44
1 ဒီးခဲကနံၣ်အံၤကနၣ်ယခ့ယပှၤယၤကိာ်ဧၢ, ဒီးအံၣ်စ ရ့လးလၢယဃုထၢအီၤတဂၤဧၢ,
2 ယွၤလၢအတ့လီၤနၤ, ဒီးတ့နၤလၢတၢ်ဒၢလီၢ်ပူၤလံၤလံၤ,ဒီးကမၤစၢၤနၤတဂၤ စံးဒ်အံၤ,ပျံၤတၢ်တဂ့ၤ,ယခ့ယပှၤယၤကိာ်ဧၢ,ဒီးယရှူရိၣ် လၢယဃုထၢအီၤတဂၤဧၢ.
3 အဂ့ၢ်ဒ်အံၤ, ယကလူလီၤထံလၢပှၤလၢတၢ်သူအသး လၢထံအလိၤ, ဒီးဒုးယွၤလီၤထံလၢဟီၣ်ခိၣ်ဃ့အဖီခိၣ် လီၤ.ယကလူလီၤယသးလၢနချံနသၣ်အလိၤ,ဒီးယတၢ် ဆိၣ်ဂ့ၤလၢနစၢၤနသွဲၣ်အလိၤလီၤ.
4 ဒီးကမဲထီၣ်လၢနီၣ်ဧိၤမံၤဧိၤအကျါ, ဒ်ပံၢ်သလီလၢထံ ကျိနံၤအသိးန့ၣ်လီၤ.
5 ပှၤတဂၤကစံး,ယဲဒၣ်အံၤယမ့ၢ်ယွၤအတၢ်လီၤ. ဒီးပှၤ တဂၤဒၣ်ကကိးလီၤအသးလၢစီၤယၤကိာ်အမံၤလီၤ. ဒီး ပှၤတဂၤဒၣ်ကကွဲးလၢအစု, လၢယွၤအဂီၢ်,ဒီးကယုၢ်လီၤ အမံၤသီလၢအံၣ်စရ့လးလီၤ.
6 ယွၤ,အံၣ်စရ့လးအစီၤပၤ, ဒီးတၢ်ပှ့ၤက့ၤအီၤ,တၢ်သုး မုၢ်ဂီၢ်မုၢ်အယွၤ,စံးဒ်အံၤ,ယဲဒၣ်အံၤ,ယမ့ၢ်တၢ်အခီၣ်ထံး ဒီးယဲဒၣ်အံၤယမ့ၢ်တၢ်အကတၢၢ်, ဒီးယဲဒၣ်အံၤအမဲာ် ညါကစၢ်တအိၣ်ဘၣ်.
7 ဒီးလၢယပာ်လီၤပှၤဂီၢ်မုၢ်လၢပျၢၤ တကလုာ်လံၤလံၤ န့ၣ်မ့ၢ်မတၤဒ်ယၤအသိးကကိးထီၣ်တၢ်, ဒီးဒုးနဲၣ်တၢ်, ဒီးကတဲာ်ကတီၤတၢ်လၢယဂီၢ်,ဒီးစံၣ်တဲၤတၢ်လၢအမၤ အသး,ဒီးတၢ်လၢအကမၤအသးန့ၣ်တဂၤလဲၣ်.
8 ဘၣ်ယိၣ်တၢ်တဂ့ၤ. ဒီးပျံၤတၢ်တဂ့ၤ.ယဒုးနၢ်ဟူနၤ, ဒီးစံးဘၣ်တဲဘၣ်နၤလၢပျၢၤလံၤလံၤ, တမ့ၢ်ဘၣ်ဧါ.ဒီး သုမ့ၢ်ယတၢ်အုၣ်အသး,တမ့ၢ်ဘၣ်ဧါ. ကစၢ်လၢယမဲာ် ညါန့ၣ်မ့ၢ်အအိၣ်စ့ၢ်ကီးဧါ. ဒီးလၢၢ်တအိၣ်ဘၣ်,ယတ သ့ၣ်ညါဘၣ်နီတမံၤဘၣ်.
