8
1 ဒီးယွၤသ့ၣ်နီၣ်ထီၣ်က့ၤစီၤနိအၤ, ဒီးကယဲၢ်တၢ်သး ဒီးကယဲၢ်ဆၣ်ဖိကီၢ်ဖိလၢအအိၣ်ဒီးအီၤလၢကဘီအပူၤ, ဒီးယွၤဒုးအူထီၣ်ကလံၤလၢဟီၣ်ခိၣ်ချၢဒီး ထံလီၤသံးဝဲ လီၤ.
2 ဒီးတၢ်ယိာ်ပူၤအထံထီၣ်ပၢၢ်, ဒီးမူခိၣ်အတၢ် ထူၣ်ဖျိတဖၣ်ဘၣ်ဆွံတံာ်ဃာ်အသး, ဒီးတၢ်ဟဲစူၤလၢ မူခိၣ်တုာ်ဝဲလီၤ.
3 ဒီးထံက့ၤကဒါက့ၤလၢဟီၣ်ခိၣ်ချၢ တထံၣ်ဃီ, ဒီးအသီတကယၤယဲၢ်ဆံပူၤကွံာ်ဒီး, ထံ လီၤစှၤဝဲလီၤ.
4 ဒီးလၢလါနွံလါတလါ, လါထီၣ်တဆံနွံနံၤတနံၤန့ၣ် ကဘီတုာ်ထီၣ်လၢကစၢၢ်အရၤရးအလိၤလီၤ.
5 ဒီးထံစှၤလီၤတထံၣ်ဃီ တုၤလီၤလၢလါဆံဆဲၣ်လါ တလါ, ဒီးလၢလါဆံဆဲၣ်လါတလါ, ဒီးလါထီၣ်တ နံၤန့ၣ် ကစၢၢ်တဖၣ်အဒီခိၣ်အိၣ်ဖျါထီၣ်ဝဲလီၤ.
6 ဒီးတၢ်မၤအသးလၢ အသီလွံၢ်ဆံပူၤကွံာ်ဒီးစီၤနိအၤ အိးထီၣ် ကဘီအတၢ်ထူၣ်ဖျိလၢအမၤဝဲလီၤ.
7 ဒီးပျၢ် ထီၣ်စိးဝၣ်ဃးတဘ့ၣ်, ဒီးအဝဲန့ၣ်လဲၤဒီးဟဲက့ၤလဲၤဒီး ဟဲက့ၤ, တုၤထံသူထီၣ်ကွံာ်လၢဟီၣ်ခိၣ်ချၢလီၤ.
8 ထံလီၤသံးဧါတလီၤသံးဘၣ်ဧါလၢဟီၣ်ခိၣ်ချၢ, ဒ်သိးအကသ့ၣ်ညါဒီး, ပျၢ်ထိၣ်လွံၢ်တဘ့ၣ်လၢအအိၣ်လီၤ.-
9 ဒီးထိၣ်လွံၢ်တဘ့ၣ်န့ၣ်တထံၣ်န့ၢ်ဘၣ် တၢ်အိၣ်ဘှံးအ လီၢ်လၢအခီၣ်အဂီၢ်နီတပူၤဘၣ်ဒီး, ဟဲက့ၤကဒါက့ၤ ဆူအအိၣ်လၢကဘီပူၤလီၤ. အဂ့ၢ်ဒ်အံၤ, ထံအိၣ်လၢ ဟီၣ်ခိၣ်ချၢဒီဘ့ၣ်ညါလီၤ. ဒီးယူာ်ထီၣ်အစု, ဒီးဟံးန့ၢ် အီၤ, ဒီးဒုးနုာ်အီၤဆူကဘီပူၤဆူအအိၣ်လီၤ.
10 ဒီးအိၣ်ခိးဒံးနွံသီကဒီး, ဒီးပျၢ်ကဒီးထိၣ်လွံၢ်တဘ့ၣ် န့ၣ်လၢကဘီပူၤလီၤ.
11 ဒီးထိၣ်လွံၢ် ဟဲက့ၤဆူအအိၣ် လၢမုၢ်ဟါ, ဒီးကွၢ်ကွၢ်, သ့ၣ်စၤယံးအလၣ်သံကစဲာ် တဘ့ၣ်အိၣ်လၢအနိးပူၤလီၤ. ဒီးစီၤနိအၤသ့ၣ်ညါဝဲလၢ ထံလီၤသံးကွံာ်လၢဟီၣ်ခိၣ်ချၢလီၤ.
12 ဒီးအိၣ်ခိးဒံးနွံသီကဒီး, ဒီးပျၢ်ထိၣ်လွံၢ်န့ၣ်, ဒီးတဟဲ က့ၤလၢၤဘၣ်ဆူအအိၣ်ဘၣ်.
