10
1 အဂ့ၢ်ဒ်အံၤ, တၢ်သိၣ်တၢ်သီ အိၣ်ဒီးတၢ်ဂ့ၤလၢအက ဟဲဝဲန့ၣ်အကဒု, တမ့ၢ်ဘၣ်တၢ်န့ၣ်အက့ၢ်အဂီၤဒၣ်ဝဲ ဘၣ်သတးဒီး, မၤဝဲဒီးတၢ်လုၢ်တၢ်ပာ်ဒ်လီၢ်လီၢ်,လၢပှၤ ပာ်ထီၣ်တနံၣ်ဘၣ်တနံၣ်တထံၣ်ဃီန့ၣ်,မၤလၢမၤပှဲၤပှၤ လၢအလဲၤဃီၤဆူအအိၣ်န့ၣ် တသ့ဘၣ်နီတဘျီဘၣ် လီၤ.
2 မ့ၢ်သ့ဒီး,တၢ်လုၢ်န့ၣ်ကဆိတ့ၢ်,တမ့ၢ်ဘၣ်ဧါ.အ ဂ့ၢ်ဒ်အံၤ, ပှၤဘါတၢ်တဖၣ်ကဆှီထီၣ်တဘျီန့ၣ်သတးဒီး အသးသ့ၣ်ညါဒၣ်တၢ်ဘၣ်ဃးဒီးတၢ်ဒဲးဘး, တအိၣ် လၢၤဘၣ်.
3 မ့မ့ၢ်လၢတၢ်န့ၣ်တဖၣ်အပူၤ,တၢ်သ့ၣ်နီၣ် တၢ်ဒဲးဘးအိၣ်ဝဲကိးနံၤဒဲးလီၤ.
4 အဂ့ၢ်ဒ်အံၤ,ဂီၤဖံးဖါ,ဒီး မဲာ်တဲးလဲးအသွံၣ်န့ၣ်, ပာ်ကွံာ်တၢ်ဒဲးဘးတသ့ဘၣ်.-
5 မၤသးဒ်န့ၣ်ဒီး,တုၤအဟဲလီၤလၢဟီၣ်ခိၣ်ချၢဒီး,စံးဝဲဒၣ်,တၢ်လုၢ်ဒီးတၢ်မၤဘူၣ်န့ၣ် တဘၣ်ဘၣ်နသးဘၣ်,မ့မ့ၢ်နကတဲာ်ကတီၤနီၢ်ခိလၢယဂီၢ်လီၤ.-
6 လၢတၢ်လုၢ်ဆိၣ်ကဲၤဒီဒု, ဒီးတၢ်လုၢ်တၢ်ဒဲးဘးအဂီၢ်န့ၣ်,တဘၣ်ဘၣ်နသးဘၣ်,-
7 တုၤနုၤတစုယစံး,ယဟဲယဲ,ကွၢ်ကွၢ်,လၢလံာ်တထူအပူၤန့ၣ်, တၢ်ကွဲးအသးလၢ ယဂ့ၢ်ယကျိၤ,ဒ်သိးယကမၤဖဲဒၣ်နသး,ကစၢ်ဧၢ,Ref 10.7 စံး. ၄၀း၆.
8 လၢအစံးမကိာ်လၢတၢ်လုၢ်, ဒီးတၢ်မၤဘူၣ်, ဒီးတၢ် လုၢ်ဆိၣ်ကဲၤဒီဒု, ဒီးတၢ်လုၢ်လၢတၢ်ဒဲးဘးအဂီၢ်, လၢ တၢ်ပာ်ထီၣ်ဝဲဒ်တၢ်သိၣ်တၢ်သီအသိး, နတအဲၣ်ဘၣ်,ဒီး တဘၣ်ဘၣ်နသးဘၣ်,
9 တုၤနုၤတစုစံးဝဲဒၣ်,ကွၢ်ကွၢ်, ယဟဲမၤဖဲဒၣ်နသးန့ၣ်, မ့ၢ်လၢအပာ်ကွံာ်အခီၣ်ထံးတ မံၤ,ဒ်သိးအကမၤဂၢၢ်မၤကျၢၤခံမံၤတမံၤလီၤ.