9 ပှၤလၢအတ့တၢ်ဂီၤတၢ်ဖီၣ်န့ၣ် မ့ၢ်တၢ်ကလီကလီခဲ လၢာ်, ဒီးအတၢ်အဂ့ၤအဘၣ်တဖၣ်န့ၣ်မ့ၢ်တၢ်တဂိာ်တ သီၣ်ဘၣ်တၢ်ဘၣ်. ဒီးမ့ၢ်အပှၤအုၣ်အသးဒၣ်ဝဲ,တထံၣ် ဘၣ်တၢ်ဘၣ်, ဒီးတသ့ၣ်ညါဘၣ်တၢ်ဘၣ်ဒ်သိးအမဲာ် ကဆှးလီၤ.
10 မ့ၢ်မတၤတ့လီၤကစၢ်, ဒီးသိတၢ်ဂီၤတၢ်ဖီၣ်လၢအတ ဂိာ်တသီၣ်ဘၣ်တၢ်တဂၤလဲၣ်.
11 ကွၢ်ကွၢ်,အတံၤအသကိးခဲလၢာ်ကမဲာ်ဆှးလီၤ.ဒီးပှၤ တ့တၢ်တဖၣ်န့ၣ်မ့ၢ်ပှၤကညီလီၤ.ကအိၣ်ဖှိၣ်ခဲလၢာ်,က ဆၢထၢၣ်,ကပျံၤတၢ်ဖုးတၢ်,ကမဲာ်ဆှးတပူၤဃီလီၤ.
12 ပှၤပိာ်ထးမၤနီၣ်တံာ်, ဒီးမၤဝဲလၢမ့ၣ်အူကဖးအကျါ ဒီးတ့ဝဲလၢခံၣ်ခူၣ်,ဒီးမၤဝဲလၢအစုဒုၣ်အဆူၣ်လီၤ.မ့ၢ်လံ တၢ်သၣ်ဝံၤအသး, ဒီးအဂံၢ်အဘါတအိၣ်ဘၣ်. တအီ ဘၣ်ထံဘၣ်,ဒီးလီၤဘှါဝဲလီၤ.
13 ပှၤစုသ့စၢၢ်ထီၣ်ပျံၤ, ကွဲးပနီၣ်လၢနီၣ်ကွဲးတၢ်,တ့အီၤ လၢနီၣ်ပျၤ,ဒီးကမၤပနီၣ်အီၤလၢနီၣ်ကါတြါလီၤ. အန့ၣ် ဒီးတ့ဝဲဒ်ပှၤကညီအဂီၤအသိး, ဒ်ပှၤကညီအဃံအလၤ အသိး,ဒ်သိးအကအိၣ်ကဆိးလၢဟံၣ်ပူၤလီၤ.
14 ကူာ်လီၤကွံာ်သ့ၣ်ဆှိအ့ရ့းလၢအဂီၢ်, ဒီးဟံးန့ၢ်သ့ၣ် အကိၤ,ဒီးသ့ထိးဖၣ်,ဒီးဒုးဆူၣ်ထီၣ်ဝဲလၢအဂီၢ်ဒၣ်ဝဲလၢ သ့ၣ်လၢပှၢ်လၢ်ကျါအကျါလီၤ. သူၣ်ဝဲလၢသ့ၣ်ဆှိတ ထူၣ်,ဒီးတၢ်စူၤကဒုးဒိၣ်ထီၣ်ဝဲလီၤ.
15 ဒီးကဲထီၣ်ဝဲလၢသ့ၣ်မုၣ်လၢပှၤကညီအဂီၢ်လီၤ.ဒီးဟံး န့ၢ်ဝဲတကူာ်, ဒီးဆူးဒၣ်ဝဲလၢမ့ၣ်အူလီၤ. မ့ၢ်မးဆိၣ်ကဲၤ မ့ၣ်အူ,ဒီးကုၢ်ကိၣ်လီၤ. မ့ၢ်မးတ့စ့ၢ်ကီးအကစၢ်,ဒီးတီၤ လီၤဘါအီၤလီၤ.တ့တၢ်ဂီၤ, ဒီးတီၤလီၤကဒွံကျိာ်လၢအ မဲာ်ညါလီၤ.
