣ်, ယကဘိးဘၣ်သ့ၣ်ညါသုလၢတၢ်လၢယကမၤယစပံးအလီၢ်လီၤ. ယကထုးထီၣ်ကွံာ်အကရၢ, ဒီးကကဲထီၣ်တၢ်အီၣ်ဆၣ်အလီၢ်,ယကမၤလီၤပှီၢ်အခိၣ်ဒူ,ဒီးကကဲထီၣ်တၢ်ယီၢ်တံၢ်အလီၢ်လီၤ.-
6 ဒီးယကပာ်အီၤလၢ တၢ်အိၣ်သယုၢ်, ဒီးတၢ်တပဲာ် ဃိအီၤဘၣ်, တၢ်တကတဲာ်ကတီၤဘၣ်အီၤဘၣ်. ဒီးတၤ ဆှုၣ်တၤမဲကမဲထီၣ်, ဒီးယမၤလိာ်တၢ်အၢၣ်လၢအသု တဟဲစူၤဟဲစီၣ်လၢအဖီခိၣ်တဂ့ၤ.
7 အဂ့ၢ်ဒ်အံၤ, တၢ်သုးမုၢ်ဂီၢ်မုၢ်အယွၤအစပံးအလီၢ်န့ၣ် မ့ၢ်အံၣ်စရ့လးအဟံၣ်, ဒီးယူဒၤအပှၤကညီန့ၣ် မ့ၢ်အ တၢ်သူၣ်အသးတမံၤလၢအဘၣ်အသးလီၤ. ဒီးကွၢ်လၢ် တၢ်စံၣ်ညီၣ်အကျဲ, ဒီးကွၢ်ကွၢ်, တၢ်လူလီၤသွံၣ်, ကွၢ် လၢ်တၢ်တီတၢ်လိၤအကျဲ, ဒီးကွၢ်ကွၢ်, တၢ်ကိးပသူထီၣ် လီၤ.
8 ပှၤလၢအမၤစဲဘူးတဟံၣ်ဒီးတဟံၣ်, လၢအပာ်စံာ်တ ပူၤဒီးစံာ်တပူၤ တုၤအလီၢ်တအိၣ်လၢၤဘၣ်, ဒီးတၢ်ဒုး အိၣ်ဒုးဆိးသုတပူၤဃီလၢ ကီၢ်အသးကံၢ်ပူၤန့ၣ်ဘၣ်အ ဖှီၣ်လီၤ.
9 အိၣ်လၢယနၢ်ပူၤ, တၢ်သုးမုၢ်ဂီၢ်မုၢ်အယွၤစံးဝဲ, မ့ၢ်မး ဟံၣ်အါဖျၢၣ်ကအိၣ်သယုၢ်, အဒိၣ်ဒီးအဂ့ၤ, လၢပှၤတ အိၣ်လၢအပူၤနီတဂၤဘၣ်လီၤ.
10 အဂ့ၢ်ဒ်အံၤ, စပံးလီၢ်အဆိတဆံ ကဟ့ၣ်ထီၣ်တဘၤ သး, ဒီးတၢ်ချံအဃိမ့ၢ်ကဟ့ၣ်လီၤတအ့ဖးလီၤ.
11 ပှၤလၢအဂဲၤဆၢထၢၣ်လၢမုၢ်ဆ့ၣ်ဂီၤဂီၤ ဒ်သိးအက လူၤအီသံး, အိၣ်ဝဲတုၤမုၢ်ဟါတုၤစပံးထံမၤကိၢ်ထီၣ်အီၤ န့ၣ်ဘၣ်အဖှီၣ်လီၤ.
12 ဒီးတနၢ်တဖီ,ဒီးသီဘုၣ်သီတူၢ်,ဒီး ဒၢဧိၤမိၤဧိၤ,ဒီးပံဧိၤတြၤဧိၤ, ဒီးစပံးထံစပံးနိန့ၣ်အိၣ်ဝဲလၢ အတၢ်ဒုးအီၣ်ဒုးအီအပူၤလီၤ.ဒီးယွၤအမၤတၢ်န့ၣ်တကွၢ် ဆိကမိၣ်ဘၣ်, ဒီးတၢ်လၢအမၤလၢအစုန့ၣ်တထံၣ်ဘၣ် ဝဲဘၣ်.