10 လၢတၢ် ဘၣ်အသးအံၤပကဲထီၣ်တၢ်စီဆှံ, လၢတၢ်ပာ်ထီၣ်ယ့ၣ် ရှူးခရံာ်အနီၢ်ခိတဘျီအဃိလီၤ.
11 ဒီးကယဲၢ်ပှၤလုၢ်တၢ်အဒိၣ်ကိးဂၤဒဲး, ဆၢထၢၣ်မၤတၢ် မၤတနံၤဘၣ်တနံၤဒီး ပာ်ထီၣ်တလီၢ်လီၢ်တၢ်လုၢ်တ မံၤ,လၢအစိာ်ကွံာ်တၢ်ဒဲးဘးတသ့ဘၣ်.
12 မ့မ့ၢ်အဝဲဒၣ် န့ၣ်ပာ်ထီၣ်တၢ်လုၢ်လၢတၢ်ဒဲးဘးအဂီၢ်တဘျီဒီး, ဆ့ၣ် နီၤထီဘိလၢယွၤအစုထွဲတခီ,
13 ဒီးဆူညါကွၢ်လၢ်ဝဲတုၤ တၢ်ပာ်လီၤအဒုၣ်အဒါလၢအခီၣ်ယီၢ်အလီၢ်န့ၣ်လီၤ.-
14 အဂ့ၢ်ဒ်အံၤ, မ့ၢ်အပာ်ထီၣ်တၢ်တဘျီဒီး,မၤလၢထီၣ်ပှဲၤ ထီၣ်လံထီဘိပှၤလၢတၢ်မၤစီဆှံအီၤတဖၣ်န့ၣ်လံ.
15 ဒီး သးစီဆှံအုၣ်အသးလၢပဂီၢ်စ့ၢ်ကီးလီၤ.အဂ့ၢ်ဒ်အံၤ, က တိၤဝဲမကိာ်အလီၢ်ခံန့ၣ်,
16 တၢ်အံၤမ့ၢ်တၢ်အၢၣ်လီၤအီ လီၤလၢယကမၤဒီးအီၤလၢမုၢ်နံၤတဖၣ်အလီၢ်ခံန့ၣ်,ယွၤ စံးဝဲဒၣ်, ယကပာ်လီၤယတၢ်သိၣ်တၢ်သီလၢအသးကံၢ် ပူၤ,ဒီးယကကွဲးအီၤလၢအသးအလိၤ,
17 ဒီးအတၢ်ဒဲးဘး ဒီးအတၢ်အၢတၢ်သီန့ၣ်ယတသ့ၣ်နီၣ်ထီၣ်လၢၤဘၣ်.Ref 10.17 ယံး. ၃၁း၃၃.
18 ဘၣ်ဆၣ်ဒီးတၢ်ပျၢ်တဖၣ်န့ၣ်မ့ၢ် အိၣ်ဝဲဒီး,တၢ်တပာ်ထီၣ်လၢၤဘၣ်တၢ်လၢတၢ်ဒဲးဘးအ ဂီၢ်ဘၣ်.
19 မၤသးဒ်န့ၣ်ဒီး, ပုၢ်သ့ၣ်ဝဲၢ်သ့ၣ်ဧၢ,မ့ၢ်ပအိၣ်ဒီးပသးခူ တလ့ၢ်လၢပကလဲၤနုာ်ဆူ အလီၢ်စီဆှံအပူၤလၢယ့ၣ်ရှူး အသွံၣ်အဃိ,
20 လၢကျဲအသီဒီးမူဝဲတဘိလၢအမၤထီၣ် သီလၢပဂီၢ်လၢအလဲၤဖျိယၣ်ဘျးလီၤအသး, ဒ်ပစံးတၢ် အသိး,အဖံးအညၣ်န့ၣ်,
21 ဒီးမ့ၢ်ပအိၣ်ဒီးပှၤလုၢ်တၢ်အ ဒိၣ်ဖးဒိၣ်လၢယွၤအဟံၣ်အဖီခိၣ်န့ၣ်သတးဒီး,
22 မ်ပသုး ဘူးပသးလၢပသးအမ့ၢ်အတီ, ဒီးလၢတၢ်နာ်လၢလၢပှဲၤ ပှဲၤအိၣ်ဒီးပသးန့ၣ် ဒိးဖှံကဆှီလၢပသးသ့ၣ်ညါဒၣ်တၢ် အအၢ, ဒီးပနီၢ်ခိန့ၣ် ဒိးသ့စီအသးလၢထံအဆှံန့ၣ်တ က့ၢ်.
