34
1 သုးဘူးသုသး, ပှၤကလုာ်တဖၣ်သ့ၣ်ဧၢ, ဒ်သိးသုက နၢ်ဟူတၢ်တက့ၢ်. ဒီးပှၤဂီၢ်မုၢ်သ့ၣ်ဧၢ, ကနၣ်တက့ၢ်. မ် ဟီၣ်ခိၣ်ဒီးတၢ်မၤပှဲၤအီၤ, လၢာ်ခိၣ်ဒီးတၢ်အိၣ်ထီၣ်လၢ အပူၤန့ၣ်ဒိကနၣ်တၢ်တက့ၢ်.
2 အဂ့ၢ်ဒ်အံၤ,ယွၤသးထီၣ်ပှၤကိးကလုာ်ဒဲး, ဒီးသးကဲၤ ထီၣ်ဘၣ်အသုးမုၢ်ဂီၢ်မုၢ်ခဲလၢာ်, ဒီးမၤဟးဂီၤ, ဒီးဟ့ၣ် လီၤအီၤလၢတၢ်မၤသံအီၤအဂီၢ်လီၤ.
3 ဒီးအပှၤဘၣ်ကျီန့ၣ်တၢ်ကကွံာ်တ့ၢ်ကွံာ်ဝဲလီၤ. အစိၣ် ကနၢအုၣ်ထီၣ်,ဒီးကစၢၢ်ကလိကပှံၢ်ဝဲလၢအသွံၣ်လီၤ.
4 ဒီးမူခိၣ်အသုးမုၢ်ခဲလၢာ်ကလၢာ်ကွံာ်, ဒီးမူခိၣ်ကထူ ထီၣ်အသးဒ်လံာ်တထူအသိး, ဒီးအသုးမုၢ်ခဲလၢာ်က လီၤတဲာ်, ဒ်စပံးလၣ်လီၤဆှုလၢစပံးမုၢ်အလိၤအသိး,ဒီး ဒ်ချၢၣ်ဒၢသၣ်လီၤဘီလၢချၢၣ်ဒၢအလိၤအသိးန့ၣ်လီၤ.
5 အဂ့ၢ်ဒ်အံၤ, ယနးစုၣ်အသးလၢမူခိၣ်,ကွၢ်ကွၢ်,ကဟဲ လီၤဘၣ်အဒိၣ်, ဒီးပှၤလၢအဘၣ်ယတၢ်ဆိၣ်အၢ, လၢ တၢ်စံၣ်ညီၣ်အဂီၢ်လီၤ.
6 ယွၤအိၣ်ဒီးအနးတဘ့ၣ်, ပှဲၤဒီးတၢ်သွံၣ်, ဘျဲးအီၣ်ဒီး သိ, ဒီးသိဖိဒီးမဲာ်တဲးလဲးအသွံၣ်,ဒီးသိဖါအကလ့ၢ်အ သိန့ၣ်လီၤ.အဂ့ၢ်ဒ်အံၤ,ယွၤအိၣ်ဒီးတၢ်လုၢ်ဖးဒိၣ်လၢဘိး စရၤအပူၤ, ဒီးတၢ်မၤသံဖးဒိၣ်လၢ ကီၢ်အဒိၣ်အပူၤန့ၣ် လီၤ.
7 ဒီးတၤဖးရံၣ်ကလီၤဃံၤဒီးအီၤ, ဂီၤဖံးဖါဖိ, ဒီးဂီၤဖံးဖါ ပှၢ်, ဒီးအကီၢ်န့ၣ်ကဘျဲးအီဒီးတၢ်သွံၣ်, ဒီးအဟီၣ်ခိၣ်အ ကမူၣ်န့ၣ်ကဘီၣ်ထီၣ်လၢသိလီၤ.
8 အဂ့ၢ်ဒ်အံၤ, တၢ်မၤဆၢတၢ်အၢ အမုၢ်တနံၤအိၣ်ဒီး ယွၤ,တၢ်ဟ့ၣ်ကၣ်တၢ်အနံၣ်လၢစံယိၣ်အကွီၢ်အဂီၢ်လီၤ.
9 ဒီးအထံကျိတဖၣ်ကကဲထီၣ်ကျဲတံး, ဒီးအဟီၣ်ခိၣ်အ ကမူၣ်န့ၣ်ကး, ဒီးအဟီၣ်ခိၣ်ကကဲထီၣ်ကျဲတံး, လၢမ့ၣ် အူအီၣ်ဝဲလီၤ.
