2
1 ယကဆၢထၢၣ်လၢပၢၤတၢ်အလီၢ်, ဒီးယကပာ်ယသး လၢယတိာ်ယတာ်အဖီခိၣ်, ဒီးယကကွၢ်တၢ်လၢအက စံးဘၣ်ယၤဒ်လဲၣ်ဒ်လဲၣ်. ဒီးယကစံးဆၢတၢ်ဘၣ်ဃးဒီး ယကဒူးကဒ့ၣ်တၢ်ဒ်လဲၣ်ဒ်လဲၣ်န့ၣ်လီၤ.
2 ဒီးယွၤစံးဆၢယၤဒီးစံးဝဲဒၣ်, ကွဲးတၢ်ထံၣ်လၢညါခီ, ဒီးကွဲးလၢတၢ်ဘ့ၣ်ဘၣ်အလိၤ, ဒ်သိးပှၤလၢအဖးတၢ်န့ၣ် ကဃ့ၢ်ဝဲတက့ၢ်.
3 အဂ့ၢ်ဒ်အံၤ, တၢ်ထံၣ်လၢညါခီန့ၣ်အိၣ်ဝဲလၢတၢ်အ ဆၢအကတီၢ်အဂီၢ်, ဒီးကကတိၤတၢ်လၢတၢ်အကတၢၢ်, ဒီးတကတိၤကဘျံးကဘျၣ်ဘၣ်. မ့ၢ်သုးနံၤသုးသီဘၣ် ဆၣ်ဒီး, အိၣ်ခိးအီၤတက့ၢ်. အဂ့ၢ်ဒ်အံၤ, ကဟဲသပှၢ် တၢၢ်ဒီးတသုးနံၤသုးသီဘၣ်.
4 ကွၢ်ကွၢ်, ပှၤလၢအပာ်ကဖိအသးန့ၣ် အသးတလိၤ လၢအပူၤဘၣ်. မ့မ့ၢ်ပှၤအတီအလိၤန့ၣ်ကမူဝဲလၢအတၢ် နာ်လီၤ.
5 ဒီးလၢန့ၣ်အမဲာ်ညါစပံးထံန့ၣ်လီန့ၢ်တၢ်လီၤ. ပှၤလၢ ပာ်ထီၣ်ထီအသးန့ၣ်တအိၣ်ဘှံးဘၣ်ဝဲဘၣ်. အဂ့ၢ်ဒ်အံၤ, မၤလဲၢ်ထီၣ်အဆၢန့ၢ်တၢ်န့ၣ်ဒ်ပျုၤပူၤအသိးလီၤ. မၤသး ဒ်တၢ်သံအသိးန့ၣ်ဒီးတဘျဲးအီၣ်ဘၣ်. မ့ၢ်အထၢဖှိၣ်ပှၤ ကလုာ်ခဲလၢာ်လၢအဂီၢ်, ဒီးပာ်ထီၣ်ပှၤဂီၢ်မုၢ်ခဲလၢာ်တ ပူၤဃီလၢအဂီၢ်လီၤ.
6 အဝဲသ့ၣ်ခဲလၢာ်ကကတိၤဒိတၢ်ထီဒါအီၤ, ဒီးကက တိၤခီတၢ်ထီဒါအီၤ, ဒီးကစံး, ပှၤလၢအမၤအါထီၣ်တၢ် လၢအတမ့ၢ်ဘၣ်အတၢ်ဒၣ်ဝဲဘၣ်, ဒီးဟံးန့ၢ် တၢ်ဟ့ၣ် ကီၤအါမံၤန့ၣ်ဘၣ်အဖှီၣ်လီၤ, ဆံးယံာ်လဲၣ်.
7 ကွၢ်ကွၢ်, ပှၤလၢအဟ့ၣ်နစ့အအ့ၣ်အဂီၢ်တဖၣ်န့ၣ်က ဂဲၤဆၢထၢၣ်သတူၢ်ကလာ်, ဒီးပှၤကဖုသံနီၣ်ထီၣ်လၢအ ကမၤဟူးဝးနၤနးနးကလဲာ်, တမ့ၢ်ဘၣ်ဧါ. ဒီးနကကဲ ထီၣ်အတၢ်ဂုာ်ဆူၣ်ပျီဆူၣ်လီၤ.
8 မ့ၢ်နဂုာ်န့ၢ်ပှၤအါကလုာ်ဒီး, ပှၤဂီၢ်မုၢ်လၢအအိၣ်လီၤ တဲာ်န့ၣ် ကဂုာ်န့ၢ်နၤလၢပှၤကညီအသွံၣ်အဃိ, ဒီးလၢ တၢ်မၤန့ၢ်ဆူၣ်ဟီၣ်ခိၣ်, ဒီးခူဧိၤဝ့ၢ်ဧိၤ, ဒီးကယဲၢ်ပှၤလၢ အအိၣ်အဆိးလၢအပူၤအဃိလီၤ.
9 ပှၤလၢအသးကွံအစုလီၢ်အခီၣ်ခိၣ် တတီဘၣ်လၢအ ဟံၣ်အဂီၢ်ဒ်သိးအကပာ်အသွံလၢတၢ်ထီၣ်ထီ ဒ်သိးအ ကပူၤဖျဲးဒီးတၢ်အၢအစုန့ၣ်ဘၣ်အဖှီၣ်လီၤ.