13 မၤသးဒ်န့ၣ်ဒီး ယပှၤဂီၢ်မုၢ်လဲၤကဲကုၢ်လၢတၢ်သ့ၣ်ညါ တအိၣ်ဘၣ်အဃိ, ဒီးအပှၤလၢအလၤကပီၤအိၣ်တဖၣ် န့ၣ်ကဲထီၣ်တၢ်သၣ်ဝံၤလီၤဒိအပှၤ, ဒီးအပှၤဂီၢ်မုၢ်ဃ့ထီၣ် ကွံာ်လၢတၢ်သူအသးလၢထံအဃိန့ၣ်လီၤ.
14 မၤသးဒ်န့ၣ်ဒီး ပျုၤပူၤမၤလဲၢ်ထီၣ်အသး, ဒီးအဲးထီၣ် အထးခိၣ်ဆံးလဲၢ်ဆံးလဲၢ်အနီၣ်ထိၣ်တအိၣ်ဘၣ်, ဒီးအ တၢ်လၤကပီၤ,ဒီးအသီၣ်အသဲ,ဒီးအပှၤဂီၢ်မုၢ်, ဒီးပှၤလၢ အသူၣ်ဖှံသးညီလၢအပူၤန့ၣ်လဲၤလီၤဝဲဖဲန့ၣ်လီၤ.
15 ဒီးပှၤအဖှီၣ် ဘၣ်တၢ်ဆီၣ်လီၤအီၤ ဒီးပှၤအဒိၣ်ဘၣ် တၢ်တ့ၢ်လီၤကွံာ်အီၤ, ဒီးပှၤပာ်ကဖိအသး အမဲာ်ဘၣ် တၢ်ဆီၣ်လီၤအီၤလီၤ.
16 ဒီးတၢ်သုးမုၢ်ဂီၢ်မုၢ်အယွၤ ထီၣ်ထီဝဲလၢတၢ်စံၣ်ညီၣ် အပူၤ, ဒီးယွၤတၢ်စီဆှံတဂၤ ကဘၣ်တၢ်ပာ်စီဆှံအီၤ လၢတၢ်တီတၢ်လိၤအပူၤလီၤ.
17 ဒီးသိဖိတဖၣ် ကအီၣ် တၢ်လၢအတၢ်အီၣ်ဆၣ်အလီၢ်, ဒီးတၢ်အဘီၣ်အလီၢ် အိၣ်သယုၢ်န့ၣ် ပှၤတခီဘီမုၢ်ဖိကအီၣ်ဝဲလီၤ.
18 ပှၤလၢအမိၤတၢ်အၢတၢ်သီလၢတၢ်ကလီကလီအပျံၤ, ဒီးမၤတၢ်ဒဲးဘးဒ်လၢ လ့ၣ်အပျံၤအသိးန့ၣ်, ဘၣ်အဖှီၣ် လီၤ.
19 လၢအစံး, မ်အမၤချ့ချ့, ဒုးအိၣ်ထီၣ်အမၤတၢ် လၢအဆိအချ့ဒ်သိးပကထံၣ်ဘၣ်အီၤတက့ၢ်, ဒီးအံၣ်စ ရ့လးအတၢ်စီဆှံတဂၤ အတၢ်ကူၣ်ထီၣ်ဖးလီၤန့ၣ်မ်အ သုးဘူးအသးဒီးဟဲဒ်သိး ပကသ့ၣ်ညါအီၤတက့ၢ်န့ၣ် လီၤ.
20 ပှၤလၢအကိးတၢ်အၢ လၢတၢ်ဂ့ၤ, ဒီးတၢ်ဂ့ၤလၢတၢ် အၢ, လၢအပာ်တၢ်ခံးလၢတၢ်ကပီၤ, ဒီးတၢ်ကပီၤလၢ တၢ်ခံး, လၢအပာ်တၢ်ခၣ်လၢတၢ်ဆၢ, ဒီးတၢ်ဆၢလၢ တၢ်ခၣ်န့ၣ်ဘၣ်အဖှီၣ်လီၤ.
21 ပှၤလၢအမ့ၢ် ပှၤကူၣ်သ့လၢအမဲာ်ဒၣ်ဝဲ, ဒီးပှၤလၢအ သူၣ်ဆးအသးဆး လၢအမဲာ်ညါဒၣ်ဝဲန့ၣ် ဘၣ်အဖှီၣ် လီၤ.
22 ပှၤလၢအဆူၣ်ဝဲဒ်သိးအကအီစပံးထံ, ဒီးပှၤလၢအဂံၢ်ဆူၣ်အဘါဆူၣ် ဒ်သိးအကမၤဃါဃုာ်သံးဧိၤဂာ်ဧိၤ,-
23 လၢအပာ်ပှၤအၢဖိလၢ ပှၤအတၢ်ကမၣ်တအိၣ်ဘၣ်လၢ ခိၣ်ဖးအဃိ, ဒီးထုးထီၣ်ကွံာ်ပှၤတီအတၢ်တီန့ၣ် ဘၣ် အဖှီၣ်လီၤ.
