လံာ်စီၤပီလူးကွဲးန့ၢ်ပှၤသ့းစၤလနံဖိ အခီၣ်ထံးတဘ့ၣ်
1
1 စီၤပီလူး,ဒီးစီၤစံလၤ,ဒီးစီၤတံၤမသ့း, စံးဘၣ်တၢ်အိၣ် ဖှိၣ်လၢသ့းစၤလနံ, လၢပၢ်ယွၤဒီးကစၢ်ယ့ၣ်ရှူးခရံာ်အ ပူၤန့ၣ်, မ်တၢ်ဘျုးတၢ်ဖှိၣ်,ဒီးတၢ်ဃူတၢ်ဖိးလၢပပၢ်ယွၤ ဒီးကစၢ်ယ့ၣ်ရှူးခရံာ်န့ၣ်ဘၣ်သုတက့ၢ်.
2 ပသ့ၣ်နီၣ်ထီၣ်က့ၤသုလၢပတၢ်ထုကတဖၣ်အပူၤ, ဒီး ပစံးထီၣ်ပတြၢၤယွၤအဘျုးတထံၣ်ဃီလၢ သုခဲလၢာ်အ ဃိလီၤ.
3 ပသ့ၣ်နီၣ်ထီၣ်က့ၤတဘိယူၢ်ဃီ, သုတၢ်မၤ ဘၣ်ဃးဒီးတၢ်နာ်, ဒီးသုတၢ်ကျဲးစၢး ဘၣ်ဃးဒီးတၢ် အဲၣ်တၢ်ကွံ, ဒီးသုတၢ်ဝံသးစူၤ ဘၣ်ဃးဒီးတၢ်မုၢ်လၢ် လၢအအိၣ်လၢပကစၢ်ယ့ၣ်ရှူးခရံာ်အပူၤလၢယွၤဒီးပပၢ် အမဲာ်ညါလီၤ.
4 အဂ့ၢ်ဒ်အံၤ,ဒီပုၢ်ဝဲၢ်လၢယွၤအဲၣ်အီၤ သ့ၣ်ဧၢ,ပသ့ၣ်ညါသုဘၣ်တၢ်ဃုထၢက့ၤသုလီၤ.
5 အဂ့ၢ် ဒ်အံၤ, ပတၢ်သးခုအကစီၣ်အိၣ်ထဲတၢ်ကတိၤလၢသုဂီၢ် တမ့ၢ်ဘၣ်. မ့ၢ်အအိၣ်စ့ၢ်ကီးဒီးတၢ်စိတၢ်ကမီၤ,ဒီးသးစီ ဆှံ, ဒီးတၢ်နာ်အလၢအပှဲၤလၢအအါ,ဒ်သုသ့ၣ်ညါလၢ ပမ့ၢ်ပှၤဒ်လဲၣ်ဒ်လဲၣ်လၢသုကျါ, ဒီးလၢသုဂီၢ်အသိးန့ၣ် လီၤ.
6 ဒီးသုဒိးန့ၢ်တၢ်အကလုၢ်အကထါလၢတၢ်နးတၢ် ဖှီၣ်အါအပူၤ, အိၣ်ဒီးသးစီဆှံအတၢ်သးခုသတးဒီးသု ကဲထီၣ်ပှၤကွၢ်လိပှၤဒီးကစၢ်န့ၣ်လီၤ.
7 မၤသးဒ်န့ၣ်ဒီး သုကဲထီၣ်တၢ်အဒိအတဲာ်လၢပှၤစူၢ်က့ၤနာ်က့ၤတၢ်လၢ မၤက့းဒနံဒီးအဃါယၤခဲလၢာ်အဂီၢ်လီၤ.
8 အဂ့ၢ်ဒ်အံၤ, ကစၢ်အကလုၢ်ကထါဟူထီသါလီၤလၢ သုအိၣ်ထဲလၢ မၤက့းဒနံဒီးအဃါယၤအပူၤဧိၤတမ့ၢ်ဘၣ်,မ့ၢ်သုနာ်က့ၤ ယွၤန့ၣ်ဟူထီၣ်သါလီၤဝဲကိးပူၤဒဲး တုၤပစံးတၢ်အလီၢ် တအိၣ်ဘၣ်နီတမံၤဘၣ်.
9 အဂ့ၢ်ဒ်အံၤပှၤတဖၣ်အကစၢ် ဒၣ်ဝဲစံၣ်တဲၤတဲလီၤလၢ ပလဲၤနုာ်လၢသုကျါမ့ၢ်တၢ်ဒ် လဲၣ်ဒ်လဲၣ်, ဒီးလၢသုဃၣ်ကွံာ်သုသးလၢတၢ်ဂီၤဆူယွၤ အအိၣ် ဒ်သိးသုကမၤယွၤလၢအမူဝဲ ဒီးမ့ၢ်တၢ်နီၢ်နီၢ်တ ဂၤအတၢ်,
10 ဒီးဒ်သိးသုကကွၢ်လၢ်အဖိခွါလၢမူခိၣ်,လၢ အဒုးဂဲၤဆၢထၢၣ်က့ၤအီၤလၢတၢ်သံ,ယ့ၣ်ရှူး,လၢအထုး ထီၣ်ကွံာ်ပှၤလၢတၢ်သးဒိၣ် လၢအကဟဲဝဲအပူၤ တဂၤ အကျဲလီၤ.