23 တကဒံကဒါဘၣ်ဒီး,မ်ပဟံးဃာ်ပတၢ်မုၢ်လၢ်အ တၢ်အၢၣ်လီၤအီလီၤတက့ၢ်. အဂ့ၢ်ဒ်အံၤ,ပှၤလၢအစံးပာ် တၢ်န့ၣ်,မ့ၢ်ပှၤအကလုၢ်တီလီၤ.
24 မ်ပကွၢ်လိာ်ပသးတ ဂၤဒီးတဂၤ, ဒ်သိးပကသဆၣ်ထီၣ်လိာ်ပခံဆူတၢ်အဲၣ် တၢ်ကွံ,ဒီးတၢ်မၤဂ့ၤတၢ်န့ၣ်တက့ၢ်.
25 ဟးဆှဲးပတၢ်အိၣ် ဖှိၣ်ရိဖှိၣ်, ဒ်ပှၤတနီၤနီၤအလုၢ်အလၢ်အသိးန့ၣ်တဂ့ၤ,ပ သဆၣ်ထီၣ်လိာ်ပခံဒီး,ပထံၣ်အမုၢ်တနံၤဒံးဘူးထီၣ်ဒီး, မ်ပသဆၣ်ထီၣ်လိာ်ပခံဒံးအါထီၣ်တက့ၢ်.
26 အဂ့ၢ်ဒ်အံၤ, ဖဲဒၣ်ပသးပမ့ၢ်မၤတၢ်ဒဲးဘးလၢပတူၢ် လိာ်တၢ်သ့ၣ်ညါတၢ်မ့ၢ်တၢ်တီအလီၢ်ခံဒီး, တၢ်လုၢ်လၢ တၢ်ဒဲးဘးအဂီၢ်တအိၣ်လီၤတဲာ်လၢၤဘၣ်.
27 မ့မ့ၢ်တၢ် ကွၢ်လၢ်တၢ်စံၣ်ညီၣ် ဘၣ်ဃးဒီးတၢ်ပျံၤတၢ်ဖုး, ဒီးတၢ် သးဒိၣ်ဆူၣ်အမ့ၣ်အူလၢ အကအီၣ်ကွံာ်အဒုၣ်အဒါန့ၣ် လီၤ.
28 ပှၤလၢအညိကွံာ်စီၤမိၤရှ့အတၢ်သိၣ်တၢ်သီန့ၣ် တၢ်သးကညီၤတအိၣ်ဘၣ်ဒီး, သံဝဲလၢပှၤအုၣ်အသးခံ ဂၤသၢဂၤအဃိန့ၣ်လီၤ.
29 ပှၤလၢအယီၢ်တံၢ်ယွၤအဖိခွါ, ဒီးပာ်တၢ်အၢၣ်လီၤအီလီၤအသွံၣ်လၢ အမၤစီဆှံထီၣ် အီၤလၢတၢ်တကဆှီဘၣ်, ဒီးမၤတရီတပါသးဘၣ်ဃး ဒီးတၢ်ဘျုးတၢ်ဖှိၣ်တဂၤန့ၣ်, သုဆိကမိၣ်လၢအဂ့ၤဘၣ် တၢ်ဒဲးဘးနးန့ၢ်အန့ၣ်တက့ၢ်ဆံးဒိၣ်လဲၣ်.