16 ဆူးထီၣ်ကွံာ်တကူာ်လၢမ့ၣ်အူ, ဒီးကအီၣ်တၢ်ညၣ် လၢတကူာ်, ကၣ်တၢ်ညၣ်,ဒီးဘျဲးအီၣ်,ဒီးဆူးမ့ၣ်အူ,ဒီး စံးဝဲ,အၣ်ဟါ,ယလၢၤလံ,ယထံၣ်ဘၣ်မ့ၣ်အူလံ.
17 ဒီးတၢ်အိၣ်လီၤတဲာ်န့ၣ်တ့အီၤလၢအကစၢ်,အတၢ်ဂီၤ စိးပျၤအသးလီၤ. တီၤလီၤကဒွံကျိာ်, ဒီးဘူၣ်ထီၣ်ဘါ ထီၣ်အီၤ, ဒီးဘါထုကဖၣ်အီၤဒီးစံး, မၤပူၤမၤဖျဲးယၤတ က့ၢ်. အဂ့ၢ်ဒ်အံၤ, နမ့ၢ်ယကစၢ်လီၤ.
18 တသ့ၣ်ညါဘၣ်တၢ်ဘၣ်, အနၢ်တပၢၢ်ဘၣ်တၢ်ဘၣ်, အဂ့ၢ်ဒ်အံၤ, တၢ်ကျးဃာ်အမဲာ်လၢအသုတထံၣ်တၢ်တ ဂ့ၤ,အသးန့ၣ်လၢအသုတမၤဒီးတၢ်ကူၣ်သ့တဂ့ၤလီၤ.
19 ဒီးတတိၢ်ဘၣ်လၢအသးဘၣ်, ဒီးတအိၣ်ဘၣ်ဒီးတၢ် သ့ၣ်ညါ, ဒီးအသူၣ်ဆးအသးဆးလၢအကစံး, ယဆူး ကွံာ်တကူာ်လၢမ့ၣ်အူလံ, ယကုၢ်ကိၣ်စ့ၢ်ကီးလံလၢအ မ့ၣ်ကဖးအဖီခိၣ်လံ, ယကၣ်တၢ်ညၣ်, ဒီးအီၣ်တၢ်, ဒီး လၢတၢ်အိၣ်လီၤတဲာ်န့ၣ်ယကမၤတၢ်သးဘၣ်အၢ, ယ ကတီၤလီၤကဒွံကျိာ်လၢသ့ၣ်အထူၣ်အမဲာ်ညါန့ၣ်ဧါ.
20 အီၣ်ဝဲလၢဖၣ်ဆါ,အသးလၢအလီန့ၢ်အီၤတမံၤဒုးဟး ဖျိးအီၤ, ဒီးမၤပူၤမၤဖျဲးအသးဒၣ်ဝဲတသ့ဘၣ်, ဒီးတစံး, တၢ်ကဘျံးကဘျၣ် အိၣ်လၢယစုထွဲတမ့ၢ်ဘၣ်ဧါန့ၣ် ဘၣ်.
21 သ့ၣ်နီၣ်ထီၣ်က့ၤတၢ်န့ၣ်တဖၣ်, ယၤကိာ်,ဒီးအံၣ်စရ့ လးဧၢ,အဂ့ၢ်ဒ်အံၤ, နမ့ၢ်ယခ့ယပှၤလီၤ.ယတ့နၤ,နမ့ၢ် ယခ့ယပှၤလီၤ. အံၣ်စရ့လးဧၢ, ယတသးပ့ၤနီၣ်ဘၣ်နၤ ဘၣ်.