13 ဒီးတၢ်မၤအသးလၢ အနံၣ်ဃုကယၤတနံၣ်, လါခီၣ် ထံးတလါ, လါထီၣ်တနံၤန့ၣ်ထံသူထီၣ်ကွံာ်လၢဟီၣ် ခိၣ်ချၢ, ဒီးစီၤနိအၤမၤကွံာ်ကဘီအတၢ်ကျၢၢ်ဘၢ, ဒီး ကွၢ်ဝဲ, ဒီးကွၢ်ကွၢ်, ဟီၣ်ခိၣ်ဘ့ၣ်ခိၣ်ဃ့ထီၣ်လံအသး လံ.
14 ဒီးလၢလါခံလါတလါ, လါထီၣ်အနံၤခံဆံနွံနံၤ တနံၤဒီးကွၢ်ကွၢ်, ဟီၣ်ခိၣ်ဃ့ထီၣ်ဝဲလီၤ.ဒီးယွၤစံးဘၣ်စီၤနိအၤဒီးစံးဝဲဒၣ်,
15-16 ယုၢ်လီၤလၢ ကဘီပူၤ, နဲဒၣ်, ဒီးနမါ, ဒီးနဖိခွါသ့ၣ်, ဒီးနဖိခွါအမါ သ့ၣ်တဖၣ်အိၣ်ဒီးနၤတက့ၢ်.
17 ဒုးယုၢ်လီၤဒီးနၤကယဲၢ် တၢ်သးလၢအအိၣ်ဒီးနၤ လၢတၢ်ညၣ်ခဲလၢာ်အကျါ, ထိၣ်ဖိလံၣ်ဖိ, ဆၣ်ဖိကီၢ်ဖိဒီးကယဲၢ်တၢ်စွါလၢအစွါလၢ ဟီၣ်ခိၣ်ချၢ, ဒ်သိးအကဖှံထီၣ်လၢဟီၣ်ခိၣ်ချၢ, ဒီးသၣ် ထီၣ်, ဒီးအါထီၣ်လၢဟီၣ်ခိၣ်ချၢန့ၣ်တက့ၢ်.
18 ဒီးစီၤနိအၤယုၢ်လီၤဝဲ, ဒီးအဖိခွါသ့ၣ်, ဒီးအမါ, ဒီး အဖိခွါအမါသ့ၣ်တဖၣ်အိၣ်ဒီးအီၤလီၤ.
19 ကယဲၢ်ဆၣ်ဖိ ကီၢ်ဖိ, ကယဲၢ်တၢ်စွါတၢ်စွဲ, ဒီးကယဲၢ်ထိၣ်ဖိလံၣ်ဖိ, ဒီးဖဲဒၣ်တၢ်လၢအစွါလၢဟီၣ်ခိၣ်ချၢတမံၤလၢ်လၢ်, ဒ် အဒူၣ်တဖၣ်အသိးန့ၣ်ယုၢ်လီၤဝဲလၢကဘီပူၤလီၤ.
20 ဒီးစီၤနိအၤမၤတၢ်လုၢ်လီၢ် လၢယွၤအဂီၢ်, ဒီးဟံးန့ၢ် တၢ်လၢကယဲၢ်ဆၣ်ဖိကီၢ်ဖိအကဆှီ, ဒီးကယဲၢ်ထိၣ်ဖိ လံၣ်ဖိအကဆှီတမံၤလၢ်လၢ်အကျါန့ၣ်, ဒီးလုၢ်တၢ်လုၢ် မ့ၣ်အူလၢတၢ်လုၢ်လီၢ်န့ၣ်အဖီခိၣ်လီၤ.
21 ဒီးယွၤနၢထီၣ်တၢ်နၢမူ, ဒီးယွၤစံးလၢအသးကံၢ်ပူၤ,ပှၤကညီအသးကူၣ်ထီၣ်တၢ်မၤအအၢအသီ လၢအဖိၣ်သၣ်ခွါထီၣ်လံၤလံၤဘၣ်ဆၣ်ဒီး, ယတဆိၣ်အၢလၢၤဘၣ်ဟီၣ်ခိၣ်လၢပှၤကညီအဃိဘၣ်, ဒီးယတကျီလၢၤဘၣ်ကယဲၢ်တၢ်သး ဒ်ယမၤတ့ၢ်အသိးန့ၣ်ဘၣ်လီၤ.-
22 ဟီၣ်ခိၣ်အမုၢ်နံၤလၢအအိၣ်ဒံးခဲလၢာ်န့ၣ် ဖှံတၢ်အက တီၢ်, ဒီးကူးဘုအကတီၢ်, ဒီးတၢ်ဂိၢ်အကတီၢ်, ဒီး တၢ်ကိၢ်အကတီၢ်, ဒီးတၢ်စူၤအကတီၢ်, ဒီးတၢ်ယီၤအ ကတီၢ်, ဒီးနံၤ, ဒီးနၤ, တတုာ်ဘၣ်ဘၣ်လီၤ.