24 မၤသးဒ်န့ၣ်ဒီးဒ်မ့ၣ်လၣ်မ့ၣ်ပျ့ၤ အီၣ်ကွံာ်လီၢ်ဧိၤဒံးဧိၤ အသိး, ဒီးဒ်နီၣ်ဧိၤမံၤဧိၤလၢမ့ၣ်အူအီၣ်ဝဲဒီး လီၤပၢၤဝဲအ သိးန့ၣ် အဂံၢ်ကဲထီၣ်တၢ်အုၣ်သံကျၣ်သံ, ဒီးအဖီကဒံ ထီၣ်ဒ်ဟီၣ်ခိၣ်အကမူၣ်အသိးန့ၣ်လီၤ. အဂ့ၢ်ဒ်အံၤ, ညိ ကွံာ်လံတၢ်သုးမုၢ်ဂီၢ်မုၢ်အယွၤအတၢ်သိၣ်တၢ်သီ, ဒီးတ ပးကဲဘၣ်အံၣ်စရ့လး အတၢ်စီဆှံတဂၤ အကလုၢ်က ထါဘၣ်လီၤ.
25 မၤသးဒ်န့ၣ်ဒီး ယွၤအသးထီၣ်ကဲၤထီၣ်ဘၣ် အပှၤ ဂီၢ်မုၢ်, ဒီးယၤထီၣ်အစုထီဒါအီၤ, ဒီးတီၢ်အီၤ, ဒီးကစၢၢ် ကလိဟူးဝးဝဲ, ဒီးအစိၣ်အိၣ်ဝဲ လၢကျဲအသးကံၢ်ပူၤဒ် တၢ်အ့ၣ်သိးန့ၣ်လီၤ. လၢတၢ်ခဲလၢာ်အဃိန့ၣ် အသး ထီၣ်တစၢ်လီၤဘၣ်, ဒီးအစုယၤထီၣ်ဒံးအသးလီၤ.
26 ကယူာ်ထီၣ်သုးဖိအလၣ်လၢပှၤကလုာ်တဖၣ်လၢအ အိၣ်လၢတၢ်ယံၤအဂီၢ်, ဒီးညိၣ်န့ၢ်အီၤလၢဟီၣ်ခိၣ်အက တၢၢ်တဖၣ်,ဒီးကွၢ်ကွၢ်,ကဟဲဝဲချ့ချ့လီၤ.
27 တၢ်တဘှံးဘၣ်အသးနီတဂၤဘၣ်, ဒီးအခီၣ်တဘၣ် တိၢ်ဘၣ်ထံးနီတဂၤဘၣ်. ပှၤတမံသပ့ၤ,တမံခ့ဘၣ်နီတ ဂၤဘၣ်ဒီးအယီၢ်တကိးတလီၤဃ့ၣ်ဘၣ်, ဒီးအခီၣ်ဖံးပျံၤ တထီၣ်တဲာ်ဘၣ်.
28 အပျၢ်အကနၣ်အ့ၣ်ဝဲ,ဒီးသူထီၣ်ချံၣ် ခဲလၢာ်, အကသ့ၣ်အခီၣ်မၤသးဒ်လၢၢ်မ့ၣ်အသိး, ဒီးအ လ့ၣ်ကဟၣ်ဒ်ကလံၤသဝံးအသိးန့ၣ်,
29 ကိးရုၢ်ရုၢ်ဒ်ခံယုၢ် အမိၢ်အသိးဒီး ကိးရုၢ်ရုၢ်ဒ်ခ့ယုၢ်အဖိအသိး,ဒီးအူကြူၢ် ဖီၣ်န့ၢ်တၢ်, ဒီးလဲၤစိာ်ပူၤကွံာ်တၢ်, ဒီးတၢ်မၤထူၣ်ဖျဲး တအိၣ်ဘၣ်.
30 တၢ်လၢမုၢ်တနံၤန့ၣ် ကအူကြူၢ်ထီဒါအီၤဒ်ပီၣ်လဲၣ်အ သီၣ်သွးသွးအသိးန့ၣ်လီၤ. ဒီးပှၤကကွၢ်ဆူဟီၣ်ခိၣ်, ဒီး ကွၢ်ကွၢ်, တၢ်ခံးတၢ်နၤ, တၢ်ကိၢ်တၢ်ဂီၤ, ဒီးတၢ်ကပီၤခံး လီၤဝဲလၢအတၢ်အၢၣ်န့ၣ်လီၤ.