22 ယတြူာ်ကွံာ်လံနတၢ်ကမၣ်ဒ်တၢ်အၢၣ်သူအသိး, ဒီး နတၢ်ဒဲးဘးဒ်တၢ်အၢၣ်အသိးန့ၣ်လံ. ဟဲက့ၤကဒါက့ၤ ဆူယအိၣ်တက့ၢ်.အဂ့ၢ်ဒ်အံၤ,ယပှ့ၤက့ၤလံနၤလံ.
23 သးဝံၣ်တၢ်, မူခိၣ်ဧၢ. အဂ့ၢ်ဒ်အံၤ,ယွၤမၤတၢ်လံ.ကိး ပသူထီၣ်,ဟီၣ်ခိၣ်လၢလာ်ခီဧၢ,ဒီးအုၣ်ထီၣ်တၢ်,ကစၢၢ် သ့ၣ်ဧၢ, ပှၢ်လၢ်ကျါဒီးကယဲၢ်သ့ၣ်လၢအပူၤကိးထူၣ်ဒဲး ဧၢ.အဂ့ၢ်ဒ်အံၤ, ယွၤပှ့ၤက့ၤလံယၤကိာ်,ဒီးကမၤလၤက ပီၤလီၤအသးလၢအံၣ်စရ့လးအပူၤလီၤ.
24 ယွၤလၢအပှ့ၤက့ၤနၤ, ဒီးတ့နၤလၢပှၤဒၢလီၢ်ပူၤလံၤ လံၤန့ၣ်စံးဒ်အံၤ, ယဲဒၣ်အံၤ ယမ့ၢ်ယွၤလၢအတ့တၢ်ခဲ လၢာ်, လၢအသလၣ်ထီၣ်မူခိၣ်တဂၤဃီ,လၢအဒါလီၤ ဟီၣ်ခိၣ်တဂၤဃီလီၤ.
25 ပှၤလၢအမၤဟးဂီၤ ပှၤကတိၤ ကဘျံးကဘျၣ်အပနီၣ်တဖၣ်, ဒီးဒုးပျုၢ်ထီၣ်ပှၤလၢအ ဖးတၢ်, ဒုးက့ၤကဒါက့ၤပှၤကူၣ်တၢ်သ့, ဒီးပာ်အတၢ် သ့ၣ်ညါလၢပှၤဟးဂီၤဖိအတၢ်လီၤ.
26 ပှၤလၢအဒုးအိၣ် ဂၢၢ်ဆိးကျၢၤအခ့အပှၤအတၢ်ကတိၤ, ဒီးမၤလၢထီၣ်ပှဲၤ ထီၣ်အကလူးအတၢ်ကူၣ်လီၤ. မ့ၢ်ပှၤလၢအစံးလၢယရူၤ ၡလ့ၣ်အဂ့ၢ်,ပှၤကအိၣ်ကဆိးလၢအပူၤ, ဒီးလၢယူဒၤအ ဝ့ၢ်တဖၣ်အဂ့ၢ်န့ၣ်,ပှၤကတ့က့ၤအီၤ,ဒီးအလီၢ်လီၤပှီၢ်န့ၣ် ယကမၤက့ၤအီၤလီၤ.
27 ပှၤလၢအစံးတၢ်ယိာ်ပူၤန့ၣ်လီၤ သံးကွံာ်တက့ၢ်,ဒီးယကမၤလီၤသံးကွံာ်သုထံမိၢ်ပှၢ်လီၤ န့ၣ်,
28 လၢအစံးလၢစီၤကိရ့ၣ်အဂ့ၢ်, ယပှၤကွၢ်သိ,ဒီးက မၤဝဲလၢကယဲၢ်တၢ်ဘၣ်ယသးလီၤ. ဒီးစံးလၢယရူၤၡ လ့ၣ်အဂ့ၢ်န့ၣ်နကဘၣ်တၢ်တ့က့ၤနၤလီၤ. ဒီးလၢတၢ် လုၢ်အဟံၣ်အဂ့ၢ်န့ၣ်,နခီၣ်ထံးတဖၣ်ကဘၣ်တၢ်ပာ်လီၤ အီၤလီၤ.