30 အဂ့ၢ်ဒ်အံၤ, ပသ့ၣ်ညါပှၤလၢအစံးဝဲဒၣ်, တၢ်စံၣ်ညီၣ်ဃၣ် အိၣ်ဒီး ယၤလီၤ,ယကမၤကၣ်တၢ်ယဲလီၤ,ယွၤစံးဝဲဒၣ်,Ref 10.30 ၅မိၤ. ၃၂း၃၅.ဒီးမၤကဒီးတစု,ယွၤကစံၣ်ညီၣ်အပှၤဂီၢ်မုၢ် လီၤ.
31 တၢ်လီၤတဲာ်ဆူယွၤလၢအမူဝဲတဂၤအစုပူၤန့ၣ်, မ့ၢ်တၢ်ဘၣ်ပျံၤအလီၢ်လီၤ.
32 ဒီးတၢ်အနံၤအသီလၢအခီၣ်ထံး, ဖဲသုဒိးကပီၤထီၣ်သု သးအလီၢ်ခံန့ၣ်,သုဘၣ်တၢ်ဒုးလိာ်ယၤလိာ်လၢတၢ်ဖှီၣ် ဒိၣ်ဒိၣ်ကလဲာ်အပူၤန့ၣ်,သ့ၣ်နီၣ်ထီၣ်တက့ၢ်.
33 တနီၤမ့ၢ် သုကဲတၢ်ကွၢ်ကီအလီၢ်ဘၣ်ဃးဒီးတၢ်ဒုၣ်ဒွဲၣ်,ဒီးတၢ်နး တၢ်ဖှီၣ်, ဒီးတနီၤမ့ၢ်သုကဲပှၤလၢတၢ်မၤအီၤဒ်န့ၣ်အသိး တဖၣ်,အသကိးလီၤ.
34 အဂ့ၢ်ဒ်အံၤ,သုသးကညီၤပှၤလၢ အဘၣ်စၢဃာ်တဖၣ်, ဒီးသုတူၢ်တၢ်ဂုာ်န့ၢ်သုတၢ်,အိၣ် ဒီးသုသူၣ်ခုသးခုလီၤ. အဂ့ၢ်ဒ်အံၤ, သုသ့ၣ်ညါလၢသု တၢ်ဂ့ၤန့ၢ်ကျၢၤန့ၢ်အန့ၣ်တက့ၢ်, အိၣ်ဝဲလၢမူခိၣ်လီၤ.
35 မၤသးဒ်န့ၣ်ဒီးညိကွံာ်သုတၢ်သးခူတလ့ၢ်, လၢအ အိၣ်ဒီးအဘူးအလဲဒိၣ်ဒိၣ်ကလဲာ်အံၤ,တဂ့ၤ.
36 အဂ့ၢ်ဒ် အံၤ,သုဝံသးစူၤအလီၢ်အိၣ်ဝဲ,ဒ်သိးသုမၤဖဲယွၤအသးဝံၤ ဒီး,သုကန့ၢ်ဘၣ်တၢ်စံးပာ်တဖၣ်လီၤ.
37 အဂ့ၢ်ဒ်အံၤ,အိၣ် ဒံးတစိၢ်ဖိဒီး,ပှၤလၢအဟဲတဂၤန့ၣ်, ကဟဲဝဲ,ဒီးတမၤ ယံာ်မၤနီၢ်ဘၣ်တၢ်ဘၣ်.
38 ဘၣ်ဆၣ်ဒီးပှၤအတီအလိၤ န့ၣ်ကမူဝဲလၢတၢ်နာ်လီၤ. ဒီးပှၤမ့ၢ်ဂုၤက့ၤအသးဒီး,ယ သးတမုာ်လၤဘၣ်လၢအီၤဘၣ်.[ဃဘး၂း၃
39 ၄].- မ့မ့ၢ် ပဝဲဒၣ်အံၤ, ပတမ့ၢ်ဘၣ်ပှၤလၢအဂုၤက့ၤအသးဆူတၢ် ဟးဂီၤအပူၤဘၣ်, မ့မ့ၢ်ပှၤလၢအစူၢ်က့ၤနာ်က့ၤတၢ်ပၢၢ် လၢတၢ်အုၣ်က့ၤခီၣ်က့ၤအီၤလီၤ.