10 လၢမုၢ်ဆါမ့ၢ်ဂ့ၤ, လၢမုၢ်နၤမ့ၢ်ဂ့ၤ, တလီၤပံာ်ဘၣ်. အ မ့ၣ်ခုၣ်ကထီၣ်လီၤထူလီၤယိာ်လီၤ. တစိၤဘၣ်တစိၤတ ဃၣ်ဘၣ်တဃၣ်, ကအိၣ်သယုၢ်လီၤ. လီၤစိၤလီၤထီပှၤ တခီဂာ်ဘၣ်အီၤဘၣ်.
11 ထိၣ်စီၢ်မီ, ဒီးသူၣ်ဧိၤဘါဧိၤကန့ၢ်အီၤ, ဒီးထိၣ်ဖးဒိၣ်, ဒီးစိးဝၣ်ဃးကအိၣ်ကဆိးလၢအပူၤလီၤ. ဒီးတၢ်ကစၢၢ် ထီၣ်တၢ်အိၣ်သယုၢ်အပျံၤတဘိလၢအဖီခိၣ်, ဒီးတၢ်အိၣ် ကလီအလၢၢ်န့ၣ်လီၤ.
12 တၢ်ကကိးအပဒိၣ်တဖၣ်ဆူဘီမုၢ်အပူၤ, ဒီးတအိၣ် ဘၣ်ဝဲဘၣ်. ဒီးအပဒိၣ်ဖးဒိၣ်တဖၣ်တမ့ၢ်လၢၤဘၣ်တၢ် နီတမံၤဘၣ်.
13 ဒီးတၤဆှုၣ်ကမဲထီၣ်လၢအနူၢ်ပူၤ, လးဆါ,ဒီးတၤဆှုၣ် မုၢ်လၢအတိာ်ပူၤလီၤ. ဒီးကကဲထီၣ်ထွံၣ်ဟီၣ်ခိၣ်အပူၤ, ဒီးထိၣ်ကီၤလၤအူးအအိၣ်အလီၢ်လီၤ.
14 ဒီးတၢ်မံၤလာ်ဖိကဘၣ်သဃိာ်ဒီးထွံၣ်မံၤဖိ, ဒီးတၢ် အဖံးဆူၣ်ထီဖိကကိးဆူအဂိၤမီၣ်လီၤ.မ့ၢ်လံ, ဖဲန့ၣ်တၢ် မုၢ်နၤဖိကအိၣ်ဃိကလာ်, ဒီးထံၣ်န့ၢ်အအိၣ်ဘှံးအလီၢ် လၢအဂီၢ်လီၤ.
15 ဖဲန့ၣ်ဂုၢ်ကးဖိကမၤအသွံ, ဒီးဒံၣ်လီၤ,ဒီးဟုအဒံၣ်,ဒီး ဘုၣ်အဖိလၢအကဒုပူၤလီၤ. ဒီးဖဲန့ၣ်လီတာ်ကအိၣ်ဖှိၣ် ရိဖှိၣ်,တဘ့ၣ်ဒီးအဂိၤမီၣ်,တဘ့ၣ်ဒီးအဂိၤမီၣ်လီၤ.
16 ဃုတၢ်လၢယွၤအလံာ်ပူၤ, ဒီးဖးတၢ်တက့ၢ်.တဟါမၢ် ဘၣ်နီတမံၤဘၣ်. တၢ်လၢအဂိၤမီၣ်တအိၣ်ဘၣ်န့ၣ်တ အိၣ်ဘၣ်နီတဘ့ၣ်ဘၣ်. အဂ့ၢ်ဒ်အံၤ,ယထးခိၣ်မၤလိာ် တၢ်န့ၣ်,ဒီးအသးန့ၣ်ဒုးအိၣ်ဖှိၣ်အီၤလီၤ.
17 အဝဲဒၣ်ဖး တၢ်လၢအဂီၢ်စ့ၢ်ကီး, ဒီးအစုနီၤဖးအဆၢလၢပျံၤလၢအ ဂီၢ်လီၤ. ကန့ၢ်သါအီၤလီၤထူလီၤယိာ်လီၤ. အစိၤစိၤအ ဃၣ်ဃၣ်ကအိၣ်ဝဲဆိးဝဲဖဲန့ၣ်လီၤ.