12
1 ဒီးတၢ်လၢမုၢ်တနံၤန့ၣ်နကစံး, ယွၤဧၢ, ယကစံးထီၣ် ပတြၢၤနၤလီၤ. အဂ့ၢ်ဒ်အံၤ, နသးထီၣ်ယၤဘၣ်ဆၣ်ဒီး, နသးထီၣ်န့ၣ်ဟးထီၣ်ကွံာ်,ဒီးနမၤမုာ်ထီၣ်က့ၤယၤလီၤ.
2 ကွၢ်ကွၢ်, ယွၤမ့ၢ်တၢ်အုၣ်က့ၤခီၣ်က့ၤယၤလီၤ. ယက သန့ၤယသး,ဒီးတပျံၤဘၣ်တၢ်ဘၣ်. အဂ့ၢ်ဒ်အံၤ,ယွၤမ့ၢ် ယဂံၢ်ယဘါ,ဒီးယတၢ်သးဝံၣ်, ဒီးကဲထီၣ်တၢ်အုၣ်က့ၤ ခီၣ်က့ၤယၤလီၤ.
3 မၤသးဒ်န့ၣ်ဒီး, သုကဒၢၣ်ထီၣ်ထံ လၢတၢ်အုၣ်က့ၤ ခီၣ်က့ၤအထံပူၤတဖၣ်ဒီးတၢ်သူၣ်ခုသးခုလီၤ.
4 ဒီးလၢမုၢ်တနံၤန့ၣ်သုကစံး, စံးထီၣ်ပတြၢၤယွၤ, ကိး ထီၣ်အမံၤ, ဒုးသ့ၣ်ညါအမၤတၢ်လၢပှၤကလုာ်တဖၣ် အကျါ, ဒုးသ့ၣ်နီၣ်ထီၣ်က့ၤအီၤလၢအမံၤအိၣ်လၢတၢ် ထီၣ်ထီတက့ၢ်.
5 သးဝံၣ်ထီၣ်ယွၤတက့ၢ်. အဂ့ၢ်ဒ်အံၤ, မၤဝဲလၢတၢ် ထီၣ်ထီလီၤ. သ့ၣ်ညါတၢ်အံၤလၢဟီၣ်ခိၣ်ဒီဘ့ၣ်ညါတ က့ၢ်.
6 ကိးပသူတၢ်,ဒီးသးဝံၣ်တၢ်,ပှၤစံယိၣ်ဖိဧၢ,အဂ့ၢ် ဒ်အံၤ, အံၣ်စရ့လးအတၢ်စီဆှံတဂၤန့ၣ်ဒိၣ်ဝဲလၢနသး ကံၢ်ပူၤလီၤ.