10 နဒီၣ်တဲာ်ကွံာ်ပှၤအါကလုာ်, ဒီးမၤကမၣ်လီၤနသးသ တးဒီး, နကူၣ်ထီၣ်တၢ်မဲာ်ဆှး လၢနပှၤဟံၣ်ဖိအမဲာ်လီၤ.
11 အဂ့ၢ်ဒ်အံၤ, လၢၢ်လၢတၢ်အဒူၣ်ပူၤန့ၣ် ကိးထီၣ်ဝဲဒီး ကျိၤလၢသ့ၣ်ကျါန့ၣ်စံးဆၢအီၤလီၤ.
12 ပှၤလၢအမၤထီၣ်အတဝီ လၢတၢ်သွံၣ်, ဒီးမၤကျၢၤ ထီၣ်အဝ့ၢ်လၢတၢ်မၤတတီဘၣ်န့ၣ်ဘၣ်အဖှီၣ်လီၤ.
13 ကွၢ်ကွၢ်, ကဲထီၣ်လၢတၢ်သုးမုၢ်ဂီၢ်မုၢ်အယွၤ လၢပှၤ ဂီၢ်မုၢ်မၤတၢ်လၢမ့ၣ်အူအဂီၢ်, ဒီးပှၤဂီၢ်မုၢ်မၤတၢ်လၢတၢ် မၤဘှံးအသးကလီကလီအဂီၢ်, တမ့ၢ်ဘၣ်ဧါ.
14 အဂ့ၢ်ဒ်အံၤ, ဟီၣ်ခိၣ်ကပှဲၤထီၣ်ဒီး တၢ်သ့ၣ်ညါယွၤ အလၤကပီၤ, ဒ်ထံလုၣ်ဘၢပီၣ်လဲၣ်အသိးန့ၣ်လီၤ.
15 ပှၤလၢအဟ့ၣ်သံးလၢပှၤလၢအဃၢၤ, ဒီးလူလီၤနသး ကဲၤထီၣ်, ဒီးဒုးအီမူၤအီၤဒ်သိးနကကွၢ်အတၢ်အိၣ်ဘ့ၣ် ဆ့န့ၣ်ဘၣ်အဖှီၣ်လီၤ.
16 နပှဲၤဒီးတၢ်မဲာ်ဆှး, တမ့ၢ်ဘၣ်ဒီးတၢ်လၤကပီၤဘၣ်. အီစ့ၢ်ကီးနဲ, ဒီးဒုးနဲၣ်လၢနတဒိးဘၣ်တၢ်ကူးတရံးဘၣ် န့ၣ်တက့ၢ်. လီခီလၢယွၤအစုထွဲအပူၤကဟဲတရံးဆူန အိၣ်, ဒီးတၢ်မဲာ်ဆှးကအိၣ်လၢနလၤကပီၤအဖီခိၣ်လီၤ.
17 အဂ့ၢ်ဒ်အံၤ, တၢ်မၤန့ၢ်ဆူၣ်လဘၤနိၣ်န့ၣ်ကကျၢၢ်ဘၢ နၤ, ဒီးတၢ်မၤဟးဂီၤဆၣ်ဖိကီၢ်ဖိလၢအမၤပျံၤမၤဖုးအီၤ, လၢပှၤကညီအသွံၣ်အဃိ, ဒီးလၢတၢ်မၤန့ၢ်ဆူၣ်ထံဧိၤ ကီၢ်ဧိၤ, ဒီးခူဧိၤဝ့ၢ်ဧိၤ, ဒီးကယဲၢ်ပှၤလၢအအိၣ်ဝဲလၢအ ပူၤခဲလၢာ်အဃိလီၤ.
18 တၢ်ဂီၤလၢပှၤတ့စိးပျၤဝဲ, တၢ်ဂီၤသိအသး, ဒီးပှၤသိၣ် လိတၢ်ကဘျံးကဘျၣ်, ပှၤတ့တၢ်ဂီၤတအုၣ်, ဒီးသန့ၤ အသးလၢတၢ်လၢအတ့ဝဲန့ၣ်မ့ၢ်အဘျုးမနုၤလဲၣ်.
19 ပှၤလၢအစံး သ့ၣ်ဧိၤဝၣ်ဧိၤ ဂဲၤဆၢထၢၣ်တက့ၢ်, ဒီး လၢၢ်ဧိၤလ့ဧိၤတအုၣ်န့ၣ် ဖုသံနီၣ်တက့ၢ်န့ၣ်ဘၣ်အဖှီၣ် လီၤ. အဝဲန့ၣ်ကသိၣ်လိတၢ်စ့ၢ်ကီးဧါ. ကွၢ်ကွၢ်, အဝဲ န့ၣ်ပီၤဝဲဒီးထူဒီးစ့ဘၣ်ဆၣ်ဒီး, အသါတအိၣ်ဘၣ်လၢအ ပူၤလ့ၤတက့ၤဘၣ်.
20 မ့မ့ၢ်ယွၤအိၣ်ဝဲလၢအနူၢ်စီဆှံအပူၤလီၤ. အိၣ်ဘှီၣ်က လာ်လၢအမဲာ်ညါ, ပှၤဟီၣ်ခိၣ်ဖိခဲလၢာ်သ့ၣ်ဧၢ.